洪記粥品

營業中

休息中

今(10-5-2025 Sat）朝同老公去黃大仙集合參加完活動後，返黃大仙解散時，社工介紹嚟呢間食，因為好抵食，咁毫無idea，又肚餓嘅我哋，就嚟呢喥試吓啦。我哋嚟到，睇見座位大部份係卡位，好舒適，我哋咁啱搵到張卡位，睇完menu後，就決定要：3. $38.00嘅生滾豬肚粥加$6.00嘅豬紅落完單冇耐就到嚟，生滾粥咁快？佢都算熱嘅，但未至於熱到好㷫咀。粥底唔算好杰，豬肚同豬紅各有5件，豬肚爽但有佢本身唔好食嘅腥臭味，豬紅正常冇問題。2.5分2. $40.00嘅蠔豉粥加$6.00嘅鮮鯪魚球紙本menu冇蠔豉粥，呢兩樣嘢味道正常冇問題，我就冇食到佢嘅粥，唔知會唔會腥。3分1. $25.00嘅蝦米炸兩腸粉見到油炸鬼比普通嘅幼啲，食落，係脆嘅，但可能腸粉太薄，味道就食到重油炸鬼味，少少嘅蝦米起唔到咩作用，好一般。3分服務：一般，落完單端第一碗粥嚟時，竟然似搵唔到我哋張枱，搵到就似晦氣咁話豬肚粥，不過之後都冇咁晦氣；而擺低張單嗰個就有講多謝；收銀就冇。抵食係2.7分題外話：原來呢間係連鎖店，咁啱海皇粥店全線結業。

假日去黃大仙還神, 順路係附近搵間餐廳食個Lunch。經過見到呢間「洪記粥品」滿有人氣, 價錢合理, 店內明亮整潔, 設大部份卡位, 坐得舒服。粥品款式都算幾多選擇, 另有油器、小食、腸粉, 適合早午晚任何時段選擇。【艇仔粥】HK$28 (+$6 追加豬紅)綿密粥底熱辣辣, 食材足料又豐富, 包括有豬皮、碎牛肉、爽口魷魚絲、花生、蔥花等…層次豐富。追加嘅豬紅仲好彈滑。【炸兩】HK$21軟綿腸粉包裹著脆油炸鬼, 自行加上豉油、花生醬、甜醬、芝麻, 一咬內脆, 口感同味道同樣正!【牛脷酥】HK$10/件 堂食牛脷酥暖暖地, 質感實在, 內裡軟熟, 中間甜甜地, 送粥一流!【煎堆】HK$10/件口感煙煙韌韌, 甜甜地, 外層佈上芝麻, 充滿芝麻香。【蝦米腸】HK$18腸粉綿滑, 配有些少蝦米同埋蔥粒, 賣相吸引, 先行加入豉油, 食到蝦米鮮香又有層次。【黃沙膶粥】HK$38 (+$6 追加艇仔粥走牛)非常足料!! 好幾件爽豬潤, 而追加艇仔配料有豬皮、魷魚, 足料抵食!

今天到洪記吃午餐。餐廳窗明几淨，大部份是卡位，坐得舒適，價錢亦合理。韭黃鮮蝦腸鮮蝦大大隻，咬落爽口彈牙，腸粉皮夠滑。  手打肉丸粥粥底煲得綿滑，肉丸真是手打，吃得出足料。  北菇仿鮑片滑雞粥雞肉很滑，仿鮑片和北菇夠入味，粥底一樣綿密，整體很夠味。  牛脷酥外層脆卜卜，入面軟熟，微甜不油膩，配粥一流。  炒麵炒得夠乾身，麵條有咬口，不會太鹹，簡單但夠鑊氣。  整體來講，洪記嘅粥品同小食很高質，值得再試！

洪記粥品 黃大仙中心洪記粥記主打多款生滾粥、即炸油器、即拉腸粉價錢實在！人均70+已經食飽叫左兩碗生滾粥鮮鯪魚球粥加半隻皮蛋同狀元及第粥～牛肉、豬肉、豬肉丸、粉腸牛肉、豬潤粥底夠棉密又足料⋯好味道👅 即叫即滾仲可以另加配料✅牛肉腸～入口夠滑嫩，炸兩腸～口感豐富，牛利蘇～香酥脆口！宜家仲做緊優惠餐加凍熱飲品都係6蚊杯！即刻叫左杯凍檸茶同凍檸水飲下‼️洪記粥品📍黃大仙正德街103號黃大仙中心南館地下高層UG41號舖

