影片
電話號碼
98599700
開飯介紹
經驗豐富的茶師團隊，研發出AI人工智能泡茶器模仿人手泡茶，更以6大類茶葉對應不同心情設計特調茶飲；配合一系列以茶入饌的小食，帶來全新的茗茶體驗。
繼續閱讀
營業時間
今日營業
11:00 - 21:00
星期一至日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
-
網上訂座服務暫停
相關文章
59 瀏覽
有睇開小弟食評都知小弟都頗喜歡飲奶茶，尤其港式奶茶同台式珍珠奶茶，而位處「海運大廈」嘅「活在茶下」亦喺以特色茶品為主打，賣點喺同本地茶葉老字號「福茗堂茶莊」攜手合作，更研發咗全球第一部人工智能泡茶機，將傳統泡茶技藝跟現代科技融合，令各種茶葉有更大發揮。都好耐無幫襯過，趁假期留港消費，嚟到抖抖兼食個下午茶。依家時下開咗好多茶飲店，不過大部分都喺比較台式，亦都只喺主打外帶，可以堂食嘅比較少，但呢度就好唔同，環境有種好文青風嘅感覺，又似間咖啡小店，裝修非常雅緻。除咗鋪內嘅座位，如果淨喺飲嘢，商場又設有好多坐櫈。既然同「福茗堂」合作，就自不然有好多跟茶飲相關嘅物品作零售，例如有「福茗堂」嘅普洱茶餅、一套特色嘅茶杯、茶壺、保溫杯、茶包禮盒……等等，送禮、自用都幾好。真喺唔好以為好似去酒樓飲嚟飲去嗰幾款茶咁，睇睇餐牌，就會發現好似劉姥姥遊大觀園咁，就算以中國茶都配搭出多款茶品；以配合各種茶飲，亦有多款美食，無論軟雪糕、雞蛋仔抑或可麗餅，都加入以茶為元素，真喺唔止飲茶咁簡單。原本都喺隨意揀咗茶飲，但見到一系列「原茶葉燕麥奶茶」做緊試飲價，又無理由唔試吓，不過，個優惠做到幾時就唔清楚。晌等候茶飲期間，店員都乘機宣傳吓佢哋呢款新產品，話有別一般茶飲，採用專業工藝將100%原片茶葉研磨成超微細茶粉，去到日本抹茶嘅標準，保留茶葉原始風味與營養價值，並選用優質燕麥奶所做成，好啱素食者享用。原茶葉燕麥奶茶 $38（試飲價）每一款茶飲都有其獨特性，枱上有個牌仔介紹佢哋個特性，而我張枱啱啱就擺咗張龍井燕麥奶茶嘅介紹，有提及到佢嘅咖啡鹼、香氣、回甘、醇厚等特性，真喺要慢慢嗒真啲。龍井燕麥奶茶龍井向來都喺清幽淡雅啲，將杯龍井燕麥奶茶搞勻之後，茶奶嘅味道幾平衡，睇見佢嘅咖啡鹼值都高，早晨飲用就最能夠提提神。茉莉花茶燕麥奶茶小弟就試咗呢一款茉莉花茶燕麥奶茶，飲落確喺有陣陣茉莉花香，既清新，又有回甘嘅感覺，飲落好舒服，估唔到配上燕麥奶成為奶茶效果幾好。鐵觀音燕麥奶茶另外，友人讚佢杯鐵觀音燕麥奶茶好飲，一來鐵觀音喺佢嘅心水，二來鐵觀音味道濃郁醇厚，更喺餘韻悠長，又仿佛有種清甜蜜香。紅豆髒髒鐵觀音雪糕麻糬可麗餅 $78曾經試過佢哋茶味嘅鬆餅、曲奇，都好有特色，不過，見依家好似無再供應，就試試可麗餅。雖然店員話無晒鐵觀音雪糕，要改為茉莉花茶雪糕，其實仲啱我。可麗餅做得軟熟，跟紅豆、麻糬、脆米同茉莉花茶雪糕一齊放入口，味道豐富，口感多元化。活在茶下，飲返個好心情，店員更話呢個系列「原茶葉燕麥奶茶」更會每日免費送出100杯，即時上番官方社交平台睇睇，果然寫住5月8-10日連續3天，每天首100位顧客可免費獲得「原茶葉燕麥奶茶」1杯。睇睇嗰幾日有無時間過一過去，再次飲返個好心情！
繼續閱讀
