泰色食 (已結業)

剛剛經過，發現開左間泰國菜，環境就一定不太舒適，因沒太大空間，但為左食，無法子坐了一會，發現大部分都是外賣多，我便試了店舖主打海南雞飯，我和朋友都是一樣，還跟餐加了個椰子雞湯，之後選了一條燒烏頭。很久沒有食過咁好食既海南雞飯，啲雞超滑，個飯又正有味醃製過，旁邊的酸蘿蔔也好開謂，真係太好食，因現我食過很多地方，那些海南雞飯是唔掂，啲飯又普通，唔全唔似海南雞飯，所以起初都不敢期望在這店吃到，但食完，完全想再叫多個再食，而那椰子雞湯又好好飲，好香椰子味，而且湯裡的材料也很多，非常鮮甜。烤魚都不差，因外面燒的比較乾身，但這裡又不是，而且燒得光光好。我還見店舖都很多特別的菜式，但一次過比較難試那麽多，不過淨係食主打海南雞飯，食厭再試另一樣，這店值得食完再食，因太久無食好味海南雞飯，而且老闆服務超好，又細心。現在好小店鋪咁好服務態度了。最重要是，價錢又不太貴，所以鐘意食海南雞飯的朋友，有機會真的要試試哦。

第一次幫襯，嗌外賣拎返去做晚餐二人前：海南雞飯、台式滷肉飯、花雕雞卷、鹽酥雞、椰汁雞湯、芒果糯米飯海南雞出奇地嫩滑滷肉飯嘅肉未夠焾但不至於唔合格，而且份量大到可以食飽仲夠做lunch box。花雕雞卷無冰雞味，夠酒香，而且都好嫩鹽酥雞始終唔係堂食，即炸即食，返到屋企口感實有減分但同廚師無關，係我地嘅問題。不過要讚嘅係佢嘅鹽量同鹹度有調校，好啱口味，唔會死鹹椰汁雞湯，因為我好熟泰式係點嘅，呢個似係中式同泰式雙結合⋯不過絕唔難飲，而且好鬼足料有落鮮椰子，仲有雞腳啜下（因為已經煲到焾晒，所以係啜！），呢啲係泰式唔會有嘅，所以我先會話係兩者結合版芒果糯米飯，未食！但望落對板嘅，芒果亦唔係求其俾兩片你！就憑上面嘅菜式，我已經肯定自己會再幫襯，仲唔會只有一次！P.s 返到屋企好餓無俾相機食先，唯有影個芒果糯米飯補數😜

這間開了一段短時間的小店一直想來試試，果然沒有失望，試了一個海南雞飯，肉質嫩滑，油飯的味道也很適中，不會跟白飯一樣，也不會太油店面位置較少，只有四個位，但晚上可以開枱在街上

本身都係住喺呢頭附近 但一直以嚟都好少覺得附近邊間餐廳特別好食 但個日誤打誤撞經過呢間鋪頭見到有海南雞飯又好想食所以就去試下。我當然一坐底就叫左個海南雞飯啦 佢呢到都同傳統嘅海南雞飯一樣 有得叫油飯(圖為以下)個淺黃色嘅油飯散出啖啖嘅雞油 好香好吸引 應該係加埋黃油去煲嘅！🙈 配搭住十多件的雞件 份量都幾多 好足料，而且佢嘅雞全部都係好多肉 唔係俾曬啲有骨嘅雞客人👍🏻 個果仲好香 雞肉亦都好嫩滑🙈 加埋佢伴碟嘅酸蘿蔔配菜 食完嗰飯都唔會覺得好油膩 反而好清新🙆🏻 但唯一嘅缺點就可能係要喺坐喺街邊食 雖然幾有風味 但夏天嘅時侯就會有啲熱如果住喺附近嘅朋友晩飯真係可以試下🙈

