泰廚泰國菜館

營業中

休息中

📍 泰廚泰國菜館 (旺角)旺角出名泰國菜館，真係好用心既一間餐廳，店員主動推介近期有咩好食，主打咩野，加上地點十分方便，真心香港人出街食飯模式改變左，但仍維持高水平既餐廳買少見少，我覺得呢間餐廳真係份量多，價錢公道。🩷首先叫咗個泰式孖寶 A餐 $228🩷海南雞（半隻）海南雞可以揀有骨同埋無骨，初初以為半隻好細隻，上枱大大份，多肉嫩滑，兩個人食真係好足夠。🩷明爐烏頭 （冬蔭公湯+$30）我地揀左冬蔭公湯底，餐廳用左細火慢烤既方式，烏頭大條肥美，佢既湯底濃郁，酸度足夠，烏頭啖啖肉，配上甜酸汁，好入味。🩷炒金邊粉 $72用蕃茄汁炒金邊粉既舖唔多，但呢種傳統口味真係勾起番學生年代食果隻味道，正到令我我旋風式吸入，食曬個金邊炒。🩷燒和牛串 $28用泰式辣醬加入去，加上傳統青椒，好有外國燒烤串味道，非常惹味。🩷燒豬頸肉串 $28啖啖肉，有焦香脆邊，加上秘製花生沙嗲醬。🩷燒雞串 $18用雞髀肉燒，仲有塊雞皮一齊燒，ENCORE 是必須的。🩷泰式薑汁凍奶茶 $22呢個獨有重薑汁泰式奶茶⭐️⭐️⭐️⭐️⭐️，佢既薑汁真係重味，飲完既奶茶，薑味仍可齒頰留香，大推！食滿$300 +1 多一樣泰式小食👍🏽👍🏽🔅泰式生蝦

今晚係旺角行完街食晚飯, 夏天又熱熱地, 食泰國菜岩哂, 同朋友黎呢間泰國菜館開餐, 睇完餐牌, 佢既價錢真係好親民，我地揀左泰式孖寶套餐都係只需$198, 同埋於指定時段消費滿指定金額, 就可以以一元優惠價加購小菜，凡惠顧小菜滿$200可四選一款(下午六點前)，或者凡惠顧小菜滿$300可四選一款(下午六點後), 超讚!*泰式海蜇店員介紹呢度既海蜇比較特別, 唔係間間有, 的確係, 食落口感爽脆, 好Q, 小小微辣, 十分開胃既前菜*泰式生蝦生蝦當然唔小得要點埋佢既泰式辣醬汁啦, 配埋辣椒蒜片一齊食, 刺激味蕾, 生蝦又爽彈*泰式海南雞(半隻)雞肉份量都幾多吓, 雞肉嫩滑有雞味, 配搭埋泰式醬汁一齊食，好滋味*明爐烏頭熱辣辣送上, 下面有蠟燭可以保溫, 魚肉滑溜, 加埋酸酸地既湯汁一齊, 送飯一流*馬拉盞炒通菜通菜炒馬拉盞醬汁絕配, 無得輸, 辣辣地好惹味。*椰青 ~ 椰青真係好大個, 飲極都有, 清甜可口夠哂凍，夏天飲好爽, 又可以食埋椰肉*椰汁冰 ~ 好冰涼，夏天要飲

每次來泰廚食野都有一份親切感，因為呢度食客多數都係熟客多🤗而且價錢親民，依家仲可點泰式孖寶套餐 - 好抵食可以選擇海南雞或者兩款海鮮都得☺️好吸引👍🏽💫古法烤焗槽魚🐟將鮮魚放入焗爐烤煮外層錫紙包住，一打開香味滿滿，原來內裡充滿泰式香料有香茅、檸檬葉、九層塔、薄荷葉👄💦另外配上一碟青辣汁🌶️將魚肉沾辣汁更增鮮味🐟🔥超好味非常出色💕💫泰式燒魷魚🦑魷魚外焦內嫩，大大條外層加上燒汁，烤至金黃的魷魚🦑另外加埋泰式醬汁，口感層次豐富😬💫泰式海蜇🪼海蜇口感脆爽搭配泰式醬汁，清新開胃，很好的餐前小食😋只要惠顧滿$200就可加錢換一款，必點✨💫泰式生蝦🦐生蝦新鮮爽滑加上辣椒蒜片再點少少辣汁好完美😍💫泰式炒椰菜苗🥬椰菜苗炒得脆嫩，色澤鮮艷，加上馬拉盞的香辣感好滋味😌💫椰青🥥飯後必備，椰汁清甜可口，解膩又消暑，椰青肉更是完美的甜品！😜✌🏾

