津生堂 (已結業)

新開涼茶舖.. 係佢開左冇耐 買過一次暖既雞骨草 甘甘地唔算濃但都唔太甜 尚可接受。 尋日男友突然叫我買涼茶。咁岩我又等緊過馬路 就順便買埋啦... 今次要凍 包裝唔同左，就好似某間連鎖涼茶舖咁。 細支左！ 佢一飲就話....... 嘩～水黎既！？ 我試左啖...🤦‍♀️真係好水 水到飲唔出係乜！ 其實我買開大支d又濃都係咁既價錢。 只不過順路先買！ 涼茶舖主打賣既涼茶都唔掂... 其他野都唔會試 ！😢 仲諗住近近地有涼茶 唉～失望 😞

深夜時份，突然好想食仙草芋圓，就醒起近金雞嘅小店。望落有點似幸x堂嘅招牌。除左有多款不同配搭嘅芋圓之外，仲有黑糖珍珠奶茶賣，忍唔住買埋。黑糖珍珠奶茶$19呢個杯size 都只賣$19, 用價錢黎講真係超值。黑糖唔算好突出， 但勝在茶底夠香而且，珍珠好煙靭。佢地嘅招牌係宇治抹茶牛乳芋圓，只售$28!由於本人不太愛抹茶，就選了芋頭仙草芋圓 $25芋頭是真正的芋頭，有顆粒口感，另配上椰子雪糕。芋圓做得非常煙韌，仙草味道天然無加糖水。

呢間開喺金雞隔離既小店，門面好細，本身以為只係一間涼茶鋪，點知有日行過見倒有芋圓甜品賣，價錢又唔貴，今晚就外賣左碗番屋企做宵夜。甜品系列主要分為豆花、仙草、糖水類同宇治抹茶。配料再揀芋頭、紅豆、蘆薈或者海底椰。而每款都會配有芋圓同地瓜圓。我今次就揀左芋頭豆花芋圓$25，白色圓球係豆腐味既冰，口感又有小小似雪糕，豆腐味好出。另外仲有一小舊芋泥，芋泥好綿蜜，好濃芋頭味，不過小啲啲甜就好喇芋圓地瓜圓都算煙韌，地瓜圓比較食倒蕃薯味，芋圓就淡味啲。豆腐花好重黃豆味，但我就覺得唔太滑。呢個價錢黎講，我絕對會再幫襯除左甜品見倒仲有紫薯同紅豆燒餅，睇個樣都好吸引，下次會買黎試下