影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
許久沒有在德福出沒，剛巧朋友的寶寶滿了一周歲，探望之餘順道晚餐。在花園平台開了不少食肆，今晚到泰廚房子開餐。餐廳環境乾淨企理，簡單裝修帶出泰式氣氛 🎉🎉是夜的豐富晚餐，所費無幾的大滿足！ 😍😍👍主菜香茅鹽燒烏頭 $138，原條大烏頭，配泰式酸汁，惹味是常識！還是喜歡點一下外層的鹽花，更有效品嚐到魚肉的味道 😋😋主食泰式豬手飯 $85 😋😋豬手軟腍入味，豬皮滑溜溜的，不愛豬手的小編，都吃得津津有味，一試難忘。沙嗲串燒（牛雞雙拼） $72，沙嗲夠惹味，牛肉軟腍零韌度，雞肉醃得入味，性價比甚高 經典肉碎生菜包 $72 ，肉碎帶點微辣，用生菜包著吃，菜肉均衡，有營配搭！甜品是芒果糯米飯 $45，芒果夠甜零酸度，糯米飯軟糯香噴噴的，加上椰醬，無得輸的泰式甜品 🎉🎉東泰式奶茶，加入了特式香料的奶茶，口感絲滑，別樹一格的好味道。青檸梳打 $14 ，簡簡單單的無糖飲料，卻有着不一樣的感覺
繼續閱讀
呢個月馬拉松式嘅飯局仲未完結😅 難得可以約到班 #飯腳，梗係要食餐好啦🍻 為咗我哋個 #OT小公主 唔使咁頻撲，我哋特登走到嚟 #德福廣場 搵食，慳返走走趯趯嘅時間☺️聽講商場平台上有間 #泰式餐廳 「泰廚房子」 味道都唔錯，一於試吓佢😎 我哋未到18:30已經嚟到，估唔到住宅區嘅餐廳人流都唔少，好彩一早book咗位，如果唔係真係有排等😅我哋叫咗個 #泰式套餐，再加咗個 #冬陰公湯 同 #蝦餅 做小食，整體味道都唔錯🤤泰式套餐🐣鐵板蠔仔蛋 - 用鐵板上嘅 #蠔仔蛋 份外惹味，肥嘟嘟嘅蠔肉，口感大滿足🤤🦀黃咖喱軟殼蟹 - #黃咖喱 唔會太辣，加埋啲香料同蔥蒜，醬汁味道非常香口，用嚟配白飯🍚認真一流🤤 不過主角之一嘅 #軟殼蟹 唔夠酥香，一般般啦😅🐟酸辣湯烏頭 - #烏頭魚 跟火爐一齊上枱，熱辣辣好有儀式感😎 雖然條魚唔算好新鮮，魚肉有啲霉，不過配上特式嘅酸辣湯，味道都唔錯喎😚🥬鹹魚蓉炒芥蘭 - #鹹魚蓉 好香口，跟 #芥蘭 一齊炒，一定無得輸啦🤤另加嘅 #冬陰功湯 配料都好豐富，大大隻蝦🦐加埋啲香料、同蘑菇，辣辣地好惹味🤤不過我就最鍾意佢哋嘅 #炸蝦餅，爽彈嘅蝦膠，皮脆肉嫩，沾埋啲 #甜酸醬，好有口感🤤跟套餐仲有 #泰式椰汁糕 🥥 味道唔錯🤤 不過佢哋嘅飲品味道真係麻麻，尤其是 #泰奶 同 #檸檬茶，茶底味道怪怪的😅 雖然跟餐只係加$10杯，不過都唔建議大家試😆網上啲人話佢哋嘅服務麻麻，不過我覺得都還可以嘅，除咗係中段時間太忙無人應機… 以港式服務嚟講，可以接受啦🤪📍 泰廚房子(九龍灣)偉業街33號德福廣場1期平台P8A號舖
繼續閱讀
今晚去德福食飯，呢間泰國餐廳都幾多人，差唔多全場坐滿晒，因為價錢幾抵食，份量又多，味道唔錯👍 手打蝦餅 $78熱辣辣炸起，蝦肉彈牙結實👍經典肉碎生菜包 $72 份量都幾大，生菜夠爽甜，調味帶少少甜辣，食落有少少鹹香味，肉汁鎖住喺餡料入邊！水晶晶蒜香豬手 $138 估唔到份量係咁大！而且仲有好多秘製蒜蓉喺面，識落同豬手味道幾夾，另外旁邊仲有兩個醬汁可以點上，其中有一個醬汁幾開胃，酸酸地，仲有木瓜沙律、腰果等等前菜！ 泰式炒鮮蝦金邊粉 $98 用蛋皮包上，份量一如既往大大碟，鮮蝦彈牙！芒果糯米飯 $45 最後梗係要食埋個甜品，芒果又係大大嚿，鮮甜，好滿足🤣 跟餐包埋飲品，叫咗泰式奶茶同埋熱金桔青檸，味道正常～ 野食份量都幾多，可以一大班人share，性價比高👍
繼續閱讀
今次來到德福廣場搵食，喺平台嘅位置經過見到呢間隱藏於角落嘅泰菜！餐廳環境充滿泰式風情，店員服務熱情！未夠7pm已經全場滿座，睇來呢間隱世小店深受附近嘅街坊歡迎～✨清邁鐵板蠔仔蛋蛋入邊有勁多粒蠔仔肉，仲加入咗爽脆嘅洋蔥，係一個口感豐富嘅蠔餅～✨香辣肉碎煎蛋飯不嬲都好中意泰式香辣肉碎，加入咗羅勒葉同豆角粒粒令到豬肉嘅鮮甜味更加突出，味道香香辣辣，令人忍唔住食晒成個飯～✨沙嗲串燒叫咗雞肉同埋牛肉兩溝！雞肉串微焦勁juicy！牛肉串亦同樣鮮嫩！將串燒點埋沙嗲醬一齊食，味道一流～✨經典肉碎生菜包將酸酸辣辣嘅肉碎夾喺清脆嘅生菜裡面一齊食，唔單止口感充滿層次感，仲令人好開胃～✨芒果糯米飯鮮甜嘅芒果加埋淋滿椰漿嘅糯米飯，味道非常經典～✨凍 泰式奶茶紅茶嘅茶香同埋煉奶嘅香甜互相平衡，甜度剛剛好～✨椰乳雪糕紅豆冰係一杯每一啖都散發着濃郁椰香嘅紅豆冰，最頂層仲有椰子雪糕～
繼續閱讀
最近去咗「泰廚房子」食飯，真係唔錯👍🏻 餐廳環境裝潢充滿泰國風情✨ 食物有質素，又抵食👍🏻香茅鹽燒烏頭泰式海南雞飯 🍗🍚鹽燒烏頭烤得香氣四溢，魚肉鮮味泰式海南雞飯飯粒鬆軟，雞肉鮮嫩，真係唔錯沙嗲串燒 🍢醬汁濃郁，每一口都好滿足😋經典肉碎生菜包 🥬生菜包裹住香噴噴嘅肉碎👍芒果糯米飯 🍑香甜嘅芒果搭配軟糯嘅米飯，口感一流🍚🥭凍泰式奶茶 🥤好有水準，奶香濃郁，唔會太甜，正好解渴龍眼冰 🍈清涼又解暑，夏天飲好舒服🌞「泰廚房子」真係一間值得推薦嘅泰國餐廳，無論係食物定環境都好有水準，有時間會再嚟👍🏻
繼續閱讀