影片
港鐵旺角站 D2 出口, 步行約3分鐘
繼續閱讀
電話號碼
57227837
開飯介紹
旺角區平民泰式料理，選擇多樣化，由泰式小食、肉類、海鮮、炒粉麵飯、燒烤及泰式甜品都一應俱全；其燒烏頭及泰式生蝦都是人氣菜式。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
優惠
88折
地道泰國菜 $100現金券
$88
$100
相關文章
早前穿通菜街過時, 見到呢間泰菜光猛企理, 有人望到廣告相 就想食 ”醉邁牛腩” 了, 所以 決定揾日去試下~ 唔想用腦, 見到套餐好抵食, 所以, 我地就簡套餐 A 再叫個 ”醉邁牛腩” 就掂了~ 二人套餐A $299 真係好抵! 唔止全部嘢啱食, 最正嘅係: 佢配特飲唔使加價錢呀!!! 青芒果沙律泰式汁 惹味涼拌配合爽口微甜嘅青芒果絲, 好開胃!椰汁雞湯鹹鮮香, 未計料 每人都飲咗 2碗喇~ 馬拉盞炒椰菜苗 (可以選擇配料, 我哋就揀咗 泰式感覺比較重嘅馬拉盞)泰式乾炒雞肉河(可自選 雞/ 牛 / 豬 的)我幾鍾意呢個炒河~佢係闊河粉嚟 口感特別, 而且調味啱啱好, 特別啱怕重口味嘅我~醉邁牛腩 $168牛腩質感好, 煮軟了的坑腩感 味濃濃的~芒果沙冰泰式奶茶沙冰2杯都好飲, 開 心 心~直到一半先醒起黎個合照留念
繼續閱讀
餐廳擺滿泰國裝飾🇹🇭整體乾淨 價錢親民 各類泰國菜式都有 本menu成本字典咁厚😂▫️ 泰式蛋包金邊粉($88)黃金嘅蛋皮包住金邊粉金邊粉炒得好有鑊氣酸酸甜甜幾開胃但面頭隻蝦發晒黑好唔新鮮▫️ 珍寶蟹肉奄列($98)一切開蟹肉爆曬出嚟🦀加埋應該有成碗飯咁多🤯美中不足係雞蛋有啲過熟冇乜醬汁搞到乾爭爭咁▫️ 蒜蓉燒鮑魚仔撞正餐廳消費每滿$100就送蒜蓉燒鮑魚仔鮑魚仔超爽彈(˶‾᷄ ⁻̫ ‾᷅˵)▫️ 芒果沙冰($32)真芒果香甜清新 完全無假藥水味！▫️ 泰式奶茶沙冰($35)奶味會比茶味濃 勝在大大杯~┄┅┄┅┄┅┄┅┄┅┄┅┄┅┄┅┄
繼續閱讀
呢間泰國菜，環境唔算豪華，但係因為係由泰國人主理令你可以食到最地道風味嘅泰國菜 ★”`’-.,,.-‘`”-.,☆,.-`’`-.,,.-`’`★-.,,.-***泰式酸辣鳳爪** 入口帶少少酸辣，鳳爪爽滑而唔腍，食完開胃感爆棚～😋**🥬生菜包** 個豬肉醉調味辣度剛剛好，搭配新鮮爽脆嘅生菜，食落真係好清新，唔會太油膩，幾啱女仔食！💚**🦀必食推介：蟹肉奄列** 呢個真係 **必點之選**！蟹肉超豐富，奄列煎到啱啱好，外層香脆，內裡嫩滑，蟹味十足～每一啖都好滿足，真心推介！🔥🔥**🥭芒果沙冰** 甜度適中，芒果味濃郁，沙冰質感綿滑，好解渴，夏天嚟一杯真係透心涼～✨**🧋泰式凍奶茶** 濃厚嘅奶茶香配少少甜，仲有陣陣嘅茶味，呢杯真係完全符合我對泰奶嘅期待，飲完好滿足～❤️
繼續閱讀
最近同朋友去咗旺角搵食，揀咗一間泰國餐廳「泰好記」試試。餐廳位置喺旺角，交通方便，環境都幾舒服，座位空間唔算擠迫，坐得輕鬆，啱晒中午嚟食個悠閒午餐。我哋叫咗幾款菜，包括豬頸肉飯、豬髀肉飯、泰式鳳爪同泰式凍奶茶，全部都係經典泰國菜色。先講豬頸肉飯，份量啱啱好，飯係一球成型嘅白飯，軟硬適中，配上烤得香噴噴嘅豬頸肉，肉質嫩滑，帶少少炭香，肥瘦均勻，唔會太油膩。旁邊仲有啲生菜同青瓜，清爽解膩，仲附咗一小碟辣醬，微辣帶甜，點啲豬肉食好開胃。豬髀肉飯都唔錯，豬髀肉燜得好入味，肉質軟腍，醬汁濃郁，略為甜鹹，滲咗入肉裏面，連啲皮都好有彈性。旁邊仲有半隻滷蛋同啲青菜，滷蛋蛋黃半熟，入口軟滑，青菜清脆，成個組合好豐富，食落真係滿足。泰式鳳爪係我哋嘅小驚喜，鳳爪酸辣開胃，配料有紅蔥、青瓜同辣椒，酸味同辣味好平衡，鳳爪炆得夠腍，咬落軟中帶點咬口，啱晒鍾意食酸辣嘢嘅朋友。飲品方面，泰式凍奶茶係必試！奶茶色澤濃郁，茶味同奶香好平衡，甜度啱啱好，冰涼飲落好爽，仲有啲冰塊增加口感，喺炎熱嘅中午飲真係好解渴。整體黎講，泰好記嘅食物味道正宗，份量夠飽，價錢都合理，喺旺角咁旺嘅地方，搵到咁一間舒適又好味嘅泰國餐廳，確實係一個唔錯嘅選擇。下次同朋友再來旺角，應該會再幫襯！
繼續閱讀
喺旺角同班fd搵好野食，行過旺角呢間泰式小店，未入門口已經見到好多人排隊，即刻衝入去試吓！🙌🏻⚠️仲要而家有4月優惠！消費餐廳食物滿$100就送鮑魚一隻‼️無上限咁送，食得越多送得越多～💂🏻《珍寶蟹肉奄列》$98一上枱就嚇親！🤯足足有成寸厚嘅蛋皮包住滿滿嘅蟹肉，一刀切開啲蟹肉多到瀉出嚟！加埋佢哋秘製嘅甜辣醬，鮮味爆炸～評分：93/100💂🏻《醉邁牛腩》$168一上枱份量已經係超級大煲，非常推薦加個油飯送牛腩😍 牛腩煮到超淋，入口即化，連埋個湯係非常濃香嘅牛味，正到癲！評分：95/100💂🏻《冬陰功粉絲》$68可以揀河粉或者金邊粉都得，兵仔就揀左粉絲～🤤湯底超濃郁，酸辣度啱啱好！粉絲吸晒湯汁但仲保持彈牙，而且仲有好香嘅椰香味，仲有好多海鮮添🦐評分：90/100💂🏻《泰式奶茶沙冰》$35奶茶味超香濃，沙冰打得好幼細，甜到爆燈真係好有泰國風味😂😂又係大大杯份量超足～評分：85/100總結：呢度嘅食物味道正宗，價錢又親民，環境雖然簡單但都坐得幾舒服。嘢食全部份量好大份，超級足料！一班朋友嗌多啲嘢食share就更加爽！頒發軍階：上將🎖️🎖️🎖️🎖️
繼續閱讀