泰國人海南雞

轉往灣仔區上班，第一天的午飯，鄰座同事建議吃泰國菜，怎知走啊走，竟走到泰國人海南雞門前。很久沒有去過了。大家都想不到吃甚麼，就叫個海南雞飯套餐，$52。侍應人手不足之外，其中一位瘦削男士態度極不友善。食物算是以光速上桌，午飯繁忙時間嘛。冬瓜湯：鹹，似味精水多一點油飯：只有油的質感，沒有雞油的香味雞肉：算是嫰滑，但沾醬份量少，沒有味道餐飲我選了凍檸茶，味道正常，但同事的凍奶茶喝了兩口便放棄......同事表示難飲。沒有下次了.....反正灣仔有很多美食等待發掘。…查看更多

一見到明蝦嘅酸辣蝦湯，就只飲左幾啖湯，只因我唔食明蝦。我希望可以食到有蝦頭蝦壳嘅雪蝦都唔緊要，只係唔想食無蝦味嘅爽蝦，所以唔太合我口味。成餐飯只記得食左味精味，唔記得食過嘅野係咩味，而且其他野都唔係我點，大家分黎食，我都唔記得叫左咩啦，但唔可以話難食，都可以入得口，不過不失啦。而最唔滿意個酸辣蝦湯，因為呢個係自己話要飲，最後失望，所以特別想寫出黎。…查看更多

服務態度差到爆人手又唔夠加$10要珍多冰用外賣膠杯裝俾我人地免費可樂又大大杯啲海南雞雞皮厚過啲肉 油又成層厚用四五塊青瓜墊厚哂啲雞 服務態度極度惡劣其他人要油飯冇油飯 連碗都冇差差差…查看更多

因為喜歡上了冬蔭功湯，才想到要來這裏試試看的。　　晚上六點幾的時間，人不多，但因為還沒等到我的朋友，服務生在桌子旁徘徊，讓我感到有點壓力，卻又沒有給我水喝，讓我感到光坐著很不安，所以便趕緊先點餐。　　我點了冬蔭功湯海鮮金邊粉配熱奶茶，而後來的朋友則點了牛腩蘿蔔河粉配熱檸水。　　　　先說冬蔭功湯海鮮金邊粉吧，略嫌有點酸，但整體來說不錯，夠開胃醒胃，而且料也很多，有蝦，有菇，而且蔥和香料都很充足，很多料，而金邊粉則夠滑，份量也夠多，大冷天吃，很暖身。　　但奶茶則很遜色，來的時候很冷，我們要求更換一杯熱的，但不曉得用的是怎樣的茶葉和奶，喝下去味道有點怪，而且還是不夠熱，我們就作罷了。　　至於牛腩河也是不錯的，蘿蔔很稔，似是熬了很久，牛腩份量也多，很稔，值得一試。…查看更多

自從搬離灣仔後, 鮮有到來閒逛.想起以前住灣仔真係多姿多彩,好多好野食都盡在灣仔銅鑼灣一帶. 呢日重臨舊地,發現大致沒有什麼改變,但總係覺得有d野巳經改變了,感覺都沒有以前咁親切.行過灣仔見到開左呢間泰國人海南雞,又有泰國通胡為中宣傳,價錢都不是太貴,就試下啦.入到去人唔係太多,但地方相當之細,環境都係個種食完即刻要走既格局,絕對不適宜坐耐的.話名海南雞出名,梗係點番個試下先啦:泰式海南雞撈金邊粉金邊粉賣相還可以,但海南雞既賣相真係不敢恭維,簡直係甩皮甩骨.先吃雞,雞胸偏鞋,雞味還有一點,嫩滑根本就講唔上;金邊粉份量極之小,而且一舊舊醬住哂,粉十分之冇味.食完我居然係唔飽的.另一半叫左一個泰式牛腩飯份量同樣極之細小.牛腩細舊之餘只有4舊左右,其餘成碗都係蘿蔔,所以本來想試一舊牛腩,但係極之少既情況下我都唔好意思攞佢一舊來食了.吃了一舊蘿蔔,尚算淋軟,汁偏濃好咸.飲品我地叫左泰式奶茶,茶唔多覺有, 飲落同飲奶水冇乜分別.食完我地2個都極之唔飽最後還要'掃街'.咁既價格我寧願食連鎖快餐, 質素肯定好過佢.…查看更多

