影片
開飯介紹
由泰國廚師主理，菜式分量十足，定價親民，味道正宗，是附近街坊覓食好去處。最推介招牌串燒，即叫即製充滿炭香又惹味；軟殼蟹蟹肉炒飯則是打卡美食。
繼續閱讀
附加資料
提供到會服務
營業時間
今日營業
12:00 - 15:00
16:00 - 21:30
星期一至日
12:00 - 15:00
16:00 - 21:30
*截單時間: 21:00
以上資料只供參考, 請與餐廳確認詳情
有關餐廳
有關獎賞計劃
優惠
早兩星期既假日約左好友去荃灣呢間泰國餐廳食個lunch，店員係泰國人，態度nice! 佢地講中文既口音都幾準! 見到呢度有lunch set，有主菜、沙律/湯，同飲品，另可以優惠價配小食同甜品，都唔錯! 我地當然一人一個餐啦😋 我地叫左：.🥘 手打青咖哩雞肉米線 配 青木瓜沙律賣相好Green既米線! 青咖哩味道辛辣，仲有椰香，雞肉同米線吸收哂青咖哩汁幾好味! 除左雞肉，仲有椰菜花、豆、同紅椒，另外仲有雞蛋! 都幾多配料! .🥩牛魔皇船麵 配 青木瓜沙律裡面有幾多肥牛，仲有爽彈既牛丸同炸豬皮，湯底濃郁，夠哂入味！.🍤 蝦餅我地以套餐優惠價加配左蝦餅，一碟有4件，炸得香脆.🍄🟫雞脾菇串燒一碟有2串，每串有4大件，加左調味料燒，口感爽脆.🍢串燒（雞、牛、豬）三串每款肉各一串，旁附沙嗲汁，味道夾.🥭芒果糯米飯我地都有以套餐優惠價加配甜品芒果糯米飯😋 芒果香甜，幾好食，糯米飯有白糯米同黑糯米，配椰汁食很不錯.🍹青檸梳打 及 泰式蛇皮果梳打兩杯都係特飲，套餐餐飲轉特飲可以加$15，青檸梳打夠解渴；而泰式蛇皮果真係未聽過，桃紅色既梳打，味道係酸酸甜甜咁幾開胃
繼續閱讀
荃灣享和街有好多美食，今次就到訪一間泰國小店泰式燒牛肉($98)佢係新鮮燒出嚟，表面有少少焦香，好濃厚嘅黑椒味，咬落去完全唔韌，配埋佢哋嘅泰式酸辣醬汁，超好味，大推沙文咖喱牛肉配蒜蓉包($88+$35)喺餐牌上面佢哋都有特別提示，佢哋嘅咖喱係比較水啲嘅，似湯多過似汁。所以都打咗個底，不過上到枱嘅時候，見到佢好足料，用蒜蓉包點咗啲醬汁食，又好濃厚嘅花生味，好香，入面嘅配料有好多蔬菜，肉嘅份量都好多，食到好飽。泰式雞肉船麵($62)份量唔算大，不過雞肉嘅份量一啲都唔吝嗇。佢哋呢個湯底好濃味，好味到連湯都飲晒。燒扇貝($75兩隻)呢個真係有驚喜，扇貝上面冧咗佢哋自家製嘅泰式蒜蓉酸汁，好惹味同開胃，不過如果扇貝嘅size可以再大隻啲就好啦。飲品方面，就叫咗泰式奶茶同埋青檸可樂，青檸可樂越飲越酸，到最後淨咗三份一杯飲唔到。環境雖然有少少逼夾，但係乾淨，坐得都舒適，員工服務態度好好，上台速度快，星期六夜晚八點幾左右都係座無虛席，呢間人氣小店，果然值得一試。
繼續閱讀
