396
24
18
| 餐廳: | 泰金鍋 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
泰式火鍋放題餐廳，有兩個蝦池讓大家即捕海蝦，扇貝、鮑魚等活海鮮，逾90款食材及飲品可任飲任食；湯底主打數泰式口味，更設有一人一鍋可供選擇。
繼續閱讀
營業時間
今日營業
11:30 - 22:30
星期一至五
11:30 - 22:30
星期六至日
11:30 - 23:30
公眾假期
11:30 - 23:30
以上資料只供參考, 請與餐廳確認詳情
有關獎賞計劃
相關文章
一直都想嚟呢間餐廳，因為活捉鮑魚海蝦的放題體驗實在太吸引。最近更有手切潮牛套餐放題120分鐘任食，多款潮汕牛肉部位，搭配泰式湯底，形成獨特的fusion風味，更加要嚟食啦！湯底選擇放題以一人一鍋形式，超多款泰式湯底可以揀，這次嘗試了酸香開胃卻不膩口的青檸椰奶雞湯，以及充滿南洋香料風味的馬來娘惹叻沙鍋，兩款湯底與火鍋食材都相當匹配。肉類-潮汕鮮牛唔洗北上就可以食到潮汕牛肉！先來四格主打手切潮牛，包括肉質細嫩帶少量筋花的匙仁、肉味濃郁帶有適度咬口的吊龍、爽脆口感中透出豐盈油脂香的胸口撈，以上涮5秒即可食；至於新鮮黑柏葉就要涮12秒，爽彈度十足。其他肉類還有特級牛胸爽、頂級牛筋丸、澳洲產m６和牛、美國下肩胛肉眼、嚴選特級牛胸腹，極上牛舌片等，全部都色澤幾靚，保持水準。海鮮-即撈海蝦自助區有一整排魚缸，可以任撈任捉活鮑魚、蜆、海蝦，撈蝦過程係幾有趣，海蝦有的已涷僵至冬眠，有的就幾生猛識得跳走，煮熟後的蝦肉結實彈牙，幾乎食唔停口。熟食與自助吧提供多款泰式小食，如炸蝦餅、沙嗲串燒及泰式炸豬皮等。自助區每日更新，包含各類丸餃、時蔬，還有泰式前菜如青木瓜沙律、冬蔭功等，選擇豐富多元。飲品甜品飲品區提供啤酒、汽水、果汁及泰式奶茶等。甜品除了一般雪糕外，特別推薦泰式千層糕和椰汁糕。最有趣的是自助綿綿冰機，可自行製作刨冰搭配椰果、紅豆等配料，冰品質地細緻，消暑效果一流。
繼續閱讀
最近去咗位於九龍創興廣場6樓嘅泰金鍋，試咗個新出嘅手切潮牛餐～價錢抵食，任食真係食到飽飽都唔使心痛。潮汕牛肉有幾個部位，包括吊龍、匙仁、黑柏葉同埋匙胸口朥，每一款肉質都非常新鮮，切得薄薄地，煮落去一啲都唔會老，肉味鮮美，搭配佢哋特製嘅醬汁，簡直係完美組合！而且大頭蝦真係正，仲可以去自己夾活蝦，食落去肉質彈牙～湯底方面，我地嗌左青檸椰奶雞湯，椰奶嘅香甜配合青檸嘅酸味好清新，真係好開胃！另外仲有好多熟食，例如炒粉絲、咖喱雞、焗粉炸物、沙嗲串！除咗主食，呢度仲有好多泰國小食同甜品，大推椰汁糕🥹好好味，一定要留肚食甜品！環境方面，泰金鍋嘅空間好闊落，適合朋友聚餐，服務人員態度都好好，好快手就清走晒啲吉碟～
繼續閱讀
試咗潮汕牛肉火鍋放題，兩個鐘任食。尤其係手切牛肉，加上鴛鴦鍋底，選擇都幾豐富。首先，講吓個鴛鴦鍋🥘，揀咗泰金冬蔭功同青檸椰奶雞湯。冬蔭功湯底酸辣開胃，有香料味，辣度適中。至於青檸椰奶雞湯，就比較清甜，可以中和返冬蔭功嘅辣味，而且啱晒淥其他配料。主角梗係手切潮汕牛肉，有吊龍、匙仁、中胸口朥同黑柏葉，牛肉淥幾秒就食得，保持牛肉嘅牛香。吊龍有油香，匙仁爽脆，胸口朥甘香，黑柏葉爽口。除咗潮汕牛肉，仲有M6和牛、牛胸腹、豚梅肉、羊肉等選擇，可以滿足唔同口味。M6和牛油花分布均勻，牛胸腹油脂豐富，豚梅肉嫩滑，羊肉就冇羶味。自助區嘅選擇都好多，有海南雞、水果、多款丸類、蔬菜、海蝦、甜品、糖水，應有盡有。甜品同糖水就款式多。
繼續閱讀
今次同朋友嚟到呢間主打泰式火鍋的「泰金鍋」食火鍋～～除了可以任食多款肉類、串燒同泰式小食，仲有新鮮流水蝦🦐可以任夾！而家仲多了手切潮汕牛肉任食，即刻嚟試試🤩🤩-🍲120分鐘泰式火鍋 - 手切潮牛餐✨湯底揀咗「馬來娘惹叻沙鍋」同「青檸椰奶雞湯鍋」，兩款味道濃郁～我就鍾意「青檸椰奶雞湯」多啲🥥！味道酸酸甜甜，充滿泰式風味🇹🇭🇹🇭肉類方面，包括有手切潮汕吊龍、手切潮汕匙仁、手切潮汕匙胸口朥、新鮮黑栢葉等手切牛🐂～款款肉質軟嫩，牛味重🤤🤤另外仲有澳洲產M5和牛、美國產下肩胛肉眼、嚴選特級牛胸腹、巴西牛舌等，全部質素都唔錯！！自助區有多款火鍋配料、熟食、甜品、雪糕、飲品可以任食任飲，仲有新鮮流水蝦任夾～～流水蝦即夾即燒🦐，肉質爽彈鮮甜！同朋友忍唔住夾咗好多隻食🤣🤣甜品方面有綿綿冰機、泰式甜品、中式糖水同雪糕等，好多選擇！我就鍾意自整綿綿冰🍧，好玩又好味👍🏻👍🏻
繼續閱讀
今日同媽媽黎食呢間泰式火鍋🤣好特別，第一次試，湯底比平時既多左d泰式湯底，例如：喇沙、冬陰公湯底，今次簡左一個喇叭一個蕃茄湯。簡左澳洲產M6和牛放題120分鐘，牛方面推介牛小排，色澤均勻，而且重口味。🤣 d蝦識得扮訓，一搞佢就郁，蝦係大頭蝦，有驚喜！菜仲有我最愛既通菜簡呢到好多唔同泰式嘅食品，沙嗲串燒食，同埋一d泰國既甜品，例如泰式奶茶，菠蘿沙冰，椰汁西米糕等等。中式甜品 紅豆沙、綠豆沙都有，不過黎到想試平時出面冇食開既野。雪糕仲有dreyer’s 同好多童年回憶雪條簡😝
繼續閱讀