33
8
3
食評 (48)
味好泰 ﹗ 焦點食評
等級4 2017-01-20
646 瀏覽
專程由 V-City 走到虹橋想食雞煲,誰知執左笠囉,唯有見咩食咩啦。見泰菜有位唔洗等,試試無妨。九點半衝入店內,一個食客都無喎,只有泰藉侍應肥嬸嬸在用餐,稱收 11 點半,慢慢坐唔洗急。對此食店泰好味完全唔認識,上網睇睇有咩招牌菜先,原來開業都已 10 年,但食評麻麻乍喎。無有怕,做食家最基本條件就係要有冒險精神,黎咪黎囉 ﹗泰藉老闆懂一點點廣東話,但囡囡就只懂泰文,雖然識既廣東話有限,依然陪住我地食野傾計添。兩父女都非常親民,還容許我地隻定春放出黎,唔洗困係狗袋入面呢。囡囡原來係曼谷讀獸醫的啊,依家放緊假所以黎左香港渡假順便幫下手,利害喎。食過多間泰菜館,泰式煲仔菜都係第一次見,而且有雞煲呀 ﹗女皇要十點先收工,再返屋企帶埋定春過黎,我已經好肚餓喇,叫個小食頂住先得。細味 menu 睇下有咩好野食先,真係好多款色,好多都想試啊。花多眼亂,睇黎要幫襯十多次先可以試得晒泰好味既出品呢。menu 上不泛特色菜餚,好有趣,從未見過。醃生腸?肥嬸嬸話係辣,不過今日貨唔靚,所以無落貨喎,陰功豬無得試。長方形舖面裝潢都好光猛、簡約、骨子,衛生都合格。泰象啤,行到氣喘梗係要嘆支冰凍啤酒喇,樽面結晒霜,入口打冷陣,爽呀 ﹗碳燒豬頸肉,點解咁耐既?原來即燒翻熱,唔係微波爐叮喎,有誠意 ﹗聞到已經流晒口水,香氣似層相識,似十足燒豬肉乾既味道呀 ﹗急急掉舊入口,鬆軟充滿彈性,完全唔肥膩,唔會油淋淋,非常乾爽喎。燒得外層甘香微脆,燋香非常,每一口都充滿肉汁。原味已經非常可以,沾上秘制醬汁更加惹味,食唔停口,送啤酒正到痺呀 ﹗泰式鳳爪,索一索,香氣十分清新喎,入口涼浸浸夠晒凍,最怕室溫或微暖感覺。無骨鳳爪非常爽脆彈彈,味道夠酸帶甜好醒神開胃,散發著微辣而且還有濃濃強烈鮮茄味道,我地都十分喜歡,食都心心眼。比起紅椒力量、泰海鮮、紅螞蟻、泰皇悅、等等,都更出色 ﹗泰式生蝦,上個月曼谷後既算次生蝦。腍劈劈,肉質死實,無蝦味無鮮味,泰式酸汁略咸泛著微辣。汁都還可以,蝦就完全唔得。泰式炒通菜,蒸完再兜非常有印尼 feel,雖然無鑊氣,但都熱騰騰,爽嫩多汁不乾硬,魚露鮮香,味道達標。泰式乾炒雞肉河,香噴噴勁有鑊氣喎,廣東炒河感覺濃厚,乾炒牛河畫面在腦內閃過。幾乎食不到的雞絲,有幾條作點綴,當然個炒河唔會食到有雞味啦,而且炒得幾碎下,幸好味道搭救。嚥韌黏黏滑滑河粉非常可口美味,蛋花加醬油香甜非凡,辣椒醬都唔洗加,原味勁好食呢。明爐冬陰功烏頭魚,個湯有肉鬆既?我覺得似酸辣肉鬆多過冬陰功喎。耐心等候湯底滾開,期間要不停將汁淋上魚身不同部位,因為受熱唔平均,而且湯只浸到魚既 4 份 1 都無,底就夠熱,面又點會熱呢 ﹗最好一邊滾開後再反另一邊再滾,整條魚先夠熱麻。完成可以出爐喇 ﹗淺嚐幾口冬陰功湯,酸味濃而不辣,茄味突出,還隱約有點魚味道,好飲又開胃。掃開香料夾出魚肉,白煙直噴,好有氣氛呢 ﹗魚肉再三係湯汁上打滾再掉入口,啖啖肉勁滿足,魚味實淨,欠缺鮮甜味。湯好好、魚平平,一試無妨。鮮芒果冰,新鮮芒果榨汁,鮮甜幼滑好好飲呀,必試。泰式炸蝦餅,吉列蝦餅?好得意喎,吉列感強烈,咬到索索聲勁鬆脆。食得到微弱的蝦味,肉汁稍削,質地偏硬實,滾上大量甜酸醬都可口合格既。泰式醉雞煲半隻,仲唔被我食到您 ﹗老闆諗左好耐先答應煮比我食乍,因為今日無預備呢,依家即刻處理,麻煩晒啊。靜候湯底滾起,立即倒晒雞件去浸先,老闆親自幫我加酒呢。跟廣東菜唔同,雞無用酒先醃喎。起動 ﹗試下何為泰式醉雞湯先,有酒味的香茅辣椒湯,沒什麼特別,無意見。肥美雞件喎,半隻份量都不少。皮肉都非常嫩滑,又唔會太肥,不過完全無味,失敗。其實我好想要辣椒豉油點雞食呢,雞件醃左先好更好味,湯底加多點泰國香料會更好。味道一般的平凡單調,試一次便夠。豉汁炒蜆,靜蠅蠅地上檯,無聲無色無煙無熱力,明顯地兜個汁出貨。超級混濁的豆豉味道,落得太多,太強烈喇 ﹗蜆肉彷如汆過幾次水一樣,縮晒水變得瘦猛猛乾爭爭,橡膠般的質地,無蜆味無鮮味無海水味。汆過水都仍然有砂,整碟味濃而陰沉,真係唔多掂。食左兩三隻已經想放棄,但老闆問點解唔食呀?好難食嗎?唯有免為其難全部食晒去啦。泰式蝦仔濕炒河,叫錯左濕炒添,我地其實想食乾炒呢。蝦仔烚到過晒火,乾硬鞋無味道。炒河芡汁甜甜的,連河帶汁掃入口味道不錯,大量雜都都甜美滿意。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-07-22
