浩銘記

營業中

休息中

尖沙咀厚福街向來都是美食集中地，今天經過發現新開設一家港式小食店「浩銘記」，主打首創鴨嗲粉、招牌菜脯腸粉及沙嗲小食等，同時售賣自家製「祖師爺」辣椒油，連菜脯及香蔥豉油也是自家製，盡顯誠意；特別的是小店為 24 小時營業，確保隨時都可品嚐香港味道-🔹招牌鴨嗲粉 $48鴨嗲粉其實解作明爐燒鴨肉絲加 Q 彈米通粉配香港地道沙嗲；湯底以鴨殼熬製而成，沙嗲則以錦香沙嗲膽作基底，加入花生、蒜、洋蔥及多款香料慢火炒製而成，濃郁且微辣中帶甜，鮮味帶啖啖沙嗲香米通粉細滑掛湯且帶點彈性，口感上佳；加上鴨絲、蝦皮菜脯、炸乾蔥及蔥花，層次豐富又滋味-🔹招牌鴨嗲湯 $48解作招牌沙嗲燒鴨絲魚肉湯，同樣加入鴨絲、蝦皮菜脯、炸乾蔥、生菜及蔥花等，啖啖緊緻富鴨香的鴨肉絲，軟滑魚肉，鮮甜不會膩-🔹菜脯蛋煎腸粉 $38加入炸乾蔥及蔥花；腸粉滑嫩帶米漿味道，加上香嫩煎蛋、爽脆的輕甜菜脯及醬油，配搭上佳-🔹沙嗲蔥油辣菜脯腸粉拼盤 $46配魚蛋、燒賣沙嗲與醬油好平衡，不會搶去對方的味道，腸粉柔嫩滑溜，加上辣菜脯更添層次；港式燒賣軟糯鮮美、魚蛋帶啖啖陳皮香-🔹招牌沙嗲小食拼盤 $50包括陳皮魚蛋、燒賣、水魷魚、牛柏葉及齋；沙嗲醬

最近尖沙咀新開咗一間醒神又地道嘅24小時港式沙嗲小食店！店鋪紅色門面搶眼，仲有手繪龍圖案，充滿港式懷舊風味。師傅親手炮製嘅沙嗲醬香濃帶微辣同甜味，層次豐富，令人回味無窮。招牌鴨嘴粉滑溜米通粉吸滿沙嗲汁，配上鮮嫩燒鴨絲，湯底甘香濃郁。菜脯蛋煎腸粉層次豐富，炸蜂巢豆腐外脆內嫩，炸手打大魚蛋彈牙十足，口感驚喜。沙嗲串每串只需$12起，抵食又夠味，非常啱宵夜。店內環境懷舊溫馨，24小時隨時滿足你嘅港式小食渴望。想嘗地道又創新的港式沙嗲，呢度一定唔可以錯過！

尖沙咀厚福街開咗間24x7😂唔喺gym rooom 呀。。喺24小時營業一間港式小食店，每次經過都好多人等外賣，裡面座位唔多，不過都唔洗等太耐就有位。佢地主打車仔沙嗲美食，沙嗲串，除了有自創美食🦆鴨爹粉，菜莆煎蛋腸粉，仲有自家製辣同不辣菜莆，佢地祖師爺秘製辣椒油真係辣得過癮🔥🌶🌶我忍唔住都買番樽。個沙嗲汁都幾香，味道甜甜地又不會過辣，吃完都不會口渴全部都即叫即整個炸蜂巢魚肉豆卜 同炸鮮蝦雲吞 大大粒脹卜卜煎腸粉 外層煎到好脆，加咗葱油更加香口。招牌沙嗲鵝鴨絲米通粉 一定要食，Q彈米通，湯汁很濃郁，好多鴨絲好足料。鍾意食菜莆可以任加😂枱面有辣同不辣菜莆，仲有秘製辣椒油選擇。想讚讚店員姐姐，佢地雖然好忙，但都保持有禮👍