洪記粥品 黃大仙中心洪記粥記主打多款生滾粥、即炸油器、即拉腸粉價錢實在！人均70+已經食飽叫左兩碗生滾粥鮮鯪魚球粥加半隻皮蛋同狀元及第粥～牛肉、豬肉、豬肉丸、粉腸牛肉、豬潤粥底夠棉密又足料⋯好味道👅 即叫即滾仲可以另加配料✅牛肉腸～入口夠滑嫩，炸兩腸～口感豐富，牛利蘇～香酥脆口！宜家仲做緊優惠餐加凍熱飲品都係6蚊杯！即刻叫左杯凍檸茶同凍檸水飲下‼️洪記粥品📍黃大仙正德街103號黃大仙中心南館地下高層UG41號舖

第一次食洪記睇裝修同餐牌都知係連鎖式經營但估唔到都幾有質素叫左艇仔粥 再加$8加生菜叫完之後發現隔離幾枱d阿叔都係食艇仔粥心諗應該真係好食所以個個都食呢款等左大約5分鐘一試 果然好食粥底好綿好滑 又足粒撈勻再食 每啖既口感都好豐富有脆卜卜既花生粒有爽脆既生菜絲有彈牙既魷魚有爽口既豬皮最正係d免治牛肉米粉通量夠多 成碗都係d咸香味真係勁滿足另外仲叫左炸兩腸粉佢上菜好快 講緊落單後一分鐘內已經有所以應該係預先整好味道就唔差 不過就無話好好食炸兩黎講會略嫌唔夠香

今日去咗黃大仙一間新開嘅粥店嗰度食粥。我食粥就一定會揀我最鍾意食嘅鯇魚粥/或者魚片粥。我去到呢間新粥店之後發現呢間粥店裝修得好靚，我去到嘅時候係七點，已經有八成滿。同埋出邊排隊等食粥，最緊要係佢嘅粥價錢10分平。-鮮鯇魚腩粥鮮鯇魚腩粥以新鮮鯇魚腩做主角，魚肉柔嫩且富有彈性，與米粥滑潤口感形成絕佳對比。粥底味道鮮香，魚腩油脂與粥香滑融合，使整體味道更加圓潤-北菇雞粥北菇雞粥是一道口感滑潤、鮮香四溢粥品。使用新鮮北菇和嫩滑雞肉，兩者結合讓整道粥品充滿了獨特香氣。吸收了北菇鮮甜和雞肉精華，使得粥底濃郁而不膩。

最近好想食粥 晚餐就去洪記粥品食😚 價錢真係勁抵份量又足，人均$70以下就食到好飽🫶🏻菜乾豬骨粥粟米生菜粥首先試咗菜乾豬骨粥，好正！粥底夠滑，仲有菜乾嘅香氣，好濃郁，仲有豬骨真材實料！粟米生菜粥就清淡香甜，口感又滑又脆，素食人士都啱食～鹹肉粽端午節叫返個鹹肉粽食😆 用糯米包住鹹肉、蛋黃同香菇，香噴噴，外層嘅糯米黏糯，內餡嘅鹹香味十足，好好味！炒麵配料有新鮮嘅蔬菜同肉類，味道非常豐富。麵條嘅口感好好，唔會太油膩，好飽肚😋牛肉腸必食腸粉！牛肉腸口感彈牙，味道鮮美，搭配醬油食用好開胃煎堆最後仲食咗煎堆，外脆內軟，甜度適中，好滿足！

同事提議到公司附近的黃大仙中心的「洪記粥品」午飯，餐廳裝修光猛舒適，座位寬敞，掃碼點餐方便快捷，啱晒我們只有一小時吃飯時間的打工仔。🔸北菇仿鮑片滑雞粥仿鮑片口感爽脆，滑雞嫩滑，粥底濃稠適中。🔸牛脷酥牛脷酥外皮酥脆，味道有少少帶甜，餸粥最啱。🔸韭黃鮮蝦腸粉腸粉皮薄而滑，鮮蝦彈牙，即叫即蒸熱辣辣。🔸艇仔粥用料豐富，有魷魚、花生、蔥花等。粥底綿軟，味道不錯。🔸豉油王炒麵豉油王的味道濃郁，麵條炒得好香。

平時喜歡食粥品油器，今天我同朋友打算到黃大仙新開的分店「洪記粥麵」，享受美食的情趣，開心歡聚一下，放縱享受美食。韭黃鮮蝦腸粉韭黃好香，蝦仁好大粒，肉質彈牙，配上腸粉，食落滑溜，味蕾上的歡慰。炒米粉炒米粉入面有芽菜，紅蘿蔔絲，仲加入芝麻，層次分明，食落嫩滑，讓人回味無窮。艇仔粥 艇仔粥好多配料，豬皮、瘦肉、花生、魷魚等，豬皮及魷魚彈牙，花生滋味無比。手帶肉丸粥手帶肉丸粥第一次食，肉丸煙煙韌韌，肉質彈牙爽口，粥夠熱又香，讓人一試難忘。洪記粥品（黃大仙）地址：黃大仙正德街103號黃大仙中心南館地下高層UG41號舖

