影片
開飯介紹
主打正宗泰北風味船麵及冬陰湯麵，由數位來自泰國的廚師主理，味道正宗。
繼續閱讀
營業時間
今日營業
12:00 - 21:45
星期一至日
12:00 - 21:45
公眾假期
12:00 - 21:45
公眾假期前夕
12:00 - 21:45
以上資料只供參考, 請與餐廳確認詳情
相關文章
窩夫與蝦子餅星期日去完iSQUARE地下的阿仙奴快閃店，在附近找地方吃晚飯。下午6時左右見「泰濃麵」不用等位便進去。除了泰國船麵，還有海南雞和其他小食。飲品方面，蝦子餅點了泰式青檸梳打特飲($29)，窩夫則點了泰式龍眼冰特飲($29)，龍眼冰消暑一流，龍眼肉非常多。7吋虎蝦船湯薯粉($128)的湯底濃郁，薯粉份量足，配料有魚蛋、炸豬皮、蘿蔔、芽菜和秋葵，蘿蔔入味又夠腍。主角虎蝦大大隻，十分爽口。廣島蠔冬陰功湯黃麵($99)有五隻廣島蠔之多，配料有蝦、蟹柳、青口仔、菇和秋葵，十分豐富，冬陰功湯酸辣適中。泰式小食拼盤($78)有蝦餅、雞翼和炸芝士雲吞，三款小食各兩件，二人分享剛剛好。
繼續閱讀
咁多位認真，真係唔好去呢間嘢。 見到好評咁多 ，話好好食，又講到真泰國船麵 ，成百元碗我都特登出嚟食。兩個人去，店入面小貓幾隻靜靜食，我嗌咗頂級安格斯牛肉船湯（$94）， 朋友叫咗卜卜蜆冬陰功湯麵（$94）， 加咗個炸蝦餅（$49）同埋泰奶茶少甜（$29）。 首先個泰奶茶嚟到，嘩甜到加咗糖咁 ，問佢有冇落少甜，因為見張單度冇寫到， 佢話問下廚房，然後就同我哋講：泰國人係食得好甜㗎 ，泰奶茶就係咁甜㗎啦， 泰國人最鍾意食甜同食辣， 我同朋友笑一笑， 心諗， 唔緊要，如果個面好食 ，杯奶茶唔好飲都算數。 無耐送個麵嚟，就對住我哋講國語 ，可能泰國人都係講國語嘅？ 嘩個面就慘囉，船湯牛肉 ，個湯係微暖嘅，牛肉係生嘅， 啲牛肉我碗麵食到尾都仲未熟 ，食落去冇牛味全部都係渣，仲要得好少塊又薄， 湯底都唔好飲，真心想喊。 朋友叫我出聲問，我唔敢喇，一陣同我講話泰國船麵可能就係唔熱我咪死（ 其實頭先答我哋嗰個男人一定聽到我哋講嘢，咁當然扮聽唔到啦， 奶茶都唔肯換畀你，碗麵更加睬你都傻）。至於朋友嗰碗冬陰功湯，湯底單薄似用公仔麵粉沖出嚟嗰種， 唔酸唔辣， 一啲都唔似佢話泰國人整出嚟嘅味道，呢個湯就再暖少少，sorry但真係唔熱。至於蝦餅， 矇住我對眼應該以為食緊吉列魚蛋，呢個49元我無期待，無太多嘢講。埋單仲要加一成為＄293， payment淨係得支付寶八達通現金， 商場餐廳嘅價錢雲吞麵嘅支付方式， 我哋仲要入錢落支付寶度先畀到， 嗰刻就發覺呢間餐廳應該唔係招呼香港人， 係我哋唔啱，入錯。
