泰開心泰菜館

營業中

休息中

無意中發現呢間泰國菜餐廳，位於九龍城核心區最邊邊位置，是日晚上七點到現場都坐緊九成🈵️要等位，用餐過程不難發現此店主要做熟客為主，有好多客入到餐廳都已經識得捐窿捐罅。店員提供街坊式親切禮貌的服務，喺需要等位嘅時間 主動問我哋有冇需要櫈；入到餐廳用QR code落單， 唔知點解系統將所有餐點自動入咗兩份，店員並冇黑面、亦冇鬧人🫣 飯後亦有主動交談，推介我哋下次嚟試火山骨👍🏻環境方面，屬一般老店的規格，絕非新淨但仍感覺到上算整齊，衛生程度可以接受。食物方面全部抵食夾大件：青芒鰂魚沙律 - 說明三至四人份絕不為過，心機菜式將魚拆成一件件魚塊上漿炸，再冚上調味、香料十足的泰式酸辣汁，配上青芒果的清爽口感， 高度推介！皮蛋蝦餅 - 份量味道十足，炸起即食夠熱夠脆，兩樣食材(蝦膠、皮蛋)味道比例平均，泰式辣醬純粹襯托亦錦上添花。冬陰功濃湯 - 十分醒胃，辣度剛好。除咗大頭蝦亦有擺放菇、車厘茄等菜料，增添食材質感。連同一碟馬拉盞通菜、生蝦刺身及兩杯飲品，二人消費共$640。 足料抵食，回味程度亦高，會安排下次 到九龍城食泰菜時再嚟 👍🏻

嚟到九龍城緊係食泰國菜啦叫咗8道菜拼盤雞翼超正咖喱汁蟹配薄餅或者蒜蓉包黃金炒蝦個蝦好入味酸辣鳳爪就一般味道唔係太濃串燒最好食🤤最後都嗌多咗碟串燒有雞肉牛肉選擇

好食！抵食！服務一流！碟碟好足料，必食推介：炸蝦片、豬頸肉、明爐烏頭、冬蔭公、菠蘿海洋炒飯！豬頸肉非常厚肉，烏頭魚特別鮮甜，菠蘿海洋炒飯十分足料，仲有大大個新鮮椰青！五個人叫左八款菜式，仲叫埋青檸梳打，埋單都係九百多元！真正超值！😋😋😋上菜又快，老闆同員工都超友善，臨尾仲送上美味的芒果糯米飯做甜品，食到最後友人要去洗手間，沒有紙巾，職員立即成包紙巾送上，簡直是窩心！令人食而忘返！一定會再來的餐廳！

泰國正忠味道！有鍋氣！CP值超高！平日午餐時段來九龍城找地道泰國菜，下午兩點有幾間午休，有幾間要晚市先開，所以行過黎試新野。在最旺的泰國街旁邊，店鋪乾淨，老闆娘親切友善！過了午飯時間都有街坊熟客幫襯緊。午餐有兩頁選擇：海南雞飯、炒飯、炒河、湯粉等，全部均一價$55，另外飲品多選擇，加$3有泰式奶茶，加$5有特飲珍多冰等。叫了海南雞飯，好彩未沽清。雞肉厚實，黃油皮，皮爽。雞飯醬食得出自家做，有薑絲香料，不太鹹，食完一碟醬再添一碟。另外叫了辣肉碎炒公仔麵，一落單後就聽到廚房鑊氣聲，炒完捧出來一看就流口水🤤，大碟頭配好多菜，彩椒要落去微辣，有金不換、洋蔥、泰式椰菜花、番茄仔、青豆角，當然有幼身泰國公仔麵。香口濃味完全唔洗加辣椒粉。飲品都值得一讚：奶茶香濃有茶葉香，就算少甜都無遺和感。珍多冰都幾多椰奶，我老公係珍多冰粉絲要求高都覺得唔錯🤣絕對值得返黎再試其他菜式，唔比其他出名泰國菜館遜色，反而仲有一番地道風味！

