66
11
4
港鐵銅鑼灣站 F1 出口, 步行約3分鐘 繼續閱讀
電話號碼
21533933
開飯介紹
「泰越概念」融合泰國菜式與越南風味,呈獻出充滿創意的泰越料理,包括泰越拼盤、香茅鹽燒金目鱸、咖喱皇金瓜肉蟹、辣椒糕炒海蝦、西貢爐邊燒春雞等,給你帶來一場來自東南亞的味覺盛宴。 繼續閱讀
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
付款方式
Visa Master AlipayHK 支付寶 現金 銀聯
其他資料
網上訂座
Wi-Fi
酒精飲品
自帶酒水 詳細介紹
電話訂座
賞訂座積分
外賣服務
加一服務費
當面支付
有關獎賞計劃
招牌菜
布吉沙嗲串燒 蝦冬蔭 泰南咖哩蟹 青咖哩雞 香茅鹽燒魚 泰式生蝦 明爐烏頭 泰南燒雞 西貢蝦膏海鮮炒 星期一至日均有午市套餐及下午茶套餐,不設加一收費
食評 (92)
等級4 2019-03-12
75 瀏覽
話說今日lunch time果時黎過呢度食樓上既酸菜魚時見到呢度都有一間叫食泰國 & 越南野的餐廳. 覺得呢度環境唔錯就黎左試下喇~ 環境開揚, 座位都幾多下! 2-4人黎食下飯又得, 一大班朋友黎食飯都得! 我地order左 <<青木瓜沙律>> $78一黎就食番個打開你味蕾既沙律先啦~ 我中意泰國沙律! 因為佢地成日都用一隻酸酸甜甜辣辣既汁, 好開胃好清新! 呢度既味道唔算太辣, 唔食辣既朋友應該都可以接受 / 問下店家仲有冇得再小辣.. 青木瓜爽甜~ 加埋沙律菜、花生… 令到成件事更有口感!!<<炒金邊粉>> $98好大的一碟! 面頭仲放左4隻大蝦!唔辣人士都OK呀呢個! 酸酸甜甜,有D似西炒飯個friend – 西炒金邊粉hahaha食落好夠鑊氣! 落足火喉去炒! 而金邊粉都幾有咬口!!! 令我不禁一啖接一啖呀!<<脆牛腩配咖哩汁>> $118呢碟脆牛腩配咖哩汁對我黎講係一碟幾特別既菜, 我第一次食ja!佢既皮好酥脆,而且牛腩腍身。驚喜地都有牛既味道係度.. 唔錯唔錯! 但我呢D重口味人士就略嫌佢既青咖哩汁味道唔夠濃! 我覺得改用黃咖哩汁可能好D 哈哈! 另外, 我都幾想試下佢地既<<香茅燒原條魚>>,因為見到好多人都食! 而且係屋企係唔會整呢D菜式, 同埋最緊要係佢價錢抵丫嘛! 呢度坐得幾舒服~ 環境同氣氛都舒適~ 而且staff都好幫忙, 主動幫你fill水/ 落order! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-27
2683 瀏覽
現今的越式及越式餐廳數量都算多,而在旺角、尖沙咀、銅鑼灣等旺區當然比較吸引人去,而這間餐廳亦不例外,就在銅鑼灣渣甸街一座小小的商業大廈內。也許有些人不知渣甸街在哪,其實就在SOGO那條馬路對面,然後有一間很出名美X香的豬肉乾,還有就是最近很多黑糖珍珠鮮奶店的那條街。以餐廳裝潢來說,我多數去的餐廳都是一貫的普通裝潢。即是你進去了也不會察覺到自己是去了一間泰式或越式餐廳,並未能給別人很大的新鮮感,但這裡的環境卻是不錯的,燈光十分光猛,不會給別人死沉沉的感覺,也帶點色彩繽紛。另外也是我頗為重視的一環,就是與旁邊那枱的距離不會太接近。由於這次去到光顧的是團購,所以吃什麼就不用多想,餐單已經定了有哪些食物,所以我只需「坐定定」等食物來就可以了😝第一道來的菜是雜錦串燒,豬、牛、雞各有兩串,我頗喜歡盛載串燒的碟子,輕巧而且有特別的紋理。豬、牛、雞一向是泰式或越式菜常見的菜式,所以味道來說,每個地方也差不多。豬的口感適中,正常來說都不會太軟,那麼,只求不要太硬就好。牛肉其實好難做到適中的感覺,這間來說也是偏硬,所以串燒中我比較不喜歡吃的就是牛。雞肉我倒是挺喜歡的,質感軟稔。幾道菜式中我最喜歡的就是香茅燒原條魚,一來我喜歡鹽焗的食物如鹽焗雞,簡簡單單的一道菜,吃魚肉的時候不用再沾上鹽,都已經有濃郁的鹽味。