52
5
4
港鐵尖沙咀/尖東站 B1 出口, 步行約5分鐘 繼續閱讀
所有分店 (1)
電話號碼
65762487
94370175
營業時間
今日營業
13:00 - 16:00
17:00 - 00:00
星期一至五
12:00 - 15:00
17:00 - 00:00
星期六至日
13:00 - 16:00
17:00 - 00:00
*星期一至五下午供應Shake Shake海鮮桶
付款方式
Visa Master 現金 銀聯
座位數目
70
其他資料
網上訂座
Wi-Fi
酒精飲品
電話訂座
有關獎賞計劃
招牌菜
曼谷流水蝦
食評 (68)
等級4 2020-06-22
1048 瀏覽
最近留意到諾士佛台呢邊開咗間曼谷正宗流水蝦,竟然唔洗去咁遠,市區就得食!即刻約埋老公一齊去試下!入場前有消毒液清潔雙手,仲有消毒蒸氣,噴一噴前後身,之後仲提供埋圍裙,令人感覺食得安心。流水蝦好新鮮生猛,真係扎扎跳,而且數量都好多,唔洗驚夾唔到。夾完之後將蝦放入冰筒冰暈佢地先,咁就唔怕啲蝦周圍彈。之後就可以剪鬚剪拑先燒,就唔怕大煙或者好快有燶味。流水蝦新鮮,肉質彈牙,啖啖肉,好正👍🏻外面仲有其他海鮮拎,都係任食。餐前嘅泰式小食,酸酸辣辣,惹味開胃。仲有唔少熟食,可以食住先。其中泰式脆炸小食最吸引我。甜品有葡撻,心太軟,冬甩同雪糕球,雪糕球有好多味道揀,連我最鐘意嘅芋頭味同榴連味都有!燒烤肉類都有好多選擇!午餐肉、丸、腸、豬、牛、雞都應有盡有,雞翼仲有幾款唔同味道可以揀,啱哂鐘意食雞翼嘅我,另外佢嘅雞軟骨串都好正,忍唔住食完再食。飲品除咗汽水,梳打水,仲有花茶,涼茶!每人都有活鮑魚同和牛送返。店員會幫手將鮑魚起肉,鮑魚肉質彈牙,好鮮味。和牛牛味香濃,油脂甘香。海鮮好新鮮,食物選擇多。店員服務亦好好,總括而言,性價比好高,會再嚟! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-18
1576 瀏覽
位於尖沙咀諾士佛臺一號一樓的泰夯蝦,主打流水蝦放題。在泰國旅遊的時候曾經和朋友試過,想不到在香港也能吃到。獲店員安排坐在流水蝦缸旁邊,可以按個人份量拿取及享用流水蝦。把流水蝦處理好 (剪掉蝦鬚和蝦腳),便可以開始燒蝦了,只要看到流水蝦變成橙色,便可以把蝦翻到另一面繼續燒。。新鮮的流水蝦蝦肉鮮甜又彈牙,令人回味無窮。蝦肉肉質結實,一點也不霉口,可見流水蝦相當新鮮。除了有流水蝦,還有無限量供應的扇貝、沙白和蜆,相當豪氣。各種海鮮用料新鮮,所以扇貝肉質爽口彈牙,味道又鮮又甜,可以瘋狂吃到飽。凍櫃內盛載了十多款配料,如咖喱雞翼、南乳雞翼;也有蔬菜如粟米、茄子片、菠蘿片等。吃了不少海鮮和蝦肉後,可以吃少許蔬菜,平衡一下油膩感。還有一款熱食自助區,設有各款香口小食。個人頗為喜愛吃炸榴槤波波,脆脆的外皮包裹著香濃的流心榴槤餡。餐廳的甜品也頗有特色,有較為特別口味的雪糕球,如奶茶口味、芋頭口味、海鹽等,方便又衛生。最後,餐廳約提供十多款飲品,可以自由拿取,個人則相當喜歡喝這款泰式梳打水,氣泡十足又健康。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-17
732 瀏覽
