影片
九龍城出名多泰國菜 ~ 出哂名早有聞名！但我偏偏喜歡較為傳統的。因為我早年間曾住泰國，已習慣了傳統泰香的味道。今日來到新搬鋪的【泰仔美食】(原名為: 泰國美食)。今日我搵到了較傳統的泰菜，沒有特製的【港式泰味】，在泰國當地的任何一家泰菜均是香草味較為豐富 ~ 這就是我最愛的傳統泰菜了。今日食飯感覺好像到了芭堤雅，今日與友人同來點選了:贈送小食: 美味蝦片1. 冬蔭公湯 ***** 必推 每次黎到必叫之選，因辣度適中，飲後更覺開胃。冬蔭公內的有殼蝦更是爽口的，沒有“梅”的口感。2. 木瓜沙律 **** 青絲木瓜，鮮甜脆口 ~ 感覺清口。(不過本人覺得過酸，但朋友覺得OK 。口味見人見智)3. 泰式炒粉絲 ***** 正推4. 芒果黑白糯米飯 ***** 新推 (新上市) 黑白糯米 正、香及咬口煙韌。椰漿清香，芒果香甜。5. 椰青
繼續閱讀
食過多間九龍城泰菜, 始終都係呢間例必要坐街要等位既THAI HOT最好味, 唔似D老牌店愈黎愈求其, 愈黎愈香港口味, 老細堅持自己下廚, 下下著晒火咁超夠鑊氣, 仲會晚晚出黎問下野食如何, 好有HEART~2個人食ORDER左 : 1. 泰式鳳爪 - 夠晒辣, 仲有好多配菜, 鳳爪好爽口, 每次都會ORDER 2. 咖哩蟹 + 蒜茸包 - 咖哩洽到好處,唔會好甜, 隻蟹D肉好實好甜, 不過兩個人食就好飽3. 泰式生蝦 - 忘記左影相, 不過一定要介紹, 生蝦夠凍夠爽, 個汁係靈魂所在, 不過唔食辣可能頂唔順
繼續閱讀
是日喺九龍城探朋友，一行三人就在附近食個便飯啦次次嚟親都係食泰國野，今次都唔例外 行過D比較出名嘅鋪頭，八點幾都仲要排隊 算罷啦，不如試下D好多泰國人幫襯嘅小店啦！好彩呢幾日都唔太熱，坐街邊食都唔會好辛苦，又係另一番風味，最緊要D野好食jei一坐低，每人一個椰青飲住先椰青夠凍夠清甜，清熱又解渴呢我地三個人叫左四樣野：生菜包，無骨鳯爪，鹹魚炒椰菜苗同埋泰式濕炒豬肉河上菜非常快，鹹魚炒椰菜苗味道控制得非常好每棵菜苗仔都有鹹魚味，仲要落足料ga，有大大粒嘅梅香鹹魚椰菜苗非常鮮嫰，好甜，一D都唔老無骨鳯爪非常酸辣，好開胃個汁簡直無得頂，份量啱啱好食落去就係在曼谷街頭食沙律嗰種啦生菜包比較辣，但好好食，菜好新鮮乾淨啖啖都有乾蔥的豬肉好正，豬肉又唔太肥，唔會油淋淋炒得夠乾身，食嗰陣唔會狼狽濕炒真係好濕好多汁，但好夠鑊氣豬肉仲要醃左先炒，好有味D菜又切到細細條，好細心服務非常好，個個都充滿笑容又會問下啱唔啱食，怕辣親我地呢D香港人好有heart的小店子，一定會再回來幫襯呢！
繼續閱讀
九龍城出名多美食!尤其是泰國餐廳!今次依間未食過，係人地食過好味介紹!六點幾就到餐廳，已有一半人，可見生意唔錯! 全部侍應都係泰國人，比人感覺好似正宗d，不過裝修一般，都幾迫下，而且唔多舒適!叫左燒豬頸肉，比較乾，口感一般!之後係咸魚炒椰菜苗，好香咸魚味，椰菜苗又炒得幾好味好香!第三道菜係炸皮蛋，幾香口，如果外層厚d魚蛋會更好!最後一道係泰式炒飯，唔好食，飯好濕，豬肉乾得黎無味! 我覺得其實依個菜如果炒得唔好食，我係唔會再幫襯依間餐廳!叫左青檸梳打，個樽係泰國象牌梳打水，幾特別喎!離開時七點幾已有幾名食客等位!講真依間餐廳d野唔係好多唔好味!都ok既!不過只係某少部分我覺得失望而且服務態度一般!所以我下次會幫襯其他餐廳!
