泰茶館 (已結業)

唔係第一次食，火炙獅子山牛肉飯，開夜買飯有時都買呢間，已經外賣自取，買完企係門口等咗十幾分鐘，外賣出咗，慢慢包啲外賣app嘅嘢，再慢慢包外賣自取，我攞到到返公司唔駛5分鐘，但係飯係完全唔熱，連微溫都無，仲有啲生生地，對住呢個晚飯，真係灰到一個點。還好牛肉燒得幾好，唯有食肉唔食飯。

今次在泰茶館買外賣，揀咗午市套餐嘅蒜香胡椒雞肉煎蛋飯，連埋飲品只需$44，抵食！ 佢地嘅外賣盒分兩隔，飯同餸分開，啱晒食飯唔鍾意撈汁嘅朋友，但今次呢個雞肉有啲嚡口，亦唔太食得出蒜同胡椒味，建議調味可再濃啲。套餐加12蚊可轉飲泰式咖啡，味道偏濃，都係一個唔錯嘅選擇。店面只得兩個店員處理落單、堂食同外賣單，但佢地忙得嚟都好有效率，等候時間亦算合理。同埋佢地有賣炸豬皮同炸魚皮小食，鍾意香口小食嘅朋友唔好錯過。

之前喺e肚仔個app度見到位於灣仔嘅泰茶館好似幾抵食, 就同同事約好一齊去食lunch泰茶館每日嘅午市套餐都唔同, 主要喺係個總menu裏面抽幾樣嘢食, 免費送飲品<招牌三寶丸肥牛金邊粉>大食妹就揀咗個招牌三寶丸肥牛金邊粉午市套餐 船麵嘅湯底幾濃郁, 味道鹹甜鹹甜 配料款式都幾多, 有多款丸類、肥牛同牛腩, 上高灑上左炸豬皮同泰式香料, 味道正宗大食妹最鍾飲一啖湯, 食一啖金邊粉, 配上可樂就啱啱好買外賣嘅朋友可以透過e肚仔apps事先訂餐, 再到餐廳攞外賣, 咁就唔使等咁耐啦

經外賣平台叫左外賣12:00到。去到12:15都未到！我打去餐廳 餐廳問完我order number 就話：車手一早已經拎左d食物 有時車手拎左食物都唔會update apps嫁去到12:45 野食重未到我就打去外賣平台, 外賣平台竟然話因爲未有車手所以食物重係餐廳到我再打去餐廳 餐廳竟然話：係呀 重係到有無搞錯呀 做咩要講大話！！餐廳竟然重話：係呀 好多人叫呀ma完全無道歉無覺得唔好意思重要話：岩岩又唔係我聽你電話 我都唔知邊個答你講大話真係好差 大家千其唔好食依間餐廳！

辣椒肉碎飯味道可以，豬肉碎比雞肉碎好，雞肉唔太新鮮而且煮得好“淋”。知呢間野午飯時間既外賣要等好耐，至少15-20分鐘，所以提早打電話去落單，點知去到餐廳要係門口要等多25分鐘先有外賣，最過份係，號碼後既人反而快過我哋攞，問個女侍應一味話等，態度仲要好惡，問個廚師先話而家先煮緊，咁我想問我咁早打電話落order為乜，黎攞外賣先至煮。建議店主雖然有Food Panda同街客，唔該都跟單排下隊。

集成中心裡面嘅一間小店鋪價錢係灣仔黎講真係算唔錯，自己又鍾意食泰式菜同辣嘢🤤🤤因為食飯對等來講好多，所以比較鍾意食粉麵類～佢地嘅船河真係非常值得一推，個湯底層次好正，次次食都好想飲晒佢，睇得出用左好多料好用心😢😢❤️之前仲好鍾意食辣炒雞肉碎配煎蛋飯，辣雞肉碎餸飯食真係一流⋯飯量對女生來講覺得幾多下，我會建議試下少飯溫馨提示一下船河同某啲飯類係可以自己揀辣度架！佢地嘅泰式奶茶同其他嘢飲都好好飲，大家可以一試！！

好想吃咖喱飯 所以黎左呢間細細間嘅小店 佢個飯都等左一陣可能唔夠人手 但明明人不多。。。 個飯普通 有咖喱 有菜 洋蔥， d飯有飯味 d雞還可以 我覺得份量啱啱好 價錢係灣仔算咁上下

對泰式奶茶嘅要求相當之高，香港好多泰國菜餐廳，因為要就香港人口味而變咗港式泰菜，泰式飲品都同一命運。好幸運遇上了泰茶館，品嚐過佢哋嘅泰奶茶，可能係香港最好飲嘅泰奶茶，夠茶味夠滑夠甜夠多冰（泰奶茶要夠甜夠多冰先好飲啊），仲好飲過泰名牌ChaTraMue啊。食物方面港人至愛嘅泰式粉麵都幾好食。

