影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
呢日同朋友去左v city食飯，搵左呢間泰國餐廳，打開餐牌，見到有幾多選擇。首先，我地點左泰式蟹肉炒飯，一上碟就香氣四溢，蟹肉新鮮又多，飯粒鬆軟，配上特製嘅泰式調味，味道真係一絕！每一口都可以感受到蟹肉嘅鮮甜，仲有啲香菜添香，真係好惹味。接住嚟就係泰式肉碎生菜包，佢哋用咗豬肉碎加埋香料炒香，味道濃郁，生菜包住肉碎，清脆嘅口感同肉嘅軟滑形成咗好好嘅對比。每一口都係滿滿嘅幸福感！最後點咗泰式柚子鮮蝦沙律，真係一個清新嘅選擇。沙律入面有新鮮嘅蝦，柚子果肉酸酸甜甜，仲有啲花生碎添咗口感，味道非常開胃，特別適合夏天食。飲品點左椰青，清涼解渴，椰子的香味好濃，真係好舒服。
繼續閱讀
🥬今日試咗間泰國菜，真係正到爆燈！「泰式蒜蓉炒椰苗」夠鑊氣，椰苗爽脆仲帶住蒜香，開胃到停唔到口。🍲「泰式船河」料多過河，牛肉片嫩滑、牛丸彈牙，最正係啲炸豬皮索晒湯汁，脆中帶軟，湯底濃郁到飲晒成碗！ 🍗「清邁雞脾咖哩湯麵」係驚喜之作，雞脾大隻又入味，咖哩湯香濃帶椰奶香，麵質吸汁唔會淋，辣度啱啱好。🥓「泰式燒豬頸肉」外皮焦香，肉質爽嫩，點埋酸辣汁更加惹味！ 飲品方面，「青檸梳打」清新解膩，而「泰式椰子刨冰」就係完美句號——椰香十足，刨冰綿密，甜而不膩。 整體來講，每道菜都夠地道，份量足，價錢合理，絕對會再encore！🍽 泰國婆(屯門)📌 屯門屯門鄉事會路83號V City 1樓L1-2B號舖☎️ 2986 9028⏰ 星期一至日 11:00 - 22:00 #泰國 #THAI #泰國婆 #泰國菜 #泰式 #HK #FOODIE
繼續閱讀
一路食飯，啲曱甴一路周圍走….係枱度捉左一隻之後，後面部牆又有兩隻係到爬。就黎食完餐飯個陣又有一隻曱甴BB係枱面到爬…成餐飯食到心慌慌，勁吾安樂…真係好痴線，食到想嘔🤮建議改善下啲衛生問題
繼續閱讀
下午茶諗唔到食咩好，隨機揀左間入左去食。Tea Set嘅選擇唔吸引，最後食返午市套餐。\泰式船湯河/ $78，超大份！頭湯香濃，但無乜藥材味。河粉滑捋捋又索湯，牛肉有啲老入口嚡熠熠，牛丸無牛味，紅/白蘿蔔夠腍。\泰式海南雞飯/ $82，等左10分鐘先講無油飯要轉白飯，海南雞飯無油飯真係失色好多！雞肉有啲嚡，泰式辣醬好一般，黑豉油會好啲。套餐加$10先有一杯餐飲，推薦泰式奶茶，還原度八成，甜度夠！青檸梳打就中規中矩啦。價錢比較貴，食物一般；睇返OpenRice佢都幾多正評，其實我地係未去錯餐廳？
繼續閱讀
泰國婆 屯門屯門鄉事會路83號V City 1樓L1-2B號舖夏天煮飯係幾辛苦，為左令屋企人可以休息多D，放假好多時都會搵定岩口味餐廳，外出食飯。晚市時段小店都幾多客人，walk in可能要等位🥘泰式青咖喱雞（少辣） $88好香椰汁味，咖喱微辣，辣度及口味比一般咖喱溫和。用料豐富，有雞件、豆角、泰國茄子同其他香料等🦐鳳尾蝦炒金邊粉 $88炒得幾有鑊氣，食前拌勻材料，加幾滴青檸汁，甜中帶微酸😋幾開胃，大大隻鳳尾蝦，爽口彈牙🥬泰式蝦膏炒芥蘭 $78香濃惹味，咸咸香香🤤好岩餸飯🐔香茅雞翼（4隻） $48炸得夠乾身，點少少泰式甜辣醬，更添風味🥥🍨泰式街頭椰子粟米雪糕（叫起）$58除左雪糕，仲有粟米、花生、糯米、椰肉，入口好香椰子味😍而且口感香脆又煙韌，飯後甜品二人share岩岩好🍸熱青檸水（走甜）$25清新解膩
繼續閱讀