浦和日本料理

營業中

休息中

上環區高質日式放題～浦和日本料理極上放題⋯⋯⋯⋯⋯⋯⋯⋯⋯⋯⋯⋯⋯⋯⋯都有好一段時間冇嚟刺身壽司天婦羅一品料理日式沙律小食以至shabushabu/ 壽喜燒所有食材 keep 到一樣咁新鮮最好係Sake梅酒啤酒甜品都包埋可以飲到夠為止～

相信很多人經常去吃日本放題，但食物的種類，多元化及新鮮度會影響你會否再去光顧。這一間食日本菜的店位於上環地鐵站側，非常容易到達。踏入食店要走下地牢，有很多卡位，每卡位可以坐6人，你可以選擇自行點叫食物或放題，放題也有不同價目供選擇，我和朋友點選了每位498的一款，我的朋友是無酒不歡，所以便叫了一支梅酒，飲品是無限供應的，拼盤是奉送的，生蠔有成人的手掌般大，所以一入口，大大的蠔肉和帶海水味的汁一口氣充滿著你口腔，很是滿足，拼盤還有蝦，蟹 ，海膽等，但海膽份量就很少，由於有朋友不吃生蠔，我們叫了一份用蛋煮熟的生蠔，各取所需，刺身有不同種類的魚，味道新鮮，我們也叫了不同的壽司，較特別的是叫了白果，味道不太苦，第一輪我們衝風式的吃了很多款食物，有炸南瓜，芝麻雞翼，天婦羅蝦，惹味的燒牛舌，甜甜的薯仔，釀蟹蓋，金菇菜，秋刀魚，多到都記不清了。之後大家再點選第二輪的食物，這次我們叫了燒鰻魚，炸雞軟骨，菠蘿，魷魚等，也重覆叫了壽司，總之是唔比佢停下來，最後我們叫雪糕了，這裡的紅豆雪糕是自製的，所以一定要試，我們每人叫了綠茶，芝麻和紅豆雪糕，去作為今晚放題的結束。雖然是星期四，但客人的數目也有八成，喜歡

2022伊始，加上鄙人牛一，自然有藉口大擦一頓。這次更選擇一嘗夙願，去上環試試那個中拖羅仼食的殿堂級放題。雖說是「試」，但店子已不是第一次光顧，不過以前沒有「殿堂」咁豪就是了。店面好像有裝修過，整個氛圍較印象中暗，感覺高雅了。入座後，向招呼的店員說明吃放題，三本不同的餐牌隨後便被送到席前。雖說「升級」已包括「精選」、「極上」又包括「升級」，店方還是製作了三本不同的餐牌，而且點餐不是「剔紙仔」，而是向店員下單。這些都減低了「流水作業」的味道，感覺比較有級數。心裡有了疑惑：只有三款？那麼今次我們屬意的「殿堂」呢？當我向店員詢問時，店員稍為一怔，便從工作台上取出這一本，放到桌上，氣氛帶點莊重，甚至有「神聖感」！當我再找店員 (原來是經理) 詢問時，得到的回答是：「這是我們的單點餐牌⋯殿堂放題除了海膽等少數食物外，可以隨意點選餐牌內的任何菜式。」聽到這個答覆，人當堂精神抖擻起來！真是新一年的一個驚喜：三個小時，我倆可以拿著一本A-la-carte Menu，喜歡吃甚麼點甚麼！是不是很神氣？心中的興奮和期待馬上提升三倍！事不宜遲，從頭到尾掃一次餐牌！(因鄙人未夠「呢」，只能放30張照片，整本單點