係旺角行完街，見到左晚飯時間，就決定去醫肚。經過依間泰國菜，見好多人食，價錢都幾親民，就入去試下。泰式海蜇海蜇幾大塊，口感爽脆，有酸酸帶微辣既調味，味道清新又開胃，好適合夏天食。泰式海南雞半隻雞肉幾嫩滑又厚肉，份量都好多，夠晒兩三個人食！雞肉配埋泰式醬汁一齊食，惹味又開胃！乾咖哩炒牛肉牛肉幾大塊，份量都多，仲有豆角做配菜，幾抵食！口感幾嫩滑，咬落去唔會靭。咖哩味道香濃，泰式濕炒豬肉河粉河粉好嫩滑，食得出有鑊氣！河粉亦好掛醬汁。豬肉大大塊又鮮嫩！河粉下面鋪滿豬肉同蔬菜，材料豐富，性價比高。泰式炒什菜味道雖然有少少辣，但唔太食得辣既朋友應該都食得到。有多種蔬菜如：椰菜、芥蘭、菇等等，口感都唔同，令菜式口感層次幾豐富！泰式炒白貝白貝肉質新鮮，份量都幾大。炒過之後味道非常惹味！配埋飯一齊食，真係一流！想食清淡啲既朋友可以轉油鹽水煮。泰式薑汁凍奶茶第一次見有薑汁奶茶，我見咁特別就梗係叫杯試下啦！奶茶口感幾順滑，薑汁帶有少少微辣，估唔到同奶茶都幾夾，味道幾獨特！椰青椰青睇落好新鮮，椰子水清涼爽口，好適合依家咁熱既天氣似用！泰式椰汁糕椰汁糕質感柔軟嫩滑，有超香椰汁味，味道唔會太甜！底下全部都係西米，

😋今次同朋友去咗旺角泰廚，食咗佢哋嘅泰式孖寶套餐，真係超值！🤣200蚊唔洗就有半隻海南雞同埋一大兜泰式炒白貝，份量多到嚇親我哋，兩個人食都夠晒飽！🐔🦪海南雞肉質滑嫩，雞皮啱啱好，唔會太肥膩，配埋佢哋自家製嘅醬汁，真係一流！👍泰式炒白貝都好有驚喜，啲貝新鮮又大隻，炒得好入味，啲香料味道好突出，食到停唔到口！🦪🌶️另外我哋仲叫咗泰式炒金邊粉，炒得夠乾身，唔會黏埋一舊，啲配料又多，蝦同雞肉都好新鮮，食落去好有層次感！🍜🦐炸蝦餅都唔可以錯過，外脆內彈牙，蝦味濃郁，點埋甜辣醬一齊食，真係正到冇朋友！🍤😆最抵讚係，凡惠顧小菜滿$300，下午六點後可以一蚊加購精選小菜，我哋就加咗份泰式木瓜沙律，酸酸辣辣好開胃，份量都唔細！🥗🔥飲品方面，青檸梳打夠清新，飲完即刻解渴，泰式奶茶就香滑唔會太甜，飲完好滿足！🍹🧋整體嚟講，泰廚泰國菜館真係高質又抵食，服務又好，環境都幾舒服，下次一定會再嚟！😄👏