洪記粥品今次要介紹喺黃大仙廟對面嘅黃大仙中心南館UG層入面有一間「洪記粥品」，唔一定感冒先去粥品店，想食清淡少少都可以去食，入到去呢間粥品店都算大，好啱輪椅人士入去食嫁！1.窩蛋鮮牛粥$45（9/10）呢碗窩蛋鮮牛粥真係好大碗，鮮牛肉片都有9片，仲多隻半生熟蛋，碗粥好綿密唔會稀，唔錯！2.黃沙豬潤粥$38（10/10）呢碗黃沙豬潤粥真係好大碗，粥入面每一舊豬潤都好大舊好厚身，豬潤都有6舊，碗粥好綿密唔會稀，如果要食粥嘅話，一定要叫黃沙豬潤粥，正爆！3.叉燒腸粉$21（9.5/10）呢碟叉燒腸粉一共有3條，每條都會剪開4下，每一舊叉燒腸粉都好易食，腸粉好薄好滑，腸粉入面嘅叉燒粒都算多，唔錯！4.油條$10（9/10）呢碟炸油條係打孖一齊炸，等於出面2條，咁幫人剪開3下，即係有6細條，食落好方便，只係冇咁脆，如果脆多少少就更好味！5.牛脷酥$10（10/10）呢碟炸牛脷酥表面有少少脆，食落去有少少暖，中間有少少甜，唔算好甜，好味！2人總共價錢$124！個人口味總評分：9.5/10     地址：黃大仙正德街103號黃大仙中心南館地下高層UG41號舖Please follow me🙆‍♂️ @

已經有系呢間鋪食過好幾次，都系外賣為主，每次都冇事點知今朝早（3月14日）碗粥食左5、6啖，系個匙羹竟然有隻死左嘅黑色蟲仔系到，果一刻真系嚇到傻，短期內真系唔會再食

深藏黃大仙街市的洪記粥品，是街坊口耳相傳的樸實老字號。清晨七點開檔，未到午市已人聲鼎沸，為的正是那碗暖心的「狀元及第粥」。粥底綿密如綢，米香溫柔裹着豬肝、肉丸、粉腸等內臟，鮮而不腥；豬肝切得厚薄恰好，嫩滑帶微脆，肉丸彈牙滲酒香，每一勺都是老火細熬的工夫。「豬潤腸」亦是鎮店之寶。超級滑！腸粉薄透如蟬翼，裹着大片粉嫩豬肝，蒸功了得，入口滑嫩如絲，豉油鹹甜適中，更襯出豬肝的甘香。若嫌單調，不妨淋上店家自製辣椒油，辛香瞬間點亮味蕾。最後配一杯冰鎮豆漿，豆香醇厚帶炭燒氣息，甜度輕柔，正好為這頓古早味畫上圓滿句號。

天氣凍，自然又想食粥，今日中午就同幾個朋友去咗洪記粥品。手打肉丸粥手打肉丸肉質彈牙且多汁，從來都係我至愛！粥的質地滑潤，口感棉密，最重要係要加生菜絲，食落爽脆，讓整碗粥更具層次感。蝦米炸両腸蝦米令到這碟腸粉好香口，內裡的油條金黃酥脆，再被軟滑的腸粉包著，一個字：「掂」！炒麵麵條炒得香脆，唔會乾爭爭，睇落好簡單，但食落個口感好特別。叉燒腸腸粉滑嫩，叉燒的味道濃郁，甜中帶鹹，好好味。牛利蘇牛利蘇香酥，甜甜地，口感煙靭。鹹煎餅其實我覺得佢係牛脷酥嘅鹹版，同樣香酥，多咗芝麻香味！煎堆最後的煎堆是完美的甜點，外層金黃酥脆，口感軟糯。豆漿豆味都幾香，飲落去口感順滑。

朋友屋企附近呢間新粥店真係唔錯，適合想輕鬆享受一頓好餐的人。食物質素都幾好，可以一試～平平哋嚟做一餐，性價比都好高🥰🥰🍴生滾鮮牛粥加碎牛 呢碗粥熱辣辣，牛肉都好鮮嫩，滑捋捋，又無腥味😆😆🍴生滾豬肚粥加豬紅豬肚煮得好入味，口感爽脆，豬紅同埋粥都配搭幾好，整體味道都幾balance😚🍴炸两腸 外面炸到脆卜卜，加埋滑捋捋嘅腸粉皮，熱辣辣咁樣上枱，好快就清得晒🤣🤣🍴叉燒腸都係熱辣辣嘅，同埋好多叉燒餡，完全冇將貨就價～腸粉皮都唔會好粉，好嫩滑😆😆