泰斗

看餐廳的位置好像挺偏遠的，但其實附近有挺多新樓盤，餐廳人氣還是挺不錯的，而且地方很大，空間感十足，還有露天的位置，氣氛不錯。泰式香燒雞（１８８元／半隻）雖然有寫要等２０—２５分鐘，但實際時間更久一點，不過也是挺值得等的！這裡的燒雞比平常餐廳吃的都要大隻，而且燒的火喉剛剛好，雞剛剛好熟，吃起來肉嫩多汁，還有雞肉香，雞皮有彈性，而且雞醃得很夠味，泰式風味十足，吃的時候再配上甜辣醬，更解膩，更突出雞肉香。馬莎文咖哩牛坑腩配薄餅（１７８元）本來想叫另一款咖哩金磚的，但已經賣光了，所以就改吃這款有薄餅的，性價比也不錯。牛坑腩燉得還有點彈性的，吃起來肉感較足，牛肉味香濃，部分帶點筋的會更香，而咖哩都滲透進去了，味道更濃郁。本身咖哩的香料味很夠，又帶點椰奶香。薄餅烤得酥脆，配咖哩一流。泰式火車頭和牛炒飯（１８８元）這裡的炒飯是比較濕潤的那種，味道挺香的，加了很多蛋和牛肉，還有點菜碎來增加口感。牛肉口感很嫩滑。雪糕（５８元）有三款雪糕可選，分別是朱古力，椰子和雲呢拿，我們就選了後面兩款，質感都很香甜，不會太甜，還加了有朱古力醬呢。手打菠蘿檸檬變泰綠茶（７３元／增量）質素真不錯，跟外面的茶飲店的手打檸檬茶可以一戰，口感非常清爽，味道酸甜，挺解膩的。荔枝沙冰（６８元）荔枝味非常香濃，味道清甜。…查看更多

最近在元朗發掘了一間泰國菜專門店，整體感覺相當不錯，讓人恍如置身泰國。最令人驚喜的是用餐環境相當舒適，枱與枱之間保持著適當距離，絲毫不感侷促。店內播放著輕柔的泰文歌曲，音量恰到好處，不影響傾談之餘更添風情，我媽媽甚至聽到一首她從小聽到大的經典歌，倍感親切。座位設計用心，搭配的長形咕𠱸承托力十足，大大提升了舒適感。每張枱上還設有專屬燈光，能清晰照出食物的色澤與細節，這點非常加分。泰式風情的碗碟亦增添了幾分地道感覺。食物方面，海鮮炒濕河 (Pad See Ew) 絕對是必食之選，極力推介！河粉炒得夠「鑊氣」，口感軟滑又帶點彈性，醬汁濃郁入味，海鮮料足且新鮮，整體水準極高，令人回味。雖然本身味道已很足夠，但習慣泰式風味的媽媽想加點辣，店員立刻提供辣椒醬，後來才知店內也有傳統的四格辣椒醋，但無損我們對這道主菜的喜愛。不過，馬拉盞炒通菜 則略為遜色，鹹度稍高，蓋過了應有的鮮香，是當晚較不推介的一道。其他菜式亦有驚喜。椰汁雞湯 (Tom Kha Gai) 做得相當出色，湯底香濃順滑，椰香四溢而不油膩，雞肉更是嫩滑非常，味道平衡得宜。柚子沙律 非常新鮮爽脆，柚子肉粒粒分明，口感十足，媽媽大讚比起她上次在其他地方吃到的細碎口感好太多了！服務態度親切有禮，加上舒適的環境、地道的細節（如音樂、燈光、餐具）和出色的招牌海鮮炒濕河，整體體驗比我們常去的九龍城泰菜館更令人滿意。這頓飯不僅滿足了味蕾，更是一趟愜意的泰式小旅行，值得再訪嘗試炒牛肉或雞肉等其他菜式。…查看更多

講起元朗食泰菜，「泰斗」絕對係街坊飯堂級！今次唔講大路嘢，集中火力讚爆佢哋「生菜包」同「蝦餅」，兩樣都係我回頭N次嘅理由！生菜包：香辣爆擊！自己包最過癮 佢哋嘅生菜包，肉碎炒得「乾身又夠鑊氣」，一上枱就聞到香茅同金不換嘅霸氣！肉碎用豬肉同雞肉混合，咬落有粒粒口感，仲有啲爽脆筍粒同洋蔥吊味，辣度可以自選（小辣已經好惹味）！重點係生菜新鮮到滴水，每塊都脆卜卜，自己拎塊菜包住熱辣辣肉碎，一啖塞入口 — 菜嘅冰涼 + 肉嘅香辣 + 香料衝擊 = 爽到震！ 食到唔停手，仲抵在份量足 蝦餅！真蝦肉彈牙爆 另一必點係 「手打蝦餅」！一碟四大件，厚度直逼1.5cm，咬落去唔係粉漿，係實實在在蝦肉嘅纖維感，外皮炸到金黃微脆，入面彈牙到好似食緊蝦滑，仲有淡淡胡椒香！點埋佢哋自家嘅酸辣梅子醬，微甜帶酸超解膩，食一件已經想Encore！真心唔係出面啲「風批蝦膠」可比，真材實料到連屋企長輩都大讚小總結：兩道菜都係 「即叫即製」，上枱熱辣辣先至夠香！生菜包左右，蝦餅有找，以呢個質素嚟講性價比超高，難怪平日夜晚都坐滿人。環境就典型街坊小店格局，但食物有水準就夠啦～ 想食地道泰式小食？呢兩樣信我，必嗌！溫馨提示：生菜包辣度可走辣，但小辣風味最正！…查看更多

