泰味村新恆福餐廳菜館 (已結業)

那天閒日晚上，我跟朋友都想食番餐晚飯飲番杯，便一起前往位於屯門新墟村的泰味村新恆福餐廳菜館。在那裡遇上員工的熱心推介，便希望能品嚐其中的特色小菜佳餚餐。首先，我們叫了一碟自製式鹽鮮馬友。它主要是以一些已切碎塊的魚肉配以鹽鮮調製及蔥菜粒一起蒸熟，因此吃落口除了有嫩滑魚肉質外，亦有啖啖咸咸蔥菜的味感，也是一種在沒有蒸魚豉油下的另類海鮮特色。然後，我們再叫了一套泰式焗蜆肉餐。它乃是以四塊切的已烤熨的小四多士方飽，並配以一鍋中七小瓦杯(如相片)的滾熱辣的焗碎蜆肉，而它們主要是以蒜蓉醬料來一起烤焗，因此將那些熱辣碎蜆肉醬弄出來，並塗搽在方飽面上作醬料連方飽一起吃，便彷如吃市面上那些蒜蓉麵包般的可口美味。

我們住屯門新墟村附近，來到泰味村新恆福餐廳菜館食晚飯，外面見到很多推介菜式，菜單是齊整印刷的，體會到不用自己花心思挑選菜式，而餐牌中菜式的配搭，便顯示出自廚師的推介嘅。我們叫了一碟叫椒鹽四季豆銀魚仔, 當上第一道菜時大家目光望住飽滿的四季豆，配以調教味道並鋪在其表面而加以油炸，因此入口嗒落當然會份外可口, 而且那些肉豆銀魚質感方面亦當分別爽脆及煙韌。實在有驚喜，果然食到四季豆香及銀魚仔香。首創南乳骨是帶有南乳味，油炸香了外層，肉質夠冧又不會過熟，是喜歡食肉類的一大好選擇，拿來送飯同啤酒、大件的蝦片、汽水好正。大家一面看電視，慢慢傾計又休閒，之後大家都想多些來此處食飯，會是一個好選擇,下次朋友生日要叫唔同菜式，因為菜的名稱幾吸引人。

泰國菜又有，小炒又有！所以，想無咩拘束啤一啤，泰味村真係岩哂又有特色既小炒、酸菜魚等美味食物，食物種類多，可以滿足唔同人既口味椰汁冰好椰，好好飲，甜度適中咁凍飲柚子蜜就岩哂啦南乳骨有驚喜，出面好少見到。好惹味，味道好夾，我自己喜歡食偏肥的，份量好多，抵食！蕃茄湯煮蔬菜，健康之選。味道好清甜，又有黑木耳，好有營養菠蘿炒飯，超超超大碟！！炒得香！配料足！大家都食到停唔到燒豬頸肉又係好抵食，出面俾呢個價錢可能得一半份量，呢度好多片，好juicy好快就食哂總結，呢間食物種類多，而且係水準之作，有鑊氣，氣氛好，有人情味

睇佢個名食泰國野。誰不知中菜都唔錯啵叫左哩個豆腐，份量十足咖哩軟殼蟹係我今餐最欣賞個蟹又夠脆，d汁自己加落去，幾貼心又夠汁，再食飯加蒜蓉包都夠丫個金邊粉都幾有創意加蠟腸其實哩間野仲有d首創既咸鮮同其他菜都好吸引，都令人想一試

去了屯門探舅父，之後帶佢去了附近的大排檔食晚飯，這間新恆福除了有海鮮外，還有中式小菜及泰式小食及主菜，款式都幾多，價錢都是7-80起。南乳骨表面炸至南乳深沉色，每件都啖啖肉，而且得一小舊骨，份量都夠2-3人分享，豬肉醃得入味，有淡淡南乳的咸香，完全不會油淋淋。鮮臘肉蒸金倉倉魚用了咸鮮的方式製造，早一天醃製風干，肉質較平時的蒸魚結實，而且帶咸味，表面的臘肉油脂滲透在魚肉內，令魚肉不至太乾又有臘肉香味。最後加多碟炒菜。