怱然想食吓篤篤，就去咗尖沙咀呢間24小時營業嘅港式沙嗲專門店。店主推介咗佢哋一系列自家研發新菜式：💯 炸蜂巢魚肉豆卜 - 必食之選外層卜卜脆嘅蜂巢豆卜咬入去中間係彈牙嘅魚肉 … 真係好好食！🦆 招牌沙嗲燒鴨絲米通粉 - Yum 鴨殼慢煮出嚟嘅湯底，明爐燒鴨絲 + 吸收晒湯汁嘅Q彈米通粉 … 湯底鮮香濃厚，米通粉滑捋捋味道濃郁，正！🍳 招牌菜脯蛋煎腸粉煎香咗嘅腸粉加上菜脯蛋同自家製嘅蔥油豉油又香又惹味。呢個組合係好療癒嘅港式 Comfort Food！🍢 最後就係呢間食肆嘅靈魂沙嗲醬出場 … 每朝自家炒沙嗲，味道帶甜口。篤篤選擇超多，配上呢度嘅港式街頭沙嗲，質感厚身味道香甜惹味，配上牛柏葉、魷魚、齋、魚蛋幾款索汁既小食，係港式街頭小食嘅超惹味大匯集！下次一定要再嚟encore 佢哋嘅炸蜂巢豆腐，同試埋呢度嘅招牌炸小食：🥟炸鮮蝦雲吞同🍡炸手打大魚蛋。

有時口痕，想食啲濃味嘢，今次食呢間尖沙咀24小時營業嘅沙嗲店😆招牌鴨嗲粉有幾片燒鴨件，Q彈米通粉口感都幾特別，滑身小彈👍🏻 加咗個沙嗲汁落去撈咗之後，食落沙嗲香味夠，本身有菜譜，撈落都幾好味，無想像中咁濃味，佢個汁係偏湯多少少🤏🏻小食拼盤當中有魚蛋、燒賣、牛柏葉、水魷魚、齋，滿滿一兜，樣樣都有少少，味道尚可☺️整體我個人覺得偏貴，不過喺尖沙咀地段，又要開24，定價上可以理解。除非你好想食呢類Comfort food，如果要當正餐嘅話，一碗粉份量就未必夠，建議叫埋小食就會滿足🫢 喺呢區確實好難得有呢啲特色小食👏🏻老闆話佢哋出嘅辣椒油係最熱賣，下次堂食再試吓，堂食都有少量座位。朋友見到我哋買，佢哋都買咗嚟，都話okay😉

睇到介紹而去，行咗兩轉，第一轉超多人排，冇買，今日再去，冇乜人，就買咗，點知原來係伏！外賣咗幾樣食物，四粒炸手打大魚蛋要38蚊，打開個兜，長條形仲幼過平時小食檔一串串嗰啲！就算話圖片只供參考，但爭咁遠真係太過份！50蚊沙嗲拼盤，個汁勁甜，微辣，一啲沙嗲味或花生味都冇，唔明點解沙嗲汁會係甜，總之難食。介紹仲話之前唔知咩展銷會上大獲好評，難以置信。38蚊菜脯蛋腸粉，只能講極普通，蛋唔知有冇一隻，只有一啖左右，腸粉亦好實好硬，豉油只俾咗一小兜，完全唔夠。街邊小食質素都冇，但收酒樓價，差。同場加映，見到應該係碌卡機，問可否Paywave，收銀嗰位乜都冇答，隻手伸去牆最埋邊張貼紙指下，似係表達「自己睇」，真係有禮貌。等攞食物時見到有貨送入店，兩大箱一盒盒似酒樓定燒味店嘅外賣膠盒，入面好似係已煮嘅鴨件，用黎整鴨嗲粉之類？總之個feel有啲怪，啲鴨肉絲唔係自己煮，係現成撕開only？

