影片
港鐵灣仔站 B2 出口, 步行約4分鐘
繼續閱讀
電話號碼
98236689
附加資料
入廚30年泰國廚師，鎮守香港，不斷研發新菜式，遠赴家鄉Rangsit炮製特色濃湯船面，獨門秘方
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
灣仔嘅餐廳多到數唔晒，但要搵間好食、坐得舒服又唔貴嘅泰國菜，真係唔容易！而我今次發現咗呢間泰鑫 💥 重點係呢度嘅泰籍主廚係有米芝蓮背景，難怪啲嘢食都幾有驚喜 👨🏻🍳 二人套餐 $398 + $1 小食拼盤 = CP 值極高 🔥 我同朋友叫咗個二人餐，上菜都幾快，加 $1 就換到抵到喊嘅小食拼盤 😱 蝦餅：外面香口，入面彈牙蝦味濃！豬肉條：鹹香惹味，咬落口感似豬肉乾同豬頸肉。炸雞翼：香茅味突出，肉質幾 Juicy～福袋：炸得香脆但唔油膩，入面仲有蝦肉餡同粟米！🦞 原隻波士頓龍蝦金邊粉 +$268 上枱嗰下真係「哇」咗出聲 😳 原隻龍蝦超多羔、起埋肉，配埋 3 隻大蝦加金邊粉。🌶️ 冬陰功湯 細細碗嘅冬陰功都足夠兩個細食嘅人 Share！大蝦爽甜，湯底酸辣偏辣，正 😋🐤 雞肉炒金邊粉 金邊粉炒得有鑊氣，雞肉大件又夠滑，配花生碎、青檸汁，即使食唔曬第二日返叮一樣咁好味 🤤🥘 青咖喱豬肉 + 薄餅 青咖喱香濃，豬肉腍滑，加薄餅撈汁食冇得輸，薄餅口感鬆軟，係高質嘅薄餅！🥬 飛天炒芥蘭 炒得夠鑊氣，芥蘭爽脆惹味，即是飽咗九成都要食曬佢！🥥 椰汁馬蹄爽 馬蹄粒煙韌得嚟又有爽脆嘅口感，椰汁香甜味道調得幾好，夏天食啱晒 🌈🍋 青檸梳打、🧋 泰式奶茶青檸梳打飲落有汽酸酸地，同平時飲開嘅差唔多，正常發揮。奶茶茶底飲落茶味幾香，甜度偏淡，如果飲開少甜少冰，唔使嗌少甜都可以！
繼續閱讀
這間餐廳位於利東街附近，由參加過米芝蓮的廚師主理，將泰式街頭風味昇華為精緻料理。店內木系裝潢搭配暖黃燈光，營造出咖啡館的愜意氛圍，顛覆傳統泰菜館的喧鬧印象。其超值二人餐只需$398，還可以加$1換購小食拼盤添！泰鑫二人餐 $398椰子雞湯（S）：可選冬陰功湯或椰子雞湯。我們點了奶白湯面浮著椰油香氣的椰子雞湯，雞肉又滑又嫩，飲落椰奶的甜潤與香料辛香完美平衡。青/黃咖喱 配 牛/雞/豬肉：我們揀了青咖哩豬肉：翡翠色醬汁好綿密，並不算太辣反而重椰奶味，豬肉片有好多塊，搭配白飯食寧舍開胃。泰式雞肉炒金邊粉寬粉條帶著焦香鑊氣，醬汁甜酸微辣，拌入現烘花生碎、砂糖與辣椒粉，既開胃又香口，食到停唔到口。椰汁馬蹄爽香甜椰汁與三色馬蹄粒的配搭真係好冰涼爽口，食完暑氣瞬間消散。泰式奶茶、青檸梳打泰式奶茶味道夠曬正宗，青檸蘇打飲落清新，夏天飲真係一流。+$1可換小食拼盤蝦餅外酥內嫩，蝦肉彈牙；炸雞翼夠晒香脆，肉質軟嫩；豬肉條鹹香惹味；福袋炸得金黃，內餡蝦肉混入芋頭絲等，口感豐富。泰式燒牛肉 $148另外我們亦單點了一份燒牛肉，粉紅切面鎖住肉汁，搭配主廚特調海鮮醬，酸辣中帶魚露鮮味。芒果糯米飯 $98傳統泰國甜點一定要食，不過芒果未算好甜，糯米飯份量二人剛好，味道濃郁不粘牙不結塊。
繼續閱讀
想大叫呢間一定會encore！主廚係曾參加過米芝蓮嘅星級泰籍師傅！裝潢簡單，但食物係重點，我都大大話話食過好多間泰國菜，呢間真係好好食！泰鑫二人餐 $398 +$1換購小食拼盤套餐超級豐富✨ 1份冬陰功湯，我自己非常鍾意呢個湯，正宗得來仲好適合香港人嘅口味✨ 1份青咖喱 牛肉咖喱，個青咖喱汁好入味，牛肉夠軟腍多汁✨ 1份雞肉金邊粉，主菜好大份，好鍾意佢細節位做得好足，有花生碎、少少砂糖、泰式醬料伴碟，炒得好夠✨ 1份椰汁冰冰馬蹄爽，夏天食一流，非常解渴透心涼✨ 2杯泰式奶茶 +$1 一份小食拼盤，勁誇張！有齊蝦餅、炸雞翼、豬肉條、福袋，唔敢想像有咁多，一定要點！+$68 炒芥蘭，可以在加錢加少食或者係白飯煎餅，價錢好合理！燒魷魚 $128燒得好惹味，啖啖魷魚肉！沙嗲串燒 $108有齊豬肉、牛肉、雞肉，鍾意個沙嗲醬，夠香夠重口味！見到有四人餐 $998 餐點升級，可以+$1換泰式明爐酸辣魚！下次約埋一班朋友一齊！仲有個擲骰優惠，隨時有折！
