泰贊- 創意泰餐廳 (已結業)

冬蔭功湯河🌶、燒雞胸，甜粟米，紅腰豆沙律🥗、凍奶茶🥤冬蔭功湯河🌶• 湯底酸度比辣度高，没有奶味；• 配料尚算豐富：大蝦、青口、魷魚圈、少量通心菜點綴，特別的是放了一些茶樹菇(?)為口感增加了層次；• 不過略嫌乾辣椒碎的份量太多，吃起來有點突兀；• 缺少了傳統冬蔭功湯那種香料的味道，個人還是比較喜歡有香茅、南薑、椰漿等⋯⋯燒雞胸，甜粟米，紅腰豆沙律🥗• 雞胸肉紥實，有點像火雞肉；• 沙律菜頗新鮮，只是表面水份略多。

今日我同我媽咪兩嗰人諗住係一田食lunch，就諗住食呢間野(因為之前見到都好多人食，費事等)今次見冇人諗住去試下。點知一試啲服務態度係我前所未有見過咁差！我叫咗嗰香草煙三文魚意粉，賣相都ok。但食落去真係見仁見智。。我就覺得麻麻地。好啦！重點黎啦！我叫咗個凍奶茶，佢遲遲好耐都未黎不特止！佢嚟到就俾咗杯凍檸茶我😂😂跟住我同佢講話我要凍奶茶喎！跟住佢竟然喺廚房倒返兩片檸檬，個杯野照拎返岀黎俾我！！！我走去廚房同佢講我話呢一杯究竟係凍奶茶定檸檬茶？？佢竟然答我話呢一杯係奶茶！！叫我自己加番啲奶同糖漿！！我真係當堂呆咗！你喺廚房將杯檸檬茶到返兩片檸檬就當係奶茶嘅茶就咁俾我？？我飲第一啖呀！根本完全唔似奶茶嘅味道！！根本就係食到一肚氣！啲價錢又唔係平！以後都唔會再幫襯！

之前試過尖沙咀果間，去食甜品，幾好食所以一直對so thai so good嘅印象不錯。但大埔依間同尖沙咀果間menu都好唔同🤔lunch有套餐可以叫，連凍熱野飲同埋餐湯或者沙律芒果炒飯算不錯，有6隻大蝦，調味都不錯，啖啖有餸食本身嚟就係想試甜品所以本身想加28蚊加多個芒果糯米飯，點知佢話無晒芒果問可唔可以轉雜果wor😂特別要提係個熱奶茶，成個茶壺上😂好型🤩同埋個泰式豬手飯都好入味好夾飯。美中不足就係依度如果係甜品得三種，同尖沙咀差好遠

星期六嘅下午，餐廳都坐滿人，但係唔使排隊$65起的lunch set再加一，都幾大碗，抵食！set有頭盤有湯或沙律，主菜，飲品主菜order左 雞翼扎肉撈檬-yummyyy！ 😝😝

這兒叫So Thai So Good，我以為只有泰國菜，原來也有賣Pasta及越式粉麵。我為了泰菜而來，卻又不好辣，選擇不多。最後我點了紅黃青三款咖哩中辣度最低的黃咖哩，選配雞。咖哩的確是小辣；其中除了有雞肉，還有海鮮菇、紅蘿蔔、椰菜花、車厘茄、紅椒、青椒等多種蔬菜，配料豐富又健康。為了拌咖哩，我們還點了一份薄餅(Roti) ，以及包一碗白飯的鹵水豬手飯。Roti理應有一點點酥皮，而這兒的薄餅卻沒有；軟軟的，賣相和味道均非常一般，$30四小塊實在不便宜。至於鹵水豬手飯，餐牌上的相片中除了有鹵水豬手和飯，還有一碗湯，一碟鹵水蛋，以及一小碟黃黃疑似是菜的東西。店員只端來一碟有鹵水蛋的鹵水豬手，及一碗白飯，我們便奇怪究竟其餘的食物是會後補還是漏上了。我向一個店員詢問，他卻好像不清楚究竟鹵水豬手飯包什麼。另一個店員聽見了，馬上指出是漏了冬瓜湯，卻還是讓我們等了一會兒才補上。這個被遺忘的冬瓜湯味道清淡，卻很鹹，若加半碗水也不怕味道變太淡。鹵水汁、鹵水蛋也偏鹹，帶酸。至於豬手，皮夠腍，但肉厚的地方肉質有點粗糙，筋位韌。我平時吃沙嗲的機會並不多，所以也點了沙嗲雞肉豬肉串。沙嗲醬有濃郁的花生醬味，有點