尖沙咀厚福街搵食，冇食過「浩銘記」嘅招牌鴨嗲粉同埋菜脯蛋煎腸粉，真係唔好話去過厚福街😂，新開張冇幾耐，已經超爆人氣，每晚大排長龍，之前喺Complex Con已經大受歡迎，實體店更加不得了，而且仲係廿四小時營業，早午晚餐、下午茶、宵夜，隨時隨地都食到咁正嘅港式味道！招牌鴨嗲湯用上鴨殼熬湯，加上小店研究多時既港式沙嗲，味道係以前細個喺戲院門口手推車嗰種風味，你話正唔正，配上各種串串，例如魷魚、牛柏、齋、鵝腸和燒賣等等，加上大量沙嗲汁真係好味道到癲，另外三款炸物都係必食，尤其係炸蜂巢豆腐，豆腐反轉再包住魚肉炸香，酥脆到不得了😋除咗沙嗲靈魂醬汁之外，「浩銘記」自家研發蔥油豉油、蝦皮菜脯、香辣菜脯，當然仲有香港最好食嘅「祖師爺」辣椒油，沒有之一我話嘅，醬料配合各款美食，真係將味道昇華到極致▪️招牌鴨嗲粉 $ 48湯底用上鴨殼熬湯，再加上香港地道沙嗲，明爐燒鴨肉絲每日新鮮人手剝製，配上吸晒汁湯汁Q彈米通粉，再加埋蝦皮菜譜和香蔥，真係好食到黐線▪️招牌鴨嗲湯 $ 48生菜魚肉變奏版，即是沙嗲燒鴨絲魚肉湯，這個鴨殼沙嗲湯底，配上新鮮鴨肉絲、魚肉湯和生菜，超惹味，又是另一種風味，一樣好食▪️招牌菜脯蛋煎腸粉

尖沙咀新開店, 主打港式沙嗲, 行過有位, 立即坐低試下, 唔好蝕底, 好在味道都唔錯, 可以一試 食物 : 招牌鴨嗲粉 $48 ~ 是主打就一定要試下, 沙嗲味道幾濃, 鴨肉絲唔會好柴, 米通正常唔算好Q彈, 重點是一定要加菜脯, 枱面就有, 菜脯好好味, 唔加就笨 招牌沙嗲燒鴨絲魚肉湯 $48 ~ 只是米通改咗魚肉, 魚肉口感正常 菜脯蛋煎腸粉 $38 ~ 好好食, 腸粉加蛋煎得好香, 是最大記憶點, 推薦 飲品 : 忌廉 $12 環境 : 小店比較擠迫, 但都算乾淨 服務 : 店員有禮貌 費用 : $156

網上見到浩銘記試業緊，主打港式沙嗲風味（雖然我冇入沙嗲關注組😅），心動不如行動，約埋朋友去食。餐廳一入門就感受到濃厚嘅港式風情，有少少十八座狗仔粉嘅既視感。咁我哋坐喺鋪嘅最入面，而鋪內通道都有少少少少少少迫，僅僅夠一個人行，咁啱又遇着今日成條街局部性停電冇冷氣（係有燈），成身熱辣辣咁樣食緊一碗熱辣辣（吹一吹都可以食到）嘅招牌鴨嗲粉🙂‍↕️食到標晒汗…希望下次唔會再撞正相同嘅情況。走嗰陣職員都同我哋講咗聲唔好意思，btw我知停電冇人控制到🫠🫠如果今日有得揀，我都會外賣。但值得一提嘅係呢間鋪頭開24小時，以後凌晨食嘢又可以多一個選擇。

Walked past and went in to try during its soft opening. Ordered their signature arp de fan (招牌沙嗲燒鴨絲米通粉) and their Shallot Oil Radish With Chee Cheong Fun Platter (爆香蔥油菜脯腸粉拼盤) to share. The satay rice noodles were smooth and favourable. Generous amount of roasted duck slices.Whilst the fish balls and cheong fun platter was a bit of a letdown. Fish balls were the cheap chewy type with strong dried tangerine peel flavours that I am not a fan of. The cheong fun were also obviously the inferior kind