影片
食家推介
招牌菜
唔係第一次食，火炙獅子山牛肉飯，開夜買飯有時都買呢間，已經外賣自取，買完企係門口等咗十幾分鐘，外賣出咗，慢慢包啲外賣app嘅嘢，再慢慢包外賣自取，我攞到到返公司唔駛5分鐘，但係飯係完全唔熱，連微溫都無，仲有啲生生地，對住呢個晚飯，真係灰到一個點。還好牛肉燒得幾好，唯有食肉唔食飯。
繼續閱讀
今次在泰茶館買外賣，揀咗午市套餐嘅蒜香胡椒雞肉煎蛋飯，連埋飲品只需$44，抵食！ 佢地嘅外賣盒分兩隔，飯同餸分開，啱晒食飯唔鍾意撈汁嘅朋友，但今次呢個雞肉有啲嚡口，亦唔太食得出蒜同胡椒味，建議調味可再濃啲。套餐加12蚊可轉飲泰式咖啡，味道偏濃，都係一個唔錯嘅選擇。店面只得兩個店員處理落單、堂食同外賣單，但佢地忙得嚟都好有效率，等候時間亦算合理。同埋佢地有賣炸豬皮同炸魚皮小食，鍾意香口小食嘅朋友唔好錯過。
繼續閱讀
之前喺e肚仔個app度見到位於灣仔嘅泰茶館好似幾抵食, 就同同事約好一齊去食lunch泰茶館每日嘅午市套餐都唔同, 主要喺係個總menu裏面抽幾樣嘢食, 免費送飲品<招牌三寶丸肥牛金邊粉>大食妹就揀咗個招牌三寶丸肥牛金邊粉午市套餐 船麵嘅湯底幾濃郁, 味道鹹甜鹹甜 配料款式都幾多, 有多款丸類、肥牛同牛腩, 上高灑上左炸豬皮同泰式香料, 味道正宗大食妹最鍾飲一啖湯, 食一啖金邊粉, 配上可樂就啱啱好買外賣嘅朋友可以透過e肚仔apps事先訂餐, 再到餐廳攞外賣, 咁就唔使等咁耐啦
繼續閱讀
經外賣平台叫左外賣12:00到。去到12:15都未到！我打去餐廳 餐廳問完我order number 就話：車手一早已經拎左d食物 有時車手拎左食物都唔會update apps嫁去到12:45 野食重未到我就打去外賣平台, 外賣平台竟然話因爲未有車手所以食物重係餐廳到我再打去餐廳 餐廳竟然話：係呀 重係到有無搞錯呀 做咩要講大話！！餐廳竟然重話：係呀 好多人叫呀ma完全無道歉無覺得唔好意思重要話：岩岩又唔係我聽你電話 我都唔知邊個答你講大話真係好差 大家千其唔好食依間餐廳！
繼續閱讀
辣椒肉碎飯味道可以，豬肉碎比雞肉碎好，雞肉唔太新鮮而且煮得好“淋”。知呢間野午飯時間既外賣要等好耐，至少15-20分鐘，所以提早打電話去落單，點知去到餐廳要係門口要等多25分鐘先有外賣，最過份係，號碼後既人反而快過我哋攞，問個女侍應一味話等，態度仲要好惡，問個廚師先話而家先煮緊，咁我想問我咁早打電話落order為乜，黎攞外賣先至煮。建議店主雖然有Food Panda同街客，唔該都跟單排下隊。
繼續閱讀