洽興牛什粥麵店 (已結業)

偷懶唔操拳想食好東西舒緩壓力，但黑氣透頂，放工都要撞到福街縮骨老闆！人家專程行去生記想食鵝紅鵝肝鵝髀飯，見到瘟神即刻掉頭走啦！繼續向火車站走去，求其食碟腩撈粗降降火！價錢始終保持全區最平最抵食，無人能及。叔叔伯伯們服務都不過不失，只是衛生環境有點可怕。因為舊區重建而結業十分可惜，希望有機會再續未了緣，祝強運！單餸粉麵由十年前 $12 蚊加到今日既 $22 蚊，加幅達 55% 之高，我份人工免強有 15%，跟著個涼薄老闆遙不可及啦﹗平到離譜益街坊，撈麵加油菜只需 $36 蚊埋單，依個價錢叫碟撈麵都唔夠呀！蠔油菜芯牛雜麵破底價 $32 蚊，夫復何求！不過好似無食過野一樣，轉頭要食多碟燒味飯補補倉先得。牛腩撈粗走蔥，大大條 3 碌牛腩，清淡的柱侯腩，鬆化微軟無渣不鞋硬，平庸而合格的。嬸嬸烚麵手藝蠻不錯，有功架有水準！粗麵彈彈黏黏有蛋香，質素可以的。可能是關環境因數，倒下大量辣椒渣後，不其然要仔細檢查有否小動物或加料，好驚驚呀！入口油味極重，辣味極弱，落左同無落分便不大，帶點點咸味罷了。蠔油芥蘭，超級爽甜脆卜卜的莖部，十分有趣好味道。葉就正常平凡，比撈麵味道更好。何解食到底時會有八角味既？隻碗裝過八角嗎？芥蘭有八角味道好很怪啊。蠔油菜芯，烚得夠時間夠熟無草青味。菜芯翠綠多汁鮮嫩可口，沾點蠔油全數消滅掉。放工路經此地好想食碗麵，食左先講﹗牛雜麵走蔥，全部滷水香料超級入味，清甜不咸不濁，越食越想食！金錢肚爽爽，毛肚綿綿，牛膀軟軟，牛腸彈彈，牛肺滑滑。嬸嬸細心排得好鬼骨子靚仔色香味得宜，無投訴。份量雖然略厭太少，但曲曲幼麵微爽少彈，沒有異味沒有腥嗅。掛上濃湯捲著各類牛雜品嚐，不同配搭不同滋味，食得開心有趣味。香濃甜美熱到燙嘴的溫度特別好味道﹗混著微辣辣椒肉大啖大啖地索，刺激豪氣暢快！魚蛋牛腩麵，師傅我都話走蔥咯，多謝您都有覆單，不過出貨唔記得。好采蔥花不太多，我自己挑吧。魚蛋有驚喜！大大粒白雪雪，魚味咸鮮濃厚不嗆，彈滑幼嫩食得下喎。兩大條牛腩其貌不揚，看似乾硬，竟然入口鬆化無渣且爆汁！醃味清爽不太濃，讓微爽半彈的幼麵捲著食也不錯啊。溫柔的湯汁舒服淡淡然，沒有轟烈的感覺，撈上咸而不辣的辣椒渣添一點味道，不知為何趙到卜卜聲，有殼的嗎？牛膀牛筋麵走蔥，滑彈膠腍牛筋不硬不爽，味道清新我喜歡。牛膀軟塾，肉味甘甜醇香，全勝！微爽幼麵，每啖捲著牛膀牛筋同吃超滋味，辣椒油都免喇！…查看更多

假日遊車河 其實行錯路 笑咗上埋火車站 循咗1圈大酒店 日頭唔驚麵店門口側邊條街 好多食肆 照停車 (睇實) 都見好多的士哥停泊紅磡舊店粥麵店 價格平宜 經濟抵食鋪頭細 幾張枱 枱面筷子都乾淨 亞姐亞哥有招呼 有禮貌醬料齊 辣椒油一般 唔香唔辣 牛什湯麵~$22 麵爽味道可以 牛肺3件 + 牛膀大腸小腸2款牛肚 齊但 牛什太過腍腐乳通菜~$10 新鮮菜 份量少配合價錢及第粥~$22 大大碗生滾粥 粥底清有米粒夠綿 材料靚鮮味冇腥豬潤2大片 + 粉腸2條 + 豬肚1件 + 咸瘦肉冇豬肉丸嘅配 細可樂 +$6支持懷舊老店 用心做…查看更多