繼續閱讀
香港人愛泰菜的程度，從恆河沙數的泰菜餐館可見一斑。要找好的泰菜，很多人都會想到九龍城吧~九龍城的泰菜館多不勝數，這日就由熟路的大哥帶我們到這家開張不久的泰菜食午飯。平素家庭飯聚都是由我選地點的，但泰菜就當然由大哥這泰菜迷決定。店子小得不起眼，枱都是家庭式的，可隨時收藏的。牆上的獎狀引起我的疑問，原來主廚是大哥做暑期工的舊同事(多久遠~)。先來兩款沙律，柚子沙律和青木瓜沙律。柚子沙律清新宜人，柚子的苦澀味幾乎沒蹤影，除卻大哥和我，其他人都不太能食辣的關係，我們要求所有食物都減辣。青木瓜沙律是我食泰菜必點的，重點是其汁酸中帶鮮，又要夠辣，這些當然難不到大廚。青木瓜爽脆新鮮，加上香口的花生，差不多大半都落進我的肚。還有我沒碰的豬頸肉，據稱肉質夠爽脆，又帶碳香，挺不錯的。小食亦出色，春卷新鮮炸起，皮薄香脆，餡料充足，沾點甜酸泰醬，開胃又香口。食泰菜怎少得了蝦餅？蝦膠稍嫌不夠彈牙，但蝦味出奇地濃郁，想必是用上鮮蝦自家製，蝦肉比例高的緣故。尤記得上次去曼谷時，點了一小鍋冬蔭公，辣中帶鮮，惹味非常，但cm受不了辣，我獨自享用那二至三人份的湯。可能太多的關係，晚上肚子火熱的，弄得我難以入睡。雖然如此，那味道卻叫我回味無窮。今天就好多了，多人分享，味道和回憶中的一樣。海鮮的鮮味溶進湯中，饒有滋味~期待已久的原條烏頭出場了。魚肉出奇地嫩滑，烏頭獨特的味道未必人人受得了，家常做法-陳皮、檸檬-就亦不受我家人歡迎。廚師加入多種配料如金不換、香茅等，僻去魚腥，卻又保留了烏頭的味道，配搭很成功。席上向來避之則吉的，亦覺得不錯。反覆將魚湯淋上烏頭，碟底的爐加熱，湯滾起一會便可起筷。魚湯更是鮮味突出，眾人不禁一飲而盡。想不到一日還有一山高，咖喱炒蟹才是當日最美味的。咖喱充滿椰香，香甜之餘滲出絲絲微辣。包較淡，但個人認為它夠脆就可以，反正咖喱才是主角。蟹應該是斯里蘭卡蟹，肥美肉厚，絲絲的肉質，雪白又鮮甜，真的價廉物美，絕不能錯過。另一道食泰菜必點的當然是串燒，豬、牛、雞各點了兩串。其中雞為最佳，牛則次之。嫩滑有肉味乃基本要求，更吸引的是其碳香，沾少許滿有花生香的沙爹醬，惹味極了。正當大家捧腹小休之際，大廚又送上眾人都忘掉的泰式炒金邊粉。青檸是炒的時候加的，食客要自行調較酸甜度的話要向店方索取青檸了，我偏愛較酸的口味，這裡的出品稍甜一些，不過勝在炒得夠鑊氣，大家亦慢慢地吃光了。花不上800元，讓我們一眾捧腹而回之餘，饞嘴也得以滿足。執筆至此，念及那串燒、咖喱蟹和原條烏頭，我又想動身前往再嚐了。
繼續閱讀