今次帶左鍾意食泰國菜既朋友黎荃灣呢間泰Grill，食物高質，食物高質，環境舒服，性價比高👍，想食平價泰菜可以試下。 🍜 特盛海鮮冬蔭湯金邊粉 海鮮份量幾足，有帶子、青口、蝦同魷魚，湯底酸辣適中，金邊粉吸晒湯汁好入味。跟餐既青木瓜沙律爽口開胃。 🦑 泰式原條燒魷魚 燒得幾香，口感彈牙，點少少辣汁更惹味。 🍢 串燒3串 (雞牛豬) 燒得剛剛好，唔會太乾，蘸沙爹醬食仲正。 🍚 芒果糯米飯 芒果香甜多汁，糯米飯軟熟，配埋椰汁，椰香濃郁。🧊 龍眼冰 清清地，唔會太甜，有龍眼肉幾足料。
繼續閱讀
泰Grill的泰式燒雞泰Grill的泰式燒雞果然名不虛傳, 難怪那麼多食家推介這道菜。它是一道充滿泰國風味的美食, 絕對可以當主食, 因為餐廳提供的份量甚多, 絕對夠飽, 很抵食。味道和質感令人相當滿意。吃出廚師有精心醃製這隻雞, 有吃出香料和椰漿的味道, 相當入味, 而不是只有表皮有味。醃製後又烤得很好, 烤出來的雞肉外皮香脆, 薄而不韌, 內裡的肉質非常的嫩和多汁，非常美味, 好吃到不得了。店家還提供了泰式雞醬, 讓雞肉吃起來加添了酸酸甜甜的風味, 實在是百吃不厭。當然的貼心。
繼續閱讀
📍荃灣高CP值泰國菜 — 泰Grill🇹🇭🥢今次weekend約咗朋友喺荃灣呢間泰國餐廳食lunch!! 呢度嘅Lunch Set好抵食😆用好平嘅價錢就可以加配各種小食同甜品🤭舖頭唔算好大，但係環境乾淨企理，行小清新cafe路線，都坐得幾舒服🥰而且店員都幾nice，體驗不錯～𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🔆假日午市套餐 Holiday Lunch Set $138🍳蛋包虎蝦炒金邊粉賣相好有誠意😍一上菜就見到兩隻大大隻嘅炸虎蝦🍤金邊粉嘅表面仲有金黃色嘅網紋蛋包住，好吸睛🤪炒金邊粉嘅香料味好出，食落甜甜地又唔會太油膩，整體份量都好大碟，兩個人share都ok😙🥗青木瓜沙律 （隨餐附贈）細細份嘅泰式沙律，青木瓜絲食落爽脆多汁，味道酸辣開胃😛🍤炸蝦餅（跟餐 +$38）跟餐加咗一碟四件嘅炸蝦餅🤩每一件蝦餅都好大舊，炸得好香脆，而且好有彈性👍🏼配埋泰式辣醬食更惹味🤤🥭芒果糯米飯 （跟餐+$38）好特別嘅雙色糯米飯（紫糯米和白糯）🤩糯米飯係暖暖地嘅，撈埋香甜嘅椰汁真係好夾🤍而且芒果都好大舊好甜，推薦！🧡🍹蛇皮果特飲 （跟餐+$15）泰式蛇皮果飲品真係好少見😮桃紅色嘅梳打飲品好適合打卡!! 飲落酸酸甜甜，幾清爽開胃～另外仲單點咗一個串燒set（半打）$88🍗豬、牛、雞嘅串燒每樣各兩串～三款串燒嘅肉質都唔會燒得太乾，點埋特製沙爹醬更香口好食🤤同埋🧋泰式奶茶沙冰 $48勁打卡able嘅沙冰😻泰奶味好濃，揀咗少甜味道真係啱啱好！沙冰好幼細棉滑，飲落凍冰冰超啱夏天消暑😆✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽賣相：🌟🌟🌟🌟味道：🌟🌟🌟🌟性價比：🌟🌟🌟🌟推薦度：🌟🌟🌟🌟
繼續閱讀