去過數間不同地區的泰國人海南雞, 呢間真是........... 唉!隔壁坐了班遊客要點餐, 一位待應走過去, 見人家說英文就立刻叫另一位懂英文的男待應來, 遊客好清晰好慢好有禮貌好有耐心的讀 "NOODLE" 一字, 講了不下6次, 那位哥哥只懂站著"傻笑", 一點反應都沒有, 夢遊中, 如果最低工資是$28, 他最多只值$10... :(叫了客2人套餐 $1381) 海南雞半隻 .... 淡而無味 2) 雞湯兩碗 .... 可以3) 菜芯一碟 .... 每棵菜都被黃菜包圍, 實明不含農藥囉4) 甜品 .... 最好食5) 油飯 .... 一絕, 要減肥的就一定要叫, 因為你一看就不想吃 6) 飲品兩杯 .... 凍飲加$3 另加春卷$19 .... 將炸濃炸破的位置向下擺, 暪天過海我們坐了張兩人枱, 放了3樽醬料, 兩杯水等等, 地方已所餘無幾, 待應也不管, 將放主菜大餐盤堆上枱面就算, 餐盤有1/3是凌空的就走開, 擺明"自己搞掂" , 我立刻說, 咁就算啦, 他們才晦氣地幫我們換過張四人枱 .... 向他們反映油飯實在太油, 愛理不理 .... 總之, 下次請我都不去!!!! …查看更多

本人於1月3日晚上九點鐘左右同個friend到上址食晚飯, 坐底後有位應該是經理(男)行過來,問我哋要啲咩食, 我就好客氣答佢, 等一陣先等我睇睇, 點知果個男經理即刻黑起塊瞼走左去,跟住我哋落order, 叫住兩個冬蔭功先, 唸住再睇叫其他菜, 點知個男經理打左張單夾係塊板度, 好大力"嘭"一聲, 放左係我哋枱面, 哇....佢咩態度呀, 咁樣對啲客, 跟住我個friend將塊板掉落地下, 佢都吾理, 佢知我哋吾like, 佢都吾理, 我哋咪谷鬼氣, 走人....…查看更多

我其實唔知點解 泰國人海南雞 有個咁差既reputation, 我食完,覺得無乜野.我叫左黃咖哩雞飯. 介乎印度咖哩full of spices同日本甜咖哩之間,無乜香料,但少少spicy,說穿了,just like curry mix. 尚算ok.雞唔可以話滑,但無雪味.而且,配菜的椰菜同紅蘿白又凍又無味mum的泰北雞絲laksa比較好. 有好濃的香草刺激味蕾,米線sok晒湯汁,正. 雞絲都係無乜味.其實泰國人海南雞算係合格的restaurant. 以咁既價錢,好過快餐店好多.ps.佢部電視一直賣自己廣告, super annoying,俾人睇電視好過la.…查看更多

約了朋友去會展的冬日購物節, 我對灣仔不太熟路, 朋友提議在這裡食, 說味道唔錯, 朋友推介, 都想試試. 揀來揀去, 最後點了一個飯及一個粉.咖喱牛腩飯是飯餸分開, 白飯旁伴著油菜, 感覺健康. 咖喱有椰香味, 但不辣, 牛腩尚算腍, 配以幾件薯仔及少量洋蔥, 味道是可以的.豬軟骨喇沙湯米線的湯底夠味, 份量足, 豬軟骨樣子不太完整, 其中一件是硬骨, 味道尚可.跟餐另點了兩杯熱奶茶, 喝第一口, 感覺是夠奶, 夠滑, 合我的口味, 不過茶味再濃多些少會更好.另外, 枱與枱之間距離不足, 同朋友傾計, 隔鄰位的人亦容易聽到, 所以坐得不太自在. 服務亦一般, 要叫才奉上熱開水.…查看更多

今日我同同事去咗~“灣仔泰國人海南雞”~食飯，果時系下午茶時候，我地坐低咗之後，有個著住黑衫的男人來招呼我地，當我同事問他有咩好食時，他既然黑曬面咁答我，“你唔識睇餐牌咩，定系你唔識字啊？？”跟住我地亂咁點咗D野食，食物系OK，我杯飲品亦唔錯，後來我叫著黑衫的女人俾我兩杯水，水她系挪俾我地啦，不過卻俾說話我地聽，“食果少少野，要呢樣要果樣，麻煩到死”，講真，我地今次真系貼錢買難受了，我俾錢食飯，但系要睇人面色，黑口黑面咁對住我地，就算他地D野食再便宜再好食，我地都唔會再幫襯他地啦，服務態度咁差，咁無禮貌，都唔知道呢間鋪頭點請人，黑口黑面，我地唔會再幫襯他地，費事再~~“貼錢買難受”…查看更多

