泰金鍋

營業中

休息中

而家食潮汕牛🥩已經唔一定返大陸食喇，泰金鍋新出咗手切潮牛餐🐮有四款手切潮汕牛包括吊龍、匙仁、胸口爽、新鮮黑栢葉比你選擇，另外亦有多款澳洲同美國牛肉，豚梅肉同羊肉，仲有海鮮等我哋慢慢嘆👍🏻除左order 火鍋配料之外，餐廳仲有活蝦池🦐熟食區🍖🥙自助吧食材🫛🫜🍜同自助小食甜品區🍩🍦🍧活蝦肉質爽口，可以拎住冰筒夾蝦，當然開心啦❤️自助吧食材每日更新，都有唔少蔬菜🥬粉麵同丸類俾你選擇。甜品區有綿綿冰機🍧除咗食雪糕同埋泰式甜品，食杯綿綿冰真係最好不過 🤤120分鐘任食，每人一鍋，唔使再同個女一齊食壽喜燒鍋啦。冬陰功湯最啱我，老公今次就試咗青檸椰奶雞湯🥘食到最尾整返個泰式甜品同泰茶(有椰汁西米糕同千層糕)做個完美嘅句號，千層糕真係大推，好似喺泰國食嘅一樣味，好期待下次再食過🥰

🔥荃灣火鍋放題雙重震撼！泰式串燒流水海蝦火鍋x手切潮牛 自助區80款食到癲🕒 120分鐘任食泰潮火鍋手切潮牛+流水蝦火鍋放題🥢話說荃灣有間火鍋放題，今次新菜式結合咗泰式風情及潮汕手切牛 嚟個crossover 🤩 首先，湯底選擇多到令人花多眼亂，8款湯底任選！推介檸檬香茅湯，同牛肉超夾，冬蔭功鍋就濃郁多層次，酸辣過癮！🌶️🐂手切潮牛牛肉真是一個亮點！🥩 吊龍、匙仁、胸口爽，涮5秒即入口，嫩滑到飛起！仲有頂級牛筋丸同新鮮黑柏葉，口感豐富，牛控要過來試試！👉🏻80+款火鍋配料放題澳洲M6和牛、西班牙伊比利亞豚肉、極上牛舌…肉類海鮮應有盡有，泰式沙嗲串燒同炸蝦餅，海南雞飯，點心放題🦐活蝦捕捉自助區可以即捕即煮新鮮海蝦。呢個體驗即捕即煮，蝦肉鮮甜彈牙，夠晒新鮮！🦐🍦飲品/甜品多款泰式飲品及泰式奶茶茶，各式汽水俾你揀，甜品仲有雪糕批及甜筒，仲有DIY綿綿冰，糖水甜品控都滿足到爆！🍧💰 120分鐘任食泰潮火鍋手切潮牛+流水蝦火鍋放題#OpenRice 預付優惠 $388/位 (原價 $426.8) | 小童&長者 $238

要滿足朋友既儀式感，又要食高質火鍋，所以今次去左荃灣西果邊商場食泰式火鍋。今次點了泰式冬陰功鍋湯底同埋青檸椰奶雞湯鍋，冬陰功鍋湯底夠晒惹味食材入晒味，完全不用再沾其他醬料。青檸椰奶雞湯鍋夠清新，陣陣青檸香配上海鮮一流。用泰式湯底x潮牛打邊爐提升咗另一種味覺境界。最過癮係可以自己去捉流水蝦，隻隻蝦都新鮮到彈起，記得捉到新鮮流水蝦之後放喺側邊嗰個冰水桶減低活躍度先放喺火鍋裏面啊。～一人一鍋，八款泰式湯底選擇～四款手切潮汕牛：任食匙仁 /吊龍/黑柏葉/匙胸口𦛨，附上窩心烹調時間提示小卡，煮出來口感剛剛好。～自助熟食區：有泰式海南雞、泰式海鮮炒粉絲咖喱、各款泰式小食墨魚餅，泰國炸豬皮～特飲：香茅水和泰式奶茶，亦有各款汽水飲品～甜品區：各款泰式甜品、雪糕雪條，綿綿冰機，自己動手，儀式感滿滿。仲有泰式酸辣鳳爪沙律、泰式青木瓜沙律、千層椰汁糕、泰式椰汁西米糕任食～各款火鍋食品所有靚牛/豚肉/羊肉、海鮮、串燒任食，可以用QRcode落單餐廳環境舒適闊落，氣氛一流，係正荃灣西站行過嚟唔怕落雨，好適合一家大細或者朋友聚會嚟呢度吃個飽。

