影片
港鐵油麻地站 A2 出口, 步行約2分鐘
繼續閱讀
開飯介紹
餐廳以黃、藍色做主調，並設有戶外露天座位，打造年輕時尚的用餐環境；菜式選擇豐富，提供多款辣味菜餚，照顧不同食客口味。
繼續閱讀
營業時間
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
油麻地呢間泰國菜而家做緊$1菜式優惠，咁抵就嚟咗食個豐富午餐🍴 Lunch時段，餐廳都好多人幫襯啊🤗海鮮花甲乳豬煲喺門口見到佢個鍋物Menu好似好吸引，有多款配料包括自家製乳豬、花甲、青口、大頭蝦、魷魚、娃娃菜、韭菜同埋芽菜🍲 湯底方面可以揀冬陰功或者係椰汁，我哋就揀咗冬陰功，呢隻冬陰功唔算非常酸辣嗰種，所以配海鮮比較夾🦐 另外呢個煲仲可以揀一款主食，我哋就揀咗公仔麵，不過要注意煮公仔麵嘅時間，太耐就會變得太腍㗎啦🍜火山骨勁鍾意佢個火山骨，其實係豬脊骨，餐廳煲得好腍，輕鬆就可以將啲肉拆出嚟🤩 而且佢嘅味道特別迎合大多數香港人嘅口味，冇泰式原味咁辣🌶️ 唔會去到後尾辣到食唔到㗎。馬拉盞通菜呢個係限時優惠，呢日星期六加$1就食到啦🥬 馬拉盞通菜個味道唔會好鹹，加埋少量嘅辣椒食落口好惹味呀。唔好睇佢做優惠份量就好少，都夠我哋分享，而且唔會唔夠喉😙黃金蝦餅一份有四件，都幾大件，外層炸得香脆，入面嘅蝦膠口感實淨，有咬口，配埋泰式醬超級夾🍤飲品♦️翠綠湖見到佢個名好靚，入面嘅材料有班蘭、椰奶同埋鮮奶，飲品好香椰奶嘅味道🥥♦️香茅班蘭茶呢個係用茶壺上嘅茶，浸一陣就飲得🍵 有淡淡嘅香茅同埋班蘭味道，幾有泰式風情。3月17號前，凡惠顧$500就可以用一蚊嘅優惠價加配指定菜式，每日嘅優惠都唔同㗎，等我下次星期二嚟食先，一蚊優惠係我鍾意嘅火山骨呀🌋 仲有見到隔離檯叫咗個404黑色西蘭花，望落幾特別，下次嚟要試吓🥦
繼續閱讀
今次同朋友嚟到本來想試佢哋嘅招牌火山骨🌋同創意404黑色西蘭花🖤，點知賣晒！不過其他菜式一樣有驚喜～🍲 椰汁雞湯底乳豬鍋超正！湯底香濃得嚟帶少少甜，乳豬皮吸晒湯汁超入味，朋友仲話想打包個湯底返屋企煮麵食😆🐮 至尊牛肉船麵份量十足，肥牛+牛柏葉+牛丸鋪到滿晒，個湯底飲得出係用足料熬，飲到最後一滴都唔放過！🍤 黃金蝦餅外脆內彈牙，點埋個甜酸醬真係停唔到口✨🌿 香茅斑蘭茶清香解膩🍹最驚喜係飲完成杯，個口都仲留有淡淡嘅斑蘭餘香，完全唔似一般茶飲咁飲完會口寡寡😛而且同其他濃味泰菜真係超夾，特別係食完濃味嘅乳豬鍋同船麵之後飲一啖，即刻可以清一清味蕾再戰下一round～椰汁西米糕口感Q彈，甜度剛剛好💪🏻見到隔離枱嘅火山骨同黑色西蘭花好似好正，下次一定要早啲嚟試！有冇朋友試過可以話我知好唔好食？😋
繼續閱讀