海南雞肉有冰鮮感, 配菜勁甜. 咖哩又係超甜, 至於豬軟骨, 有少少煲湯豬肉嘅咬口感覺, 而軟骨就重係好硬, 不過無辦法, 其實好多地方都好難做得好食, 甚至係"未遷"或者係"禾雯", 由於軟骨要煮至像牛孖筯般軟身, 又要保留豬肉嘅肉感, 並非易事! …查看更多

昨晚同朋友二個去左吃海南雞飯套餐($55)及豬頸肉金邊粉($35).海南雞飯套餐都算抵食, 有野飯(加3元), 一碟雞, 一碗飯(雞油不太香)及一碟沙拉豬頸肉金邊粉, 金邊粉幾好, 豬頸肉都燒得好香口如果食雞飯, 必定選套餐就抵食. 因為一碟都要30多元. 見到人地吃curry, 都好似好得咁.都有下次.…查看更多

食過呢到既海南雞先知原來雞真係可以無雞味.....may姐講既野係無錯既!話說個日係灣仔整完電話,見到呢到個門面幾企理,就入去試下la,點知就出事...-椰汁糕(無影到)賣相差, 好似一pat野咁...偏偏最正常既食物就係佢,口感同味道都唔錯,唔太甜又唔痴牙-海南雞無味,枉佢不停咁播住佢d雞點好點好, 又話養足105日,又話掩左3日,用上湯煮足45分鐘,得出黎既野就好似一舊又鞋又無味既擦紙膠...(連咸咸地既味都無,厲害)-木瓜絲沙律唔知咩事,一大陣豬瀲味,又唔凍,食左兩口食唔到....-黃油飯正常黎講飯應該好穩陣ga la, 外面睇都ok, d飯一粒粒晶瑩剔透.....點知第一啖食落去, 點解咁濕既....忍唔住要lur返出黎睇睇...黃油飯果然係黃油飯, d黃油多到嚇死人.....了開d飯睇真d, d油多到叫黃油粥都得-雞肉炒金邊粉d料好唔均勻, d粉炒成一舊舊, 夾起上黎一餅野咁, 而且d配料整到好乾好硬, 好似未煮過咁...值得一提既係, 佢裡面既雞肉仲有味過d海南雞-服務坐低兩分鐘都無, 個waiter就行埋黎問我地食咩, 我就話睇睇la,佢就企實係我地張抬前面, 拎住本order簿係到等... 到我想落單個陣, 佢就係到東張西望, 睇唔到我地...落單個陣又好似借左聾耳陳隻耳咁, 要我講4, 5次....最後用呼渴我既口吻叫我講number....但係都於事無補, 都係要講4, 5次....到落野飲個陣, 有個跟餐加$5"秋冬系列"飲品, 正常諗佢應該係無update到做夏日系列既姐, 問一問個阿姐先知原來跟餐加$5已經無左la, 變左做要加$13....有無搞錯!直到埋單個陣先經典, 之前態度勁惡劣既waiter突然黎個180度大轉變, 殷勤到得人驚...執抬個陣用一把勁溫柔既聲問我地仲要唔要杯水....都走la, 仲要黎做乜....…查看更多

午飯時吃去飯，點了一份set lunch----海南雞加OT，一飲OT，D茶味怪怪的，等了又等，結果﹕吾該將個飯外賣，趕吾切，要攞返公司先食，。D雞的味道不錯，，可惜飯就硬咗D，個湯似味精水，吾係太值$45囉。下次趕時間吾好去。:(…查看更多

是日中午又過海~今次黎影叮叮~不過又係好急(老婆)~應該冇張影得靚….見到呢間連鎖海南雞即刻坐底~因為已到下午茶時段了~老婆叫了魚蛋河粉~但原來呢度係冇河粉~唯有叫米粉~我就當然叫海南雞飯啦~魚蛋米粉─湯好飲，米粉夠爽，okok!:)跟餐蒜蓉包─唔熱，油味重，但冇蒜蓉味，冇誠意！:(海南雞飯─我本身就鍾意食海南雞飯，呢間都唔錯，飯ok，但醬汁得一款，實在太少~…查看更多