二來,這條魚的肉質十分嫩滑,而且也不容易散開,這樣想必是一條高質素的魚。河粉可選豬肉、牛肉或者雞肉,第一次食就當然選擇牛肉了,感覺有點像港式的乾炒牛河。牛肉口感適中,河粉都算粗,不會太乾但又不會太油膩,河粉來說真的不易做到,然後還有好多花生粒調味。團購加錢可享用一些特飲,先叫了一杯Oreo泰式奶茶冰沙,開始時也有點害怕會不會「中伏」,但始終要喝完才會知道真正的質素如何。最頂層的Oreo碎十分多,再加上忌廉,有豐富的口感。接著是泰式奶茶的部分,個人從未嘗試過奶茶味的冰沙,但第一次嘗試又覺得不錯,因為我喝過新加坡的泰式奶茶,也是差不多的味道,那麼我想它的味道應該都算正宗。男朋友則點了一杯芒果冰沙,這杯應該是我喝過最好喝的芒果冰沙頭3名首先最頂層有一些芒果,然後下層的芒果冰沙也有十分香濃的芒果味,清甜而且不膩,仿佛在吃芒果似的。兩杯沙冰也有一個最大的好處,就是即使喝到了差不多最底層,也不會溶成大量的水,依然能保持原有的固態。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-18
21 瀏覽
平時諗唔到食咩都會簡泰菜,因為分量多適合同朋友share食,今次就簡左銅鑼灣嘅V Thai.環境小清新,沒有太多花巧。座位寬闊,座位都好鬆動,見唔係太肚餓就試下佢地小菜質素如何。🔸馬拉盞通菜 $88通菜爽口唔老,魚露味比蝦醬味重,唔會太過咸,不過不失。🔸燒虎蝦 $20@1🔸燒海蝦 $12@1🔸燒扇貝 $20@1餐廳都是以蒜蓉牛油燒海鮮,蒜蓉味道突出,而且食材新鮮,性格比不錯,值得一試。🔸蒜香軟殻蟹 $98必食❗️❗️軟殻蟹新鮮炸起,唔會有太多油,加上蒜粒一齊炒,風味十足,配上啤酒一絕。🔸沙爹牛肉串燒 $36@2🔸沙爹雞肉串燒 $32@2呢度唔洗最少要半打,每款2串。個人認為雞肉比牛肉更出色✨ 雞肉肉質非常嫩滑,十分juicy😍😍🔸西柚+檸檬+蜂蜜果汁🍹 $52西柚味偏淡,反而蜂蜜同檸檬味較突出,飲落唔會太甜,加上食左咁多濃味食物,配上呢杯果汁的確幾清新~🔸三檸檬可樂 $38 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-17
7 瀏覽
平時係銅鑼灣食飯次次都係得個幾個商場,食到好悶,今日朋友帶我去左渣甸街Aura on Pennington,我第一次去原來成橦都食餐廳,以後食飯又多一個選擇了,今次我地食泰國越南菜泰式生蝦 $128每次食泰菜必點,生蝦好爽口,大隻厚肉,配埋蒜片苦瓜辣椒沾滿醬汁,一個字太好食!越南新鮮春卷 $58用左米紙去包,材料豐富,沾上魚露味道更佳金不換香辣炒豬肉碎飯$88原本朋友想叫生菜包,但見到類似嘅有炒飯就決定叫呢個,份量多,炒飯乾身唔會痴立立,每啖都肉碎,呢個炒飯都辣辣地椰汁芒果糯米飯 $68糯米飯暖暖地有咬口,椰汁杰身,芒果香甜原個鮮椰青 $48椰青清甜可口,內裏啖啖椰肉 繼續閱讀
(以上食評乃用戶個人意見 , 並不代表OpenRice之觀點。)
等級2 2019-03-14
33 瀏覽
今日去到銅鑼灣食泰國菜因為我哋餓到下晝所以要嗌多啲呢間泰國越南菜地點唔難搵係一座新嘅大廈入面裝修新淨應該開左冇幾耐首先越南口味嗌咗個春卷附近仲放左啲生菜伴碟仲好細心咁放咗葉墊住增加觀感又可以隔下油油炸趣身而且夠熱 但味道略嫌淡左啲啲呢度有半打串燒三串雞三串牛肉質鮮嫩冇鬆肉粉味 又厚肉烤得新鮮即時上碟個醬有濃厚嘅花生香味亦都唔會過辣 抵讚每次去間間泰國餐廳食嘢都會點炸蝦餅呢間啲炸蝦餅做得幾好炸得香脆又熱 得來唔會過分油而且蝦膠打得好爽口 又香忍唔住食咗幾舊好有罪惡感呢碟飯雖然配料幾好而且落咗啲香料都幾夾個飯但係佢炒得唔夠乾身冇粒粒分明 成啲飯都遜色左如果下次佢再將啲飯雪耐炒到再乾身啲就加分呢個燒雞要不停咁讚除咗啲皮燒得好薄肉質非常juicy所有位置都處理得非常入味完全冇鞋口嘅感覺 繼續閱讀
(以上食評乃用戶個人意見 , 並不代表OpenRice之觀點。)