301
8
9
港鐵荃灣站 A3 出口, 步行約9分鐘
繼續閱讀
電話號碼
57282626
開飯介紹
由泰籍廚師主理，選用泰國空運進口食材，開業至今屢獲好評，亦多次有電視邀請拍攝飲食節目。餐廳設有上下兩層，一樓提供吧檯座位，二樓則是以長枱及圓枱為主，適合多人聚會。裝潢糅合工業風和民族風格，打卡一流。
繼續閱讀
營業時間
今日營業
11:30 - 15:00
18:00 - 22:00
星期一至日
11:30 - 15:00
18:00 - 22:00
*最後下單時間：22:15
以上資料只供參考, 請與餐廳確認詳情
有關獎賞計劃
招牌菜
食家推介
相關文章
喜歡吃泰菜，今天來試試這間。餐廳外觀是一座舊式的樓宇，入口不顯眼。如果沒有宣傳牌放門外，一般人都不會留意這裏有一間餐廳。餐廳外牆有部份石灰已脫落露出底部的紅磚，應該是有意外露，突出一種工業風格。入口處一幅格仔牆，放滿了泰式飲料瓶，地面放上幾張風景海報，配上黑白的幾何地磚，有特色。餐廳有樓上樓下兩部份，樓下的佈置像日式食堂，全是吧座。樓上是正常的坐位。上樓上要經過一段走廊，再行樓梯便到。走廊和梯間都有一些擺設，如畫架，別緻的吊燈等，豐富了空洞洞的牆身。樓上地方寬敞，用了黃燈，帶點情調。餐桌用的幾何圖案也很搶眼。待應引領我們到樓上，選好坐位就用手機掃碼下單，全程除了上菜外侍應不在場，要開水和杯碗都是自助取用。套餐有主食+小食+飲品。我們選了兩套共享。泰式紅咖哩牛肉飯，咖哩牛肉飯用一瓷碗盛載，白飯用鋼碟盛載。咖哩汁十分充足，面層見到忌廉。內裏的材料有牛肉、茄子、蕃茄仔、菠蘿、青豆、西紅椒、香葉。但咖哩汁的味道不濃不淡，口感一般，不吸引。牛肉份量少也不夠入味。招牌海鮮炒金邊粉，金邊粉是濕炒，混和汁液還算有味道，放點青檸汁，吃起來酸酸甜甜夠醒胃。海鮮不多，蝦仁細隻，有一件魷魚仍未熟透，帶腥味。小食有泰式炸蝦餅和泰式蒜香牛油雞翼。兩款都做得不錯，比主食好吃。兩隻雞翼，一開為二，成為單骨雞翼，容易吃，肉嫩皮脆，充滿蒜香。蝦餅厚身，外層脆口內層彈牙，味道很好。兩個小食上檯時都保持熱度，吃時更美味可口。餐飲要了芒果冰茶，茶夠凍但芒果味淡。總結這餐最喜歡是兩款小吃，主食未有特別出色可吸引我們再來。
繼續閱讀
早排ViuTV 有介紹呢間餐廳，門口好低調，綠色灰色水泥牆，唔講唔知入面係食泰菜，餐廳入面樓底好高，有分成兩層，下面果層係bar枱，可以睇到水吧沖野飲😙樓上係卡位。可能ViuTV 介紹完，食食下見門口愈來愈多人等位。今次我地被安排坐bar枱。🦀泰式軟殼蟹金柚沙律$88軟殼蟹炸得香脆，整個沙律好開胃，金柚好甜，灑上腰果、炸蒜、蝦乾等配料，下底有椰菜墊底，淋上酸甜沙律醬，好開胃！🐔泰式青咖喱雞$88海鮮同咖喱係呢間舖頭嘅主打！由於我哋唔食海鮮，所以今次叫咗咖喱雞，青咖喱唔辣，但係同樣有椰香又惹味，入面有泰國茄子同豆角，雞肉好滑。🍞泰玖金磚蒜蓉包 $42我見枱枱都點，我地都跟住點。金黃色嘅蒜蓉包香脆又有蒜香，用嚟點咖喱汁簡直是絕配！🥬飛天通菜少油$78有少油option揀緊係少油啦，冇咁肥呀嘛，通菜正常發揮，上面有好多炸蒜，又香又爽口。🐷泰式乾炒豬肉河粉$108豬肉醃得入味，河粉唔會好油，要剩熱食，否則河粉會黏埋一舊。🥤飲品（除椰青）做緊買一送一優惠，青檸梳打$38，泰式奶茶$38。
繼續閱讀