❣️旺角泰廚性價比二人餐❣️今次同爸爸去咗旺角通菜街「泰廚」食泰式二人餐🇹🇭食到捧住個肚走，仲有$1驚喜，真心抵到爆😍泰式咖喱大頭蝦🦐一上枱就聞到香爆！隻大頭蝦比手掌仲長，蝦頭膏多到漏，咖喱汁濃得嚟帶椰香，最正係用泰式薄餅點汁食，脆身薄餅索晒啲咖喱，我同老公爭到差啲打交😆小食拼盤🐟有齊炸蝦片、炸蝦餅、炸魚餅、炸春卷同沙嗲串燒。蝦餅彈牙唔油膩，沙嗲串燒啲花生醬香到癲，最驚喜係炸春卷脆到「索索」聲😋口感滿分！ 半隻海南雞🐓比預期嫩滑，雞皮爽脆，配埋秘制汁醬，食到停唔到口😝飲品方面，爸爸杯青檸水酸爽解膩😌我杯香茅冰就清新得嚟唔會死甜，飲到底仲有香茅絲咬，夠晒泰式！ 最抵係餐廳做緊$1優惠🌟我哋加咗泰式椰汁糕，一份有四個，🥥椰香濃郁又唔會太甜😚

晚市食滿$300就可以加$1任選一款✴️泰式生蝦✴️泰式海蜇✴️泰式椰汁糕✴️泰式木瓜沙律泰式海蜇好大塊好好食😍泰式孖寶 $198 -海南雞（半）+明爐烏頭 兩樣都超出色！海南雞超嫩滑‼️烏頭魚啲肉超嫩超新鮮😋湯底酸酸辣辣地好開胃🤤燒雞串 $18/串烤得外皮微焦帶點炭香，雞肉嫩而多汁，表面刷了咸甜交織的醬汁，必食❤️‍🔥蒜蓉炒通菜 $72通菜脆嫩爽口，帶著蒜頭的濃郁香氣，蒜香完全滲入菜梗同葉度，超惹味 😍泰式咖喱海蝦 $114海蝦超新鮮！蝦肉緊實彈牙，包著濃稠的蛋炒黃咖喱，椰香咖喱嘅辛香融合得啱啱好一定要加簿餅（$42）熱辣辣新鮮整起！超級酥脆，點咖喱一流😋炒金邊粉 $72金邊粉炒得滑嫩有韌性，搭配雞肉、蝦仁、雞蛋、豆芽和韭菜，口感豐富，帶點鍋氣嘅焦香，酸酸甜甜味好開胃‼️

好朋友帶我去位於旺角通菜街126號舖的<泰廚泰國菜館>食晚飯，環境舒適，坐得舒服。🥢小食📍泰式海蜇海蜇爽口好味，餐前小食的開胃菜。🥢泰式孖寶📍泰式咖哩軟殼蟹份量大，軟殼蟹炸得酥脆可口，面頭鋪滿咖哩醬汁，咖哩醬混合豐富的配菜，十分好味。📍泰式明爐烏頭魚烏頭魚十分肥美，魚肉鮮甜，明爐實火地保持溫度。🥢甜品📍泰式椰汁糕椰汁味濃，底層係西米，口感豐富，唔錯的泰式甜品。🥢飲品📍椰青（2個）新鮮椰青十分鮮甜好飲。

泰式河南雞半隻，雞皮金黃滑嫩，鋪滿香脆花生和炸蒜，旁邊配有爽脆醃蘿蔔絲和新鮮生菜，再加上特製泰式醬汁，酸辣開胃。這道泰式河南雞融合了泰國香料和傳統海南雞的精髓，雞肉鮮嫩多汁，醬汁微酸微辣，令人一試難忘。賣相非常吸引，色香味俱全，無論單吃還是配飯都一流，夏天食用特別清爽。清蒸原條烏頭同樣賣相吸引，魚肉鮮嫩多汁，配上大量蔬菜和香葉，湯汁帶有檸檬和香草的清香，酸甜醒胃。兩款菜式組成的二人套餐，健康又美味，非常適合情侶或朋友一齊享用！

