泰式燒王2

九龍城有唔少泰式菜館，朋友今晚帶我嚟食泰式燒王2，以為新年少啲人食泰國菜，點知原來好多人，好在早少少到，仲有枱，坐低五分鐘左右已經滿座，好有人氣呀！睇完餐牌，好多嘢都想試想食，認真貪心，所以慢慢嚟一開始食燒牛肉沙律，乾爽新鮮的雜菜，加少許柚子汁，配選料上乘的燒牛肉，美味又開胃！牛肉本身約有八成熟，入口肉汁豐富，咬口極佳！整碟沙律份量唔細，性價比好高！跟住上冬蔭公湯，湯嘅酸辣度好平衡，亦冇過鹹，由於我哋冇點選咖哩嘅食物，但又因為肚餓，所以點了蒜蓉包浸湯吃。蒜蓉包上碟時香氣四溢也很脆，索滿冬蔭公湯又係另一番滋味，酸酸辣辣的包原來好過癮！大蝦蝦肉新鮮彈牙，雜菇和蝦的咬口竟然有點相似，好特別喎！趁熱飲呢個湯，就係最好嘅選擇！呢個時候，剛剛好馬拉盞炒通菜同泰式明爐魚一齊上，好正好正！通菜上菜時已經係陣陣鹹香，菜炒得翠綠亦冇“水汪汪”，相當鮮嫩可口，廚房師傅應記一功！喜歡呢度嘅明爐魚有不同的魚類選擇，當中竟然有盲曹，相對烏頭更滑又少啲骨，咁當然唔使諗其他啦！咁幼滑嘅魚，浸湯明爐上會唔會浪費咗？答案係完全唔會，因為泰式湯底令魚肉保持幼滑之餘，亦加多一份鮮甜！少少辣椒粒，蒜片，酸梅，洋蔥，加配不少肉碎和葱條伴著魚吃，係層次豐富的口感，一啖一啖慢慢食，係一個很享受食嘅過程！食咗咁多嘢，二人都唔使$500，因為冇茶介加一，簡簡單單就係好！…查看更多

炭燒豬頸肉👍🏻👍🏻👍🏻👍🏻燒得好香，肉質夠軟，皮有少少焦香椰汁雞湯(小)👍🏻👍🏻👍🏻👍🏻👍🏻湯奶白色，少少辣，椰汁青香，好多雞肉泰式濕炒雞河👍🏻👍🏻👍🏻👍🏻👍🏻雞肉好滑，濕炒夠汁夠味仲有芥蘭，香菇，粟米仔，蘿蔔口感豐富咸魚炒芥籣👍🏻👍🏻👍🏻👍🏻鹹魚鹹香芥蘭新鮮爽脆，清脆深綠鮮芒果椰糯米飯👍🏻👍🏻👍🏻👍🏻👍🏻芒果質感比較實淨，甜中大小小酸糯米飯軟身，好黏糯椰青👍🏻👍🏻👍🏻👍🏻椰青好大個，椰青水好清甜…查看更多

喺九龍城朋友話梗係要食泰國菜🇹🇭咁我梗係贊成啦🤣$40「椰青🥥」：椰青🥥好大隻凍冰冰夠晒清甜😋$83「泰式炒椰菜苗」：椰菜苗🥬新鮮爽脆，泰式炒加咗啲蒜頭、辣椒，簡單又好味😋$91「泰式燒雞」：燒雞不同部位有不同口感，總體嚟講燒得好香口亦都好雞味😆$198「泰式明爐盲鰽魚」：盲鰽魚大大條夠新鮮，加咗香茅、南薑、香蔥、芹菜 等一齊煮，更加惹味😋$85「鮮芒果🥭椰汁🥥糯米飯」：芒果🥭清甜糯米飯煙靭，加埋甜甜哋嘅椰漿🥥食得好開心🤣，仲有，有好多芒果🥭可以食🤩…查看更多