我作為一個住咗超過25年嘅柴灣人，呢個海南雞飯係我覺得係柴灣區來我食過最好食嘅一個海南雞飯👍🏼👏🏼首先講吓個飯先，呈現黃色，應該係用雞油煮過嘅！10分有油香！仲要上枱嘅時候出緊煙，好多坊間嘅海南雞飯鋪頭都做唔到呢一點！讚👍🏼再講下主角海南雞🐔我眼見海南仔有超過12件，全部已去骨，分量十足！雞肉10分嫩滑，雞皮亦十分之彈牙爽口，相信師傅曾經用冰水浸過！當日雞嘅位置有雞翼同埋雞胸，本人覺得想試一隻海南雞得唔得，最緊要是試個雞胸嚡唔嚡，佢呢度嘅雞胸就整得幾好啦，唔會太硬亦唔會太鞋！再加上佢哋自家製嘅泰式辣汁同埋強薑蓉，十分開胃和搭配！總括而言，依間係一間都幾用心嘅新開張小店，佢其實仲有好多泰式嘢食，例如串燒，椰子雞湯等等！我有機會下一次都會去試吓！大家如果嚟開柴灣，可以比下呢間小店一個機會👏🏼👏🏼👏🏼👏🏼

海南雞飯🐔 $45街邊食泰國野特別有風味🙊😂海南雞賣相唔錯 都幾野味又唔鞋 份量都夠食😜有海南雞緊係要配油飯啦😆但係呢個油飯就煮得比較乾身 不過就無甘油膩啦😚

呢間店係柴灣體育館對面, 係非常細間, 基本上店內只可放一張兩人摺枱, 其他就要有客人黎就開係街上.如果有警察既話, 肯定會被趕.尋日同老公夜晚去左食, 老闆開左張摺枱係門口比我地坐. 見到佢地既海南雞飯($45) 同喇沙湯麵都幾抵食 (一餸$23, 二餸$27, 三餸$30), 可以選雞湯或冬陰公(+$2)喇沙湯底我估都要(+$2), 餐牌係無寫架, 但最後我計過我地被收多$2, 我估喇沙都要加啦~(希望店主可以寫得清楚D)海南雞飯一客 $45飯好多, 雞大約有8小件, 大約係長方形香口珠大少少, 有椰菜及醃蘿蔔, 雞同配菜既比例竟然係各一半飯多過 餸好多, 估計係用飯填飽大家個肚啦, 相對海南雞就比較少了.飯是黃薑飯, 很乾身, 不會太油膩. 加上飯很熱, 都還不錯.  醃蘿蔔辣多過酸. 我自己就沒有很喜歡.海南雞皮很黃, 賣相不錯, 雞肉也不會太鞋口, 只是肉切得太細, 很吝嗇啊~如果雞可以多返少少, 會比較好豬頸肉喇沙湯米 ($23)因為一串燒豬頸肉都已經要$15, 倒不如加多少少錢叫碗米粉食飽好了, 我下單時有問店主有甚麼湯底, 因為MENU好混亂, 說有喇沙湯麵, 但無寫要

未食過咁難食既泰國菜前幾日同朋友做完運動，打算去食個糖水咁岩經過宏德居見到有間小店新開一向支持開小店咪試下見佢冬蔭公32蚊仲有三送，平時食開冬蔭公既我一定試下之後仲叫左兩枝啤酒同一d串燒冬蔭公首先黎，一黎到已經知中伏個湯純橙色，乜湯料都冇飲啖，差d想嘔，個湯係用冬蔭公公仔面味精溝出黎，仲要勁稀d送普通，係魚片有d腥臭串燒都係一般，熱但冇乜味永遠唔會再襯

附近新開一間泰式BBQ 店與朋友一起去試。想不到麻雀雖小 五臟俱全，服務態度好，食物價錢比同區相類似更貼地，我地一行4又吃又飲。埋單每位都只是$150左右👍🏻抵⋯推介燒扇貝，生蠔⋯😋