今日去完元朗行山，加上天氣好熱想食開胃泰菜，就順便去bookmark 左一段時間的呢間餐廳。一入餐廳空間感幾好，樓底夠高裝修都好有泰式style，枱與枱之間又唔會覺得迫。餐牌都好多款唔同泰菜，新派fusion 泰菜都有好多選擇。柚子沙律 $108柚子肉好大粒，夠水潤又甜，佢個調味做得好好，香料味夠得黎又唔會過濃，加埋啲香脆嘅腰果粒，更加有口感。泰式燒豬頸肉 $128燒得好香口，又夠爽，點埋佢個辣辣地嘅汁真係幾夾。泰式燒老虎蝦（兩隻）$168一拎上枱就已經聞到好香嘅炭燒味，老虎蝦大大隻，職員好細心比定手套同埋濕紙巾我哋；食得出係新鮮蝦，因為啲蝦肉好爽口彈牙，蝦頭仲會有啲膏，推介。鹽燒馬友 $248一打開個魚皮，啲魚嘅鮮味出晒嚟，魚肉好嫩滑，我平時好怕食到好腥的魚，呢個一啲腥味都冇。手搖香芒檸檬變態紅茶 （加大）$73 甜甜的芒果味再加上好香濃檸檬嘅紅茶底，撞埋一齊真係好適合夏天飲，好解渴仲要大大杯。金柚香芒沙冰 $78有唔少嘅香甜柚子肉粒，芒果沙冰又夠透心涼。甜品點可以唔叫芒果糯米飯，佢係用咗三色飯，有蝶豆花糯米飯，普通糯米飯，同埋斑斕糯米飯，飯粒夠煙靭粒粒分明，個椰汁就甜咗少少，但佢個芒果都幾甜同最梗要係冇渣。呢度如果多啲人嚟食仲可以試多啲唔同款嘅食物。藥房星期六晚上七點至九點都有live music 可以邊食邊chill住聽歌。…查看更多

今個weekend同朋友揸車入元朗食泰菜，間鋪d裝飾佈置好比心機，個場好大，無論一大班人聚會定約朋友食飯都好適合。前菜泰式鳳爪都好出色，鳳爪去晒骨，浸喺酸辣汁入面，吸晒香茅、檸檬同小米辣嘅味道，爽脆開胃，一啖一個根本停唔到口。泰式雞肉炒金邊粉，師傅火候控制得勁好，粉條吸晒醬汁又唔會黐埋一舊，每條都掛住蛋香同魚露嘅鹹鮮，雞肉切到厚薄均勻，煎到邊位微焦，咬落juicy到出汁，再撒埋花生碎同青檸汁，酸辣鹹香一口過，根本停唔到口！接住個咖喱牛肉南瓜盅認真有誠意，整個小南瓜當容器，一上台咖喱香撲面而來！咖喱醬稠到可以「掛壁」，椰奶比例啱啱好，唔會過甜又夠creamy，牛肉好好味，配埋店員即烤嘅薄餅，蘸滿咖喱汁送入口，碳水快樂直接拉滿！肉食控必點泰式燒西冷牛扒，七成熟嘅牛扒外層燒到微焦，鎖住裏面嘅肉汁，切開見到粉紅色內芯，咬落肉味濃郁，配嘅泰式酸辣醬勁解膩，辣度溫和帶少少果香，同牛扒簡直係絕配！素菜方面，飛天通菜炒得夠鑊氣，梗葉爽脆唔會過老，鹹香得嚟又唔會蓋過通菜本身嘅清甜，係送飯神器！飲品一樣出色！泰斗三檸梳打用青檸、黃檸加鹹檸調製，梳打氣泡十足，入口清新解辣，鹹甜平衡得好好；金柚香芒沙冰完全無用糖精，芒果肉多到咬得到，金柚粒爽脆，沙冰綿密唔會有冰粒，甜度啱啱好，食完辣嘢嚟一杯，成個人都透心涼！…查看更多