浩記甜品

11點走去食糖水，成條街都冇乜選擇。係唯獨是呢間糖水店仲開門。 空間唔算大，但係都有好多食客。有好多芒果，芒果比重比較多而且太大粒，有啲甜有啲酸西米露煮得啱啱好大大粒唔硬唔軟芒果汁鋪滿成隻碗顏色鮮艷，味道甜甜地，但係夠凍食完好Fresh，食完都唔會覺好頸渴。 甜美適中。主角係楊枝甘露，甘露係甜的，而且夠大粒可以用牙齒拍爛佢。整體嚟講成碗嘢好refresh，都有好多材料。$35一碗價$合理! …查看更多

每星期一晚打完波我都去浩記買個芒果西米露小丸子外賣，番屋企打開，真係嚇一嚇，係正常有三舊芒果，但發現個芒果汁極少，全碗都係西米，齋食無味既西米，最後掉左🤬如果為左控制成本，搞到質素咁差，咁唔老實，仲收40幾蚊，好難再去幫襯，希望老板見到反醒下，比d良心…………………………………………………………………………………查看更多

香港好少好食嘅糖水，我哋就特登去咗香港仔呢間糖水舖試佢啲糖水佢好食到我哋嗌咗四個甜品桑寄生蛋茶唔係太甜藥材味都唔係太濃，但係都唔錯。喳喳都非常之好食好重料芒果涼粉加小丸子都非常之好食，一定會再嚟試其他嘢…查看更多

第二次叫外賣食，印象中第一次食既味道還可以。今次都係買外賣。食芝麻糊，芒果西米露。芝麻糊，食左兩啖就要放棄，因為凝固度太高，有如英泥沙一樣。同個人口味不夾。另外佢都有芝麻味，不過同正常既有啲分別。帶點燶味，唔知係抄燶左定係痴底。芒果西米露。本以為係一種非常容易煮既糖水，點知佢能做到，芒果味，糖水味。西米味完全分開，非常難得，最後食幾啖，連相都無影就棄掉。小插曲，俾錢時聽到老闆和店員呻，有客人打電話嚟要求退錢，開頭唔為意，直至食完之後就明白一切。總結，要試既朋友，希望你愛惜自己銀包。…查看更多

今晚第二次試呢間甜品點。但勁失望。上一次試，已經覺得只係一般，但仍抱有希望，可能一次失手者。今晚天氣凍凍地，決定俾個機會再試一次。叫左一碗熱豆腐花、一碗熱生磨芝麻糊。但發現豆腐花不夠滑、芝麻糊較稀、落糖水補救。所以，我覺得同呢間舖既名氣比，真係試一次就夠，好多甜品舖更好吃。…查看更多