入坐後，店員送上熱水比我哋洗餐具，斟咗冰水，再送上免費炸蝦片，一路食住蝦片，帶點胡椒味，幾好食，一路睇下餐牌揀嘢食食泰國嘢，最先又必食嘅當然要叫個沙律系，今晚捨棄了柚子沙律，黎個泰式酸辣鳯爪沙律 ($78)份量都嚇了一眼，酸辣鳯爪堆得滿滿，加埋紫洋蔥及芹菜，醬汁就酸得黎愈食愈辣，好惹人胃口。肉類擔當有串燒 (豬牛鷄各2串/$88)，真正即叫即燒，都要點時間等待............但值得嘅每串份量相比起其他店都大D，無論豬牛鷄都入口鬆軟，唔會燒得太乾身，點埋個沙嗲醬好好味。最後黎個澱粉質，呢度無湯河類，乾炒料豬鷄同海鮮都係同價，既然食咗串燒，咁就叫個乾炒海鮮河($68)，(無河粉轉金邊粉)海鮮材料有魷魚，青口同蝦，雪藏貨式無咩味道反而個金邊粉最有味，開頭擔心會炒到一團團，但又無喎 (好彩)，加咗鷄蛋一齊炒多咗陣蛋香味，份量都幾多，夠飽肚。甜品只有芒果糯米飯，今餐太飽，留待下次再會一會佢呢餐無加一，仲有個精美椰汁綠豆糕送比你食(忘記影相，呢個相當好味，可惜餐牌上係無嘅)

想讓自己開心點就來這家泰開心只是進店沒人理..又這應該是在下的磁場吧總是會這樣的沒存在感嗎 😅還是太像員工？除了沒人理外 很快就發現第二個弊處電話收不到..本來說沒人理唯有自己上網看Menu嘛..還是乖乖等人來吧店員一放下Menu便問在下要什麼有選擇困難的在下班心感強大的壓迫感..可真有點無言店員等著的關係 就隨便點了份金邊粉飲椰青 再加份薄餅..反正在下時間不多只有不到一小時就也隨便吧先到的是椰青 來解解熱氣椰肉有點硬 那就只喝汁吧接著的是薄餅 熱辣辣的食物最舒服了喝2口又發現問題了......沒帶錢..找到店員後知道這裡收八達通便安心下來最近一直忘3掉4要小心點才行..如店家不收八達通在下今晚就要留著洗碗了😅自己緊張一番後金邊粉便到好大一碗 光造型就讓在下有十足滿足感大碟到半粒青檸似乎不足夠這就當吃清淡點啊三隻大蝦 蛋碎 蔥 芽菜 豆乾 花生蝦水什麼味道 可能是因為分開煮的關係補上的是麵的味道十足甜 酸 咸 的大集匯吃光光後整個就是超滿足😍飽..今晚應該不用吃宵夜了吧..

從來冇寫過食評或食後感，因為真心知道吾系專業食家或食評家，今次系第二次去，亦系我第一次非中餐而介紹朋友去的一家食店，我未去到好識分食物点好，但至少識分乜野系吾好，二次嘅經驗，暫時未揾到吾好食嘅野，以我第二次去作出嘅要求，店內人都肯滿足，已經冇話可說，至於食物，点了一些普通的食物，食完之後，座上一位朋友說，曾在同區食過，有過陰影，今次本是俾面派對，但結果有讚冇彈，睇黎，以「抵」同店內所有人嘅態度，第三次幫襯應該吾會遠……

九龍城當然食泰菜啦，本心唔係黎食呢間，點知原來果間（同心）執左，轉左呢間！叫左幾樣野食，自在飲下酒吹下水。✨生蝦- 大隻、好厚肉，個汁再辣d我仲鐘意🤣✨炸皮蛋-好鬼大碟，2條友食呢個都飽，皮蛋仲要係糖心，正👍🏻✨燒烏頭-唔係太入味✨炒通菜-有穫氣👍🏻

泰開心泰菜館九龍城打鼓嶺道5號地下B號舖難得嚟到九龍城當然一定要食泰國嘢啦， 朋友介紹話呢間唔錯所以我就黎試下。。入到黎見到全部職員都係泰國人，應該真係幾正宗午餐既選擇都好多，真係好難揀呀樣樣都想試最後揀左呢個，待應送黎既時候已經覺得好豐富，非常足料， 而我最欣賞嘅就係佢嘅湯底， 好濃郁絕對唔係味精湯，同喺泰國食嘅船麵湯底一模一樣，真心正午餐加$5 可以轉特飲，好抵。。。而且好香椰汁味又哈會太甜，值得一試