雲吞麵既鋪頭依家係香港已經買少見少，而依間位於紅磡既粥麵店，無論環境同食物都充滿住懷舊風味。點左一碗雲吞麵($20)、牛腩牛雜(雙拼)麵($27)同埋大樽裝可口可樂一枝($8)。雲吞有三粒，而且幾大粒，咬落去好爽口彈牙同好鮮甜，聽講係老闆自己包，難怪咁足料👍🏻而牛腩炆得非常入味，腍腍地完全唔韌；而牛雜分別有牛肚、牛膀、牛腸同牛肺，亦都非常入味，特別係牛肚，十分爽口。雖然店面並無華麗既裝修，但同時下既食肆相比，別具一番風味。另外大部份單拼既麵/粥都只係$20，我見到餐牌個陣真係嚇親！今時今日以依個價錢可以食到一碗麵真係好難得，而且碗碗都好足料，絕無欺場！非常推薦大家去試下，尤其是細蓉(雲吞麵)！…查看更多

今日約左朋友傾野，由於早到左，朋友未到，又見有d 肚餓，行開經過麵店，見到幾抵食，入去坐坐食下野。店舖好多麵食或粥品都是$20，加埋支裝可樂都是$26，相當抵食。我叫了牛腩麵配支裝可口可樂，店員好快送上我的麵餐俾我。牛腩相當足料，而且又埋2舊牛筋，牛筋好淋，牛腩亦炆得好好，有牛味，牛腩唔um, 啖啖肉，而麵煮得剛好，配埋濃濃腩汁湯底，成腕麵相當好食，配埋可口可樂，簡直絕配，$26價錢食到牛腩麵套餐相當難得，平靚正之選。…查看更多

踢完波已經10點幾，第一件事梗係拿拿聲搵宵夜醫肚啦不過附近好多鋪頭都已經落閘，正諗住打道回府既時候，就俾我發現左間雲吞麵店鋪頭環境一般，有少少類此大排檔的格局一睇價錢牌真係絕對街坊價，幾乎所有麵類都係18蚊依家買件三文治平平地都12,3蚊啦叫左我最鍾意食既細蓉，兼加多碟通菜雲吞有三粒，吾算話好大粒，但咬開入面接近9成都係完隻既蝦肉，配搭理淨低個1成半肥瘦豬肉， 真係超級彈牙爽口，味道鮮甜， 真正既皮薄餡靚， 而河粉吾會煮得過淋，口感爽滑不易斷，另外，通菜食落脆爽，配上惹味腐乳醬，整體咸淡適中， 不錯以依個大眾化價錢食到超水準的質素， 絕對超值呀 …查看更多

收工後凍冰冰吾想再食甜品今次簡左食湯河 單拼由佢12蚊慢慢加到17蚊牛肚河朋友叫的 我嘗試了一舊已經好耐冇試過咁淋既牛肚我都係叫我既至愛牛腩河今次冇比根位17蚊都比好多牛腩淋淋地 又好有味配上清湯店鋪有辣油 配上就一流河粉又吾會一夾就散 …查看更多

之前在Poly上學時，已經很喜愛這小店了。而我特別鍾意這小店的豬潤及牛筋！牛筋炆得軟稔，膠質感覺很濃，會黏著嘴巴的！另外，豬潤是出奇的爽嫩。之前吃過別人讚不絕口的維記豬潤麵，真材實料，吃下去是粉粉的，與這個不同。這個吃下去爽口的，而質地不粗糙。總之就是超級好吃！小小的店舖，雖然加了價，但都不過是21元（雙拼）繼續支持這些小店！　：）…查看更多

一間小小的雲吞面店，已經係好多香港人嘅飯堂。今次經過呢間店，本打着一心醫肚餓的心情入去，完全唔會抱任何期望。入到去都有4圍檯客。點咗個雲吞牛什河加菜。等咗唔駛3分鐘就有。果然有傳統的速度。味道點？3粒雲吞大大只，啲蝦好爽！估唔到喺呢啲鋪有咁嘅水準！湯好淡，不過我鐘意食辛所以加好多辣椒油。其他都係普通嘢，…查看更多

話說過年期間朕去了不少新年聚會，有些地方更昰平日甚少踏足，例如初七人日就到了紅磡一趟。本想到「紅磡的驕傲」- 時新快餐店潮拜一下，吃港式爆汁漢堡，找了好久才找到黃埔街1號，結果是初八啓市。在找路途中發覺原來紅磡區甚有七十年代風情，像走進時光隧道，有很多懷舊老店。逛到必嘉街，看見一間門面懷舊、白底紅字，font style 是七十年代「迷人阿 go go」粵語片的那種，寫著「洽興牛什」；連內裡店員也帶點「桃姐」的韻味，即管入內一試。內籠裝潢很懷舊，或可說是沒有裝修可言。看見粉麵的價錢，簡直是昏了過去，全日都是 $14 / 碗！以為自己眼花。我手上那支在喝的「Diamond Black」也要 $16 啊！還有枱上的筷子筒，實在是第一次見，會不會比我的年紀還大 ?!點了一碗「牛什河」，有齊滷水牛肚、牛膀、牛腸、牛肺。味道比想像中好，炆得非常入味 (甚至有點太鹹的感覺)，配合清湯河郤是很搭配。肚爽口不黐牙，膀粉口，腸很肥，全都無怪味，該是處理得很乾淨，令人吃得開心又放心。吃時加點辣椒油，我個人就吃的很爽，而且只是 $14 ，實在沒有投訴的餘地。…查看更多