家在九龍城，每晚都會做運動，差不多每間九龍城泰式食肆都會路過，自然對這裏的環境非常熟悉。每次路過這裏都會看到兩間差不多名稱的泰式食肆，原來這兩間泰式食肆，之前有親戚關係，今晚便挑選了其中一間比較有人氣的泰式燒王2。泰式粉絲蝦煲$368，採用了大頭蝦，尺寸頗大，廚師用半肥瘦豬肉爆香鐵煲之後，將醬料和大頭蝦、粉絲兜亂，令到粉絲吸收了大頭蝦的鮮味。粉絲爽口彈牙，大頭蝦蝦肉爽口大牙，算是做得不錯。鮮芒果椰汁糯米飯$85，芒果尺寸不算很大，不過鮮甜可口，糯米飯煙煙韌韌，椰漿份量十足椰青$40，椰青水清甜美味，而且份量十足，始終是新鮮椰青的椰青水最自然。內裏的椰青肉鮮嫩可口，整個椰青的味道，如置身於泰國之中。…查看更多

這間泰菜位置一出港鐵就見到，十分方便。裝修簡單地道，周邊食客都係泰國人。餐牌選擇多，價錢合理。燒雞全翼兩隻都只是$39, 燒得皮脆肉嫩，醃得入味，不沾醬汁都夠味。酸辣牛栢葉沙律，其他泰國菜館比較少見。份量都頗多，仲要係黑栢葉，好爽口，配上微辣的酸辣汁，十分開胃。豬頸肉炒飯，炒得乾身不油膩，飯粒分明，內邊有蛋絲，蕃茄，洋蔥，三色豆及爽口豬頸肉，口感豐富。馬拉盞炒芥蘭，惹味爽脆。芒果糯米飯，份量一樣大份，芒果香甜，糯米有嚼勁及煙韌，搭配甜口的椰漿一起吃，食泰菜必食的甜品。…查看更多

餐牌菜色選擇好多，而且有好多都唔係常見既菜色，同出面一般賣開大路泰國餐廳既好唔同~ 成餐飯食完個感覺係，味道方面好泰國家鄉風味，好有特色~我地叫左燒雞腎❤ 醬汁味道香濃，完全唔辣，小咸，雞腎燒得惹味香口。雞肉肉碎生菜包❤ 酸酸辣辣，非常開胃，生菜清爽，調味有辣椒 洋蔥 薄荷等香料炒埋哂，火喉十足，濃香撲鼻，青檸蒜頭蒸魚䱽魚❤ 醬汁好開胃，唔會死咸死辣，䱽魚肉質嫩滑，仲幾大條! 夾埋蒜頭一齊食好滋味。海鮮炒飯❤ 份量唔算多，但好有鑊氣~ 飽肚之選~!椰青❤ 好清甜，果肉奶香，正!…查看更多

泰式燒王2泰好燒九龍城南角道、泰式美食街、正宗泰國人主理、越燒越有味道！😆特色小食✨泰式串燒（牛/6串）$89大大串牛肉粒、醃漬入味、燒烤後、味濃牛香！蘸濃香花生沙爹醬、口感層次分明！✨泰式燒牛肉$98牛肉燒烤七成熟、微粉紅、冇血水、色澤紅潤、牛嫩軟綿綿、沾點袐製辣醬汁、滋味又惹味👅咖喱類✨泰式黃咖喱炒蝦球（送薄餅）$172濃味泰式蟹黃咖哩汁、爽脆彈牙鮮蝦球、加上青椒、洋蔥拌炒、打埋雞蛋花芡汁、色彩鮮金黃！配皮薄酥脆薄餅伴吃、錦上添花、味道一流！yummy yummy😘👍🏻蒜蓉芥蘭⋯菜類✨飛天通菜$73爆炒蒜蓉、紅辣椒🌶️、翠綠嫩口通菜、鮮甜味美、囗感豐富。飲料✨椰汁冰$35雪白椰子加水攪拌成濃汁、陣陣椰子香撲鼻、清香不太甜😆✨落神花冰$35顏色艷麗、少甜微酸、味道好清新、開胃消滯功能！飲多杯都🉐泰式燒王2九龍城南角道17號地舖港鐵宋皇臺站B3出口，步行約1分鐘…查看更多