67 瀏覽
因為大家都知道井財街其實冇啲咩好食就諗住去試吓,我個人就覺得非常之難食,炒飯炒到勁林,啲飯係好似粥咁,之後再食個生蝦,得個辣字,啲蝦好似浸左水好鬼耐咁之後又要等,等左成個鐘都上唔齊啲嘢,叫個姐姐上野快少少,畢竟都已經等左一個鐘,吹左四次都冇用,最後實在係趕時間等唔到。至於價錢其實就一般,都唔可以話好貴,不過呢個價錢就一定食得到更加好!依間野極度垃圾,我係比朋友叫咗去兩次,兩次個感覺都係非常之差, 一啲改進都冇。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-06-02
106 瀏覽
今日好友收工想約食泰菜, 唯有上open rice睇下屯門有冇泰菜館收夜些(好友收十点)揾到這間, 嘗試打去問,聽電話是兩個操泰國囗音人,說可十一点Last order,便即管去一試,反正屯門區都沒有泰菜館收太夜。坐的士來都好難揾到舖位,地方比較隔涉,再電舖頭 查詢,好彩有位廣東話人 詳細指導才揾到。 鋪頭門面比較殘舊,原來舖頭係一對泰籍夫婦打理,首先叫左生蝦刺生,味道唔錯,生蝦好彈牙。 泰式鳳爪味道差少少,唔夠辣。 馬拉盞通菜好味,再叫冬陰公湯同明爐烏魚,兩樣都好味, 值得一試的。最後要讚賞下泰籍老闆娘,非常好客,人又和藹可親,好高興可以 結識到佢。。 繼續閱讀
(以上食評乃用戶個人意見 , 並不代表OpenRice之觀點。)
等級1 2014-02-19
1494 瀏覽
依間咁嘅嘢第一次食,點知中伏到應一應,完全係唔掂囉,第一間令我嬲到要上嚟寫食評,一嚟原來連最基本泰國餐廳要有嘅嘢海南雞飯都冇已經火滾,得lunch先有,諗住唔鬼食,但情人節就算數啦,316蚊(套餐價)覺得都okay,唔算話好貴,但頂佢個肺,出到嚟啲嘢食同垃圾冇分別,佢個套餐得蝦餅,東蔭公湯,菜包,炒菜一碟同泰式炒飯total五樣,最火滾係個所謂泰式炒飯,一啲都唔似係泰式囉,唔知邊忽似係,仲要勁細碟,一人食都覺少嘅份量,同我自己屋企炒嘅隔夜飯一啲分別都冇,白晒晒,得幾隻雪藏蝦同幾粒芒果,仲要係未清乾淨晒皮嘅芒果,大佬做嘢唔洗慳時間到咁呀嘛?!皮都未清晒就放落去炒真係好q嘢~~啲菜呢就炒到老嘅,炒到黑晒,全餐係得個湯,菜包同蝦餅叫正常同啲,咁就收人316,食到滿肚火,下次咪洗旨意再幫襯佢,埋單仲要三吹四請,心諗係咪唔想收錢呀!行到就到廚房先叫到人出嚟埋單,可以全村人入晒去冇人睇埸都有囉~~永久backlist依間cheap嘢!! 繼續閱讀
(以上食評乃用戶個人意見 , 並不代表OpenRice之觀點。)
等級3 2013-10-10
902 瀏覽
上OPEN RICE SEARCH屯門泰國菜,竟然見到這間【泰好味】咁多好評。地點又近,就一於光顧一下。一去到的時候,真係O咀! 餐廳環境非常差、很舊式的餐桌、被油煙沾污成黃色的冷氣機、殘舊的牆壁、多年前貼在牆上的海報等等… 都已到達餐廳門外,同朋友商議過後都繼續光顧吧! 坐下後,侍應拿了餐牌給我們。一如所料,都是黃黃舊舊的餐牌。但想像不到的,就是餐具真的真的很污穢! 盛滿了茶的茶杯,底部全是黑色的陳年舊蔑! 叫我怎麼飲下去??看看餐牌,食物價錢不便宜。比起元朗的泰國菜館還要貴。我們兩人只點了三個菜,此環境實在降低了我地的食慾(不好意思地說一句!)。【炸蝦餅】蝦餅切了幾小塊。跟平時的還要細。但味道都幾好,炸得幾好又有蝦味同埋很爽口! 都OK!【泰式豬肉炒飯】炒得有鍋氣! 內有小蕃茄仔、洋蔥粒、蛋絲一齊炒。都幾有泰式味道! 但豬肉就炒得過耐,肉質不嫩!【泰式沙嗲】叫了一半雞一半豬。沙嗲比平時出去食的較細串。肉質不算嫩,沙嗲汁都調得較稀! 所以不算特出 。總結: 雖然是沒加一收費! 但價位都是略為貴的。食物都算過得去,但餐廳環境差! 沒法給好評,OK還可以! 但我不會再光顧。 繼續閱讀
(以上食評乃用戶個人意見 , 並不代表OpenRice之觀點。)