朋友帶咗我去食泰式火鍋放題,仲可以親手抓海蝦！揀咗手切潮汕牛肉套餐,有多款湯底可以選擇,包括冬蔭公、沙嗲等,今次我地揀咗馬來娘惹叻沙同青檸椰奶雞湯湯底,叻沙湯底酸辣惹味,椰奶雞湯湯底好香濃,越滾越好味！坐近窗邊座位更可以欣賞海景日落🌅✨熟食區,小食海南雞同油飯唔錯,泰式青木瓜沙律同無骨鳳爪酸辣爽脆,串燒香口！✨火鍋肉類四款手切潮汕牛,吊籠及匙仁牛味濃,超嫩,蘸沙茶酱好夾！新鮮黑牛柏葉爽脆,牛匙胸爽好特別、有嚼勁！澳洲下肩胛肉嫩滑有油香,另外仲有牛胸腹,,極上牛舌、西班牙伊比利亞豚肉、澳洲M6和牛、澳洲草飼羊肩肉等！油脂分布完美,,非常高質,淨係食牛都回本😂另外任捉海蝦🦐放題非常生猛,肉質彈牙！自助吧每日配料煥新,自助吧好多選擇,包括丸類、多款蔬菜、萵筍、淮山、仲有花生苗及麵類應有盡有！✨甜品有充滿泰國風味嘅椰汁千層糕同西米椰汁糕,口感非常煙靭！仲有得DIY綿綿冰,有多種配料任搭,瞬間填飽埋第二個胃！✨飲料有可以斟嘅香茅茶同泰奶,有熱茶包！雪櫃仲有各類飲品及多款雪糕雪條 ！

今次嚟到荃灣嘅泰金鍋完全係因佢嘅有我最愛嘅打邊爐2大元素😍流水蝦同手切牛肉。平時想買靚嘅手切牛肉都好貴，依架可以任食真係十分抵餐廳位於海之戀商場。喺西鐵一出就到商場☺️非常之方便👍而且佢嘅舖頭好闊落，坐得都好舒服。約埋三五知己一齊打邊爐都幾開心嘅🌟潮汕手切牛肉今次一共有4款手切牛肉手切潮牛吊龍-軟嫩無渣😍肉汁飽滿手切潮牛匙仁-鮮嫩多汁👍有咬口手切潮牛匙胸口朥-口感爽脆☺️新鮮黑栢葉-爽口🤭打邊爐必點🌟流水蝦佢哋最出名嘅一定係流水蝦😍一大個魚水水池俾你慢慢夾👍而且每次都扎扎跳好新鮮🌟熟食區佢地任食嘅熟食區都好吸引，竟然會有海南雞😍肉質非常之嫩滑而且大大件，啱晒食肉獸。佢仲有好多泰式小食👍好似魚腐同埋泰式鳳爪等等🌟綿綿冰佢哋嘅甜品除咗雪糕同埋泰式甜點之外。仲有綿綿冰😍好少會見到任食會有呢款甜品🍧喺呢個夏天食完熱辣辣嘅邊爐，食返一杯就啱晒啦🍴泰金鍋 (荃灣)📍荃灣大河道100號海之戀商場1樓1010號舖

