泰蓮 (已結業)

🌟超正鹹豬肉泰粉 🚩推介指數（8.5/10）📎間餐廳係泰國人開嘅，食到好正宗嘅泰國味道，超正超多份量嘅鹹豬肉，口感超脆超香！粉裏面配菜裏面有一舊蘿蔔，芽菜，湯底好濃郁夠味。重口味人士必吃👍🏻👍🏻。平民地區街坊平民價錢只係$45蚊一定要配埋佢哋嘅辣魚露同辣粉，每個禮拜放假都要食一次😏

除夕夜，回到藍田家中準備過年。每逢回到藍田，一定不會錯過這間藍田地區名物「泰蓮」。這家餐廳由泰國人「蓮姐」主理，於此區經已屹立不倒十餘年。主打食品當然係泰國地道船麵，可選擇不同餸菜，泰式鹹肉，泰式豬頸肉，海南雞等等，任君選擇，最重要係餸菜份量十足，包你捧腹而回！湯頭亦可選擇清湯或冬陰功湯，清湯是以雞骨和豬肉熬製而成，香氣濃郁；冬陰功湯則酸酸辣辣，非常開胃。適逢今天天氣寒涼，我便點了一碗泰式清湯海南雞腿鹹肉金邊粉，價錢只係$55，性價比極高！暖暖濃郁的湯頭，配上大量的辣椒碎和辣椒魚露，十分暖胃。另外，此餐廳亦有另一招牌菜「去骨海南雞飯」，所有海南雞都經已去骨，份量十足又嫩滑既去骨雞肉，配上油飯和胡椒湯，極為吸引！可惜人只係得一個胃，是日點不到，下次再作介紹！

非常好食，份量極多。中午叫左個咸豬肉海南雞金邊粉(東陰公湯)61蚊。湯底辣度岩岩好，但整體個湯偏酸。金邊粉極多，海南雞都整多，但係好新鮮既味。咸豬肉都好脆，唔會炸到硬哂。

呢間泰國麵店，係由正宗泰國人開嘅。由佢喺街市入面開舖，一直支持到依家。食物質素來講真係非常好，但係留意番，如果堂食的話，位置真係不多，加上沒有冷氣，喺夏天黎食，就真係有啲熱，所以今次我選擇外賣取回家吃。第一次嚟食嘅朋友可能唔知道，當佢準備完食材之後，可以按個人口味加調味料的。由左到右分別是辣椒魚露、酸辣汁和辣椒粉。我就沒有特別另加調味料，因為我覺得味道已經好足夠。我叫咗豬扒泰粉，豬扒鬆脆肉嫩又多汁。家人就叫咗豬手鹹肉河粉，鹹肉喺呢度嘅名物，好多人都慕名而來，仲會特登買啲鹹肉走，好好吃的。而豬手就炆得好入味，又好彈牙。整體上，味道是超級好的，不過價錢就越來越貴啦，平均一碗麵都要$45至$50。如果未試過嘅朋友，都建議你一試☺️👍🏻

呢間泰粉店都係由泰國人開嘅， 所以啲嘢都幾正宗 ， 所以我都經常嚟幫襯， 我鍾意食嘅有好幾款例如豬紅鴨泰粉， 雜錦泰粉 ，海南雞飯，而我最鍾意食嘅就係呢度嘅鹹肉， 因為啲鹹肉真係又脆又香， 所以我無論嗌任何款式嘅野我都必定會加鹹肉。雖然我對呢度啲食物認真滿意， 但係講到呢度嘅環境以及服務， 就真係認真一般， 因為呢度都係做街坊生意， 所以門面都冇乜裝修，而且舖頭位於走廊則邊， 座位都好少。 而衛生方面，因為係坐喺路邊所以感覺麻麻地。

呢間泰粉真係經常都食 鋪頭雖然比較細 同埋無冷氣 所以我選擇左買外賣 鋪頭主要由3 個人打理 老闆係泰國人 其餘2 個就唔太清楚 之前間鋪係街市入邊 宜家搬左出黎都好多人幫襯 講返野食先 其實都幾多泰式既選擇 咁我今次就揀左雞胸泰粉 佢出手好大方 d雞每次都好多 加埋碗粉 份量好夠 每次都會食剩 想讚一讚就係佢個蘿蔔 好入味 吸曬個湯陣味 雞胸食得出係新鮮既 無冰鮮既味道 同埋個泰粉都幾正宗 果然係正宗泰國人整既 係藍田諗唔到食咩既值得一試

藍田地鐵站 扶手電梯 再上，就會見到一檔賣泰國飯， 粉麵嘅地方 ，今次，係我第一次幫襯 ，心諗 呢間嘢 幾張凳又 只係起一條長河入面 環境設施一啲都唔衛生 ，即管睇下你 係咩料先！點知，好食我叫咗碗鮮雞拼鹹肉腩， 再配多個米線，成為$45元鹹腩肉好脆, 就算浸咗湯你仍然都感覺佢嘅皮係脆卜卜嘅！非常之正！再加上鲜雞， 又多舊，又大件 以我一個女仔嚟講真係食唔曬再講下個湯底， 個湯底其實佢係一般泰國嘅清湯，但係當你混合咗魚露，同埋辣粉嘅時候佢嘅鮮，就會出嚟！總括嚟講，呢間嘢大食夾抵件，但係環境就真係一般啦，建議大家可以買外賣返屋企食！！

There are few delicious hidden Thai joints in Hong Kong and this one is on the Kowloon side.If only I tried this a few years ago because it was cheaper back then.Tried the duck noodles which was so damn good because the broth was rich and you can taste the herbs like aniseed that are used to marinate the duck when it is roasted.There is vat of broth soup which I guess is the duck broth.The impressive thing was that you get big chunks of edible duck and the broth isn't sweet by default so the noo

