泰尚泰國菜館

營業中

休息中

平時好少去堅尼地城呢頭行到好肚餓見到呢間泰國菜🇹🇭好似唔錯就入左去食😛.🌟冬蔭公肥牛湯河 ($70)湯河嘅冬蔭公湯底好出色🍜相信係直接用左餐廳自家製嘅冬蔭公完全唔係平日公仔麵d湯包/溝淡左嘅冬蔭公裏面有齊香料、蕃茄同草菇而且辣得黎啱啱好唔會食得太辛苦🌶️配埋肥牛同河粉真係既好味又飽肚因為係晚市食所以都係單點見到其他人介紹午餐可以加錢就有特飲如果餐廳可以晚市都俾客人以優惠價錢加飲品就好lu~🤓

幾抵食嘅泰國餐廳，尤其係lunch set，有湯有野飲，而且份量好多🤩平時黎都係食菠蘿炒飯或者炒金邊粉，今次試下個豬頸肉青咖哩炒飯😆炒得幾均勻，青咖喱好香好惹味，但少少過油同味道有啲單調。豬頸肉就正正常常啦。

外賣自取除了有折，仲唔駛加一，繼續留家抗疫，呢一餐每人百五蚊都唔駛，仲要食到好飽兼食剩，下次都要再幫襯，平靚正呀！🍴鴨肉碎生菜包 $105⭐️⭐️⭐️好辣好辣不過好香嘅香料炒得好好味，鴨肉同豬肉口感差唔多，生菜有成10塊，超抵食！🍴乾咖喱軟殼蟹 $138⭐️⭐️⭐️⭐️個咖喱超級好味，少辣但超惹美，所以特登去A1買法包蘸，軟殼蟹雖然無膏但份量唔少算大隻，超級推介！🍴鐵板蠔仔煎蛋 $138⭐️⭐️⭐️⭐️有兩大塊，蛋香蠔多又大粒，最關鍵係個少少辣嘅醬，越食越開胃，必食！二人共消費：$289.80 (網上外賣平台自取價)

話說黎排天氣愈黎愈熱 搞到個人有d掛住泰國既然而家肺炎肆虐無得去旅行 唯有搵間泰國菜頂住先！朋友介紹黎間位於堅尼地城站附近既泰菜，一入到去午市平日都幾full下，心諗應該有保證。坐低後職員好快送上餐牌同水，d lunch set 都係50-60蚊左右 收費唔過分食物質素都唔錯，泰式乾炒雞肉河粉好有鑊氣，河粉乾身唔會一舊舊另外叫咗個冬陰功海南雞河粉，湯底比我想像中濃味，海南雞肉質好嫩滑！5十幾蚊有甘既質素真係好抵食

［堅尼地城］泰尚泰國菜館-嚟到堅尼地城呢個新興文清地方，原本諗住去食Cafe打卡，點知full晒無位！唯有嗱嗱臨搵一間嘢食啦！嚟到呢條街，有唔少日式居酒屋同泰國嘢，見呢間有位就入左去-生蝦刺身（4.5/5）嚟到泰國舖我覺得必食嘅除咗冬陰功之外就係生蝦刺身。呢間嘅生蝦刺身唔平（～$138），叫嘅時候都擔心中伏。但上碟見到外貌幾好、總共有七隻蝦，連埋酸酸辣辣嘅醬，食落口無雪藏味、新鮮彈牙同埋夠凍，絕對合格有餘。伴碟嘅苦瓜食落都覺得好清新（好似啱啱擇落嚟一樣），有甘甘甜甜嘅味道，令人驚喜😻-菠蘿炒飯（4/5）原隻菠蘿上，非常足料：有青口、魷魚、腰果、菠蘿、蝦同肉鬆。飯炒得冇一pat pat-馬拉盞炒西蘭花（3/5）西蘭花切到細細粒，比出面餐廳嘅西蘭花煮得淋身，但馬拉盞嘅味道略嫌唔夠，同埋上碟樣貌唔係太靚！-舖頭細細，老闆同夥計都好好招呼，上菜速度又快，絕對值得再食！