開業14年嘅女人街人氣龍頭，由泰國師傅主理，堅持每日精選海鮮同和牛，正宗泰式醬料即製。晚市例排長龍，人均$150免加一，抵食夾大件！ 即叫即燒嘅和牛粒油香爆棚，咬落肉汁四濺；豬頸肉焦脆邊緣蘸秘製酸辣汁，炭香惹味；雞肉串燒火候精準，嫩滑唔乾柴！海南雞更係鎮店王牌，雞皮透薄爽脆，肉質吸盡雞油甘香，雞肉滑捋捋，食到舐舐脷～ 泰式白貝湯泡飯驚艷登場——金不換清湯底加上鮮甜白貝大隻無沙，加上翠肉瓜鮮甜又開胃！必試獨家薑汁泰奶，薑辛味同奶茶甜完美交融，凍飲直頭透心涼，夏天消暑一流。 下午6點前消費滿$200（或晚市滿$300），即可以$1嘆四款招牌： ① 泰式生蝦：冰鎮彈牙配芫茜辣汁 ② 泰式海蜇：爽脆撈酸汁 ③ 泰式椰汁糕：軟滑西米底＋粟粒口感 ④ 泰式瓜沙律：青木瓜絲醒胃解膩

🥘 太子泰菜界老字號大佬！$328二人餐歎咖喱白貝＋$1生蝦刺身 有去過金魚街嘅一定有見過呢間泰菜！以前門口仲有勁香噴噴嘅串燒，好可惜而家唔俾放門口。本身餐牌好靚，老闆話喺泰國訂返嚟，好多款優惠孖寶平到震，二人套餐絕對係街坊價！💰 $328二人套餐🌶️ 泰式咖喱炒白貝白貝大大隻，咖喱混椰奶煮到起沙，貝肉索晒咖喱精華，撈飯一流！仲打包埋個汁返屋企！🍲 冬蔭海鮮湯酸辣度非常平衡！係我最愛落咗椰奶有重量有奶色嘅冬蔭功，我麻麻地好清個種，因為個味無乜層次。湯入面有大量海鮮，大蝦、魷魚、貝、青口等，勁足料！🥬 泰式炒通菜蝦醬鹹香逼入菜莖，脆嫩無渣🍚 白飯 兩碗🍹 青檸冰或香茅冰 兩杯加錢轉🧋泰式奶茶$7，甜度適中，唔洗少甜🥰🦐 $1神之追加可選泰式海蜇/生蝦/木瓜沙律/椰汁糕，我哋揀咗：✨ 泰式生蝦刺身蝦肉透明彈牙，點蒜片辣椒青辣汁，鮮辣衝擊天靈蓋因為一路食一路讚，老闆比我哋加$1試埋泰式海蜇，真係得呢度先有得食，非常爽脆開胃！一定要返嚟食😍肉碎生菜包只係$76，大大碟！肉碎炒得非常乾身香辣，完全唔會食到尾油粒粒！👍最尾挑戰埋我覺得泰國菜最難做得好嘅係燒豬肉串！因為一般都會燒得勁乾，勁柴皮，繼上次

原來旺角都有一間超抵食嘅泰國菜，而且好近地鐵站，行完天橋落到地下就到。泰式咖喱大頭蝦👉2人餐大頭蝦好大隻，入口肉質爽彈，加上有泰式咖哩汁味道香香辣辣，再攞一片香脆薄餅蘸上醬汁，非常之惹味。泰式小食拼盤串燒沙爹豬雞燒得啱啱好，咬落唔會乾，沙爹汁濃郁，炸春卷香脆唔油膩、炸魚餅蝦餅口感彈牙，唔少得沾泰式甜酸醬，每款都食到特色，重有我至愛食嘅蝦片。泰式鳳爪沙律前菜唔少得嘅，酸酸辣辣味道好開胃，鳳爪肉質爽脆。青檸梳打青檸清香味好出，配上梳打當堂爽晒。另加一蚊優惠泰式生蝦，一蚊的確抵食，蝦肉爽口沾埋泰式醬汁好正。泰式海蜇第一次食到泰式海蜇，每口都爽爽滑滑口感，值得再食(佢唔係出面食嘅一條條煙韌韌嗰啲嘢)配搭泰式醬汁好清新。再叫左碗泰式香茅豬扒湯河即炸嘅豬扒又香又脆，湯河粉滑嘟嘟，又有入晒味嘅白蘿蔔，都幾大碗但都食晒。