一行人7位食放題，第一次試上環呢間浦和地點好易搵，上環地鐵站A1出口一出轉左，唔使10秒就到，幾好因為提早訂位，所以餐廳畀咗間VIP房我哋，類似日本和式嘅間格，要除鞋先入得，可以關門，好有私隱，講嘢大聲啲都唔怕影響到其他人我哋食無限時極上放題，由6PM直落食到11PM，坐足5個鐘，冇限時真係幾爽食物放面，都幾多選擇，我哋嗌$498/位極上放題，入座就按人頭送一盤海鮮刺身，有生蠔、海膽、鮑魚同其刺身等，全部都好新鮮，不過就只有第一輪有送，之後冇得再叫不過之後食物都唔錯，佢哋除咗刺身、壽司外，仲可以食日式火鍋，啲牛肉同豬肉都幾好味，唔會因為放題將貨就價炸物，例如炸雞翼都好香口，每隻都炸得卜卜脆最重要係個餐包酒類任飲，同行朋友添咗四，五次清酒，真係乜都抵返不過有一點可以改善，可能人手唔太夠，上菜會比較慢，呢點要注意返不過以呢個價錢可以食到水準唔錯嘅食物，任飲酒類，仲可以任坐唔嬲，真係超值

今日突然間好想食shabu shabu，難得黎到上環就當然黎呢間啦日本料理食午餐啦😊 佢個午餐Menu好豐富，有壽司食啦，shabu shabu就梗係有啦，仲有鰻魚飯同埋比目魚飯等等，所有嘢都好想試吓添😆😆我就叫咗個牛肉shabu shabu，佢個份量真係好大！！我覺得適合兩個人食添！😂😂😂 佢呢個餐仲配埋三件三文魚刺身，食完覺得超飽🤣🤣另外都試咗佢個比目魚飯，個比目魚整得好好食，好香口，分量就一定冇shabu shabu咁大啦，不過就一定夠一個人份量😆午餐仲配埋一碟沙律、一杯飲品同埋甜品，食完好滿足😊 價錢都好合理呀😊

以後唔會再食！上食物速度極慢！食物就如配合！唔明點解youtuber仲極力推介！食物質數一般之餘，你寫要食物的件數，永遠不是你所選的。飲品選擇少，食物選擇少，想食雪糕也是另計的。

因為疫情嘅關係而家浦和做埋外賣自取雖然款式唔算好多但係有牛有豬有魚又有刺身揀仲要有五折優惠 其實真係幾唔錯第一次試左三文魚親子定食係好食嘅！啲魚子好新鮮又大大粒第二次試咗鹽燒鯖魚定食就正正常常不過重點係佢跟餐個湯真係好！鹹！個湯都有啲海帶呀 魚肉絲呀咁嘅但鹹到我除咗覺得鹹之外都無乜其他評論😂😂希望佢個湯可以唔好再咁鹹 咁就perfect啦

選擇左最貴果款放題，由1230入座等到1.44先食左3碟野，當中包括送既刺身.6舊壽司，一碟雞泡魚乾。係依個餐廳食嘢根本係浪費時間同生命。如果係under staff 或者唔好offer 放題？

開喺地下嘅一間餐廳，中午去食飯，人比較多，而且環境比較暗。中午設有午市套餐，而且款式都幾多，有前菜、主菜、甜品同飲品，叫左個烏冬套餐同埋雞扒飯套餐，其實分量都算幾大，食得都幾飽，味道方面就不過不失，甜品太細份了，就一粒小糯米糍。

浦和日本料理餐廳是一間食日式放題的餐廳, 她的美食款式很多, 魚生刺身,海膽都算新鮮. 是一間很抵食的餐廳. 在荃灣區內相當有名氣.去一坐低就點刺身先。好快就上枱，味道都唔錯，又唔會好薄切。跟住再點啲炸物都幾脆。燒物有啲就唔太好味。員工服務唔錯。總括黎講得閒可以再黎食。

平時喺外賣平台叫野，正常嘅餐廳都會有正常嘅份量。價錢都公道，份量亦都正常。好可惜外賣平台冇得睇評分，如果唔係呢一間嘢肯定係一星。叫咗一個價值$200嘅壽司拼盤，總共有三舊卷物，同六舊壽司。仲要唔係啲乜嘢特別好嘅壽司，我相信係因為外賣冇得追究所以專登比得非常少。咁冇良心做生意嘅餐廳，希望大家都唔好支持， 外賣平台見到都唔好嗌。好想po相，但OpenRice 個app有bug。