呢日仔仔生日一於出去食飯慶祝吓,順便俾個藉口自己唔使煮餐廳做足防疫三步曲,除了量體溫及備有酒精搓手液外,最特別是用這部機為客人全身蒸氣消毒,感覺安心得多鮑魚/和牛一入座就每位送上鮑魚及宮崎和牛;鮑魚肉厚鮮彈,和牛油脂豐腴,入口脂香四溢每枱附近都有流水蝦道方便食客,從流水道夾起大頭蝦再放入冰桶冰暈,要冰暈咗啲蝦先可以放在爐上燒,否則啲蝦會彈走,到時真喺生蝦咁跳啦電烤爐分上下兩層,職員好細心指導我哋先將蝦鬚及兩隻鉗剪掉,這樣才可以排得密啲,防止熱能流失同時令到下層的食物快啲熟職員又教我哋可以將蝦蘸點鹽來烤可以帶出蝦的香味,烤出來的蝦真的香好多,鮮甜彈牙,食不停口每隻蝦都非常爆膏,橙紅色的膏入口甘香鮮味,懶理膽固醇,食咗先算餐廳除了主打蝦外,仲有其他海鮮供應,包括沙白及即開元貝、象拔蚌仔;沙白肥美無沙,元貝及象拔蚌仔新鮮彈牙,加埋我哋自製咗嘅蒜蓉牛油落去燒就更加惹味除了海鮮外,餐廳都有肉類同蔬菜供應,單喺雞翼就有六款口味選揀餐廳同時提供熟食,有烤台灣腸、關東煮、炸物、燒賣,仲有蒜蓉、香辣兩款熟蝦選擇,等緊蝦熟嘅時候都唔怕肚餓飲品、甜品無限供應,食埋泰式雪糕球就超滿足啦 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-08
1205 瀏覽
細佬之前講過話想試流水蝦放題所以訂左泰夯蝦同佢慶祝生日疫情期間餐廳會為每位客人量度體溫然後提供酒精搓手液消毒雙手最後做埋全身蒸氣消毒先再安排入座咁就食得安心又放心啦餐廳設有多條流水蝦道基本每枱隔離都總會有缸蝦喺度夠哂方便唔使行黎行去夾咁麻煩啲大頭蝦蝦隻隻都好生猛而且都幾大隻好多仲係爆膏;鐘意食蝦膏嘅話就要揀啲蝦頭飽滿而且帶啲橙紅色嘅燒啦揀啱心水直接夾起放落冰桶凍暈隻蝦然後用把較剪剪走哂啲蝦鬚蝦腳蘸埋粗鹽就可以放上爐度燒大頭蝦肉結實緊緻而且肉質細嫩鮮甜配埋泰式海鮮青醬酸酸辣辣咁清新得黎又夠醒胃餐廳做緊推廣優惠每人都會贈送鮑魚同埋宮崎縣櫻花牧場和牛;鮑魚肉厚鮮活而且和牛油花細密而且油脂甘香好正餐廳每日仲有唔同時令海鮮供應而且全部都係即開任食;沙白乾淨無沙簡單比啲豉油調味已經好正;帶子同埋象拔蚌仔記得要加啲蒜蓉牛油落去燒會惹味勁多唔好比佢停等緊啲蝦燒好嗰時可以拎住啲熱葷食住頂肚餓先餐廳主打泰國菜式所以都有幾款炸物小食提供食厭海鮮嘅話自助區度仲有幾十款燒烤肉類同埋配菜選擇其中淨係雞翼都有六種味揀隔離仲擺左部關東煮鍋燒肉食得多覺得油膩嘅話可以烚下啲丸類同埋蔬菜飲品同埋甜品都係任飲任食埋單都係每人三百幾蚊真心唔貴 繼續閱讀
(以上食評乃用戶個人意見 , 並不代表OpenRice之觀點。)
終於叫到男友陪我食泰夯蝦喇,之前元朗店時已經好想試咖喇,終於俾我等到開到黎尖沙咀!當晚我地食宵夜時段任食2小時 $298加一,想不到周五呢個時段仍然全場爆滿。另外最近星期六日假期加開午市流水蝦3小時放題$348加一。入座前店員會幫客人高溫消毒,在門外已經見到幾條流水道有滿滿泰國大頭蝦游游下。每人會送宮崎和牛和鮑魚一客呢塊和牛脂很不錯,軟稔有牛味。鮑魚仲非常生猛識郁ga~客人自助形式揀游水生猛大頭蝦~揀蝦要記得帶埋冰桶將蝦凍暈。可將蝦沾上鹽,放上爐燒!不過蝦夠新鮮彈牙,食原味都已經好好味。隻隻蝦都爆膏,肉質爽甜。當晚我自己都食左十幾隻。店內還有提供多款即開海鮮任食,當晚有扇貝、蚌同蜆。refill得都幾快。自助區還有多款熟食,嫌自己生燒等得耐仲可以食住自助區嘅蒜蓉蝦 同避風塘炒蝦 仲有多達三十燒烤肉類菜品提供!(雞翼種類都有6款味,大大隻)麻辣、咖喱同土匪都幾好味,必食厚肉爽滑豬頸肉。串燒雞軟骨都不錯。無油精飲品、甜品、雪糕呢d 當然唔少得~海鹽咸咸地幾解肉膩感。總括食物款式多、質素唔錯,整個用餐體驗好玩,已經值回票價~ 繼續閱讀
(以上食評乃用戶個人意見 , 並不代表OpenRice之觀點。)