影片
以上資料只供參考, 請與餐廳確認詳情
我最歡喜其中一樣係燒魚，基本上每次燒出來9成乾爽！讚！還必點肉碎菜包同串燒幾串，沙嗲醬汁是兒時的味道👍另外還叫泰式炒金邊粉，椰汁同忌廉。推介！剛剛問老闆娘2024農曆新年開唔開，老闆娘說很多人話返大陸過新年有點害怕預貨同不似預期。但老闆娘說新年沒事幹，所以唔休息，大家可在新年一試👍
繼續閱讀
泰美味，係咁啱經過九龍城然後決定去試嘅餐廳。個味道非常之正宗，見到員工都係泰國人，份量都差唔多，見到後廚都係用泰國人。店裏面不是佢哋都會用泰文交流🤣 有少少感覺去咗泰國😂佢入面呢就有兩層嘅，我哋呢就去咗樓上嗰層，雖然啲位置呢有少少窄窄地，但係整體嚟講呢都乾淨😆今次最想介紹其實就係佢嗰個生菜包啦，以100蚊內，仲要係咁大份，我自己覺得就好抵食！當然抵食，都係其中一個想推薦俾你哋嘅原因，但最主要佢食落嘅生菜包同我哋平時出去食嘅佢係比較偏酸，但係非常之開胃。
繼續閱讀
放工同朋友黎九龍城食宵夜，跟佢地黎左呢間試佢嘅泰國菜🥰入到餐廳店員都好好客，會同我地傾計，服務態度都好值得稱讚😆由於班男仔朋友太肚餓嘅關係，見餸即夾，所以冇幫到每道菜留下倩影，希望大家唔好介意🙈🥩檸檬燒牛肉 🌕🌕🌕🌑🌑朋友話上次食呢個燒牛肉辣到冇朋友，所以今次特別要求醬汁另上，俾我地就返自己辣度點汁。冇比較冇傷害，同區另一間泰國餐廳嘅燒牛肉好食好多🤣呢間嘅肉質較鞋，而且唔算多汁，冇乜牛味，不過都唔差，唔會太韌。🥗生菜包 🌕🌕🌕🌗🌑以往食過咁多次生菜包，都未食過唔辣嘅，今次就真係第一次🤣唔知係咪因為知道我地唔太食得辣，所以特登整冇咁辣呢🤣冇辣令個生菜包變得冇咁惹味，而且肉碎偏鹹，但整體味道同口感都唔錯。🍛青咖喱雞配薄餅 🌕🌕🌕🌑🌑青咖喱雞正常發揮，薄餅都幾香，同咖喱係一如既往嘅perfect match😗係一道合格嘅菜式。🍜泰式炒金邊粉 🌕🌕🌕🌑🌑味道唔錯，唯獨金邊粉偏淋身，令口感不太好🙁總括而言，食物味道合格，有好大進步空間。如果想感受下泰國人嘅好客同熱情款待，不妨黎食下嘢😆
繼續閱讀
九龍城最多泰國菜食 隨便揀間都唔會伏🤪依間細細間係正麥當勞隔離 都仲有上層可以坐成間舖都痴滿菜式嘅相📷嗌乜嘢食都有得睇🤩菜式基本上係泰國菜就乜都有 冇咩招牌菜色🍽️
繼續閱讀
九龍城買個甜品，個芒果糯米飯少得離譜，得嗰幾舊芒果應該只有半個芒果$50一盒芒果完全冇味，完全唔抵食，同以前爭好遠連杯芒果沙冰淡而無味！咁簡單嘅糯米飯，都做唔好…
繼續閱讀