之前係街市鋪 執咗一排 好唔開心 由細食到大 咸肉冬蔭功湯金邊粉 價錢親民 大大碗先幾十蚊 早排開返 真係感動到喊 一連食咗幾日 建議食法 清湯加一大匙辣魚露 一大匙酸辣汁 適量辣椒粉或 直接冬蔭功湯 但真係幾辣下 唔係人人ok 必食嘅餸 咸肉同海南雞

由街市食到結業…到再重開。份量有加無減，真係得佢可以。它的堂食是坐在店外的一條走廊。食飯時間必定充滿人客。所以，我都是買外賣回家，再慢慢品嘗。它的餐牌係十分亂……全用不同顏色A4紙貼在牆上。就算企定定看足5分鐘也說不出菜單有什麼。所以我都是睇實物選餸叫order 便算。店舖食物全show off！！落單後，便馬上煮製麵底+切餸。速度好快我今次是食海南雞河。 有3種辣椒粉選擇。汁湯好好味……因為湯下了大量香蒽！肉類品質合格！好多雞肉連皮，所以有好多雞油在湯內……河粉……分量正常！仲有蘿蔔和芽菜！！再看一看價錢……再看其品質……總分有80分！超值

星期天一個人在附近吃午飯，首選的漢堡店竟然關門大吉在時間緊迫的情況下，走到地鐵站出口外的地道粉面檔。看見那麼多客人，質素應該有些保證。餐牌由衆多色彩繽紛的A4紙砌成，每種粉麵都要加一個泰國地名，同一種粉麵又不斷重複出現=_=，看得我頭昏腦脹其實簡單來說，這30張A4紙就是 肥牛/牛腩/豬手/海南雞/鴨/蝦/魚蛋+金邊粉 七款食物！除了魚蛋粉$38，其餘$50，加餸每款$5！無骨海南雞㤗粉（$50）初到貴店，就試泰菜最常見的海南雞泰粉吧！不用5分鐘，大大碗的金邊粉就到了！小店的收費方式，就是貨到付款。一間「地踎」店，收$50一碗粉面，其實並不便宜，不過份量的確非常大，目測雞件都有10塊。不過翻開一看，看見那些紋理已經有啲唔對路。 雞肉明顯太老，要不順著紋理扯開一絲絲淡而無味的雞胸肉，要不咬不開肉質「鞋口」，有渣的，基本上吃完第一口已經想停手跟海南雞上的酸辣醬汁，味道正常偏酸。試過用醬汁伴隨雞件同吃，掩蓋了味道不足，但彌補不了咬不開的事實。。。為了裹腹，只勉勉強強吃掉金邊粉。望着剩餘一半以上的雞件，覺得自己很「冇衣食」但⋯⋯真的有心無（牙）力。對食客的建議：整個用餐過程中，聽到的下單（大約

呢間泰國粉麵店以前開係街市既時候 我已經好鐘意食 依家開左係啟田地鋪 仲多左好多款！今日叫左個咸肉 雞肉泰粉 咸肉炸得好脆 唔會太鹹 而且肉嫩多汁雞肉就好似切雞咁 都幾滑 雞皮好有彈性底下仲有白蘿蔔 好甜 炆到好淋 咬落唔會好多渣！而泰粉份量夠多 亦唔會太淋太散 仲可以自己加醋加辣 我就鐘意加醋 食落真係好惹味！鐘意食辣既朋友一定要執試下！價錢唔太貴 45$ 值得推薦！由於佢開係地鋪同無乜遮蔽 衛生就唔太好如果怕污衊既朋友就可能會唔太鍾意

從泰蓮吃完晚餐回家，感覺非常失望。從前泰蓮出名的是鹹肉，因非常脆口，現在變得非常煙韌。 可能街市那邊多了很多食肆，街坊多了很多選擇，所以少了食客，影響食物質素。雖然我立刻向阿姐反映食物質素，但她不埋。 結果，我沒有再吃下去。另外，希望食店可改善衛生， 家人曾見過店主把掉在地上的鹹肉拿起，立刻賣給客人。雖然大家都知眼不見為乾淨， 但希望店主明白若要人不知，除非己莫為。

以前隱藏喺未裝修前啟田街市入邊，都已經好多人入去食，不過地方就會比較狹窄，地方濕滑，通風系統比較差，夏天時更加要一路食一路流汗，就算係咁，都係營業多年嘅泰式粉麵。街市重新裝修後，以為唔再開，點知原來小店搬到街市對面，店舖重新營業，隱藏在大廈巷仔內，環境雖然都唔算太好，但都設有座位，通風較以前好D，就好似坐喺路邊泰式大排檔咁，都幾有風味。小店以往最出名泰式炸鹹肉，仍然有賣，每日新鮮即炸，放喺店面見到都覺得脆卜卜！裝修後，價錢比之前有所提升，湯底亦好似較以往淡D。

搬出地舖之後, 水準依然，環境總比係街市入面好，起碼無咁焗同埋暫時都算乾淨。講返食先啦，平時食開清湯既我，今次想試食冬陰公湯底，其實兩樣都咁好味，不過一定要食得辣先好試，因為都真係有返咁上下辣，如果對於一個平時唔食得辣既朋友，呢碗冬陰公應該五星入面都有三粒半星。除咗湯底外，呢度最出名就係個咸肉同海南雞，咸肉係老闆娘親手醃同炸，比起出面既味道，佢無咁乾同外皮食落好脆，內裡都有肉，係必試既item。至於海南雞飯，呢度都幾多人會叫，可能因為呢度既份量真係好多，個湯都好飲既，唔會太重味精。值得推介既泰粉小店