影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
昨天去了大埔 BBQ, 今天要清清腸胃吃粥吧! 朋友搬進九龍灣淘大 新居, 今晚一起去淘太商場 洪記粥品, 粥店面稹大, 裝修得光猛整齊, 晚飯時間, 人流很多. 大家立即內進搵位. 座位整齊舒適, 不同一般粥品店. 有即熟粥, 生滾粥, 油器, 炒麵, 粽, 腸粉及飲品. 經濟實惠, 好多選擇, 適合街坊. 看見熱柜內的油炸鬼, 牛利酥, 煎堆, 剛剛炸, 好香脆. 先點飲品, 凍豆漿, 枝裝上檯, 衛生有益, 豆味香濃, 好滿意.檯上醬汁齊備, 我們叫的牛利酥也剛送到, 熱辣辣, 香噴噴, 外酥內軟. 接著我叫的黃沙豬膶粥 + 魚片, 炸兩腸粉 也送到. 腸粉即叫即蒸, 腸粉內包裹著脆脆油條, 我們淋上豉油, 甜醬, 辣醬和麻醬, 再灑上芝麻. 腸粉入口很滑, 很軟, 油條脆脆, 吃得有層次, 好滿意. 生滾粥: 黃沙豬膶粥 + 魚片, 只加 $6. 粥底軟綿綿又鮮甜, 黃沙豬膶 夠肥美, 口感爽脆. 魚片好新鮮, 細滑無骨. 配上香蔥, 好味.牛利酥 炸得好香脆, 送粥, 軟韌甘香. 一流好食. 朋友叫了即熟粥: 窩蛋碎牛 + 魚片, 粥內藏有一隻生蛋, 碎牛 和 魚片在粥底.先把蛋刺穿拌勻, 粥立即變成金黃色, 粥底又綿又滑, 滿滿蛋味牛味, 加上魚片鮮香, 配搭得非常好. 蛋黃咸肉糭, 煮的時間合適, 巧手精藝, 糯米煙韌, 蛋黃鹹香, 加上優質豬肉, 食得回味, 真係飽肚之選.洪記粥品, 粥靚料多, 配上回味香港小食, 食得健康. 坐位 舒適, 服務理想, 會再來.
繼續閱讀
今日同家人去食清d，選擇咗位於九龍灣嘅一間粥店，呢間店開咗好耐，附近好多居民都鐘意嚟食，因為味道好、份量大，價錢又合理，真係平易近人😋我哋試咗蝦米炸兩腸，外層酥脆，裡面充滿咗蝦米嘅香氣，咬落去時有一種令人滿足嘅口感，真的好好味🍤接著係煎堆，外皮金黃酥脆，裡面嘅餡料柔滑甜美，口感上形成咗一個絕妙的對比，真係每一口都好享受🥟最驚喜嘅係艇仔粥，米粒非常柔軟，滑滑地入喉，好適合肚腩，能夠舒緩胃部不適。再加半隻皮蛋，蛋香味更添層次，真係好正🍚另外我哋仲點咗生滾豬肚粥，加咗蠔豉，豬肚煮得剛剛好，軟滑不膩，蠔豉鮮味十足，令成碗粥更加美味🍲最後係牛利蘇，已經好耐冇食，外面香脆，裡面卻保持住柔軟，咬落去時感覺好滿足，真係一口接一口停唔落來🤤整體嚟講，今天的餐點真係好好味，下次一定會再返嚟🌟
繼續閱讀
早幾日去咗洪記粥品食，環境乾淨，啲阿姐都幾爽快。叫咗最經典嘅皮蛋肉粥，粥底煲到好綿，唔會有米粒，皮蛋同豬肉都落得幾足，食落去味道好夾，食完暖笠笠。。狀元及第粥，入面咩材料都有：豬潤、豬肚、豬肉丸、粉腸，啲料全部都好嫩滑，冇腥味，尤其豬潤，爽口味美，食落去好滿足。鹹肉粽個粽size隻啱啱好，糯米唔會太濕，入面有鹹蛋黃、瘦肉，啲材料分量適中，鹹香味啱啱好。炒麵都唔錯，炒得乾身，唔會油淋淋，仲有啲芽菜，食落去有鑊氣，可以配粥一齊食。豬潤腸係我自己鍾意嗰種，腸粉滑滑地，入面啲豬潤新鮮，冇腥味，加少少甜豉油就啱晒。飲品叫咗豆漿，唔會太甜，好香豆味，飲落去幾順口。
繼續閱讀
有時喉嚨痛、唔舒服，間中都會想食清淡啲，洪記粥品就一直係我幫襯開嘅粥店首選👑 呢度有即熱粥同生滾粥選擇，抵食又滋味😋🐮 窩蛋鮮牛粥 （$45）🐠 鮮鯇魚腩粥 （$45）🐥 加滑雞 （$10）呢度嘅粥都大大碗又足料😍 窩蛋鮮牛粥將原個蛋黃煮入粥，我鍾意整爆佢，撈埋蛋漿同粥一齊食😋 呢個粥仲有好多牛肉片添～而鮮鯇魚腩粥嘅鯇魚片大大塊，加埋雞塊煮超多料😝 鮮魚煲粥令粥底都又鮮又甜，好推介😚🫔 叉燒腸 （$21）🌯 炸兩 （$16/細）我哋仲叫咗個叉燒腸同炸兩，一樣咁足料🥳 腸粉皮又滑～🥛 豆漿 （$10）豆漿唔太甜，唔錯！
繼續閱讀
耐吾耐食一次粥，清清地又足料，其實都好吾錯架😋 淘大呢間粥店keep住都有好多街坊幫襯🫶🏻生滾鮮牛粥+生菜粟米：成碗粥滿到瀉，牛肉份量好足好多，而且吾會煮到好硬👍🏻 粥底煮得好綿，加左生菜粟米後口感更加豐富🌽鮮鯇魚腩粥+鮮鯪魚球+鮮牛片：鯇魚腩鮮甜吾腥，鯪魚球口感幼嫩😋 好鐘意係粥底加啲胡椒粉，即刻更加惹味🥣炸兩炒麵兩樣都係食粥既最佳搭配🫶🏻 炸兩帶點脆，即時食吾停口😋 炒麵夠乾身，加啲芝麻更加香口🍝
繼續閱讀