今日黎到屯門vcity行下睇下野 行完肚餓起新墟搵下有冇隱世小食 盪下盪下見到對面馬路有個隱蔽得黎幾大個既招牌 認真一睇原來有間大牌檔 一於就入去試下家鄕碌鵝 豬大腸 鵝鵝掌翼 入味入口軟淋 都係送飯一流 秘製醬汁香濃惹味 鵝肉細嫩 醬汁濃稠 用黎送白飯一流南乳骨 時間控制岩好 應該高温短時間所以將肉既油脂迫出黎造到外脆內軟既口感 口味香甜椒鹽鮮魷 鮮魷 爽口彈牙 魷魚油炸到金黃色 魷魚上有椒鹽 蒜末 惹味 都係送飯之選 呢度絕對係屬於重口味既人士既飯堂

朋友從瑞典回香港，第一時間就想食香港既地道小菜🍽，話好掛住大排檔同佢既鑊氣味道👨‍🍳，係外國好難食到熱騰騰脆卜卜既小菜✨，所以就近就去咗間集中菜及泰菜🇹🇭於一身既餐廳食dinner。皇天不負有心人，朋友試到好有鑊氣既小菜之餘，仲試左泰式豬頸肉🐷，配個辣汁好有風味呢🥰最想推介係佢個椒鹽九肚魚🐟！雖然好多大排檔/中式菜館好易叫到，但做到外脆內軟真係唔易👍🏻，食落口一d都食唔到炸粉，九肚魚仲係原條新鮮的😋。而咕嚕蝦球酸酸甜甜😚都好好味🍤，加多個蝦乾魚肚上湯菜苗🥬就清清地無咁heavy。估唔到屋村裡面既小菜館居然炒得咁有鑊氣🔥，住住新界的朋友不要錯過🤩

約咗幾個老死夜晚出嚟吹下水，最後揀咗呢間新恒福，坐車去到新墟輕鐵站，行兩步就見到大大隻嘅招牌，或者住虹橋，景新附近嘅人一定識行，就喺隔離！大排檔風味嘅餐廳，有好多小菜可以揀，最後跟餐牌望住星級值得推介揀了小菜 - 星級食家推介有首創南乳骨$78 ，新恒福小炒王$88 見到有張海報大大隻寫住自製一夜情咸鮮，就揀了碟鮮臘肉蒸馬友$188一入座就派了包炸蝦餅，唔理你叫泰國菜定小菜照樣派！脆炸的蝦餅又係送啤酒一流小炒王最快上碟，保持鮮綠色的菜再加上熱辣香脆可口的小食，又點可以唔叫啤酒，最啱就係我哋呢啲約幾個老友出嚟一邊吹下水一邊飲幾啖啤酒坐足成晚！南乳骨有驚喜，我最鍾意揀骨連肉一齊食，口感特別正！煮南乳最怕煮太鹹，我欣賞呢碟煮到散發出陣陣南乳香，喊太鹹同時加少許甜味。最後係鮮臘蒸鹹魚，平時我都鍾意食味濃嘅嘢，但係屋企煮就煮好多一次過食就太鹹，最好就係出街同幾個老友一齊食！而且自制一夜情咸鮮個名好正，老闆好風趣！馬友沒有平時出面買嘅鹹魚咁鹹，而且臘肉嘅香味滲晒落馬友內！比平時蒸的鹹魚更香更易入口，食了幾塊都唔會覺得咸到食唔到～吹了成晚水，今次選址唔錯！

冬天溜溜，入到嚟新西零舍凍，聽講屯門都幾多好正嘅泰國嘢，搵返間食，內心開吓高溫派對都好吖！有間幾得意，係大排檔crossover泰國嘢喎帳棚內用餐另有一番風味，仲有電視睇吓𠻹今日唔係咁想食菜，食菇都好吖咖喱幾夠濃，軟殼蟹另上，就唔會浸腍，細心位加分炸得幾爽脆，而且啖啖肉好大隻Phad Thai重點不在蝦，而係竟然撈埋臘腸，真係全港首創龍眼冰滿滿龍眼味鹹檸七粒檸容易搗爛碌鵝都幾香鹹鮮都係呢度招牌嚟㗎