第一次同朋友嚟呢度食泰國嘢 真係覺得泰正正到令到我打咗第一個食評首先環境舒服 有兩層我哋十幾個人上咗去上面個層 好闊落坐得好舒服 好啱一家大細成堆朋友嚟食 服務態度真係super nice正宗泰國人侍應好nice咁教我哋泰文 原來芒果沙冰個讀音叫＂懞苯” 佢有杯特式嘢飲係蕃茄沙冰 平時出面泰國餐廳都見唔到有 又幾特別幾好飲喎！食物質素新鮮好味食材全部都好新鮮 好食到啲嘢食一嚟到所有人都搶住食咁 唔記得所有嘢食都相機食先我哋食咗生蝦啦 泰北清湯冬陰功 小食拼盤 咖喱蟹 豬肉生菜包 蜆 鹽燒盲曹 海南雞 燒雞 青檸汁燒牛肉每一樣都好好食 但我有幾樣餸要特別推介泰北清湯冬陰功 未飲過清湯版冬陰功 啲魚好滑 又飲到鮮味 清得嚟又有冬陰公嘅辣味 正！鹽燒盲曹條魚超滑 加埋個辣汁 好開胃咖哩蟹啲蟹好大隻 好新鮮 個汁我哋配埋個蒜蓉包 呢個組合無得輸！另外我都好鍾意青檸汁燒牛肉 但無影相 啲牛好嫩好juicy 如果要食泰菜 呢間泰開心我點都會encore!

今日屋企人幫我慶祝生日一坐底 店員就好熱情咁招呼我地唔會因爲想賺錢而hard sell d 菜仲會好小心咁問我地食唔食得曬 加分💜菜單款式多選擇 食物質素整體都唔錯 1. 冬蔭功湯呢個湯望落好足料 湯入面有一隻大頭蝦 蝦肉鮮甜 湯底味道比較酸適合鍾意酸辣嘅朋友💕2. 馬拉盞炒通菜普通炒菜 冇咩特別3. 泰式燒豬頸肉豬頸肉唔係普通茶餐廳嘅質素睇得出廚師有用心去燒食落會有小小烤肉嘅味道4. 青檸汁燒牛肉充滿驚喜嘅菜式牛肉唔會燒得太耐 而且重牛味5. 燒魷魚🦑餐廳用左新鮮魷魚整嘅 食落去好鮮甜6. 黃咖喱（牛）值得一試應該用左椰汁去整 所以食落椰汁味好重 同埋係偏甜嘅咖喱 另外餐廳送嘅法包 都一樣用心 焗完再搽埋蒜蓉好岩配埋咖喱一齊食 7. 爆炸蟹隻蟹超大隻 多蟹膏 而且肉質鮮甜💜岩哂鍾意食蟹嘅朋友最後我地一行6個人 叫左11個餸 埋單都係大概$1300 推薦大家去試下

泰開心菜館，地點不太起眼，經友人介紹去食，卻帶來無限驚喜，無論食材及價錢都物有所值，上次食串燒、咖哩蟹、生蝦、沙律，冬蔭公，樣樣都好掂，連店主送比我食碟蝦片都超好味！大家想知點好食，不妨親身去試試！我會比95分，扣左5分只因地方唔太大。

之前一路都有喺九龍城食泰國菜， 但係今次呢間有驚喜，真心好食過其他，生菜包好吃，黃咖喱好食（要加埋個蒜蓉包)環境乾淨，羊架好食，但係飲品一定要叫少甜(尤其係龍眼冰），燒雞也好吃，生蝦刺身正！整體評分很高的泰國菜，但係酸辣湯比較一般，泰式炒通菜好吃！咖喱炒蟹也不錯！鋪頭用的全都是泰國人，侍應及廚師也是，裝修不錯，有泰國風味！好似去咗泰國咁，符合性價比，但當然唔可以同泰國比價錢，上次去泰國食泰國菜實在太平，總括嚟講下次一定會再嚟！

預祝父親節，今年特別少少唔食中菜，走去同屋企人去食泰國菜。餐廳嘅菜式選擇夠多，味道好，而且仲好抵食。 加上環境乾淨企理，老闆安排咗樓上閣樓位置，私人空間十足，人多去包場一流，侍應招呼亦週到。 下次再有聚會必定再去。椰汁雞湯 - 酸味辣味夾得剛剛好無骨鳳爪海鮮炒金邊粉炒通菜柚子沙律青檸燒牛肉 - 啖啖肉，肉質軟滑又夠肉味鹽燒鰂魚 - 唔多骨，肉非常滑黃咖喱軟殼蟹 - 咖喱味道好香，軟殼蟹夠多，而且個包索咗啲汁好正小食拼盤司奄

一家人黎到九龍城想食泰國菜, 一落巴士站見到附近開左間新既泰菜, 見個名好得意叫 泰開心, 睇左餐牌, 價錢都算平, 就試下呢間啦!呢度環境幾好, 乾淨, d 企台又好服務, 為我地介紹一家人可以share 食既餐! 初時都無抱太大期望, 始終係新, 陸續黎既食物都夠大份, 一家人樣樣叫d, 咩都可以試, 樣樣都好有水準, 兩個表侄BB 女勁食 又勁飲新鮮椰青!最難忘係個軟殼蟹咖哩包, 每啖包都沾滿咖哩汁連軟殼蟹入口, 超滿足!