繼續閱讀
上星期走左去食泰菜晚餐 🇹🇭🇹🇭🇹🇭 店位於灣仔合和中心對面，裝修加入新派泰國元素，環境清新舒服 😇😇😇 入到店員安排坐低之後 🤵🏻♀️🤵🏻♀️🤵🏻♀️ 就可以睇menu點餸～ 我哋點咗個2人餐 + 其他食物，如下 ：2人餐 $398 有4道菜 + 2 drinks :- 椰汁雞湯 🍲🍲🍲 椰汁味香濃，雞嫩滑 👍👍- 青咖喱配豬肉 🐷🐷🐷 店員推介配搭，我哋就試吓啦～ 微辣青咖喱，清新中帶點惹味，配上鬆豬肉片，得喎 😋😋 今餐推介 ⭐️⭐️⭐️ - 雞肉金邊粉 🍝🍝🍝 standard food, 不過不失, 合格 👌👌👌- 甜品 🍧🍧🍧 椰汁馬蹄爽，三色圓中夾住馬蹄粒，配上椰奶 👍👍 幾特別，賣相優美，而粉圓中的馬蹄，口感幾好！⭐️⭐️⭐️ 另一推介～- 飲品🥤🥤🥤 泰式奶茶 & 青檸梳打 … 正常發揮 👌👌👌份量充足，2人前應該夠食～ + $1 小食拼盤 🍤🍤🍤 有4款炸物：蝦餅、雞翼、福袋、豬頸肉… 配泰式甜辣醬，幾香口開胃 😋😋😋+ 龍蝦金邊粉 🦞🦞🦞 原隻龍蝦炒金邊粉，之外仲有蝦 🦐🦐🦐 好豐富～ 但味道一般，打咭食品 🤣🤣🤣+ $1 小食拼盤 🍤🍤🍤 有4款炸物：蝦餅、雞翼、福袋、豬肉條… 配泰式甜辣醬，幾香口開胃 😋😋😋整體來講係豐富滿足嘅一餐 😇😇😇 2人餐CP算高 👍👍⭐️⭐️⭐️ +$1 一份小食拼盤
繼續閱讀
嚟到灣仔行街想食泰國嘢就會諗起呢間！餐廳不斷研發新菜式，將原隻龍蝦同金邊粉二合為一，估唔到效果同味道又幾好！依家去食仲有機會全單免費添‼️星期一至六3pm後只要消費滿$400以上🥢，就有機會擲骰🎲！擲出唔同數字可以享有唔同優惠，包括全單免費😍！消費$800就有兩次機會！挑戰所得嘅折扣可以用得！🎲6個相同數字（全單免單）🎲5個6 （5折）🎲4個6 （75折）🎲3個6 （8折）🎲2個6 （85折）🎲1個6 （9折）*以上優惠唔可以同其他優惠同時使用另外，消費滿$400，可以係胡忠大廈或者合和中心免費泊車三小時🚙。🦞泰式龍蝦金邊粉 $268每枱必點泰式龍蝦金邊粉！原隻波士頓龍蝦新鮮爽口，肉質彈牙，蝦頭入面仲有好多膏！金邊粉酸甜帶辣，口感彈牙，炒得好香口！旁邊有花生碎、辣椒乾同砂糖，客人可以按自己口味調味，我哋就鍾意全部撈埋一齊食😆！仲有三大隻虎蝦，大滿足阿！🥘泰式黃咖喱蟹肉配薄餅 $238蟹肉份量好豐富！咖喱濃厚香甜，再加埋椰汁，帶有椰香味，搭配薄餅食，薄餅唔係酥脆個種，而係鬆軟綿綿嘅口感，絕對值得一試！🦐炸蝦餅 $98一份有三塊，仲已經切半，食起來就超方便！蝦餅超香脆彈牙，再沾埋啲泰式醬汁，酸酸甜甜，真係超正呀！🥓泰式燒豬頸肉 $128薄切豬頸肉，燒完會有微微嘅脆感，帶有炭燒香味，搭配泰式酸辣汁食好惹味。🐤沙嗲雞3串 $88雞肉嫩滑多汁，經過烤製後一點都唔乾身，再淋上香氣撲鼻嘅沙嗲醬，濃郁花生香味十足！🥭芒果糯米飯 $98糯米飯Q彈軟糯，再加入濃郁嘅椰漿，配埋新鮮香甜嘅芒果肉，為呢餐劃上完美嘅句號！🥥椰子凍 $48椰子凍用椰子殼裝載，裡面係椰子水製成嘅啫喱，味道清甜。入面仲有椰子肉，再撒上椰子脆乾同椰漿，令椰子味更加香濃。🥥椰青 $48香甜又解渴，每次食泰國餐都必飲！🧋凍泰式奶茶 $42平時飲泰式奶茶都會覺得好甜，呢度嘅泰式奶茶入口絲滑，帶有茶香味，而且唔會過於甜膩。
繼續閱讀