話說我哋一行四人喺荃灣行街，行到攰就喺附近食午餐。 原本係想食隔離泰國菜張秀玲，但排晒隊唔想嘥時間等位， 於是就行過隔離呢間泰國菜試下。 店員好有禮貌出嚟帶我哋入去， 餐廳有兩層我哋今次坐上層。 上到去得兩枱客， 點解可以同隔離張秀玲相差咁遠？ 原來係有原因嘅我點咗海南雞飯， 飯同汁正常， 但最重要嘅雞係完全冇味的雪雞食落仲要鞋圾圾我食到咁已經覺得自己好叻😢個餐附送蝦餅或雞翼， 但兩樣都唔係特別好味。 同行的朋友一個點咗炒金邊粉， 佢表示味道正常。而另外的朋友就揀咗青咖哩雞飯。 雞有雪味， 個青咖哩汁過份地甜。 完全係唔好味囉 根本難食到食唔哂！78蚊一個套餐，咁嘅質素真係唔會再有下次餐飲方面就係熱檸檬香茅茶， 味道都可以接受嘅。 值得一提嘅係隔離枱走果陣又係剩好多嘢，見到成碟金邊粉冇乜喐過， 海南雞又係剩勁多相信大家都覺得食物質素唔掂 另外想講嘅係上層黑蚊蚊，冷氣亦唔夠。 以上評論是如實反映， 總之好難再有下次
繼續閱讀
上星期去左荃灣食晚飯，見到呢間泰國菜餐廳裝潢好有特色，所以今日專程再入荃灣覓食🥰餐廳樓高兩層，空間寬敞，裝潢採用工業風設計，仲有日式居酒屋嘅bar枱設計，型格又特色🫶🫶餐廳由泰籍廚師主理，提供新穎嘅fusion菜，食到泰國地道風味之餘，仲加入日式元素❤️店員好細心介紹菜式，服務貼心👍泰式青咖喱雞 $88餐廳紅咖喱、黃咖喱同青咖喱可以選擇，因為唔係太食得辣，所以選擇左青咖喱😊滑嫩嘅雞肉與濃郁椰香的青咖哩混在一起，味道濃郁香甜，配料仲包含泰國茄子同豆角等。泰式薄餅 +$30特別加配左薄餅蘸青咖喱汁一齊食，薄餅送上枱時熱辣辣，非常酥脆，食到lum lum脷。泰式蟹肉炒飯 $118蟹肉滿佈整個炒飯，熱辣辣香噴噴，啖啖蟹肉十分滋味， 面頭放左蟹籽，再加入蛋絲及香蔥，唧埋青檸汁落炒飯，味道豐富多層次；而配菜仲有脆邊太陽蛋、蕃茄、青瓜，非常豐富！泰奶茶提拉米蘇 $78泰奶茶與Tiramisu來個新配搭變成Thai Tea Tiramisu！以泰式奶茶取替Expresso浸泡手指餅，泰式奶茶味好突出，Tiramisu好濕潤，食落好細滑，好有心思🥰餐廳做緊非酒精飲品買一送一優惠 (椰青除外)，而啤酒就做緊買二送一優惠😊#芒果冰茶 $38#鮮橙疏打 (原價$38)最近天氣酷熱，飲番杯凍飲爽下先，2杯都冰凍香甜，飲完好舒服解暑🫶整體CP值高，份量多之餘，食物定價貼地，抵食😉而餐廳亦有做午市套餐架。
繼續閱讀
♡ —————— 𝗗𝗲𝘁𝗮𝗶𝗹𝘀 —————— ♥️【餐廳】Thai nine【地區】#Dr_eat_荃灣【價位】中價位【用餐時段】晚市【餐廳主打】#Dr_eat_泰式【𝗛𝗶𝗴𝗵𝗹𝗶𝗴𝗵𝘁】。工業風泰菜餐廳, 不少打卡點。定價貼地又抵食, 仲大大份, CP值高, 平民福音。午市推出LUNCH SET仲抵食────────────────────【環境/服務/衛生/讚一讚】。餐廳樓高兩層，採開放式的空間設計, 樓底高, 空間寬敞。裝潢走工業風, 內外都散發出型格氣息。家具同燈飾以簡潔實用為主, 配上舊式設計, 氛圍獨特.【泰式蟹肉炒飯 $118】。炒飯粒粒分明, 鬆散且微黏，入口軟滑。加入蟹肉, 蛋花, 香蔥等。口感豐富又鮮美, 仲有蟹籽增加粒粒口感, 香氣四溢。唧d青檸汁令味道更富層次感.【泰式紅咖喱雞 $88】。以濃郁既紅咖喱為基礎，配以雞肉, 泰國迷你茄子, 豆角及多種香料。口感濃厚帶辛辣味道。紅咖喱口感滑潤，濃稠感較高, 香辣帶有微甜。建議配薄餅或蒜蓉包。.【泰玖金磚蒜蓉包 $42】。金磚蒜蓉包的外皮金黃酥脆，內部鬆軟且有彈性。一上枱就聞到香氣濃郁既蒜蓉味。咬落更帶陣陣牛油香添.【泰式奶茶 $38】。泰式奶茶是泰國既經典飲品之一。口感濃郁而滑順，帶有微微既粘稠感, 味道濃厚而香甜。淡淡既茶葉香混入牛奶甜香, 一飲愛上.【泰奶茶提拉米蘇 $78】。自家製既提拉米蘇。結合泰國奶茶同提拉米蘇元素。口感柔軟滑順，入口即化。奶茶既香氣同提拉米蘇既濃郁奶香相結合。意外地不會好甜呢────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】荃灣曹公坊5號地舖【分店】N/A【℡】57282626【營業時間】星期一至日: 11:30-15:00; 18:00-23:00
繼續閱讀