泰喜越 (啟田商場) (已結業)

▶️呢個喺街市門口既位轉過好多手，係得呢間泰喜越做得住，基本上都係我返工既飯堂之一😋燒豬頸肉撈檬🍖🍜重點係食燒豬頸肉，外脆肉爽口，燒得香，調味好👍仲要切得都幾大塊，令到口感更加好😋😋檬粉就正常爽彈，撈檬個汁就酸辣🍋🌶️，夏天食一流👍再配埋個青檸梳打就更加不得了🤣⚛️佢嘅午餐海南雞飯+$5轉脾同下午茶海鮮炒金邊粉都係好食又平，性價比之選👍不過係街市門口環境就差啲，餐廳入面啲位都少逼🙈

今日放假，點左個外賣海南雞飯返屋企食，點知！伏黎$51冇咩雞味，肉完全吾滑，仲粉粉地，粗糙口感，飯就正正常常，冇咩特別。唯一一讚係佢配菜酸酸甜甜，爽口而開胃今餐真係冇下次。

職員大聲夾惡，態度令人失望，以前多次光顧，收銀員說話大聲，經常落錯單，食物強差人意，或者，廚房換了人，食物不是很咸，就是很甜，原本餐廳沒有食客，理應清淨，收銀員大聲自言自語，令環境很差，整體來說，不應再光顧🥲

今日陪囝囝去藍田做健康評估，見到附近有間泰國嘢就諗住入去試下（太耐冇食泰國嘢勒）入到去先知原來呢間餐廳係有泰國同越南菜，明明本身想食泰國嘢，但係佢下午茶得一個選擇-金邊粉，所以我就冇叫到，結果最後我叫咗呢碗越式生牛肉湯河💰35包一杯熱飲☕️牛肉味道還可以，啲粉好難食☹️最後我食淨咁多👇🏻

Apps點餐自取，今次點了早餐。選項位置明明是有可選擇三款食物，而多士是其中一項要加$4的食品。所以我選了午餐肉，腸仔及炒蛋。但到店後，店員話我知是沒有三餸可選的，说只只有兩餸加多士，真的莫名其妙。是我的Apps弄錯？我即時給Apps畫面讓店員看是有這選項的，她也打電話给店長，店長也禮貌地回覆我說她們系統不能這樣輸入。所以希望我能接受兩餸而她們送我多士作罷。這事足足攪了十多分鐘，可能早上八点多，人手唔夠。可惜取餐回家後，都是發現送的多士，还是沒送，而我跟Apps點的三餸就變成只得兩餸。是openrice 問題？還是店問題？Apps付款了，卻跟下單的不一樣，明白生意難做，但相信不是我問題吧？整體食物是可以的，但行政混亂，他們接單了才致電通知，又不可退我單，因為處理不好，只有硬食。

想起一次外賣經歷，看見餐牌有個蕃茄牛腩飯，好奇點左外賣，以為有新味道一試，點知回家一開盒，嬲到爆炸，就只係一噠蕃茄醬加一堆似"剎"熟既牛腩，當堂大叫中伏，覺得被人呃，餐牌如果加個"醬"字我都唔會點，我叫咖喱牛腩唔好?一心想試新野，點知係牛腩點蕃茄醬? 結果牛腩味道亦普通，食到一肚氣，之後未有幫襯過

最近都好珍惜堂食時間入到每間食店服務相比疫情前好左許多平時係呢間食店只係食碗湯河味道不過不失今次叫左個優惠套餐 HKD198.00可由九款選兩款小食或時菜我選了泰食沙嗲串燒（兩串）選了雞肉🐔沙嗲汁無乜味雞肉無乜汁唔似食緊串燒越式炸春卷春卷味道正常無乜驚喜飯或粉就八選一我選了泰喜越海鮮炒金邊粉事前問清楚會不會好辣店員話唔辣金邊粉黎到色水有d唔對路唔係酸酸辣辣樣會有茄汁咁唔同係自己誤會左抱著懷疑心情去食一食落去無味除左食到油乜味都無淡到好似無落調味料湯粉檬粉就六選一香燒豬頸肉湯粉完全無香味豬頸肉好乾好硬湯粉正常味道選了凍青檸梳打同凍青寧雪碧係成個餐最好