呢間泰式奶茶好好飲‼️食物嘅價錢幾抵，味道唔錯😋.招牌泰式奶茶 單點$20 跟餐加$12（杯裝）奶同茶嘅比例岩岩好，甜度適中，入口順滑，好好飲！ 泰式青檸紅茶出面好少飲到，都幾好飲，係消暑止渴嘅良品🤣.招牌三寶丸肥牛金邊粉 $43三寶丸好食，肥牛半生熟，份量足夠，金邊粉嘅質感幾好！湯底又ok，仲可以自行任落魚露同青檸汁！酸酸哋好開胃呀！🤤香葉辣椒豬肉碎煎蛋飯 $42辣辣哋，好開胃，送飯食一流😋如果有啲汁會好啲，冇咁乾🙈泰式炸蝦餅 $32好味！個醬幾特別，好快ko咗碟蝦餅🤣.

今日特別懶，吾想出街，就叫左個外賣網上外賣平台揀咗呢間泰國菜，叫咗兩個set. 叫咗個拼盤，泰式辣肉碎炒飯同埋個胡椒雞肉煎蛋飯，真心要like👍🏻個泰式辣肉碎炒飯真係好食，我就另外特別鐘意食香菜，如果有多啲就更好，個橙色既招牌奶茶，原本望落去吾系好想飲，但飲落好滑好有驚喜，炸單骨雞翼都炸得好好，好脆，更讚既系外賣食物既質素竟然無損原本食物嘅味道，下次堂食可以再試👍🏻👍🏻👍🏻👍🏻

呢晚同男朋友即興喺灣仔搵嘢食剛好喺openrice發現咗呢間評價唔錯價錢喺灣仔算係好平嘅餐廳本來都冇咩特別期待但結果迷上咗呢度嘅泰式奶茶泰式奶茶外表係泰式奶茶一貫嘅橘紅色一飲就覺得好impressive有濃郁嘅茶味同奶味仲有好特殊嘅香料味味道好豐富男朋友一飲就話好滑相信係因為用咗煉奶好邪惡不過都冇辦法題外話 當晚帶咗枝俾娘親連極怕甜嘅娘親都一晚飲完證明咗呢度嘅奶茶幾唔錯泰式豬肉湯河 泰式魚蛋湯河比起奶茶 主食顯得失色料唔算少但味道普通完全食唔到辣嘅我覺得湯底有少少辣 一般人一定食到但湯底冇咩層次感得少少鹹少少辣粟米墨魚餅好細件不過好香好脆好好味配上泰式辣醬一流鐘意香口嘢嘅人一定會唔夠食下次會試埋其他小食小店老闆好nice好有禮貌睇店名都知呢度sell茶但冇諗過呢度嘅茶咁正旺區非連鎖店買少見少味道不錯嘅就更難得下次會試下泰式鴛鴦

夜晚來到灣仔食飯，想搵比較有特色的小店，搵到呢間，原來喺一間不起眼的商場度，得四五個位，做外賣為主。泰式招牌三寶湯河，有豬肉丸、牛肉丸、魚蛋、肥牛，豬肉丸牛肉丸細細粒，夠爽，有肉味，魚蛋就似買到的包裝泰式魚蛋，肥牛都不算太肥，最欣賞有泰國都食到的爽脆通采仔，湯底似有豬血，正宗嘅感覺。泰式蒜香胡椒雞肉飯，對於好喜歡蒜嘅人黎講，蒜味似乎唔太夠，雖然都有少少泰風味，但相對唔太特別，只係炒雞肉比較簡單，另一邊配煎蛋同白飯。泰式奶茶奶味較重，易入口。兩個人食都係一百元左右，好抵啦。

灣仔lunch hour人都很多，但CC Wu Building裡面在一小角落裡有一家吃泰式湯河的小店，午飯時間人不多，可以叫外賣或者在牆壁邊的一條類似bar檯的桌子堂食。最驚喜的是桌面有各式各樣的調味料，泰式的，印式的還有粉紅色的鹽等等...主食點了牛肉湯河，份量適中，湯底太鹹了一些。有幾片肥牛和幾顆小小的丸子。湯河的粉只有一款，沒有其他選擇。還以為有經典的泰式金邊粉之類的挑。店雖小但很整潔，坐著也算是舒適。

尋晚晚飯食得太飽， 想飲啲茶消消滯。打開plum個apps, 見到有支冷泡茶，好似幾得意咁。 就叫左黎試下， 價錢18蚊， 貴過津路少少姐，飲落幾香， 少少甜， 清清地， 幾好。

Value tea set at a hidden gem in Wan Chai:1. Totally money worthy! HK$38 with a nice portion.2. Authentic Thai taste.3. Generous portion of meat and rice.4. Love the egg, the yolk goes so well with the rice.5. A few seats at the bar table.