與朋友相聚，揀咗嚟呢度食放題。質素都OK，個價錢唔算係好平。我哋揀咗$388 果款，食物款式都算多。較為特別嘅係可以打邊爐！有幾款湯底嘅選擇，我哋揀咗龍蝦湯！都唔錯！牛肉嘅質素都算ok, 我個人都幾喜歡蟹棒！梅酒都係任飲要扣分嘅就可能係海膽，味道不好。但係大牡丹蝦質素高！亦都夠新鮮！七味粉雞翼唔錯，天婦羅就普普通通芝士焗蠔唔算好大隻，味道都係普普通通燒菠蘿非常出色羊架唔錯！蟹粥如果熱啲會好啲！朋友仔好欣賞炸榴槤！不過唔啱我！焦糖布丁總括來講，呢度好近地鐵站，好方便。適合大班朋友一齊食，好熱鬧。食物質素係OK嘅，$388加一，如果大食嘅朋友，會覺得值回票價。女仔比較細食～ 無論如何都可以接受嘅。店員都好有禮貌，有一位叔叔好殷勤幫我哋加水，換碟。唔該晒

超好味，抵食，服務好，服務周到，送餐快，招呼一流，同客人有互動，食物好食抵食大件又好味，食過返尋味，服務員殷勤快捷，買單速度又快，落單速度又快，值得推介，我會無限次再來

今次要介紹既係位於#上環 嘅日本料理餐廳 (貴貴地🙈但好食既😋），我其實已經食過幾次，但食過都返尋味。所以今次要寫返個食評黎紀錄下。疫情關係，大食妹之前已經比呀媽係屋企#禁室陪食 多日🥺，心中念念不忘呢間嘅#壽喜燒牛肩肉雜菜鍋 🥺所以終於忍唔住，同呀媽講 #今日有LUNCH會議呀 #我唔帶飯返公司食啦🙅🏻‍♀️一到Lunch Time, 我二話不說就狗衝去！但一衝入門口，店員就即將截住我😨，叫我出返黎。。。下？咩事呀？🤥原來係指示我去量返掌心體溫先，嚇死人咩！🥺跟住再老點你行落多層，入面嘅裝潢走暗黑格調路線 紙醉沉迷 #有少少浪漫咁🙈 #但今次係同同事黎食😟 入面都好大，坐得幾舒服☺️一心係黎食 #壽喜燒 所以梗係叫返 #壽喜燒。價錢盛惠HKD178🤭，午市免加一呢個套餐包左6樣野, 所以覺得都OK😚1. 前菜-XX沙律 （今次係蟹柳沙律，有時係栗米，有時其他）2. 大大份雜菜鍋😍3. 牛肩肉😍4. 3塊肥美三文魚😍5. 迷你雪糕糯米滋6. 一杯野飲- 叫左杯#熱柚子蜜 呢間仲有好多唔同類型嘅午市定食，放題，食材新鮮，份量夠大，唔會怕食唔飽，嘻嘻🤭係就係貴左啲，但一星期一次，對自己好啲唔好

上環的浦和日本料理提供午市定食，其中一項便是「壽喜燒牛肩肉🐂雜菜鍋配御飯及三文魚三片」，雖然不是正宗的壽喜燒，可是吃起來依然覺得很幸福💕前菜有沙律菜🥗和麻醬豆腐，接著是三文魚🐟刺身，很新鮮，口感柔嫩。再來便是主角雜菜鍋和牛肩肉，肉切得很薄很薄，放入鍋內涮幾下，沾上蛋汁🥚和醬油放入口，那種滿足不是單用語言能形容呀🤤能在工作日的午膳時間吃到如此豐盛的壽喜燒，大滿足！