經過依間泰式餐廳見到有一推食客喺度夾蝦好奇一睇原來係自助火鍋放題見到小食同甜品區已經勁多選擇鍾意食🐮嘅小妹揀左手切潮汕牛肉放題🍲一人一鍋湯底泰金冬蔭功鍋(濃郁)🌶青檸椰奶雞湯鍋(清新)🍃 🐮手切潮汕牛肉✨️吊龍、匙仁、胸口爽、新鮮黑栢葉、頂級牛筋丸(另推介澳洲A6和牛、極上牛舌、仲有羊肩肉、豚肉可選) 🍢海鮮、炸物、串燒推介泰式沙嗲串燒、 泰式炸蝦餅、 蟹子墨魚滑同沙白 🌟自助任夾活蝦🦐除左可order火鍋配料，餐廳仲有活蝦池同自助小食甜品區🤩先講夾蝦蝦區，人流不斷，大人如小朋友般開心拎住冰筒夾蝦，要讚店員會不停refill生猛活蝦，絕對唔使爭👍🏻 另外，小食區第一個位已經係一大盤海南雞任夾， 仲有炸魚角、炸魚皮、 泰式鳳爪等泰國小食。 而且最吸引嘅就係泰式甜品， 係正宗嘅椰汁西米糕同千層糕， 一開始小妹已經甜品食先，好滿足🥰

近年火鍋款式愈嚟愈多，想試勻咁多樣嘢，可以嚟試下呢間泰金鍋。佢係泰式火鍋湯底X 手切潮汕牛肉X活捉海鮮 三樣人氣元素加埋一齊，一次過滿足晒你三個願望。($388pp)泰式火鍋湯底冬蔭功湯式非常惹味，酸酸辣辣，而且店家加咗唔少新鮮香料，令到湯底層次升級。青櫈椰奶雞湯比較溫和，酸酸甜甜，椰子味香濃，而且加咗椰奶會令湯層更厚身。手切潮汕牛肉其實成個餐有咩13樣肉類選擇，基本嘅澳洲產M6和牛、西班牙伊比利亞豚肉、美國產極選肩胛牛小排等等；但要數比較特別嘅係佢仲有手切潮汕牛肉！依家香港人已經食厭咗平時嘅肥牛，多咗去內地食潮汕牛肉火鍋，貪佢夠新鮮軟嫩、肉味夠濃。呢度嘅潮汕牛肉一共有四款，潮牛吊龍、潮牛匙仁、匙胸口朥同新鮮黑栢葉。而且佢好細心咁寫埋烹煮時間，小編都建議按返時間去淥，如果唔係會好韌的。小編四款入面就比較鍾意吊龍同匙仁，肉質軟腍，肉味香濃。匙胸口朥同黑栢葉小編就少食，口感偏爽彈，冇乜特別味道。活捉鮮蝦相信呢個係放題界新寵，任得客人自己撈海鮮。我哋去荃灣店當日缸入面只有活蝦，我睇IG啲片觀塘係可能有鮑魚花甲。各位入去之前記得問清楚，免得失望。活捉鮮蝦最好係可以自己揀蝦，專捉有活力、大隻就實

成日行過都會想試泰式火鍋因為聞到椰香 香茅同冬蔭功香味好吸引今次去試左M6和牛+手切潮牛120分鐘放題套餐已包鮮活海鮮區（鮮蝦、鮑魚）- 四款手切潮汕牛- 捉海蝦放題- 熟食區 秘製泰式小食 炸物- ⁠甜品區 - 綿綿冰機 多款泰式甜品- ⁠自助吧我點左青檸椰奶雞湯底味道香甜 仲好濃郁手切牛全部都淥5秒就食得 配埋泰式醬料 好似去左泰國咁蔬菜及火鍋配料選擇亦非常多 新鮮熟食既泰式炒粉絲 ｜酸辣無骨鳳爪沙律 |泰式沙嗲豬肉串都大推介加埋杯泰式奶茶就好完美

