影片
餐廳整體服務質素不錯由門口帶位到就餐服務嘅時候，侍應們都非常之有禮貌，亦都有盡力滿足客戶嘅要求可惜一間餐廳嘅基本需要嘅係食物質素而呢間餐廳喺基本需要呢一方面10分令人失望家庭遊樂途中幫襯呢間餐廳，兩個大人叫咗兩個主食及兩個小食小食：泰式鳳爪 - 淡而無味蒜蓉包 - 味道不過不失，可惜呢一個小食上餐嘅時間太慢，距離上咗煮食之後差唔多20分鐘先上。（本來諗住攞過嚟點咖喱汁）主食：蘭王肉碎蛋飯 - 肉碎有一般正常茶餐廳嘅水準，就係普通嘅太陽蛋青咖喱雞扒飯 - 雞扒沐浴於青咖喱汁當中，但雞扒食起上嚟竟然係凍嘅。青咖喱汁本身都唔算係溫暖，只不過稍有溫度。青咖喱汁入邊嘅配菜非常之清新，裏面有青矮瓜，豆角等等，全部配菜都非常爽口，相信都未有煮熟。咖喱汁同配菜以及雞扒彷彿完全沒有關係，但卻偏偏放在一起。萬幸白飯尚算正常整個午餐嘅味道有一般茶餐廳嘅質素，亦有中上級數嘅服務，可惜味道難堪，收費偏貴，性價比極低。如果各位到go park 家庭遊樂，附近所有餐廳都需要等候超過一個小時可以考慮這一間餐廳反正都可以安全食飽但如果大家想品嚐都美味嘅食物就唔建議呢間餐廳
繼續閱讀