91
30
27
港鐵上環站 A1 出口, 步行約1分鐘 繼續閱讀
電話號碼
28508226
開飯介紹
有多款火鍋及日式放題組合的選擇,提供刺身、壽司、炸物等,並供應冷熱燒酒。 繼續閱讀
營業時間
今日營業
11:30 - 15:00
17:30 - 22:00
星期一至日
11:30 - 15:00
17:30 - 22:00
付款方式
Visa Master AlipayHK 支付寶 現金 AE 銀聯 微信支付 OpenRice Pay
其他資料
網上訂座
餐廳運作模式 - B類
Wi-Fi
酒精飲品
VIP房
電話訂座
賞訂座積分
加一服務費
當面支付
有關獎賞計劃
食評 (189)
等級8 2021-09-23
1594 瀏覽
今年真喺食元餅唔多,除咗之前友人送嘅、老婆公司送嘅,其次就喺同家人中秋聚一聚時,交換吓啲月餅嚟試試。不過,仲有一盒喺贈品嚟,不過,一直未開,中秋翌日放假,就開嚟當下午茶。月餅嚟自「嚐 · 高美集團」嘅出品,可以到旗下餐廳換取,最近我返工點就喺過嚟試上環「浦和」拎,順便借個版位出篇食評。產品嘅名稱為「嚐味•秋夕月餅」($268),包裝非常高貴得體,仲附送一小盒四季春茶葉,啱晒跟月餅一同享用。 盒內共有3款口味月餅,包括流心奶黃月餅、京都宇治抹茶月餅、蛋黃白蓮蓉月餅,每款兩個,都喺必然嘅獨立包裝。個個都屬於迷你裝,正好一次過兩公婆樣樣都試試,又唔會搞到太滯肚。 迷你流心奶黃月餅流心加奶黃,算喺依家大流行嘅款式,因為唔似蓮蓉咁甜,口感綿密富蛋香。加上有啲蛋黃流心餡,自然相得益彰,而呢個做出嚟有水準喎。迷你京都宇治抹茶月餅夠膽註明用上京都宇治抹茶,當然唔會差得去邊,睇見色澤墨綠,而入口抹茶味非常濃郁,後績嘅餘韻帶微甘,整體又唔太甜,幾好食。 迷你蛋黃白蓮蓉月餅呢一個就傳統款式,白蓮蓉好清香,算少甜版本,餅皮鬆化,唯一要挑剔喺蛋黃嘅油水麻麻,望落都見唔太起油,然而,整體味道算唔錯。正所謂人月兩團圓,今年中秋算好天氣,月亮伯伯都又亮又圓,加上疫情緩和好多,市面嘅氣氛都唔錯,但願風調雨順、國泰民安!  繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-12
3085 瀏覽
之前父親節去咗呢度食$498「極上放題」,呢個價錢可食足4.5小時,真係幾抵😆而且仲另送5款刺身拼盤👍🏻🇯🇵刺身拼盤每人都可享牡丹蝦、海膽、廣島蠔、鮑魚及赤貝刺身各一,所有刺身都好新鮮,樣樣都好鮮甜,連平時唔太好刺身嘅屋企人都大讚👍🏻🇯🇵刺身/ 壽司超長嘅海鰻壽司加上鰻魚汁,正👍🏻蟹棒屬正常發揮,味道ok😋仲有其他刺身或壽司都好好食,特別係芥辣八爪魚軍艦,已encore咗幾次😋🇯🇵火鍋估唔到放題仲有得食shabu shabu😍我哋揀咗壽喜燒湯底,牛小排好高質,雪花比例均勻,雖然無高級和牛嘅肥美,但牛肉味非常濃,好好食;黑豚腩肉亦好靚,肉味濃郁,其他火鍋嘅配料亦處理得好乾淨又新鮮,有別於普遍放題嘅質素,值得推介👍🏻🇯🇵小食/ 串燒鹽燒喜知次一夜干魚香十足, 唔會太硬太干,少少脆得嚟又有口感;鹽燒牛舌串超好食,軟嫩爽口;和牛串脂味芳香而且牛味又夠,我估唔係A5都應該係A4👍🏻🇯🇵整體好多放題嘅素質都會令人卻步,係眾裏尋他可以搵到呢間放題餐廳真係好好彩,食材不但新鮮而且唔求其,各方面都乾淨衞生👍🏻本身如果唔係屋企人想食放題,我唔會主動去食,但呢間放題我係會推薦👍🏻 繼續閱讀
(以上食評乃用戶個人意見 , 並不代表OpenRice之觀點。)
等級2 2021-10-16
0 瀏覽
今日同屋企人慶祝生日,book左上環呢間放題,平時係附近返工經過見到lunch set都唔平,但夜晚放題又ok。佢有幾個價錢既,我地一行9個人揀左中間價錢$4xx,因為預計我地總消費額過$3500,所以店家比左間房我地,坐得舒服講野大聲啲都唔怕😂每人都會送啲頭盤,其實即係刺身,因為我地人多所以超。大。盤。 除左一般三文魚同帶子之類既刺身之一,仲有鮑魚,海膽,生蠔🤤 不過好似係季節性,下次來未必係食呢啲。之後都係一般放題既野,都幾高質,甜品都多種類,有蛋糕,雪糕,啫喱,雪條,雪米糍etc。另外就係好難得放題會有焦糖布甸,我叫左一個,都唔錯。overall 啲野都唔錯,係唔知點解個燒茄子由第一round order 到最後一round都未到,唔知係賣曬定點,冇人通知。總括來說,下次多人聚會既時候我會再去。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-10-14
0 瀏覽
經外賣平臺叫咗嗰「雜錦魚生粒粒壽司飯」($125)。佢係午市定食套餐嚟,隨餐仲有嗰沙律、甜品同嘢飲。 首先講嗰沙律。沙律冇乜特別,有沙律菜、粟米粒同蘆薈。但係甜品都擺埋係入面,就有啲奇怪,因為啲麻醬會掂到份甜品,搞到一甜一鹹咁。 跟住係嗰魚生飯。啲魚生份量其實唔少,而且都算好大碗飯。但係魚生普遍都係偏腥,隻蝦仲有少少梅,唔係太新鮮咁話。跟住啲飯明顯落得太多水,會癡埋一舊舊,好似食粥咁。 整體而言,呢個質素嘅魚生,比較似係日式街頭小店嘅水平,基本上可以話唔值$125,都幾失望下。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-10-08
40 瀏覽
已經係第二次食浦和嘅放題, 感覺幾好有保持到質數. 放題分4個級數, 上次食過第2級(升級). 今次食第3級(極上), 各方面刺身熟食火煱配料飲品都各多幾類選擇, 食物新鮮都多選擇. 飲品有指定清酒梅酒啤酒紅白餐酒任飲(非常正抖). 選擇咗由17:30 ~ 22:00無限時任飲食, 所人HKD468+10%, 有長者優惠HKD388+10%. 服務總括幾好, 餐樓服務同事非常肯幫忙. 不過忙嘅時候出餐都要等得耐, 但可以接受, 如果升級為電子QR code落單就更好更方便. 交通都方便, 地鐵站隔離. 會再幫襯推薦比朋友. 繼續閱讀
(以上食評乃用戶個人意見 , 並不代表OpenRice之觀點。)