影片
以上資料只供參考, 請與餐廳確認詳情
外賣平台外賣送到發現送小左食物，打去店舖詢問講野理直氣壯咁叫我自己搵平台，完全不負責任，叫佢送返比我又話無車手，無人做野唔可以行開，叫我自己搵平台解決，語氣完全好似無責任，唔關佢地事咁，永無下次
繼續閱讀
挺好吃！真的很正宗，新鮮，量夠，料足，蝦有半只手掌大，不過店面很小，只有兩三個位置可以坐，外面有露天枱櫈，但食完需要自己清理，天氣好的話坐外面乜挺舒服。好評好評。
繼續閱讀
同一大班朋友一齊開party🥰有朋友介紹天水圍濕地公園附近有一間泰國餐廳，款式選擇多，而且味道唔錯，於是乎我哋開party就揀咗食泰國菜😀我哋都係經由網上外送平台下單，食物方面質量唔錯，正宗地道👍🏻✨泰式串燒一份有六串😃已經包括左豬牛雞三種肉類！醬汁好惹味✨泰式炒粉絲超好味，超入味，不過就係太辣，食唔到辣嘅朋友要留意！✨蒜蓉茄子個個都大讚好惹味！✨各款小食豬頸肉好香口，其他炸物小食都好出色，釀雞翼超好食，裏面有糯米，少少辣辣地！✨泰式生菜包份量都多，正正常常同想像中差唔多口味仲有嗌咗其他例如泰式炒飯，泰式金邊粉，生蝦等等，樣樣都唔錯，下次再食過
繼續閱讀
之前經過見到間野雖然細間但好似睇落幾吸引想試下，可惜鋪頭細所以冇堂食到，後來就叫外賣試下睇menu有幾個餐都吸引，但諗住第一次試，穩陣起見都係叫個common Thai food：泰式香茅雞翼煎蛋飯。送到來食先發現中大伏！第一，雞翼唔係香茅雞翼，只係炸雞翼，都算。第二，第一隻雞翼食到一半覺得生生地，吐出來睇真係生，再望返隻雞翼原來入面根本唔熟，諗住算啦，試下第二隻。點知都係生！一共三隻雞翼，食左兩隻都係唔熟，你仲食唔食第三隻呢？我覺得我仲肯比機會都係咁架啦⋯⋯ptsd地食埋第三隻都真係人生第一次有嘅經驗！好彩都唔係黑仔得咁緊要，第三隻係熟嘅，相對就細隻啲咁可能易熟啲啦⋯⋯第三，即刻影晒相搵客服，咁都一如所料架啦，唔肯退款。咁點都要講比大家知警世下啦，然後先發現中伏嘅唔止我一個，唉
繼續閱讀
入面啲人勁串唔知咩料，，，正常同你溝通之後唔知喺度串乜嘢😅啲嘢又難食，，，嗌咗煎蛋肉碎飯，勁誇張點知啲肉碎完全唔似肉碎，，，，碎晒做一粒粒完全冇口感呢樣嘢可言，，你差唔多碎晒做粉都算，，有時仲要有一兩粒硬到傻，唔講以為自己食緊擦膠，，，難食得誇張，，本身以為泰國嘢香葉肉碎蛋飯點都唔會中伏啦，點知人生第一次食咁伏嘅泰國嘢😅個外賣食咗兩啖就抌咗，，擺唔落口sorry，，，喜歡食擦膠嘅朋友可以嗌🙏🏻仲要唔係話特別平
繼續閱讀