泰式燒王2提供讓人驚喜的泰式美食，無論是主菜還是配菜，均展現泰國料理的鮮美。非常推薦來試試！泰式燒牛肉外觀色澤誘人，肉質鮮嫩，醃製的香料味道濃郁，帶有微微的甜味和香辣感。搭配的酸辣醬汁更是提味，讓整道菜品層次分明。牛肉的熟度恰到好處，口感滑嫩，令人回味無窮。白灼螄蚶製作簡單，卻能突顯食材的新鮮。螄蚶肉質彈牙，搭配特製的醬油，每一口都充滿海洋鮮味，口感滑嫩，非常適合作為開胃菜。這道菠蘿炒飯用料豐富，菠蘿新鮮香甜，蝦仁的鮮甜味與炒飯的香氣完美結合。米飯粒粒分明，炒至金黃，配上香蔥和雞蛋，讓整道菜色香味俱全，讓人食指大動。炒椰菜苗清脆可口，保持蔬菜的原汁原味。搭配蒜蓉的炒製，增添香氣，口感則保持椰菜苗的鮮脆，清爽怡人，平衡了主菜的濃郁口感。甜品的部分，芒果糯米飯無疑是亮點。糯米的香甜搭配新鮮的芒果果肉，口感綿密，清爽不膩。椰漿的加入，更為整道甜品增添濃郁風味。名稱：泰式燒王2地址：九龍城南角道17號地舖…查看更多

九龍城一帶著名的泰國小社區，在云云泰菜館，今次揀左泰式燒王𝟚這😝店子位於南角道，有回到曼谷街頭的感覺，風味十足😋⋄⋄====—====—====—====—✦ 特色小食 ✦🍤泰式炸蝦餅（$95）炸蝦餅使用新鮮的蝦肉製作而成，口感豐富，外脆內嫩，配上泰式辣醬，讓人一口接一口👅—🍢沙嗲串燒（$89/6pcs)沙嗲串燒是經典的泰國小吃，經過醃製的肉類，再用炭火烤至香氣四溢。搭配沙嗲醬，每一口都充滿了濃郁的風味😍⋄✦ 泰式沙律 ✦🌶️🐚白灼螄蚶（$89）新鮮白灼螄蚶，鮮甜美味，搭配檸檬汁和香菜，調配而成的醬汁，口感清爽，十分開胃🤤—🐷豬肉碎生菜包（$85）生菜包可以選擇豬肉、牛肉、雞肉或鴨肉，搭配香料調味，包裹在新鮮的生菜中，吃起來既清爽又富有層次感，簡直是完美的開胃菜😗 ⋄✦ 菜類 ✦☘️馬拉盞炒雜菜（$75）馬拉盞炒雜菜香味俱全，使用新鮮的時蔬加上特製的馬拉盞醬，味道獨特，微辣又充滿香氣，讓人垂涎欲滴🤤⋄✦ 麵類 ✦🍝香草辣海鮮炒河（$78）海鮮炒河色澤誘人，海鮮新鮮可口，搭配香草和特製的辣椒醬，滿滿獨特風味，辣中帶香😚====—====—====—====—.📌店名：泰式燒王2 (九龍城)’📍地址：九龍城南角道17號地舖…查看更多

九龍城有小泰國之稱號(泰式燒王2)，店舖細細地，裝潢簡潔，店舖內外都是由泰國人主理。❣️ 泰式砂鍋雞飯食材豐富有脆卜卜腰菓、 冬菇香味濃郁爽滑、泰式臘腸甜甜地油而不膩、不可缺少香噴噴炸雞啖啖肉😋面層鋪滿豐富食材，下層米飯吸收了食材精華更添惹味❣️泰式冬蔭功湯酸辣平衡，湯底鮮香四溢，蝦肉鮮嫩，配料新鮮，香茅，南薑和檸檬葉增添清香，辣味適中，讓人胃口大開。❣️泰式燒牛肉燒牛肉廚藝燒得剛剛好，外焦內嫩，肉質鮮嫩多汁，每口都帶有濃厚牛肉味，配上秘制香料汁帶點微辣，更增添味蕾層次❣️泰式炸蝦餅外脆內嫩，蝦肉鮮甜，肉質彈牙，口感豐富，搭配酸甜醬汁更添風味。❣️泰式乾炒咖哩蝦球蝦球鮮嫩彈牙，吸附著濃郁的咖哩醬汁，香料風味層次分明，微微的辣味恰到好處，搭配清脆的蔬菜，口感豐富…查看更多

今次到訪的這家「泰式燒王」，店面裝修不美，但是是由泰國人掌舵的一間泰國餐廳，可以一嘗正宗的泰國菜風味。每道菜式都不錯，絕無踩雷。🍽食物：沙嗲串燒拼盤豬牛雞各2串，沙嗲串燒最愛就是沙嗲醬，重花生醬及微辣味道，好Juicy。泰式薄餅 + 青咖喱雞泰式薄餅必配咖喱才好味，起初都擔心青咖喱會太辣，但原來可以選擇走辣一樣好味。泰式炸蝦餅+泰式燒雞翼兩者都不過不失，不算太大驚喜。雞翼上菜時看到切開了一點意外，拍照不好看，但方便食的🤗…查看更多

