27
23
6
港鐵佐敦站 D 出口, 步行約3分鐘 繼續閱讀
電話號碼
2737 2676
付款方式
現金
座位數目
40
其他資料
電話訂座
電視播放
招牌菜
泰式海南雞 泰式豬脾 酸辣鳳爪
食評 (59)
等級2 2015-05-07
438 瀏覽
叫咗串燒拼盆(牛、雞、雞軟骨), 牛肉無味好似未調過,雞肉似雪雞如嚼膠,最離譜係雞軟骨係生嘅, 照上俾我哋(因為請埋低素質支那殖民),另上係沙嗲汁啖而無味。最經典係咖哩軟脚蟹飯,黃色所謂咖哩其實似加棘油粟米忌廉湯,一舊舊。食唔到咖哩味,至於軟脚蟹,一小隻斬開四份上,又唔香脆,嗰舊黃汁加上去架紅色變橙色囉,食咗都唔知食緊乜.跟餐嗰杯熱華田,開粉啫, 都唔攪下,一舊舊都沖得出。甜品係大菜糕,黃色鼻涕色嘅兩舊軟膠狀物體, 唔係化?真係唔敢食食完一肚氣,二百幾蚊食垃圾。食咗唔出事算好彩,但係極重味精勁口乾經驗實在太差,不想浪費時間影相,這些泰菜敗類唔寫低警世對唔住人世,信不信由你。 繼續閱讀
(以上食評乃用戶個人意見 , 並不代表OpenRice之觀點。)
等級4 2014-08-01
970 瀏覽
星期六開工, 不覺苦, 因有興趣在, 那裡都不苦。真正令人苦的是天氣! 七月天, 烈日當空下突然下大雨, 來個措手不及。反正要食午飯, 還是進店避避難吧。柯士甸道泰樂廚, 之前都已叫過幾次外賣, 味道時好時一般。倒頭來這都只是一個原因 - "近"。最近聽朋友常常掛在口邊一句: "京川滬菜是香港特有的變種"。這個我很同意, 但就不單單是京川滬一樣, 星馬泰印尼越南也經常"打亂種"。這店除泰式的海南雞飯之外, 也有越南凍檬粉。不過始終最喜愛的仍是一口Pad Thai。這裡的泰式炒金邊粉, 粉身彈力不錯, 入口不膩。蔥辣芽菜, 花生碎惹味, 但甜度略嫌不足。泰式蝦醬也鮮味, 加上些辣椒粉, 感覺可以。不過可惜, 泰式炒金邊粉沒有在午餐選擇之列, 所以單點也要HK$46, 有點貴。另加一杯青檸梳打, 糖漿甜味只輕輕帶過, 青檸味道可以, 整體比較清淡, 但也可解渴。可能是因跟粉麵飯, 索價只HK$12。整體中規中矩的發揮, 不突出但可讓避雨已滿足。 繼續閱讀
(以上食評乃用戶個人意見 , 並不代表OpenRice之觀點。)
等級1 2014-01-18
705 瀏覽
晚餐叫一個黃咖哩牛腩飯要等半個鐘!唔催都唔黎。只對熟客招呼,walk-in愛理不理。黃咖哩超一般!啲咖哩唔辣唔甜,一pet pet咁. 又少牛腩,要$62!冇下次! 繼續閱讀
(以上食評乃用戶個人意見 , 並不代表OpenRice之觀點。)
等級4 2013-12-14
727 瀏覽
 晨早出現佐敦區當然先吃個早餐才開始行程,還在考慮是否去澳牛吃早餐之際,在柯士甸道竟看到海南雞福字麵早餐,海南雞吃過不少,福字麵也是吃過無數包,只是兩者加起來又真的未試過,今次先忘掉澳牛改吃雞。 泰樂廚?!在泰國菜館吃早餐又是第一次,除了福麵還有早餐必備的雞蛋和麵包,這個無敵組合當然不用多想就跟阿姐點了。 近月習慣早餐時段來杯凍鴛鴦,可是這家泰國菜館的凍鴛鴦實在不太行,咖啡比紅茶重的比例本來可更提神,只是以咖啡粉煮的咖啡帶點不討好的酸度,紅茶也不太有茶香,加起來的效果實在不是合格水平,只是習慣性來一杯,結果也是製造了一點廚餘。 海南雞福字麵還有條生菜,令本來淡白的湯麵增添色彩,也能略略多添一點健康蔬菜,好事!福字麵新鮮沒油膉味,將碗底味粉拌勻後就是熟悉的福麵味,彎彎福麵煮得有彈力,不錯的福麵口感;薄皮海南雞雞肉蠻滑也夠鹹味,只是沒有海南雞那三色醬汁,說是鹽焗雞也無不可也。 抹上低脂牛油方包柔軟雪白,只是低脂牛油就是沒牛油香,食味總欠缺一點點就是啦;磨菇炒蛋如庵烈,蛋皮薄薄的也沒蛋汁,喜吃蛋的我評為相當一般。$30凍飲加$2的早餐價,在遊客較本土人多的地段也算優惠,如果有機會早上再到佐敦,還是考慮澳牛好一點。 繼續閱讀
(以上食評乃用戶個人意見 , 並不代表OpenRice之觀點。)
等級4 2013-09-09
543 瀏覽
晚上八時的星期六, 難搵位食飯, 行經九龍公園對面, 這間茶餐廳格局的泰國式食店, 竟然只有半滿食客, 真是喜憂交集, 喜就當然是有吉位可坐, 憂就梗係假期前的晚上, 還只是食客三兩丁, 唔知係未食物質素有問題呢?總之, 人多就怕排隊, 人少又怕唔好食, 心想, 好似我咁既消費者就真係零捨麻煩.有二人套餐提供, 海南雞(例牌), 炸蝦餅, 腩肉芥蘭, 兩油飯, 兩飲品, 收$180. (如果散叫的價值: $56+56+50+11*2+15*2= $214), 但我們都係選擇了散叫, 因為太想食酸辣鳳爪了…. (食完了才想起, 其實應該問一問, 套餐可唔可以將腩肉芥蘭轉為酸辣鳳爪)炸蝦餅, $56, 份量不少, 三件大蝦餅切半, 剛炸出來, 熱度十足, 外皮些少微微脆口, 內部質感彈牙, 但蝦肉的口感和味道不夠, 然而, 點酸甜醬入口, 仍算上佳.海南雞飯 $42, 只需加$5, 便可以轉雞脾, 但友人與我皆不好雞脾部位, 雞皮略厚, 但仍然爽口, 雞肉尚算滑, 但不算太有雞味, 這是一般的共有現象, 無投訴啦, 而且份量足, 以碟頭飯而言, 不算少雞了, 相比起山林道那間海南雞飯名店, 這間算有良心喇, 唯一是醬汁不太滿意, 只有兩味醬汁, 沒有薑容, 泰式酸辣汁, 有酸味, 辣味不足, 另一款甜醬油, 完全不合心水, 調得過希, 味道不夠甜, 好似在家中自製的沙糖溝豉油.酸辣鳳爪, $58, 酸度適中, 辣味偏高, 鳳爪皮十分爽口, 伴以洋蔥和生蔥入口, 十分滿意.泰象啤, 在泰國十分出名, 佔半數市場, 但香港的貨就唔知係未由泰國入口了, 好似係嘉士伯旗下既品牌,上檯時, 手上感覺, 雪得極凍, 唯隻杯沒有雪過, 口入仍然透心涼, 大枝只收 $25, 抵啦. 繼續閱讀
(以上食評乃用戶個人意見 , 並不代表OpenRice之觀點。)