浩記甜品

營業中

休息中

周末想出街行下食下消夜，去九龍城搵食度度都排隊又冇泊車位，就轉戰土瓜灣。上網見大家都推介浩記，仲係連續幾年米芝蓮就一於去試下啦，又勝在唔洗排隊。入到去係傳統家庭式經營的港式糖水鋪，店面都算大。炎炎夏日，雖然傳統式糖水比較出名，但我同老公就叫左芒果小丸子豆腐花同楊枝甘露，想refresh一下。冇幾耐兩碗糖水已經送到面前，試左第一啖芒果小丸子豆腐花，少少失望，想像中應該係細個許留山食到個種帶沙冰狀的芒果汁，但芒果味未有都非常鮮甜，所以每啖小丸子都變得非常淡味，豆腐花也繼而食之無味。芒果也切得頗大一舊，成碗糖水就變左3個單獨的味道，缺少了融和的味道。楊枝甘露的西米都幾大粒，味到一樣偏淡，沒有甚麼驚喜。對於米芝蓮，我同老公係有點不解，可能強項只限於傳統芝麻糊、桑記生蛋茶之類．．．． 唔洗等，住得近，夜媽媽又想食糖水係可以選擇呢度，山長水遠跨區黎就未必需要了。

自從上環正街嗰間，源記甜品店結業後，揾食肥華就食唔到一碗，合心意的，桑寄生蛋蓮子茶，近日得知呢間，座落土瓜灣獲米芝蓮垂青嘅甜品店，有呢写款肥華和靚媽至愛糖水供應，事不延遲在8月9日，肥華即拖靚媽去此店，品嚐此久違至愛。過此店呢碗，桑寄生蛋蓮子茶，嘅水準真喺同(源記)有天淵之別，個桑寄生茶底無味，隻蛋又浸得唔夠時間，啲蛋肉仲喺白色嘅，成碗嘢唯一可取就喺啲蓮子，尚算食得吓，整體嚟計此店呢碗桑寄生蛋蓮子茶，真喺唔食好過食。而今日肥華在此店，卻又食到碗比在新蒲崗另一間，米芝蓮名店(華園甜品店)個碗鎮店名物芝蔴糊，更出色嘅芝蔴糊，所以今餐肥華俾。⭐️⭐️⭐️

入到去地方算大，乾淨企理，坐低後更感受到傳統糖水店嘅味道。餐牌上選擇果然是傳統糖水居多，好多款都是我由小食到大嘅糖水。試過好幾款糖水，味道及火喉都唔錯，甜度對我來講亦剛好，很有在家煮的味道。而且非常足料。除了傳統糖水外， 亦見到有楊枝甘露， 三色芋圓小丸子等嘅選擇。不過依我所見大多數客人都是吃傳統糖水較多。《蓮子桑寄生蛋茶》 很熟識嘅味道，雖然唔太難整，但已經很少地方可以食到。 隻雞蛋煮到入晒味。《馬來喳咋》 《楊枝甘露》 加 三色芋園

📍 街坊格局 星級水準 禮拜五晚特登過嚟土瓜灣試呢間連續3年拎米芝蓮一星嘅「浩記甜品」，鋪頭睇落平平無奇，但食完先知咩叫平民糖水王者！ 🥥 椰汁紫米露- 🟣 紫米煮到超綿密，一啲都唔硬芯 - 🥥 椰汁香濃唔假滑，甜度剛剛好 🥭 芒果紫米露- 🌟 全晚MVP！紫米底吸晒芒果香 - 🥭 呂宋芒果肉甜到爆燈，同泰國食到嘅一樣咁正 - 完全冇罐頭芒果嘅假甜味 🥭 芒果西米露- 大粒西米煮到透明啫喱狀，咬落超Q彈 - 🥭 芒果汁係鮮榨feel，飲到尾都唔膩 - 💰 $33蚊碗抵食過連鎖店 - 芒果每日新鮮揀，唔用罐頭貨 - 甜度控制完美，食完唔會口渴 🪑 環境服務 - 舊式街坊鋪得十幾個位，但乾淨冇曱甴 - ⏳ 平日夜晚8點幾唔使點等位 📝 爆燈總結 👍 必食：芒果系列全部滿分 💰 性價比：$91/3碗仲要米芝蓮，抵到爛 🌟 回頭率：會專程過嚟encore！