陪朋友來海港城購物，行到有點累，想找個地方坐低飲杯嘢。醒起海運大廈地下有間年輕茶飲店「活在茶下」～店家以茶入饌，除了一系列茗茶飲料外，還有茶味雪糕、雞蛋仔及可麗餅等輕食可供選擇，啱晒茶品愛好者。藍莓橙滇紅 ($58) 用上雲南紅茶搭配果肉細緻嘅藍莓同多汁香橙，入口甜甜酸酸，香氣獨特，清新醒胃。清香鐵觀音髒髒雪糕配原味雞蛋仔 ($68) 雞蛋仔外脆內軟熟，中間保留少少空氣感，入口充滿蛋香。雪糕面頭灑上了大量清甜回甘嘅鐵觀音茶粉，同雪糕味道好夾，天衣無縫。火腿滑蛋芝士可麗餅 ($68) 可麗餅即叫即製，餅皮柔軟富彈性，火腿輕輕煎過、誠意十足，加埋滑嫩炒蛋同鹹香芝士，啖啖滋味，食完勁滿足。另外呢客煙三文魚牛油果可麗餅 ($88) 水準亦很不錯，餅皮薄而有咬口，三文魚捲成花朵狀，賣相極佳，入口帶陣陣煙熏香，配埋 Creamy 嘅牛油果，真係無得輸。
繼續閱讀
- 尖沙咀｜Tea Moment -▪️火腿滑蛋芝士可麗餅🥚🧀可麗餅餅皮薄身，柔軟得嚟微微韌，配埋火腿、滑蛋、芝士，口感豐富，而且鹹香十足，再加上個醬辣辣哋，更加惹味▪️清香鐵觀音髒髒雪糕原味雞蛋仔🍵🍦🥚雞蛋仔烘得外脆內軟熟，食落有淡淡蛋香。雪糕面頭灑上滿滿嘅鐵觀音茶粉，奶香中帶有香濃微甘嘅茶味。一啖雞蛋仔，一啖雪糕，冰火交融🧊🔥▪️茉莉花茶雲尼拿軟雪糕🍵🍦軟雪糕細膩順滑，茉莉花茶味同雲尼拿味配合得好balance▪️菊花杞子烏龍🌼🍵一入口，菊花味道好出，夠晒清香，加埋杞子，好養生嘅感覺▪️藍莓橙滇紅🫐🍊🍵雲南紅茶茶味濃郁而醇厚，配上酸酸甜甜嘅藍莓同橙，增添果香，好有層次Tea Moment 活在茶下📍尖沙咀廣東道3-27號海港城海運大廈地下OT G03A號舖
繼續閱讀
中午行到尖沙咀海傍相當炎熱，即時走入最近的海運大廈，想買杯凍飲消暑，最近的店鋪就是眼前的活在茶下，內裡還有座位，可以休息一下。有各式各樣的名茶，消暑的雪糕，可麗餅、雞蛋仔也有。藍莓橙滇紅雲南紅茶加入藍莓、橙，除了口感順滑，清新怡人，甜度適中，解渴又健康。如不好茶類，也有其他選擇，如棉花糖朱古力，朱古力與奶比例剛好順滑。火腿滑蛋芝士可麗餅即點即製，熱騰騰上檯，可麗餅塗上少許的千島醬，配上火腿滑蛋芝士，絕對是美味的配搭。煙三文魚牛油果可麗餅牛油果夠熟好香滑，三文魚有兩大塊，今次可麗餅塗上芥末醬又幾特別。杭州桂花雞蛋仔賣相漲卜卜好吸引，另一面全是桂花，桂花香氣馥郁，味道清幽，配雞蛋仔又幾夾。下次想食雞蛋仔配雪糕。
繼續閱讀
係海港城行到攰咗，見到間茶飲店就坐低飲返杯茶食個雞蛋仔，休息一會再戰過😝藍莓橙滇紅果香十足，藍莓和橙嘅酸甜味加埋雲南紅茶甘香濃厚，增加層次感，感覺清新☺️普洱燕麥奶香滑嘅燕麥奶中滲出普洱茶味，茶上除了泡沫，還加了一片八角，入口有淡淡嘅八角香味☺️茉莉原茶葉燕麥奶以100%原茶葉研磨然成粉，茉莉為基底，配搭綿密嘅燕麥奶。花香穿透嘅燕麥奶溫柔，帶出天然甜味與絲滑嘅口感✨️清香鐵觀音髒髒雪糕原味雞蛋仔✨️呢個組合原來好夾😍 雞蛋仔烘得好脆，外脆內軟，散發淡淡蛋香，香滑濃牛奶軟雪糕上面灑上鐵觀音茶粉，讓人同時品嚐到茶味雪糕及雞蛋仔令口感層次豐富😍煙三文魚牛油果可麗餅顏色豐富賣相吸引😊炒蛋，牛油果， 一朵朵三文魚花，薄薄嘅可麗餅軟糯可口，中間塗上淡淡芥末醬，增加味道層次感😋還有茶包茶葉禮盒可選購店內店外都有坐位
繼續閱讀