我已經唔係第一次買依間海南雞飯外賣，大大話話都幫左8次以上，而每一次都買外賣，多數買嚟同媽媽食，因為我媽食得唔多，有時我會買一個飯，加一個小食，有時就只買一個飯，但每次佢哋都好好肯俾多一套餐具我，而且態度親切，食物質素又ok, 所以成日都去買依度d 飯外賣～而今日2020年4月30日，今日我屋企有家庭聚會，人數都十幾位，我又去依間餐廳買外賣，所以今日都買左10個飯，加1個菜，加兩個大嘅冬陰功湯～之後我姐亦好有禮貌地，同佢哋一位女員工講：唔好意思，一陣可唔可以俾多幾份餐具我～點知得到好冇禮貌回覆：要加$架小姐～即係咁，首先我唔係要好多份餐具，只係想問你可否俾多幾份，第二我買左10個飯，1個菜、2個湯，最小都俾13份餐具，而我只係問你要多幾份，點解要咁冇禮貌一句就話要加$呢？而且我真係唔係第一次買依間，而今日得到一句很冇禮貌嘅回應😡😡😡～即係我唔係細佬仔，貪心你嗰幾份餐具囉～火都嚟～我入去同返嗰個女員工講：阿姐我都買左13份嘢食，問妳要多幾份餐具，妳唔係咁呀～女員工：得得得，俾妳，唔好嘈～最後係因為我嘈，所以佢買我怕俾我，即係我個人唔係想嘈囉～越諗越嬲😡～我應該唔想再去依間餐廳買飯，火滾～

Boyfriend and I decided to explore an area of town that we rarely if ever go to. And that was Lam Tin. It was there we found some interesting looking eateries but we were a bit tired so chose this place for dinner. There seemed to be several residents eating inside so why not?The place is called Viet & Thai and they serve mostly Thai style dishes. Menu is in English and Chinese. There is no 10% service charge. Ordering a main gets you a discount on drinks.I had a Hainan chicken rice ($53). It lo

午市唔算多人，服務態度幾好。個撈檬個雞扒即使浸左檬粉個甜酸汁都仲熱辣辣，岩岩煎好就放上來，唔係一早整定啲麵既份量麵ok❤️配菜叫左佢比少啲，屋邨商場五十蚊有找都食得飽。

夜晚收工，諗住食少少野然後去做運動，所以唔想食太飽。於是揀左間有粉麵既。叫左個香茅豬扒撈檬🐷，好快就上到菜黎到既唔候，豬扒好香，係岩岩煎好既感覺，咬落好juicy 好多汁！而且肥瘦均勻，唔會好肥成口油，但又唔會太瘦鞋拾拾🐷👍🏻豬扒又香又大塊，配埋撈檬個醒胃汁🌿好正！抵食👍🏻👍🏻

用左Openrice咁多年，一直都係花生友。呢次真係差到我忍唔住要寫食評！希望唔好有人同我一樣中伏經過見佢下午茶餐牌款款三十幾蚊咁平就諗住試下啦 坐低見到幾乎枱枱都食湯粉 就膽粗粗想試下佢既”海鮮炒金邊粉 “$38 包一杯熱飲*自問食過唔少金邊粉 最基本係酸酸甜甜 有d似茄汁味先正路碟粉一黎到 見到d顏色係淺黃已經唔多對路一聞係濃濃既豉油味呀！百思不得其解好 俾個機會試下先.點知一放入口。。係更濃既豉油味。每一口都係豉油味 好鹹食左3口就食唔落去 從未試過差到要咁浪費食物 真係好誇張 唔係講笑。夠膽就一試吧

今日做完運動去食野 都已經九點幾既關係唔想食太多  所以揀左未試過既越南粉呢隻有好多選擇 一般既生牛肉/蝦卷/扎肉 等等同行朋友叫左個生牛肉湯檬粉。食得到佢個湯底係有用牛骨去淆，湯味濃及牛肉都好肉  有少少生但靠湯足已去浸熟佢總括而言味道不錯! 而我自己則叫左個淨撈檬， 有D紅蘿蔔絲，菜等等  不過因為無汁既關係  佢係無咩味 所以清清地佢仲有D小食 可能下次會試下!

藍田新開左間泰國加越南野 咁岩岩去完泰國既我又口痕痕想食返泰國野 咁我就叫左個泰式海南雞飯（$45）食落就同預計既好唔同 似係普通既油雞點左酸辣醬去食 同一黎食開既海南雞飯都有分別 咁鋪頭都有其他唔同既野食 如果有機會我都會再試試