聽朋友講佢哋啲嘢食好正宗，即刻拉埋閨蜜去試吓，果然冇令我失望呀～ ( ´▽` )ﾉ我哋一入到去，就聞到陣陣香料味，好似去咗泰國咁！佢哋地方雖然唔算好大，但係佈置得幾有泰國風味，感覺好溫馨舒服。首先試咗個泰式炒白貝，呢個真係必點！白貝粒粒飽滿又新鮮，用泰式香料炒到好入味，食落口帶點微辣，真係超級惹味，食到停唔到口呀！(˵¯͒〰¯͒˵) 醬汁都好正，用嚟撈飯都一流㗎。跟住仲叫咗個泰式燒魷魚，魷魚燒到恰到好處，外層有少少焦香，咬落去彈牙得嚟又唔會韌，好有嚼勁，配埋佢哋嘅泰式甜辣醬，真係越食越過癮！🦑 係個好啱做前菜或者佐酒嘅小食嚟。菜類我哋揀咗個馬拉盞炒通菜，呢個真係好考功夫！通菜炒得夠晒鑊氣，翠綠爽脆，馬拉盞嘅鹹香同辣味完美融合，味道好濃郁，每一啖都充滿住泰國菜嘅獨有風味，食到我哋舔舔脷！🌿主菜食到咁滿足，點少得甜品呢！最後叫咗個經典嘅芒果糯米飯，賣相已經好吸引！芒果切得靚，香甜多汁，糯米飯暖笠笠又軟糯，淋上濃郁嘅椰漿，甜而不膩，真係食到我哋心滿意足，為呢餐泰國菜畫上完美句號！🥭🍚最最最抵嘅係佢哋個優惠呀！下午六點後，只要惠顧小菜滿300，就可以用$1嘅優惠價，加購一款精選小菜（四選一）！有泰

旺角MTR呢間「泰廚泰國菜館」真係大件夾抵食💰 份量真係有點驚人超地道泰菜現在好難揾凡惠顧小菜滿$300可任選一款［下午六時後］即可以一元優惠價加購精選小菜椰汁糕 $1｜泰式生蝦 $1椰汁糕：口感柔軟細膩，香甜可口泰式生蝦：生蝦大大隻啖啖肉而且爽口咖哩海蝦咖哩汁完全唔吝嗇，甜甜地完全唔辣海蝦大大隻，加埋個汁食一流蒜茸包脆卜卜，咖哩配埋蒜茸包係最正的生菜包清爽可口的生菜，包裹香辣惹味的肉碎，滋味無窮真是一塊接住一塊蝦醬炒飯不辣卻非常惹味開胃，真係好鐘意燒和牛串和牛有驚喜，真係靚牛有牛味珍多冰大大杯泰式🍹，斑斕粉條煙韌加上濃郁椰奶🥥，超有風味

❤️古法烤焗槽魚 槽魚用古法慢焗，魚皮帶啲焦香，魚肉滑溜冇腥味，配埋青色泰式酸辣汁，估唔到咁夾，啖啖都好滿足。🧡泰式炒白貝 白貝新鮮冇沙，肉質爽彈，帶啲香辣味，惹味又唔會搶晒味，成碟好快清晒。💛燒豬頸肉 豬頸肉燒到表面微焦，咬落外脆內嫩，肥瘦啱啱好，點埋秘製酸辣醬，越食越開胃，啖啖都香口。💚串燒 豬&雞 豬肉多汁唔鞋，雞肉嫩滑入味，沙嗲醬香濃帶啲椰香，燒到啱啱好有炭香!!🩵泰式木瓜沙律 青木瓜絲爽脆，酸酸辣辣好開胃，微辣又醒胃，$1 蚊加購真係超值!!💙泰式椰汁糕 椰汁糕入口軟滑，椰香足，唔會死甜，飯後食返件啱晒，都係$1 蚊加購一定要加!!💜椰青 椰水清甜又夠大個，仲可以用匙羹刮埋啲椰肉嚟食，透心涼，飲完成個人都涼晒～