影片
港鐵旺角站 B1或B3 出口, 步行約1分鐘
繼續閱讀
電話號碼
28073366
95873366 (WhatsApp / WeChat)
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
今日放工，心情有啲唔錯，於是決定同朋友去旺角食泰國菜。朋友推介咗一間餐廳，聽講環境唔錯，座位都幾舒適，最重要係餐牌選擇多元化，真係好吸引。。一入到餐廳，裝潢以木系和植物為主，感覺好自然、清新，令人有種置身熱帶雨林嘅感覺，整體氛圍好輕鬆，真係好適合同朋友聚餐。。餐牌上有好多選擇，從經典嘅泰式咖喱到新穎嘅創意菜式都有。最後我哋決定試下幾樣嘢，首先就係肉碎生菜包。呢個菜式基本係我既泰菜必點之選，生菜包住肉碎，口感清新，味道一流，每一口都食到滿滿嘅泰國風味。。跟住就係泰式青檸蒸原隻魷魚，呢道菜一上嚟就已經吸引到我哋嘅眼球，魷魚煮得剛剛好，肉質鮮嫩，配上青檸嘅酸味，真係好開胃！我覺得蒸嘅方法令魷魚保持咗原汁原味，完全冇嗰種腥味，反而係清新嘅海鮮味，真係好正。。最後，我哋試咗泰式蛋包金邊粉伴蝦。呢道菜就更加吸引，蛋包包住金邊粉，特別醬汁配上花生粒，裡面仲有大大隻既鮮蝦，味道豐富。每一口都可以食到蝦嘅鮮甜，加上蛋嘅滑嫩，真係好享受。。食完嘢之後，心情更加好，真係一個唔錯嘅選擇！餐廳真係值得一試，價錢應該算中低檔，但座位舒服，食物高質，下次會再同屋企人再試其他菜式。
繼續閱讀
今日去左旺角做野，收工想食泰國野， 搵到呢間上樓泰菜試下好唔好食。 彌敦道鬧市一棟大廈的樓上，餐廳環境都寬敞，店員服務到位一舉手就過黎。選擇都好多， 樣樣都想試。 最後揀左３樣因為我地得兩個人。 泰國金柚鮮蝦沙律頭盤黎過開胃沙律先， 鮮蝦肉嫩新鮮爽口彈牙， Ｄ金柚好甜多汁， 加埋D 酸辣醬汁， 我地好快KＯ左。 泰式香茅燒雞（半隻）即點即燒嘅香茅燒雞，需時25分鐘， 好食嘅野係要等下， 個雞肉好嫩滑，外層嘅皮燒到好脆香口， 香葉肉碎炒茄子 份量好大， 滿滿嘅茄子， 底層係豬肉碎同香葉一齊炒都好香好惹味配飯一流。 泰式奶茶 - 同喺泰國飲嘅一樣味道。 好飲椰汁冰 - 足料香椰汁味 ！ 會再番食， 試其他野如咖哩 ， 生蝦， 海鮮類 ！
繼續閱讀
這間餐廳的服務很特別，菜色上枱很快，收枱也快，但感覺整個過程就是服務員才是導演，食客是配角，而老闆處事比較人性化，套餐可以盡量配合食客的需求，比如不食牛的，可改雞或豬肉取代但整體味道，食材仍待更進一步空間。坐得舒服，空間感濶落午市套餐，下午茶或散叫價錢親民貼地------- 午市商務六人套餐 -------*** 椰汁雞湯 ***味道不錯*** 青木瓜沙律 ***滿滿的泰國風味*** 鹹魚炒芥蘭泰式 ***芥蘭過孰，鹹魚味道怪怪*** 泰色鮮魚鱸 ******黃咖哩雞***港式咖哩feel------- 散叫 ---------生蝦刺生------- 下午茶 -------椰汁芒果黑糯米芒果鲜甜，佈滿椰汁的黑糯米口感味道也很好
繼續閱讀
之前係到食過晚餐，覺得唔錯，今次約左朋友lunch，見佢想食泰國野便提意去呢間。結果好失望lunch比晚餐hea太多，叫左炒金邊粉、冬陰公湯、生蝦、青咖喱…完全沒有這裡的相片豐富，賣相很一般，食物既溫度都唔夠熱。另外，環境都強差人意，不知道是清潔唔夠定咩原因，好似有陣噏味咁，其實上次晚餐都覺得間餐廳枱凳都油油地咁，但可能晚餐比較有水準，所以沒有太在意。總結，如果想食泰國野lunch，應該有唔少地方比呢度好，因為無論環境同食物都沒有很好，呢到唔建議！
繼續閱讀
今日同朋友仔喺旺角食午餐，揀咗726大廈上邊嘅一間泰國餐廳。餐廳環境充滿住濃厚嘅泰式風情，一踏入門口已經感覺東南亞色。長梳化座椅舒適，仲有一片大玻璃睇到窗外風景，他他條條食個午餐。午市套餐非常抵食，送埋飲品都係$4-50。火車頭炒飯 $48每一粒飯都炒得乾身分明，炒得好夠鑊氣，唔油膩。炒飯入面滿滿嘅雞肉、雞蛋同青菜。泰式金邊粉 $55金邊炒本身爽滑彈牙，滿滿辣甜番茄醬口味，材料豐富，有大大件雞肉、炒蛋、豆乾等，仲有芽菜爽口多汁。豬頸肉炒貴刁 $58貴刁粉大大片，晶瑩剔透，非常滑口。豬頸肉份量又多，金黃油亮，仲有大大塊炒蛋，加上大量紅蘿蔔、椰菜等。
繼續閱讀