泰尚泰國菜館位於西環堅尼地城厚和街，平常比較少嚟呢一頭嘅朋友可能唔太熟路，其實就喺出名烤雞脾店嘅附近！今日一行幾人幫襯午市，感覺座位都比較鬆動，餐廳裝潢亦有十分多泰式裝飾同埋有泰皇佈置。首選比較推介可以一試海南雞飯，雖然油飯比較淡味，但整體海南雞好滑同埋肥瘦適中。其次青咖哩送飯亦都唔錯，可惜牛腩味道就較一般。而燒烤方面，豬頸肉同串燒（豬牛雞）都幾香口，如果無咁乾身可能較好。至於濕炒方面，金邊粉同肉絲河粉都還可以，味道唔太突出不過勝在夠大份！而泰式奶茶茶底都沖得唔錯，如果茶底再濃少少會更好味！整體亦算係抵食嘅泰菜，5個人6碟餸包飲料埋單只係$70唔駛，實在係性格比超高。味道 ⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️

本人誠意推介呢間既精選午餐，性價比幾高，特別係泰式雞肉炒金邊粉同青咖哩豬頸肉炒飯又平又抵！-今次我就試下佢地既海鮮喇沙湯金邊粉，味道唔太辣，個辣度就連小朋友都啱食haha。喇沙湯底味道濃郁又夠香，齋睇賣相已經好正💯足料海鮮，有一個烚蛋、幾隻蝦、青口同魷魚🦑金邊粉食落爽口，又唔會煮得太腍，連同喇沙湯一齊su入口～

閨密最近心情不太好悶悶不樂，特地找我聊天，我們由堅尼地城新海旁慢慢行到厚和街見到有一間食泰國菜的叫做「泰尚泰國菜館」。人內燈光幽暗，裝潢簡單牆上掛些泰國畫，坐了十多個人大部份都是外國遊客。冬陰湯泰國菜中我至愛，材料有南薑、香茅、青蔥、酸檸檬、辣椒、蝦、魷魚、青口、和草菇，魚露調味加入椰子汁，湯底味道濃郁，酸酸甜甜辣辣好開胃，飲完一碗感覺有點鹹。泰式海鮮炒粉絲材料好簡單有蝦，蛋、芽菜、番茄仔、魷魚、芹菜，每一條粉絲都吸盡醬汁的味道，口感爽口煙韌彈牙，非常之惹味，一大碟食光光好味😋吃的很滿足。泰式豬頸肉脂肪均勻，爽脆彈牙，毫不油膩感，肉味濃郁，點一點酸辣醬汁，更增加口感令人難以抗拒。蒜蓉炒芥蘭有一點點辣，芥蘭鮮嫩爽脆、蒜味好香

在堅尼地城吃午餐，第一次選擇這家泰菜，中午都滿座。野食都大份，不太貴，不用加一。一坐下就送來湯水，試左泰式海鮮炒粉絲，海鮮有蝦，青口同埋魷魚。海鮮係水燙過，味道不太夠，粉絲就調味不錯，嘢飲都好多選擇，凍飲加兩蚊。

呢間餐廳算係我作為呢區街坊嘅私心推介。已經第二次假日嚟食，假日都有好抵食嘅午餐set lunch😋😋 每次黎都必食呢個冬陰功湯金邊粉配海鮮($56)，冬陰功湯底做得 好好飲， 好香辣，睇到有好豐富嘅 南薑、香茅、 檸檬葉等等，同埋啲海鮮都好足料，有青口、蝦、魷魚， 完全係大滿足！至於今次新試嘅呢個泰國特式蠔仔炒蛋飯($52)，蠔肉好肥美， 煎得好香又唔會太油膩。 總括嚟講實在好抵食 ，lunch set 選擇超多(應該至少有三十款)，包餐飲 。雖然啲枱其實有少少迫，但勝在坐得舒服又唔會趕你走 。雖然啲食物唔算話上得好快，但幾次黎都好滿意😊😊