通關後這些年主要返內地吃 原因除了抵食環境大和服務好是香港在低價位不能贏的硬傷吃過2年開始悶 而且上面也供過於求物價大漲 看到幾個yt說這間看價值很實惠 環境也很舒適 最重要是獨有 看現在一堆日式 台式 什至港式火鍋成行成市 泰式真心少 你去上面有樂冊 又貴能吃的也少 所以就來試試 聽說有好幾間分店但看yt見這間有定量當然先來不冒險了 早一又訂位1230那是星期日還有些卡位店員也不吝嗇給能個卡位 很感激滿意 2個人才吃2百頭 也不會把你隨便塞 然後說種類真的很特別竟然有點心可惜蝦蛟沒有了 大概開12點時很快沒有到走的時時是1330也沒有再補充 未知是否不會補 的還是當日太忙忘記了也許人手不足？越說越遠 繼續說食品吧除了點心有冬陰公湯內也有不少蝦 湯勁好喝很高質 炸物有魚餅魚片頭 這些都是什麼日台式都欠缺的 菜竟然有水蓮真心獨有還有貴價羽衣甘藍 丸什麼都有唔一般放題相同 他們有自己泰式奶茶和香矛水 更有紅豆沙是起沙的座位間很濶不迫也是有了 夠鐘和收錢都不會催 這也給滿分了牛肉也是同價中最好連豬也是很好 這比較少有這間荃灣我是真心推薦

星期日一家四口喺海之戀shopping完，因為天氣凍決定食火鍋，不過最近食過海底撈，今次唔再去，喺附近嘅泰金鍋walkin有位，就食呢間。A餐$258/位（餐要全枱一樣），4個都計大人（身高過130當大人計），不過可以一人一鍋，有唔同湯底，我地叫咗冬蔭公、椰奶雞同藥膳豬骨。自助區有中式點心，泰式甜品，雪糕雪條，好多飲品選擇，當然唔少得基本嘅火鍋配料，雖然種類無其他出名嘅火鍋店多，不過已經夠食。我今次無影相，只係影自己order咗嘅嘢食。因為坐窗口位，有風景睇，感覺舒服。第一次食，覺得呢間嘅食物、服務同價錢都算唔錯！

呢間之前係旺角食過晚市，印象中質素中規中矩，比較特別嘅係可以夾活蝦同埋有一啲泰式小食。今次荃灣呢間食午餐。選咗最平嘅放題火鍋套餐A餐：澳洲產下肩胛肉眼，60/90/120分鐘，揀咗60分鐘，每位$118。3月做緊優惠，星期一至四午市火鍋放題免收加一服務費。湯底一人一鍋，揀咗馬來娘惹叻沙鍋同檸檬香茅鍋。前者味道尚算香濃，微辣，入面仲有少量香茅、香葉，越滾越夠味。後者初時微酸清淡，後期就變成香茅清湯。火鍋肉類有三款，另外有自助吧，一般嘅火鍋配料，如丸、菇、菜、瓜、粉麵烏冬。・澳洲產下肩胛肉，肥肉極少，快灼廿零秒，太耐就會嚡，少許肉味，主要都係食呢款。・嚴選特級牛胸腹，些少肥膏，淥耐啲都可以，軟身，但無咩肉味，要咗兩盤，叫做試過。・特選豚梅肉，一般，唔夠爽口，只食咗一盤。飲品都多款式揀，有一款啤酒。另外有泰式奶茶，香茅水。點心有四款，食咗燒賣同蝦餃，一粒夠了。小食有蝦餅（脆面，彈牙，OK）、魚餅、炸魚皮（唔脆的）、炸豬皮（唔脆的）、青咖喱雞（咖喱味唔錯）、酸辣鳳爪、木瓜沙律。生果有哈密瓜。甜品有雪糕、雪條，都有十零款。整體用餐感覺良好，上肉速度快夾準，自助區嘅火鍋料、熟食、飲品、甜品選擇多，