好鐘意食魚嘅我喺星期一用💲1蚊食到 (每日唔同)某人話我知Mirror x Error 成員有份開。抱住普通心態去食下，點知出奇地好食 & 仲係創意食物。✨麥香金沙軟殼蟹 (3隻)咸蛋黃包住外脆內軟軟殼蟹大大隻好有口感側邊仲有麥皮堅果好啱餸酒✨✨冬蔭功烤魚 (鱸魚）煎過鱸魚更香口得嚟魚肉好嫩滑.連唔食魚嘅某人食咗大半條魚。有別於一般味道甜甜辣辣✨鳯爪沙律鳯爪爽口彈牙,洋蔥清甜味令酸甜味帶微辣taste好Fresh蘿蔔洋蔥蔬菜更健康。✨菠蘿海鮮炒飯大半個菠蘿上好足料除左金黃飯外。仲有海鮮: 蝦，青口，蜆肉. 滿滿肉鬆同腰果提子乾增加豐富口感。
繼續閱讀
作為一個師奶，日日煮飯都煮到冇晒靈感，最想就係放假有人煮返餐好嘅俾我食。最近同囡囡去開旺角，就順便試咗間叫「泰9」嘅泰國菜餐廳，地點都幾方便，喺油麻地彌敦道560號譽發廣場4樓，一出地鐵站行幾步就到，對於我呢啲要帶住小朋友出街嘅媽媽嚟講，真係慳唔少腳骨力。泊車我就唔太清楚啦，因為我通常都搭公共交通工具。一入到去，環境光猛企理，雖然唔算好大，但都坐得幾舒服，唔會好逼夾。最緊要係感覺乾淨衛生，食得都安心啲。見到有啲家庭客都帶住小朋友嚟食，睇嚟都幾受歡迎。我哋一行兩個人，所以就叫咗幾款招牌菜試吓。首先嚟個「泰式魚餅」8件，炸到金黃色，外脆內軟，魚肉彈牙，點埋個甜酸醬，味道幾開胃，小朋友都食到津津有味。跟住仲叫咗個「泰9豬手」1隻，份量都幾足，豬手炆到好腍，好入味，皮Q肉嫩，膠質豐富，完全唔會有油膩感，連平時怕肥嘅我都忍唔住食咗幾舊，真係好香濃㗎！再嚟個「冬蔭公烤魚(鱸魚)」，魚肉好滑，辣度適中，香料味好突出，食落好惹味。飲品方面，我叫咗杯「芒芒雪沙」，芒果味好濃郁，沙冰打得好幼滑，甜度剛剛好，夠晒冰凍，消暑一流！囡囡就叫咗杯「翠綠湖」，酸酸甜甜，好解膩。總體嚟講，我覺得係一間值得再嚟嘅泰國菜餐廳。食物質素唔錯，味道夠正宗得嚟又迎合到香港人口味，環境都舒服，帶小朋友嚟食都幾方便。可惜宜家已經無左了🫣
繼續閱讀
身邊啲frd成日9下9下，不如帶佢去試下呢間啦🤣，環境氣氛唔錯，最岩同老best一齊去😎。🐷海鮮花甲乳豬煲 $328花甲嘅鮮美同乳豬嘅酥嫩完美結合🐷，湯底濃郁，充滿海鮮嘅鮮香🤤。🍍菠蘿海鮮炒飯 $128以菠蘿為特色，米飯吸收左菠蘿嘅香甜，而海鮮嘅份量都好多‼️🥃A 醉9鳥 Cocktail $88一杯酒再加上泰式奶茶，飲落去口感順滑，酒香濃郁🤩。🍫拔蘭地朱古力 $88朱古力🍫嘅濃郁同拔蘭地嘅香氣相互融合，飲落去有淡淡的拔蘭地酒味🥃，但係唔會遮蓋左朱古力嘅味道👍🏻。🦐泰式生蝦8隻 $88生蝦味道鮮甜，搭配泰式調味醬，酸辣適中🥰。🥬馬拉盞通菜 $1🌟餐廳人氣主食：火山骨🦴 、404黑色西蘭花🥦、泰式海鮮花甲乳豬煲🥘（全日供應） 湯底：招牌冬蔭功/濃郁椰子湯 配料包括：花甲、乳豬、青口、蝦、韭菜、魷魚花、鮮菇、公仔麵或烏冬🌟期間限定‼️每日驚喜優惠❤️凡惠顧滿$500，1️⃣蚊加購下列食品：Monday——泰式明爐魚（鱸魚）🐟Thursday——招牌火山骨（豬脊骨）🌋🌶️Wednesday——泰式明爐蜆（沙白）🐚Thursday——泰式生蝦（6隻）🦐Friday——串燒雞/牛（5串）🐥🐮Saturday——馬拉盞通菜🥬Sunday——蠔仔蛋🦪🍳⚠️每日限量供應，敬請致電訂位📞。
繼續閱讀