There are 2 Hop Hing’s within this area, and I have no idea whether they’re related at all but common sense prevails and tells me they might be of the same origin. They specialise in Beef Innards here, which upon ordering you will be presented with a varieties of cuts from anywhere within the cow! Personally however, I thought the Master Stock used to braise these internal organs was too overpoweringly salty and strong, although the texture was just about ok-good..Beef Offals and Brisket Platter -The brisket part was good, but the marination in the master stock was overly salty and non-fragrant. The texture of the brisket was actually quite good but salty. The Offals meanwhile, were too over cooked. Definitely over-rated shop! ***************************Original Review @ http://foodofhongkong.blogspot.com/2011/02/hop-hing.html…查看更多

$12一碗粉麵全天候,兼營業至深夜,証明生意的確難撈.紅磡必嘉街的"洽興",就是如此.我說要牛腩撈,誰不知馮京作馬涼,奉上的是牛腩粗,既來之則安之,當付少一點,吃少一點.牛腸牛肺牛膀牛肚幾樣長期在鹵水窩上翻滾,鹵得入味,但很鹹.牛腸帶點肥膏,牛肺牛肚都叫爽彈,牛膀軟稔帶點粉.賣到這個價錢,有齊以上材料,也不能要求太多了.相信吃慣十二,三塊錢雲吞麵的食客,要求不同我,便宜才是皇道,只要不要太過難吃,也可接受.百貨對百客,從來也認同.…查看更多

今日經過這邊食之前很愛吃的洽興洽興做街坊生意咁耐都無加價 粥麵全日$12抵食到暈而且味道仲要不俗麵和粥都咁正今日心淡淡食了魚片粥粥底很棉魚片很新鮮不得不讚的是魚片之前有加功夫一根魚骨都沒有美中不足是略嫌魚肉唔夠多超大碗 最後都食唔哂裝潢懷舊仲有筷子筒這些懷舊老店 真的見少賣少大家得閒去幫襯下:)…查看更多

真係比起一年前差左好多，不論湯底、牛腩、麵質都差晒。但都明白依家咩都貴，不過老闆都無加過價，就唯有係食料度考濾，明白既。牛什麵走蔥，牛什比想像中好，都炆得入味，處理得乾淨，口感軟棉。蠔油菜芯，平到您唔信，HKD5，味道、口感、新鮮度都可接受，平成咁，仲想點呀。牛腩粗麵走蔥，得兩大舊牛腩加一大舊牛筋囉，都唔難明白既，HKD12 係得咁多架乍。今次牛腩同牛筋都略硬，而且啖口，無咩味道，有啲失手。…查看更多

好平好抵食既麵檔，絕對不含半滴味精 ﹗單送麵都係 HKD12，撈麵都只不過係 HKD16 乍，出品仲要有一定水準 ~ 只係十幾蚊，仲想點呀？牛腩麵走蔥，試一試啲湯底先，非常清甜，雖然略為清淡，但無半點味精既感覺好舒服好清新，啲湯飲到一滴都無剩，完全唔會覺口渴。就咁望落去啲牛腩度可能以為係鞋烚烚既瘦肉，但一入口軟棉無比，半點渣都沒有，輕輕咀嚼肉汁豐盈，大大舊、啖啖肉。麵質爽口且軟硬適中，阿姐煮野都幾好。牛腩撈粗，雖然味道同口感都比以前為差，但仍可接受。牛腩軟棉、味道清淡，牛筋腍滑膠口，粗麵爽口彈牙。份量足，夠晒抵食 ﹗蝦籽清湯，好香蝦籽味，非常香甜。只係厭唔夠熱，只係暖暖地，個人比較愛飲出晒煙既湯呢。…查看更多

辦完事後,因父母要吃,我便阿他們吃~我又是一個人面壁在角落老爸帶了我們到此間$11/碗我要了牛什走腸米粉完全不行!!!!!!首先,湯不濃!很稀,沒有絲毫的質感......腩汁像清湯@@第二,牛什竟然只有花椒跟八角味,不能接受!!!!!第三,牛膀只得一塊!!!!!!!!!為什麼老爸的有舌頭般大而我的?捨不得食塊牛膀!!!!比魚片還小!!!而牛肺,請先除掉氣管!感覺有點噁心......第四,菜超老!而且所謂的腩汁.....只有花椒跟八角味,所以我吃的菜竟是花椒跟八角味......…查看更多