之前嚟過幾次都試過唔同嘢，今次試芝麻糊。上到嚟芝麻糊色澤閃亮，但係黑色唔深。 入口芝麻味還算有，但就偏甜。 撇除開對甜度嘅喜好程度關乎個人口味既問題以外，佢嘅甜係影響咗芝麻味唔出 （除非佢本身真係唔夠芝麻味啦）。 至於質感，雖然冇芝麻未磨夠嘅粒狀，但係整體質感有點粉漿。 而且有部分疑似搞唔勻結成咗一舊粉團。其實之前試其他糊類，都有相似感覺。 亦即係質量比較粉漿，而味道偏甜，以至於原來嘅芝麻、合桃、杏仁等味唔夠特出。如果以街坊糖水舖嘅標準嚟講，我覺得都可以啦，食得開心就好。 但如果話呢個係米芝蓮水準的話，咁只能夠懷疑係咪米芝蓮評審冇食過傳統中式糖水。

快靚正、選擇多、質素好、實而不華、服務態度好。希望多啲人幫襯，支持小店。即使要求每碗貼上款式名稱，都預期做到。今日整天下大雨，仍能準時送上。所以希望繼續有機會幫襯！

小店由一對老夫婦主理🍨【楊枝甘露】🍨這碗楊枝甘露簡直是夏日救星！🌟 濃郁的芒果香氣撲鼻而來，搭配酸甜的西柚果肉，口感層次豐富～🥭🍊 西米Q彈有嚼勁，椰奶的香甜完美融合，每一口都讓人幸福感爆棚！💛 冰冰涼涼，超級解暑，絕對是甜品界的王者！👑🥣【芝麻糊豆花】🥣這碗芝麻糊豆花簡直是經典中的經典！✨ 芝麻糊濃郁綿密，香氣十足，入口即化～🖤 豆花滑嫩細緻，搭配芝麻糊的濃厚口感，簡直是天作之合！💕 甜度剛剛好，吃完後嘴裡還留有淡淡的芝麻香，暖心又滿足！🔥 傳統甜品的魅力，果然無法抗拒！💯

這間店的體驗真是令人失望，從服務到食物都完全不及格。首先，服務態度極差，員工對客人毫無禮貌可言，感覺像是應付差事，完全沒有讓人感受到基本的尊重和熱情。其次，堂食的糖水質素非常低，特別是芝麻糊，完全沒有芝麻應有的香氣和濃郁口感，喝起來就像是白開水裡隨便加了一點糖，味道單薄得令人懷疑是否真的用了芝麻來做。整體來說，無論是服務還是食物，都與期望差距甚遠，這樣的體驗實在不值得再來第二次，更不會推薦給朋友！

係土瓜灣食完晚餐特登過嚟，見行過黎唔遠就試下呢間傳統糖水店價錢合理門口仲貼有米芝蓮認證，難怪都唔少人幫襯冇華麗裝修，簡簡單單一間小店環境乾淨企理，位置都唔算太多糖水款式都幾多糯米麥粥細個去酒樓飯後甜品通常都有佢，唔知點解越來越少見，就連糖水舖都少見左佢蹤影每次依家見到都會必叫，成件事好懷舊麥米口感好好，仲有好多花生好足料，又唔會太過甜生磨合桃糊好濃味，都幾杰身重點唔會太甜，好味下次會再黎試下其他先得！