見到佢新裝潢完 又有半價優惠 $70 半隻海南雞就諗住俾個機會佢啦 點知好有驚喜 好味左 價錢都親民左 絕對係可以再食！再幫襯！下次想食豬手！半隻海南雞 冰鮮但好滑 好大份 $70！$70半隻 真係好抵食本身$140 都唔係貴 個自家制醬汁 都好惹味非常好食炒雜菜 $60 唔錯丫 好多種類 唔係太咸青木瓜沙律 $60 都好味但個兩隻咸蛋 係咩玩法？下次可能會走左隻咸蛋佢都抵食既 街市間金泰泰都唔只依個價啦不過我見到佢整沙律個位姐姐係度食薄餅？ 但個份薄餅又好似係俾人食依個扎肉雞翼撈濛 我朋友話個雞翼好腥可能係個醃得唔好 但係依個撈濛都只係$60 抵！侍應服務非常周到 見到我地叫左咁樣既送主動帶我地由二人枱換做四人過程中不斷幫我加水好滿意 咁樣食都只係282！好抵 絕對會再番黎食黎緊係豬手特價 今日見到都好大份 都好想試！

約咗朋友係大埔超級城食飯，見有有間裝修幾特別既泰國餐廳就入去試試餐牌上除咗有一般常見既泰國菜，仲有好多西餐如意粉及pizza等等香葉肉碎炒金邊粉$80 味道比較辣，食落比較重香料味，有少少鹹卡邦尼亞意大利麵$85意粉反而有驚喜，夠creamy，汁分量適中黃咖喱牛筋腩$95大部分都係菜，牛腩分量好少，好辛苦先揾到三幾舊牛腩出黎😓蒜蓉包$30/4件又熱又脆，用黎點咖喱汁好正！馬拉盞炒通菜$60豬頸肉烤得剛剛好，不錯！

今晚約咗兩個朋友食飯，突然間又想食泰國嘢，今日有事要嚟到大埔見個客，所以就喺到依間新派泰菜餐廳度食飯！一嚟就叫左5個餸加3杯熱飲！黃咖哩牛腩！味道不俗，我喜歡食辣的感覺不太辣，但當中的牛腩就少了一點！三個人食一人都沒有一件！有點失望！炒貴叼，味道都可以，唔夠乾身，幾好食！再嚟就係卡邦尼意粉，雖然話依間是泰菜，但也有卡邦尼意粉食，有驚喜，味道好味！泰菜必食的，馬拉盞炒通菜，味道幾好，不過冇特別！最後面試燒豬頸肉，感覺不太油膩，味道不錯，碳燒味幾香！值得一試！差點忘記了，有黃咖喱當然要配蒜蓉包啦，蒜蓉包幾好食！夠香夠蒜蓉味！飲品方面就不太特別，不過不失！

去到唔駛等位，環境幾好，但食物完全唔掂，得個樣，包裝得幾靚都冇用！一定冇下次！淨係叫左2樣野食同2杯飲品已超過200蚊，重點係唔值，食物份量超級少，女士都食唔飽，一點都唔泰式，完全係普通野，汁又勁少，雞扒飯仲差過茶餐廳，炒金邊粉勁酸，又淋，唔知食左啲咩落肚，救命！完全唔推介，唔明點解有咁多好評，仲要一search 大埔餐廳碌落去就見到呢間，諗住試下，點知咁失望，係咪比錢落仲廣告😠對openrice仲失望！

今日想食泰國野，去食so thai so good。叫左個青咖哩雞、蒜蓉雜菜、冬陰公河粉。佢一上「青咖哩雞」，我地就懷疑係咪上錯左「青咖哩雜菜」。所以就問下店員，「係咪咖哩雞」，佢就拎走左碟餸話幫我地check下。跟住就同我地講，話換個比我地。之後，再上一次都同上次一樣，就再問一次。店員回應說：「岩岩個個咪係雞，你問我係咪，我話唔係，你地話要換雜菜。」。我地呆左，明明係佢自己拎走再幫我地check，就話幫我地換。而家同返我地咁講？仲要用唔係好既態度同我地講，咁而家你要雞定雜菜啊。我地費事浪費食物，就決定算數啦。之後，由同我地講無晒河粉，變做金邊粉有無問題，我地話無。最後，又變返河粉到底有定無食物質素係唔差，幾好食。但今次經歷真係好奇怪🤦🏻‍♀️好失望