如果要話西環有一條食街, 咁一定非厚和街莫屬, 皆因呢條街裏面有好多唔同國家嘅美食。今日有啲心郁郁, 想食濕炒河, 所以就黎到位於呢條食街嘅泰尚啦~<泰式濕炒河$70> (好味: 4/5) (抵食: 4/5)熱辣辣嘅泰式濕炒河, 甜甜鹹鹹嘅味道, 配上雞肉同埋雜菜, 再加上索味嘅河粉同埋泰式豆瓣醬, 簡直就係天堂呀~唔知點解令人想一食再食, 結果大食妹就自己一個食曬成份炒河啦<串燒沙嗲(雞)$15/串> (好味:3/5) (抵食: 3/5)泰尚嘅雞肉串一啲都唔差, 但係相比其他嘅泰國菜, 唔算得上特別出色, 可以話係普普啦<酸甜魚> (好味: 2.5/5) (抵食: n/a)酸酸甜甜嘅魚肉, 味道一般, 鮮味－般, 爽脆度－般。菜色都好普通, 唔係好介紹大家試食。大食妹推薦: 泰式濕炒河

西環泰菜多的是，在家附近的這一間沒真正試過，之前家姐有推介過，但每次經過都見人客不多，今次試係因為初三無乜食肆開先嚟一試。冬蔭公湯(細)🥢🥢🥢🥢只得三小碗，味道辣度酸度剛好，係好香好飮嘅，開邊蝦尚算新鮮但蝦頭無膏鐵板蠔仔煎蛋🥢蠔仔粒粒肥大飽滿，可惜蛋煎得太老，而最敗筆係最底嘅牙菜出晒水😑，令到成塊煎蛋又濕又腍，莫講話鐵板嘅香口乾咖喱軟殼蟹🥢🥢因為咖喱香所以先會有兩對筷子，軟殼蟹根本不值一提，斬到碎濕濕，唔講唔知食緊乜😓椰汁沙冰🥢🥢🥢🥢飲品最正常，椰汁香濃又夠凍，可助解辣二人共消費：$430

上班午餐時間常來的泰國菜，地點便利，CP值高，款式多。set lunch有雜菜湯，飯或炒粉湯粉，飲品 。今次選了喇沙海南雞金邊粉，雞份量可以但不算好滑，湯底濃，有齊我想吃的兩種食物，啱晒貪心的我。泰式奶茶味濃正啊！

原本想去附近韓燒，但店態度差而轉食這店。這泰菜店本來食評不差，試過後真要寫食評讚讚。首先，雖然我只是一人，也不會輕看，當然要搭枱啦！但不會逼，亦即時安排。這裡午餐有許多選擇，花多眼亂。想試青咖哩，也想嚐牛柳粒，最後揀了蠔仔炒蛋配飯。先來例湯，有不少瓜，很甜啊！個飯一來，感到滿足，因為賣相感到誠意。蛋炒得香，不會稀稀或鞋，蠔的味道和份量正常，還配有特色的薑絲、椒粒，平時我不吃外面的椒，因為過生和硬，但這裡炒得夠，很夾。還有泰式奶茶，那茶香味特別，不覺茶濃，但香，不知是否花香味。我覺得這店有其特色，埋單$50。太抵了

又到泰國野既時間，寫寫發現原來泰國菜出現既比率都幾高今次黎既泰尚係較高級有分店個種，無訂位既星期日直入，店內較暗，氣氛同裝修都幾好有用心去做既，店內亦唔算太嘈餐牌好好有好多相既，令人食慾增加，好多野賣相都相當出眾最後叫左串燒、香辣肉碎炒河、明爐烏頭都忍唔住叫左象啤，點解係忍唔住？就係因為佢價錢好貴，仲要係細既，飲幾枝可能已經貴左成舊水不過都有用靚象啤杯讚先黎頭盤串燒，豬牛雞各一串，都係正常串燒味，風味唔算好，普通串燒咁，優在沙爹醬不錯劣在肉質不好，牛肉如橡筋香辣肉碎炒河出場，賣相、香味十分，食落亦好惹味香料夠，乾身，無揀錯壓軸係明爐烏，上魚前先上個爐，同埋自己後加既湯，氣勢、派頭十足，啲人都望住，係有視覺享受既上埋魚，香氣、香料十足，賣相完全無得輸即刻超想食，入口，魚身味道較淡，全條都係，而且魚肉一舊舊痴埋有少少梅試下個湯睇下問題係邊，個湯好好味酸味同香料好平衡，但拎黎煮魚就未夠濃，所以味道入唔到去魚肉入面失望左，絶對唔係難食，但就無乜特別，粉絲反而好味最後送上甜品，都貼心既不過有個位就係，佢櫃臺個外賣/訂位電話用iphone最響個隻聲，keep住響左一排，係間氣氛咁好，較浪漫既餐廳，