呢間中式糖水舖以前係旺角細舖個陣已經幫襯開，一段時間冇幫襯過，原來佢靜雞雞搬咗去土瓜灣，仲要係細鋪搬大鋪，越做越大👍🏻海帶綠豆沙呢隻顏色一啲都唔似綠豆沙，食開D綠豆沙雖然深淺程度唔同，但都真係綠色，反而呢隻就係偏啡色，但係千祈唔好俾佢嘅顏色影響，其實係因為佢連埋陳皮一齊煲，所以隻色會咁與別不同食落去真係啖啖沙，陳皮份量都唔吝嗇，回甘味濃，就係呢份回甘，令到本身晚餐已經食到好飽嘅我，都忍唔住食多咗幾啖，停唔到口

Had some visitor in town and brought them to this dessert place for some traditional and also new style desserts. We were here last time for the house made black sesame, almond dessert which were my favourites, so this time we ordered something different; 綠豆沙 green bean dessert, 紅豆沙加湯圓red bean dessert ，芒果西米露mango sago (and another mango dessert)， 喳喳mixed beans dessert and 桑寄生茶 (I think it’s a herbal tea). Everything was very nice, and the space was spacious, we were lucky there aren’t many cust

好耐之前嚟到呢間舊式糖水舖頭已經覺得好好味，雖然地點唔係我成日經過嘅地方，但係有陣時都會念念不忘掛住佢。今日同朋友喺附近食晚餐，咁我就諗起啦，我一定要帶佢嚟呢度食糖水。呢度嘅懷舊款式非常之多，而且味道非常之好。以前細細個嘅時候好鍾意食番薯糖水，所以之前嚟到呢間舖頭我都係專一，每一次都係叫番薯糖水。隔咗一段時間開始冇咁鍾意啦，所以今次決定嗌第二款，今次揀咗凍嘅木瓜燉雪耳清甜好味，而且啲料多到走晒出嚟。仲有呢一碗黑白就係芝麻糊加豆腐花，亦都係傳統糖水舖先有嘅特色。

心血來潮，聽聞呢間糖水舖好好食，所以即刻揸車落去買，喺車嘅途中，諗住上OpenRice app點餐，點知撳得來都差唔多到，所以就放棄咗用app點餐，直程去到先買，去到之後買咗一碗馬蹄沙同埋合桃露，我睇餐牌係$50 ，馬蹄沙$24 ，合桃露$26，但係佢收我54 ，我問點解會有$4 ，佢話外賣係要加一個喎🙄🙄我話OpenRice app都係$50 ，仲要有九折，冇折唔緊要，點解仲要+1 ，跟住佢黑口黑面咁行咗去，因為佢已經收完錢，真係奇聞，我未聽過外賣要加一，不過見既然一場嚟到，就買返去試吓，雖然係好食，但係一定唔會有下次，態度差，外賣仲要+1，離晒譜😡😡😡😡😡後尾返到屋企諗諗吓都唔知係點計條數出嚟$50 +1點會係$54

不是第一次吃，什至吃過十次都有，真心推介，HK$28一碗不用自己煮、洗碗，超值的「蓮子桑寄生蛋茶」———亦是這間舊式糖水店的招牌款式。少有地方有桑寄生，以前要在娘家才喝到，街上也有太方便了。是中藥的味道，但我不會覺得苦，只要想到好處就想喝多碗了。尤其女性養生，對子宮有莫大益處，有些人子宮鬆弛、習慣性流產，飲用也有好處，備孕或懷孕女士也適合，有安胎作用。男女皆適合飲用，所以老公每次也陪我喝一碗。補肝腎，關節痛、腰膝酸軟無力去飲碗吧！

喺土瓜灣食完飯，天氣凍，未夠喉，想食碗糖水。今次我就去咗浩記甜品。星期六晚堂食外賣都好旺，不過等一陣就有位。由糖水款式，到鋪頭裝修格局，都同一般港式糖水鋪差唔多。今次我就試咗蛋白燉鮮奶、生磨杏仁糊同埋薑汁桂花湯圓。生磨杏磨糊非常香，大家可試試。薑汁桂花湯圓方面，我就鍾情傳統黃糖薑茶底，薑汁桂花就唔太適合我，芝麻湯圓就好好食！蛋白燉鮮奶都唔錯，口感好滑，甜度適中。大家下次係土瓜灣食完飯就多個糖水選擇喇！