影片
附加資料
招牌菜: 燒牛肉, 燒雞, 金邊粉, 冬陰功湯, 炒飯
以上資料只供參考, 請與餐廳確認詳情
有關獎賞計劃
九龍城食肆雲集!真係好多選擇!但對地道泰菜十分欣賞!由泰國人主理就真係正！芒果沙冰夏日炎熱,透心涼之選!💓炒菜最近食得太多肉!清清地好味道！💓炒金邊粉真係份量足!大大碟!好多蝦仁,回味無窮!💓
繼續閱讀
經過朋友移民回港旅遊，指定要去的泰國餐廳， 一入到去已經有兩枱泰國人喺度食緊嘢， 心諗如果泰國人自己都嚟嘅餐廳，應該唔衰得去邊。一坐低朋友叫咗支， Singha 啤酒, (講真珍多冰冇乜特別), 大家不需要叫。一坐低朋友就叫咗bb獅蚶， 的確好滑好新鮮而且冇沙， 我哋叫咗燒鰂魚， 非常好味， 好香， 肉質嫩滑保持得非常juicy。冬陰湯足料番茄底非常濃厚。青咖哩雞很入味，跟白飯，那個白飯非常一般， 唔好食又冇飯味！甜品叫咗椰汁糕， 也是沒有什麼特別， 下次唔可以叫。泰式生蝦當然好食， 肉質新鮮， 好好味。
繼續閱讀
九龍城泰式食肆臨立，大部分都係泰國人主理，所以食物有一定嘅質素。之前係附近返工，試過唔少泰菜，包括經常排長龍嘅「泰金國」，今次就介紹間假期都唔洗點排，但食物質素幾有水準嘅泰菜館。每次食泰菜都會叫燒牛肉，因為個酸辣汁配燒牛係超夾同開胃，同埋以唔洗$100嘅價錢食牛扒，質素算唔錯啦。 菠蘿炒飯，泰式炒飯都幾出色，好有鑊氣。呢到串燒都幾出名，推介豬串燒，肉質非常嫩滑。❗️❗️❗️ 超級推介: 椰青沙冰。 餐廳將部分椰青肉打成非常幼細嘅碎冰，再放返落個椰青到，天氣熱少少嘅時候飲超爽的。注意佢係hidden menu嚟，直接同職員落單就得。泰式燒牛肉 ($95) 👅: 88.47 分 炭燒豬頸肉 ($95) 👅: 82.13 分 肉碎生菜包 ($81) 👅: 86.61 分 沙嗲串燒 ($85) 6pcs 👅: 86.61 分 酸辣無骨鳳爪（$ 79) 👅: 86.61 分泰式咖喱軟殼蟹 （$158） 👅：85.33菠蘿炒飯（$ 79) 👅: 93.21豬頸肉炒飯 ($78) 👅: 86.61 分 芒果椰汁糯米飯 ($78) 👅：86.49椰青沙冰（$51） 👅：96.44總括嚟講，全部菜式味道都不錯，值得一試。
繼續閱讀
經過九龍城，買了外賣，15分鐘內用保溫袋帶回到家食，食物保持溫度，不會因外賣而影響今次對味道的判斷。馬拉盞炒菜: 好多水，唔香，食唔到東南亞炒菜風味Pad Thai：完全唔似係金邊粉(反而似台灣麵線），食唔到泰式風味, 係冇乜味，只係用辣粉加辣加味，花生碎係「益」味嘅。喺香港都好難搵到啲咁差嘅Pad Thai. 泰式青咖喱雞：係青色的，但係冇香味，瞌埋眼食係食唔出係青咖喱嚟，但眼看材料幾豐富，奇怪。海南雞飯：啲雞又鞋又冇味，個黃飯唔香不特止，仲有啲化學味，另上醬料亦都怪怪味的。已上一切屬實，唔信大家可以幫襯試吓平反。我買嘅時候仲專登望吓個商業登記，係泰文名，搞到好有信心，充滿期待，點知⋯大大話話食咗幾十年泰國菜，現時九龍城的泰菜已經冇以前出品咁穩定，要專登去九龍城搵泰菜食嘅年代，相信都過去啦。都明白依家做飲食業好難，鋪租人工又貴，競爭又大，啲客要求越來越高⋯⋯作為香港人真係有啲矛盾，寫得差，又話唔包容，但今次真係不吐不快，冇一樣嘢係合格。
繼續閱讀
今晚轉口味，吃泰式燒烤 ...“炭燒雞翼”，ok，幾好味， 雖然沒什麼驚喜，但起碼在關節位剪斷讓食客吃得舒服，夠細心。“炭燒雞腎”好點兒，夠味，也不會烤得太乾，還是juicy的。“沙嗲串燒豬牛雞”，這有點驚喜，牛肉不柴，很嫩，應該是牛柳部位，那豬呢，原來是一條豬肉餅，也很彈牙，雞肉也夠嫩滑，是雞髀肉做的，其實最好味是那個沙嗲汁，偏甜，少許辣，很適合香港人口味。“清炒椰菜”，麻麻地，它雖然放了點豆醬一齊炒，味道不錯，但也放了一大隻辣椒，菜是新鮮嫩滑的，但辣得太過份！“泰式燒豬脷”，還比較韌，似燒肉檔買的那種，味道其實不錯的，但不曉得它有沒有滷熟了再燒，滷久一點，讓它沒那麼韌，口感應該會更好。值得一提，今晚所有肉類完全沒腥味沒雪藏味，香料、配料、醬料全現場人手製作，難怪沙嗲及那豬脷的辣汁這麼惹味，廚師有功架（除了那辣得過份的大大隻辣椒😏）。
繼續閱讀