影片
心情唔好，吃一餐令自己高興的午餐特登走到銅鑼灣吃一餐豐富的午餐每次心情不好都會吃一頓日本菜今天吃了津八見普通的一碗魚生當很簡單很新鮮很Raw就好想我想要的簡單的Raw的感情一樣雖然心情真的很不好但這碗飯令我cheer up 不少食材新鮮，有海膽可以吃到自己喜歡的感覺真的很好這一碗飯不多不少一個女孩子午餐是夠吃的會吃得飽飽的希望下次再吃可以懷著開心的心情再吃多一次
繼續閱讀
生日男人帶了我去食鐵板燒。津八見係上樓小店，樓面有大概10位鐵板燒位；6-7 張4人桌。男人卜左兩人鐵板燒位一入到去差唔多每個店員都會同你親切打照呼呀 笑呀，好鬼friendly...到我有d唔好意思...叫左個龍蝦鐵板二人餐 首先上了小前菜漬蕃茄&沙津 - 漬物好開胃呀！帆立貝師傅首先用牛油、菇仔做底，再底面煎新鮮開既帆立貝。入口出面係煎香，但裡面係好嫩口，生熟道恰到好處！龍蝦岩岩住係魚缸附近見佢即叫即撈隻龍蝦出黎😍😍真材實料！師傅開始煎既歷史性時刻梗要影底！一路煎已經流曬口水- 上桌拿拿聲起筷- 超爽口同結實既肉呀！重有兩個非常完整既大蟹鉗！天呀 超感動der !加埋超濃稠汁 - 魚子 / 蛋黃 / 蔥 ⋯ 好惹味！10分有100分！美國安格斯牛肉薄燒薄牛包蔥花卷，青蔥味balance 返肉的濃味，點芝麻醬食。5成熟岩岩好。這個時候已經飽飽地.....刺身拼盤套餐本來有鵝肝但我地都唔食，老闆娘好好咁幫我地轉左刺身。新鮮的如果三文魚再肥美少少就好！炒野菜Hahah 好有獲氣！落鼓油炒已經好好味！暴風吸入！煙肉炒飯我地唔食煙肉咁就淨蔬菜加蛋炒飯，已經要扣底變做一人份lu....好鍾意係鐵板燒既炒飯, 乾身又食到真係一粒粒米味噌湯又有龍蝦呀，淡淡味噌加左龍蝦似海鮮清湯，一飲而盡甜品雪糕兩球 - 有芝麻/綠茶- 我地淨係要左一球綠茶味...綠味濃 不過不失重叫左兩枝日本手工啤酒 - 我0個枝有少少燒蕃薯味，甜甜地幾好..男人0個枝唔記左試.....我覺得這小店暴溫馨的是所有店員都好似識你咁，笑容好真誠，成日都會注意到你需要咩...加茶，換碟，睇餐牌一臉疑惑會即問你做咩事介紹返...香港真係好少咁真心既服務....感恩..重要係銅鑼灣. 真心like!
繼續閱讀
話說公司請客, 我呢D精打細算既就當然用盡公司每分每毫...........搵D自己想食好耐, 而又唔捨得比錢去食既餐廳啦~ 隊長之前都請過朋友去食鐵板燒, 不過又貴又唔飽, 所以唔駛自己比錢就梗係去食啦!津八見呢間餐廳唔大, 鐵板檯最多坐到2檯客, 但都OK既, 唔算迫, 入到餐廳, 會有人幫你掛好D外套, 等你D衫唔好吸晒油煙味, 做得好!我地5個人, 叫左2個二人前, 有鮑魚, 有龍蝦, 每人都係平均$350左右, 鐵板燒黎計, 呢個價錢真係好抵, 師傅都好好, 幫我地分番夠5份的份量. 先黎個魚子蒸蛋, 時間岩岩好, 蒸蛋滑溜溜. 然後就係一連串海鮮, 有龍蝦, 鮑魚, 帶子, 魚, 我會覺得鮑魚最好味, 因為佢煮得唔un, 而且個汁都調到味. 至於龍蝦就連殼都無嘥, 攞埋黎煮湯. 跟住到肉類, 有鵝肝, 蔥牛肉卷, 豬扒, 鵝肝我唔食, 不過聞到好香, 蔥牛肉卷就最好食, 蔥既份量都夠, 不過略嫌牛肉乾左少少, 最無特別就係個洋蔥豬扒, 味道普通, 同埋塊豬扒好大陣雪味.戲肉來了, 同師傅傾開計, 講出面有D鐵板燒都有用炒飯砌公仔, 隊長亦自爆就黎生日, 師傅叫隊長翻轉個電話比佢睇, 跟住佢就開始用飯跟住我個電話殼砌左個兔兔Cony比我, 果刻隊長真係開心到癲左, 因為真係好特別, 仲要可以走埋塊鐵板到影相, 好耐都無試過有surprise的生日飯!雖然我地5個人食4人餐, 但由前菜, 食到甜品, 仲要有2個甜品, 一個係紅豆燒餅, 即席整, 熱辣辣新鮮送上梗好味, 跟住仲送多個雪芭, 係柚子味, 好fresh, 可以清一清口中既油膩感, 係真係飽到上心口!
繼續閱讀
因為看到多款卡通炒飯，我將這家鐵板燒收藏了好一陣子。終於有機會來飯聚，卻沒有吃卡通炒飯。師傅說卡通炒飯其實會造成浪費。為了配合卡通人物的顏色，要就是蔥太多或蛋太多，炒起來好看不好吃。四人點了一份二人餐及一份一人餐，外加一份沙律前菜飯湯甜品，份量剛剛好。前菜是茶壼蒸，上面有魚子，內有鵝肝，太享受了。這道菠菜汁銀鱈魚是主打菜式，看食評也見到不少人分享貼相。魚肉嫩滑，醬汁精彩美味。龍蝦以新鮮龍蝦製作。坐爐端座位的話可以見證到龍蝦生變熟的過程。師傅將龍蝦肉起出離殼，外殼仍然保持完整，再以龍蝦的蝦膏作為醬汁，將龍蝦肉包裹著。每啖豐富的膽固醇，令人又罪疚又滿足。美國安格斯牛肉薄燒摺成三角形，包著滿滿的蔥花碎，一口吃下感覺清新不油膩。套餐另外還有鵝肝、帶子、鮑魚及燒黑豚肉。麵豉湯有龍蝦在內的呢。柚子芝麻雪糕兩款我都很喜歡，前者清新助消化，往者口感幼滑味濃。
繼續閱讀
之前食過晚餐覺得非常抵同好味!! 知道午市套餐價錢梗加超抵, 質素同晚餐一樣材料咁好, 出面嘅一人價錢就可以係呢度食到質素好嘅二人餐~ 所以經常再去幫襯~因為想食鵝肝同鮑魚, 所以叫咗個鮑魚鐵板餐($338二人前)~1) 套餐入面首先送上前菜沙律, 味噌湯~2) 之後係我至愛鵝肝多士, 好脆, 唔會太油, 好美味!!3) 跟著係銀雪魚配埋底d綠色香草汁, 肉質好滑, 無魚骨, 好好味~4) 再黎我嘅至愛海膽汁鮑魚, 一大隻兩人份, 多肉, 好爽口好好味!!5) 美國安格斯牛肉薄燒好香!!6) 最後係炒菜同煙肉炒飯~甜品當然唔少得雪糕(綠茶或芝麻)~一人價錢食到兩個人份量, 好食得黎又超級抵!!
繼續閱讀