又來這裡吃午餐，只因喜歡這裡的頭盤，有泰式fusion 沙律 ，主菜份量不多不少剛剛好，飲品可以跟餐加錢要特飲，如果各方面加起來也算抵食....這個青咖喱海鮮，海鮮落足料，有兩隻大蝦，大青口，還有少許魷魚及伴菜; 青咖喱汁其實味道也不錯 ，但是偏甜椰汁太多也不夠辣，可能因為要適合香港人口味緣故。整體來說也算不錯，因為大蝦爽口彈牙這個意粉炒得不錯，不會太乾，汁也很開胃酸酸甜甜有一點辣，也有一些配菜 ，菇及椒炒起上來有些口感;魷魚圈不夠脆，而且甩粉這個熱奶茶一壺可以沖兩杯，還可以加熱水，可以嘆耐些不過內裏環境有點嘈，因為枱與枱之間的距離很近總括來說，這家餐廳各方面加起來都很平均。另外，要讚一下侍應的服務，雖然他們很忙，但通常都有求必應。

大埔中心搵間泰國野好難平時經過都好少入去不過入去一次連續去左幾次因為見到有信用卡優惠第二次就一家人來食佢個豬頸肉好食生菜包 菠蘿炒飯 串燒都ok最好味竟然係杯士多啤梨奶昔而家講完即刻就想飲喇

今日星期六嚟咗大埔中心呢頭行街 街到三點三嘅時分 估唔到呢間餐廳星期六都有下午茶 咁就入去食個tea🙊由於朝早冇乜食野 我地叫咗兩個tea set 其中一個係二人餐 呢個二人餐有好多野食 一共有三層 第一層放咗沙律 等大家開開胃😋 第二層有炸蝦餅 炸一字骨雞翼 同埋芝士海鮮焗薯皮 我特別鍾意個薯皮 有啲魷魚同蜆肉等嘅海鮮喺薯蓉入面 再加埋焗到脆卜卜嘅薯皮 層次好豐富👍🏻 最底一層係甜品 包括椰子撻 忌廉泡芙 朱古力蛋糕 同吞拿魚蛋多士 蛋多士好脆 而我特別鍾意朱古力蛋糕 個朱古力味好濃郁⭐️另外仲叫咗一個菠蘿雞粒炒飯 呢個炒飯好多料 除咗有好多菠蘿粒同雞粒之外 提子乾都有好多 鍾意食提子乾嘅話一定好鍾意食呢個飯😚飲品嘅熱檸茶 茶係另上嘅 可以慢慢嘆 逐啲斟出嚟飲 過返個慢活下晝真係好relax呀😻

今日去開大埔接男朋友放工，突然好想食泰國野，見到So Thai So Good竟然唔洗等位，梗係即刻入去啦！-🎈脆炸蝦餅配甜辣椒醬我同男朋友超欣賞呢個蝦餅🥰🥰佢食落去唔會話太熱氣，再配上呢個甜辣椒醬，簡直係正啊！-🎈泰式燒豬頸肉呢個泰式燒豬頸肉唔算好特別，正正常常咁！但我個人就唔算太鐘意佢呢個醬汁，好似同啲豬頸肉唔係好夾咁🤔-🎈泰式肉碎炒四季豆其實食落去都幾好食既！但食食下就覺得啲肉碎偏鹹😂如果配埋飯食應該會好啲既🧐-🎈冬蔭功大蝦海鮮炒飯我覺得啲海鮮都幾正，同埋都算多！係炒飯入面都會有一啲細既魷魚同蝦仁咁🤤但略嫌冬蔭功既味唔夠重，唔係好食得出個味！

我們每隔一會兒便會來這裏吃下午茶，因為覺得這裏的下午茶二人套餐high tea set 非常抵食!!而且份量也剛剛好😁有時食high tea真的不用一定到酒店吃，這裏的價錢只是酒店的一半😆今天我們一行三個人來到吃下午茶，除了叫那個二人套餐之外，也叫了一個菠蘿雞肉炒飯。首先來的是菠蘿雞肉炒飯，雖然沒有整個菠蘿承載着，但味道非常好味，只是$60包飲品。而且裏面有菠蘿粒及雞肉粒，再加上香料炒在一起，我們很快便吃完整碟。之後來的便是重點！下午茶二人套餐🤩這次的款式改變了，用了特別的承載方法(之前是正方型一格格的)。最頂的是沙律，中間有焗薯，雞翼及泰式蝦餅。最低的是甜品，有朱古力蛋糕，泡芙，椰絲芝士餅以及碎蛋吞拿魚法式包。😋😋😋焗薯裏的是海鮮以及一些泰式醬，好味😛泰式蝦餅是整個下午茶最好吃的菜色，而且炸得非常香。整個賣相也不錯，用來拍攝的話也很適合📸整體來說，這個下午茶性價比非常高！有機會一定要試下🤗