九龍城食肆雲集!真係好多選擇!但對地道泰菜十分欣賞!由泰國人主理就真係正！芒果沙冰夏日炎熱,透心涼之選!💓炒菜最近食得太多肉!清清地好味道！💓炒金邊粉真係份量足!大大碟!好多蝦仁,回味無窮!💓…查看更多

經過朋友移民回港旅遊，指定要去的泰國餐廳， 一入到去已經有兩枱泰國人喺度食緊嘢， 心諗如果泰國人自己都嚟嘅餐廳，應該唔衰得去邊。一坐低朋友叫咗支， Singha 啤酒, (講真珍多冰冇乜特別), 大家不需要叫。一坐低朋友就叫咗bb獅蚶， 的確好滑好新鮮而且冇沙， 我哋叫咗燒鰂魚， 非常好味， 好香， 肉質嫩滑保持得非常juicy。冬陰湯足料番茄底非常濃厚。青咖哩雞很入味，跟白飯，那個白飯非常一般， 唔好食又冇飯味！甜品叫咗椰汁糕， 也是沒有什麼特別， 下次唔可以叫。泰式生蝦當然好食， 肉質新鮮， 好好味。…查看更多

九龍城泰式食肆臨立，大部分都係泰國人主理，所以食物有一定嘅質素。之前係附近返工，試過唔少泰菜，包括經常排長龍嘅「泰金國」，今次就介紹間假期都唔洗點排，但食物質素幾有水準嘅泰菜館。每次食泰菜都會叫燒牛肉，因為個酸辣汁配燒牛係超夾同開胃，同埋以唔洗$100嘅價錢食牛扒，質素算唔錯啦。 菠蘿炒飯，泰式炒飯都幾出色，好有鑊氣。呢到串燒都幾出名，推介豬串燒，肉質非常嫩滑。❗️❗️❗️ 超級推介: 椰青沙冰。 餐廳將部分椰青肉打成非常幼細嘅碎冰，再放返落個椰青到，天氣熱少少嘅時候飲超爽的。注意佢係hidden menu嚟，直接同職員落單就得。泰式燒牛肉 ($95) 👅: 88.47 分 炭燒豬頸肉 ($95) 👅: 82.13 分 肉碎生菜包 ($81) 👅: 86.61 分 沙嗲串燒 ($85) 6pcs 👅: 86.61 分 酸辣無骨鳳爪（$ 79) 👅: 86.61 分泰式咖喱軟殼蟹 （$158） 👅：85.33菠蘿炒飯（$ 79) 👅: 93.21豬頸肉炒飯 ($78) 👅: 86.61 分 芒果椰汁糯米飯 ($78) 👅：86.49椰青沙冰（$51） 👅：96.44總括嚟講，全部菜式味道都不錯，值得一試。…查看更多

經過九龍城，買了外賣，15分鐘內用保溫袋帶回到家食，食物保持溫度，不會因外賣而影響今次對味道的判斷。馬拉盞炒菜: 好多水，唔香，食唔到東南亞炒菜風味Pad Thai：完全唔似係金邊粉(反而似台灣麵線），食唔到泰式風味, 係冇乜味，只係用辣粉加辣加味，花生碎係「益」味嘅。喺香港都好難搵到啲咁差嘅Pad Thai. 泰式青咖喱雞：係青色的，但係冇香味，瞌埋眼食係食唔出係青咖喱嚟，但眼看材料幾豐富，奇怪。海南雞飯：啲雞又鞋又冇味，個黃飯唔香不特止，仲有啲化學味，另上醬料亦都怪怪味的。已上一切屬實，唔信大家可以幫襯試吓平反。我買嘅時候仲專登望吓個商業登記，係泰文名，搞到好有信心，充滿期待，點知⋯大大話話食咗幾十年泰國菜，現時九龍城的泰菜已經冇以前出品咁穩定，要專登去九龍城搵泰菜食嘅年代，相信都過去啦。都明白依家做飲食業好難，鋪租人工又貴，競爭又大，啲客要求越來越高⋯⋯作為香港人真係有啲矛盾，寫得差，又話唔包容，但今次真係不吐不快，冇一樣嘢係合格。…查看更多