影片
營業時間
今日營業
11:30 - 22:00
星期一至日
11:30 - 22:00
*最後落單時間：21:30
以上資料只供參考, 請與餐廳確認詳情
-
網上訂座即將推出
喺淘大食晚飯，真係一試難忘！成餐飯唔單止好味，連賣相都夠晒吸睛，成件事開心又滿足。首先上枱係泰式原隻燒魷魚，個賣相已經好吸引，一條完整魷魚鋪喺藍色長碟上，旁邊擺咗大量新鮮蔬菜同酸辣醬。魷魚外層微焦，食落煙韌彈牙，咬落仲有淡淡炭香，配埋佢哋嘅秘製泰式醬汁，酸酸辣辣，超級惹味。第二道泰式風味沙律魚更加驚喜，整條魚用香料炸到金黃酥脆，外皮香脆，內裡魚肉仍然保持嫩滑，完全唔乾。重點係上面淋滿咗泰式沙律醬，裏面有洋蔥、香茅、花生碎同辣椒絲，香口又爽脆，味道層次超豐富。沙嗲串燒拼盤就啱晒三五知己share，一碟有唔同款式嘅串燒，包括雞肉、牛肉同蔬菜串。雞肉串最出色，肉質嫩滑入味，沙嗲醬香濃微甜，唔會蓋過原味。串燒燒得啱啱好，有火香但唔會乾。壓軸係咖哩牛腩釀巨大麵包，絕對係打卡級選擇。個麵包成個拳頭咁大，酥脆外皮入面釀滿咗香濃泰式黃咖哩。咖哩汁夠滑夠香，椰香味濃郁，牛腩腍到一咬就化，仲有薯仔、洋蔥做配料，食完好滿足。撕住麵包蘸汁食，真係一啖接一啖停唔到口！加上環境舒服，氣氛輕鬆，職員又有禮，整體體驗非常好。「泰Cool」唔只係好食，仲好玩又好影相，下次一定會再嚟，順便試埋佢哋甜品！
繼續閱讀
朋友係九龍灣返工，知道我鍾意食泰國野，帶左我去淘大有間性價比好高既餐廳「泰COOL」，餐廳門面好特別，好有泰式風格，裝飾都好特別，仲有室內同室外添👍而且呢度仲係PET friendly🐱，可以帶埋你嘅毛孩一齊嚟，餐廳入面仲見到貓貓添🐱講返食物先:咖哩牛腩巨型麵包: 有驚喜😍 麵包外殼焗到脆卜卜，入面係滿滿嘅濃香咖哩牛腩，啖啖肉夠晒入味，仲可以用麵包蘸咖哩汁，層次感十足，而且好大個，兩個人基本上食唔哂。泰式炸蝦餅: 都係必試之選，外脆內彈，仲要一份有8個，好大隻，建議多人食必點👍沙嗲串燒拼盤: 有6串，分別有雞肉、豬肉同牛揀，亦都可以各2串，燒得香噴噴，配埋沙嗲汁，味道升級左。鮮蝦炒金邊粉: 夠鑊氣，仲配埋好大隻蝦，金邊粉又唔會過油膩。甜品方面，芒果糯米飯我都好推介，糯米飯香軟，配埋芒果同椰漿，無得輸呀😍飲品我叫左咸檸七，酸酸鹹鹹，清新又解膩。呢度食物真係好抵食，性價比超高，環境又舒適，值得一試！
繼續閱讀