繼續閱讀
喺iSquare附近長期都有人潮嘅泰國粉麵👍🏻間唔中就會掛住佢哋嘅湯底🫶🏻 ❣️青木瓜沙律 $49調味夠晒酸辣🌶️🌶️ 非常惹味開胃🤤木瓜絲好多好爽口 仲有車厘茄 🍅花生🥜同蝦米🦐 ❣️頂級安格斯牛肉 船湯 河粉 $94佢另外有黑毛和牛但係就貴好多🤣 呢個就性價比高‼️ 牛肉牛味濃好軟熟🐄配料豐富 有魚蛋 炸豬皮 蘿蔔 秋葵 🫶🏻湯底睇落深色但唔會咸 係好濃郁仲有啲清甜💦❣️雞髀肉 冬陰功湯 金邊粉 $74我平時都好鍾意飲冬陰功湯 有齊酸辣香辛好惹味✅🌶🤤 湯本身已經有蝦 蟹棒 青口 秋葵 雞髀菇🦐雞髀肉都嫩滑冇雪味✨🐣🐥❣️青檸梳打 $29食住啲偏重口味嘅又想飲青檸梳打🍋🟩refresh 下🙈 呢款泰國梳打水好夠汽 又唔會太甜🥳
繼續閱讀
而間舖頭我之前都介紹過架啦😆之前係介紹佢既芫荽山船湯麵🍀真係芫荽控必食😙反芫荽控既朋友，其實而間舖頭都有好多正野岩你地食🤪🍜頂級安格斯牛肉船湯黃麵 （$94）安格斯牛肉肉質超嫩，再加上濃濃既船湯，真係越食越想食😍船湯係由20多種香料熬製而成，帶有淡淡甜味😚濃度適中，唔會令人越食越口渴😲黃麵滑溜，有D似油麵，正👍🏻🍜卜卜蜆冬陰功湯金邊粉 （$94）酸辣味道適中，而蜆既鮮味亦都帶出冬陰功湯既香味😆金邊粉口感彈牙，特別適合中意重口既你✌🏻🍤泰式小食拼盤 （$78）小食拼盤有泰式炸蝦餅、炸雞翼和炸雲吞，各有兩件✌🏻即叫即炸熱辣辣😋 炸蝦餅外脆內嫩，蝦肉鮮美😝 炸雞翼皮脆肉嫩，香氣四溢🤪最好食係炸雲吞，金黃酥脆，食到停唔到口🤣🧋凍泰式奶茶 （$29）奶香濃郁，甜而不膩👍🏻🥤香茅斑蘭梳打 （$29）意外驚喜😍清新既香茅味同斑蘭估唔到咁夾👍🏻配埋一支泰象梳打，超級清爽，完美搭配泰國菜😙性價比高既一間泰國菜😋 推介👍🏻
繼續閱讀
同Lisboy放完電就同Lisba喺尖沙咀食個Lunch，呢間泰國餐廳歷史悠久，我哋經過就試一試😋🍽️ 青木瓜沙律好掛住泰國風味嘅木瓜沙律，好有鹹香，清爽，食完好開胃，真係飯前必食之選！🍽️ 泰式卜卜蜆冬陰功湯麵呢間泰國嘢最出名就係佢哋啲粉麵當然我哋食佢哋嘅招牌卜卜蜆冬陰功湯麵啦，我哋揀咗紅薯粉唔使加錢㗎，好抵食，估唔到上枱嘅時候咁大碗，而且有好多隻大蜆、仲有蝦同埋青口，真係夠晒鮮味🍜泰國嘢食當然要試埋佢哋嘅冬陰功，冬陰功味酸酸甜甜，少少辣多多滋味！叫埋香茅梳打🤤夠晒爽！🍽️ 泰式海南雞飯泰國嘢點都要試吓佢哋嘅海南雞飯呢？即刻落咗order，海南雞飯配油飯真係絕配😚海南雞飯好抵食，大大碟海南雞，雞味濃或冇骨，我最重叫咗杯龍眼冰添，夠晒清涼正爆🧋😍海南雞好有質素夠晒滑嘟嘟，好有雞味🤤我哋食得好開心！
繼續閱讀