影片
港鐵荃灣站 A3 出口, 步行約11分鐘
繼續閱讀
電話號碼
57282626
開飯介紹
由泰籍廚師主理，選用泰國空運進口食材，開業至今屢獲好評，亦多次有電視邀請拍攝飲食節目。餐廳設有上下兩層，一樓提供吧檯座位，二樓則是以長枱及圓枱為主，適合多人聚會。裝潢糅合工業風和民族風格，打卡一流。
繼續閱讀
營業時間
今日營業
12:00 - 15:00
18:00 - 21:00
星期一至日
12:00 - 15:00
18:00 - 21:00
*最後下單時間：22:15
以上資料只供參考, 請與餐廳確認詳情
有關獎賞計劃
相關文章
呢間餐廳喺Ann Mamma Thai by 張秀玲隔離，食唔到張秀玲，就轉咗嚟呢度late lunch。周日嚟到，仍有午餐，大約$5x-6x，跟餐飲，另外可加錢點特價小食、甜品同特式飲品，都幾彈性同豐儉由人。張秀玲同樣有午餐，價錢貴~$20，不過都合理，始終假日。泰式香辣肉碎炒飯：午餐，$64；牆上有英文告示寫話如有特別要求，可用英文/泰文註明（電子落單系統有「備註」一欄）；備註咗「less spicy」，但啲食物的辣度依然有料到，狗狗爸爸食咗1-2啖話佢炒得幾惹味，但辣度令佢享受唔到，不過，當我哋撥走曬食物入面的小紅椒後，就好好多，唔辣，可以好好享受泰式鳯爪沙律：跟午餐+$15；口頭同侍應講話因為食素，想走鳯爪而多啲沙律菜，佢幫我同廚房溝通，而我亦同樣以英文備註；+$15預期細份，但上檯有驚喜，五顏綠色好吸引，份量亦唔算細；味道同樣辣勁十足，要撥走曬啲小紅椒；泰式沙律汁惹味、開胃，值得加配新鮮椰青：跟午餐+$28；正價係$4x，售價同一般泰式餐廳相若，但椰青size較細；上檯時，單憑外觀（呈啡色，較硬）已判斷到椰青唔算新鮮，放耐咗或者保存得唔夠好，同時椰青身仲有一條裂痕；嘗試打開個開口𢳂啲椰青肉食，點知蓋口甩咗出嚟，淨番果忽好難撬開，只好叫侍應攞番廚房開；由於唔新鮮，椰子水都少啲，但仲係好甜既，甩蓋令到有啲椰子殻碎屑跌咗入啲水度，飲得唔係好暢快整體嚟講，對呢餐都幾滿意：1）環境：餐廳幾有特色，設樓上雅坐，氣氛特別；1500午市last order，嚟到冇乜人，好似擁有一個私人空間咁；剛坐低時播住泰文歌，幾好feel，後尾可能侍應等落場，轉播張敬軒，有違和感2）服務：必須要讚樓上雅座的男侍應！當我哋入餐廳時，見樓下的高檯坐滿人（3-4個），所以上咗樓上用餐，埋單先發現樓下果啲人原來係員工，坐曬喺度等落場，唯獨樓上的侍應一直上上落落服務我哋同另一檯客，就算因額外要求而令佢行咗好多次，佢都keep住好有禮貌3）食物：聽到有泰文對話同睇埋個指示牌，相信廚房應該係由泰國人主理，辣度實在強勁，但同時口味應該正宗啲；整體食物質素唔差，只係個椰青唔ok4) 價錢：經濟實惠，埋單冇加一，$107題外話：原本想張秀玲（未食過）。1430去到，見食客陸續離開，有空位就入咗去。一個留及肩頭髮的男侍應叫我哋出餐廳外面等，然後，佢行出嚟，指住門口一個細指示牌「Closed」，話午市截單，同我哋講等晚市。雖然係我哋心急冇留意個牌仔，但佢態度麻麻，而且佢其實可以喺我哋入去果刻直接講既。最後，當然冇聽佢講等3-4個鐘，錯有錯著，其實呢間泰國餐廳氛圍仲好~
繼續閱讀
食物味道唔錯 但冇咩邊道菜特別出色最出色係店員嘅服務態度縱然偶有甩漏 但佢哋都會努力記住每枱客嘅要求即使即時做唔到俾你 但只要一有時間佢哋都會自動補俾你全場爆滿嘅情況下佢哋嘅態度依然親切多謝佢哋 辛苦哂🌹
繼續閱讀