泰Cool內原來是金港雀會, 約三五知己打麻雀簡直一流, 而且分了兩層, 每層都有獨立房, 更誇張的事, 每張麻雀枱都是電動麻雀枱, 簡直啱晒懶人啦 😂雀局會包一套餐晚飯, 亦有三款ABC選擇, 分別在於價錢高與低, 及蒸魚的分別。但三個套餐中都是有四餸一湯, 每位都有一碗白飯, 而且套餐中必會有海南雞半隻, 及老火例湯, 海南雞肉質實在太嫩滑, 而且好入味, 而老火例湯真的好夠火喉, 蒸魚奕恰到好處, 魚的肉質很鮮滑。所以在一個雀局中的套餐已經是非常好食, 而且價錢亦很實惠, A餐價錢是最低, 大約為$568。
繼續閱讀
住咗係到幾年，知道開咗呢間泰國菜，但因為地點有啲隔涉，所以每次都唔會諗起，諗起嘅時候已經食飽咗。 突然有一日上OpenRice睇下食咩好，見到呢間泰國菜Set lunch幾抵食，就決定過嚟試吓。下午茶時段，全場得我一台，入到嚟環境好大，座位任你坐，冷氣好足夠👍🏻見到巨型牛腩包好吸引，就叫咗個嚟試吓，本身諗住淨係得咖喱汁多，點知嚟到，唔止個包大，咖喱牛腩都好多件👍🏻都真係幾巨型，晚餐嘅size ，lunch嘅價錢👍🏻超級抵食👍🏻仲要好好味再叫咗個午餐炒金邊粉，完全係意想不到嘅大碟！！仲要係好好食，不過係豆腐乾硬咗啲😄平時叫一個炒金邊粉，一定係唔飽，所以加多兩個小食，點知佢金邊粉都勁大碟😆 幾鍾意佢嘅泰式無骨鳳爪細細隻，一啖一隻好方便，都好夠味，沙律菜都食埋👍🏻👍🏻 不過炸蝦餅就切咗一半，應該放咗一段時間再番炸出嚟😅好硬走嘅時候發現原來有兩隻貓，有一隻哥哥瞓緊覺都走出嚟送客😍😍真係sweet🥰🥰整體都意想不到地滿意👍🏻👍🏻一定再過嚟食👍🏻👍🏻👍🏻
繼續閱讀
朋友收工帶路開餐，今次一於食下泰國菜，我地叫左炭燒雞翼(4隻)($48)、泰式蠔仔蛋($98)、馬拉盞炒通菜($68)、咖喱牛腩釀巨型麵包($88)、泰式地道豬手飯($78)、芒果沙冰($38)、班蘭椰子奶($36)環境空間相當闊落，唔會同其他食客坐得好逼😁炭燒雞翼：雞翼肉質嫩滑多汁，外皮燒到微焦，咬落去仲有陣燒烤味😉泰式蠔仔蛋：呢道菜絕對係邪惡又滿足，蠔仔數量都幾多而且夠鮮甜，D蛋又香滑，唔會太油膩，仲可以點埋醬汁食，味道一流😋馬拉盞炒通菜：有多款煮法可以選擇，我地揀左馬拉盞炒，呢度炒得非常惹味，通菜爽口唔會過軟，馬拉盞香氣十足，帶有微辣同海鮮嘅咸鮮味😎咖喱牛腩釀巨型麵包：呢道咖喱牛腩釀巨型麵包真係視覺效果滿分😍外層係酥脆嘅農夫包，裡面裝滿濃郁泰式咖喱牛腩，牛腩炆到超級軟腍，咖喱香濃但唔會太辣，麵包沾滿左咖喱食好滋味😋泰式地道豬手飯：豬手炆得夠晒入味，皮爽肉嫩，加埋泰式酸辣醬，味道升級，另外伴碟D酸菜一樣唔錯👍🏻班蘭椰子奶、芒果沙冰、：黎到當然要叫返D泰式飲品嘆下，芒果沙冰滿一滿勁抵飲，清甜解渴透心涼😋班蘭椰子奶香滑順口，帶有淡淡椰香，飲完超滿足🥰大合照🤩呢到嘅菜式選擇夠晒多，味道水準唔錯，價錢親民之餘，份量絕不吝嗇，真係值得再食👍🏻補MENU
繼續閱讀