今天是2025年3月23日7點15分喺荃灣西海之戀商場入面見到分店就同先生及小童兩大一小揀咗價錢貴啲嘅120分鐘入座,諗住時間多少少,食得舒服啲啦加少少錢都冇所謂！點知到120分鐘時候就已經見佢喺我張枱度收走啲食物倒落個鍋入面！當時我行開咗同小朋友去洗手間,一來一回已經10分鐘,返到嚟只見到職員將台上一碟一碟咁樣倒落個鍋度,然後話夠鐘,我當時個感受就係  唔使即刻將啲嘢食收走曬下嘛,嚴重到要即刻收枱趕人離開座位？？我唔係喺度食快餐呀，兩大一小埋單加埋一差唔多$1100當時我問過職員夠鐘喇咩佢話係呀，咁唔使即刻將我啲食物倒曬落個鍋度呀嘛，你都要畀時間人哋離開！完全服務態度好差,人哋第二啲食店食完120分鐘後都會畀時間人哋執拾離場120分鐘包埋執嘢走,咁樣嘅服務態度不知所謂！ 當時我對店內職員有意見到前台收錢時反映前台嗰位唔知係唔係經理,只係說一句唔好意思，完全沒有心去了解理會及解決到客人嘅問題！ 收咁嘅價錢食泰式嘢仲要冇乜嘢食好同唔好食絕對影響公司形象聲譽請著啲咁嘅員工對待客人等執笠 唔會推介呢一間食店咁樣嘅質素一世都唔會幫襯趕客走等執笠

本身無諗住寫食評，所以無影相。但食飯體驗惡劣，不得不寫。事緣在這間荃灣店八點入座，九點半被趕走無錯，係趕走人仍在座枱面d嘢當面收哂我仲要後補一句「我哋收舖架啦，你哋要起身走」如果你營業時間寫係至到22：00我會覺得你地d員工真係好心急收工或者這是你們公司的默認做法？我尊重你哋d職員，不會爭執但我真心覺得被羞辱咁急趕客走？難道你哋可以做多一輪生意？定係慳好多兼職時薪？食物質素唔評論反正300幾蚊人頭大家自行斟酌歡迎有特殊僻好喜歡食飯消費被人趕走的幫襯呢間野

晚上7:15入座，直到埋單（120分鐘後)椰汁糕斑斕糕從來沒有出現過！喺繁忙時段居然從來沒有refill過甜品區，真係令人失望！我曾經兩次問過職員，職員答我答案係refill中，但最終食完埋單，從來沒有見到呢兩款甜品。食物一般冇特別，我相信食一次就夠！真係幫襯一次就夠😩🙄

諗住帶屋企人黍之前去食，好彩自己一個食左先，如果唔會比人鬧🥲 時段： 1:30pm, 食左個$138套餐（但六日加$10）75 分鐘，再加一，總數食左$174冬陰公湯底，有二碟牛+一碟雞+ 50g 牛（reception ar 姐果一刻勁推呢個，唔知做乜）牛肉質素overall 完全分唔到咩部位，因為紙甘薄，一陣風食完（40 分）雞肉質素：2 件仔甘大把😓，但新鮮（70 分）湯底： 好普通，唔濃又冇椰奶，之後再加湯越打越酸，變酸清湯（50分）菜丸bar: 正常，有齊應有丸同菜(80 分）蒸點心bar： totally fail, 全部蝦餃燒賣over steam, 出哂水，一夾起溶左塊皮！🤦🏻‍♀️點解冇伙計睇住架？熟食bar: 食左有麻辣雞（70 分），通菜同肉碎等左廚房好耐先差不多我夠鐘埋單先fill，味道一般（50分）炸物櫃： 炸豬皮正常，蝦片正常，炸咩芋頭片同蕃薯片冇食（因為賣相唔吸引）糖水bar lunch time 只有紅豆沙同綠豆沙，但係又係冇fill 😮‍💨勉強筆到少少食，勁林，我直程覺得難食！如果真係要讚我只欣賞佢個飲品雪櫃好多種類，雪條有彩色黑加倫，同麵𣕧有貴貨出$1