第一次去食，見Open Rice 同 Google Maps 都幾高評分。我係鍾意食泰國嘢，所以喺香港都會搵唔同嘅泰國餐廳食，但係哩一間係暫時食過最難食嘅泰國餐廳。係咪轉左手？ 火山排骨係湯渣，椰青亦都唔係泰國貨。.首先好彩係有七七折（7:30pm前離座）同埋嗌得唔多嘢食，多謝。.我係book咗6:00pm ，佢係QR code落單嘅，成個System都未run好就已經嗌人入去坐，掃code見到幾樣嘢都係空白，我問係咪冇得嗌，原來係未run好，等咗幾分鐘再叫我開過。見到QR code落單嘅餐牌同實際門口嘅餐牌價錢有出入，我再問個侍應先知道原來有啲食物係加咗價例如生蝦實體餐牌係$138 ， QR code餐牌係$148。話係加咗價，不過嘢飲就有減咗價，例如百香果青檸梳打有$38變成$28。.好啦，我最想食嘅火山排骨嚟到簡直係災難。完全係可以用山泥傾瀉嚟形容，啲排骨係一條條，應該係用嘅肉材同出面嘅泰菜唔同，煮到好「鞋」，口感好粗糙，好似煲完湯嘅湯渣，同埋肉材都唔新鮮。火山排骨嘅汁係少到好似就嚟乾水嘅池塘，汁嘅味道同埋肉嘅味道基本上係完全分開，所以啲肉係唔入味㗎。但係我見到餐廳門口都有貼咗幾份雜誌訪問嘅報道，係關於火山排骨，當時食到好失望，完全係另一樣野。所以先至懷疑係咪轉咗手？.另外，我鍾意飲嘅椰青都好失望，完全飲得出唔係泰國嘅椰青，個椰青入面嘅肉係完全刮唔到落嚟食，個味道都唔同，係比較燥熱（？），外觀上都見到比較偏米黃色同修長。平時飲到嘅泰國椰青係比較白色，平滑同圓潤。.仲有朋友嗌咗杯百香果青檸梳打都一般般啦，另外有一碟青木瓜沙律一般般啦，不過朋友話食到啲蝦處理得唔夠好食得到有冰鮮味。.其實仲嗌咗碟魷魚，但係等咗差唔多40分鐘都仲未到，原來係漏咗單，咁我就嗱嗱聲cancel啦，都食到咁失望，費事再嘥錢食多樣嘢，未夠七點已經埋單走人啦。.環境就尚可接受啦，明白喺唐樓地下一定係會比較污糟同有少少味。其實仲嗌咗碟魷魚，但係等咗差唔多40分鐘都仲未到，原來係漏咗單，咁我就嗱嗱聲cancel啦，都食到咁失望，費事再嘥錢食多樣嘢，未夠七點已經埋單走人啦。.環境就尚可接受啦，明白喺唐樓地下一定係會比較污糟同有少少味。
繼續閱讀
我打算慶祝生日，想食泰菜又唔想走咁遠，就比較幾間喺荃灣嘅泰國餐廳，食過金坊 金屋 bamboo thai 所以想搵一間未食過嘅。喺張秀卿同泰玖之間選擇咗呢間。見到蟹肉炒飯上菜嗰一刻，睇到我呆咗：蟹柳？$138蟹肉炒飯係蟹柳？同店員確認一下，佢話有加咗落去炒，所以同餐牌上堆埋一堆嗰個款係有啲唔同。好，咁我望真啲。哦，係有嘅。有幾多？我筆咗三大羹飯入我隻碟，先搵到兩執蟹肉，同兩執 瑤柱蛋白炒飯入面嘅瑤柱咁上下大執。真係令我好失望。我喺佐敦 港島區叫個 蟹肉炒飯$170咁上下，大約差$30，計埋鋪租，佢哋個份量其實應該可以多番唔少，依家上菜嘅蟹肉份量再加上蟹柳（本人討厭蟹柳），仲有三色豆！係令我成餐飯都冇晒心情食。其他菜式味道都一般，完全唔符合現時接近600嘅好評（超過90%好評）。
繼續閱讀
泰國餐廳起荃灣，位於著名餐廳Ann mamma附近，價錢好相宜，裝修行工業風，樓高兩層。試咗佢哋嘅泰式雞髀金麵同泰式炒金邊粉，食物口味正宗同好好味，值得一讚。泰式雞髀金麵，啲麵脆卜卜，金黃誘人，雞髀肉嫩滑多汁，湯底香濃咖喱味，仲要份量很大，食極都有。泰式炒金邊粉炒得剛剛好，酸甜醬得宜，配料豐富，海鮮鮮甜，加上表面的花生碎，有很多層次的口感。午餐價錢大概$60-70左右，仲要包嘢飲，亦可以加配不同的小食。
繼續閱讀