住在屯門好多年，一直知有泰味村呢間店，以為只係有泰國嘢食，同我住嗰度唔係太近，所以都冇試過，直到今次有個朋友約咗去呢間餐廳，食完先知原來有好多小菜可以揀而且係家鄉特色嘅菜。最特別係呢一碟家鄉豆鼓碌鵝！老闆話佢一日淨係做兩隻賣晒就冇㗎啦。鵝肉又肥又厚，豆豉香又野味最啱配白飯！香港依家好少地方有呢啲家鄉風味嘅鵝食啦！呢碟南乳骨炒得很乾身，豬肉入晒南乳味而且肥肉本身的肥油都出晒來，食落肥瘦適中，唔會話好油膩！小炒王配料多多！！超級多料！魚平、蝦平、腰果、蜆肉...多到筷子都夾唔晒要用匙羹！爽脆的配料要夠鑊氣先炒得出！估唔到餐廳咁多元化，泰國菜，家鄉菜樣樣齊！

有泰國菜的大排檔，其實同D屯門住朋友久不久會嚟gathering，隊下啤酒，有泰菜有中菜，不錯的。老闆介紹自制一夜咸鮮，招牌菜嚟架，燒鵝即叫即燒，所以最好預訂。但今晚得2條友，會食唔曬，等下次多D人先。食完臨走先見到有羊腩煲老闆話用新鮮羊腩的，下次會嚟食冬天食一流冬陰功海鮮湯蝦同蜆好足料燒豬頸肉不用點醬已經很惹味，豬頸肉肉質爽身肉嫩，仲有陣碳香味香葉肉碎炒飯飯粒分明，滲出鹹蝦醬的香，飽肚之選椰子沙冰非常推介，椰子冰綿滑香濃

今晚和老婆專程來到屯門，搵好野食，這間新恆福在區內有名氣，各款小炒都很有水準，今日就要試一試這裏空間感十足，地方寛敞，店員都很有禮貌招呼我們座低細看一下環境和餐牌，發現一款特色食物，外面餐館沒有的，就是一夜情咸鮮，怎樣可以錯過餐牌上環有泰國食品，一次可以適合不同口味的人這一款咸鮮，他用上新鮮鯧魚風乾，再加上鮮臘肉去烝，臘肉本身是自己生曬，先把臘肉放在咸鮮面，然後拿去蒸，咸鮮吸收曬臘肉的油香，先試一口咸鮮，好味，並不咸，肉質有口感，加上鯧魚本身的魚油香，不得了，好好味，再加上一碗白飯，不得了，臘肉也一絕炸日本𧐢，也讚一下廚房，表面炸得非常脆身，超水準，而𧐢也不錯食一口𧐢味非常濃厚，加上生菜一齊食就冇咁熱氣這個腐乳通菜也不錯鵝腸也非常不錯，鵝腸本身有肥膏，1⃣️食落口甘香，而鵝腸食落口爽脆，又夠火候，最後連配菜都清晒

媽咪話去過一間小菜館又有泰式食又有中式食，價錢仲要非常合理，今日就同媽咪一齊去試吓，呢度有得泊車，非常方便，泊車喺門口就已經可以行入去，又唔使搭lift方便晒我呢啲懶人蒜蓉法包$42，熱辣辣卜卜脆🥰非常濃郁嘅蒜蓉味牛油相當足夠香脆可口酥炸廣島號$188，每一隻都炸到金黃色個皮仲炸到好薄，入面完全冇乾身嘅感覺，海鮮味好重好濃郁，廚師非常細心，仲有送一碟生菜，令到咬落蠔嘅時候冇咁油膩隻豬手燒到卜卜脆，又夠大隻，有少少鹹味，配合啤酒一流上湯豆苗非常嫩滑又新鮮嘅豆苗😍有營選擇呢個小炒王辣辣的入邊有魚仔，腰果，韭菜，魚乾，菜譜,炒到非常香口，配合埋啤酒一流豉椒鵝腸，用洋蔥青椒紅椒作為配菜，豆豉味非常濃郁，最重要的是鵝腸非常新鮮爽口，又夠大條老闆非常友善親切，最後仲送桂花糕我們品嚐原來店舖最出名的是鮮臘肉蒸金倉，全港首創值得一試椰青夠晒凍又鮮甜

今日去咗朋友屋企玩， 之後她就帶咗我去屋企附近既餐廳食晚餐。餐廳裏面同出面都有好多位，座位都幾闊落， 仲有免費泊車添。小食叫咗個蒜蓉包， 蒜蓉醬夠曬多，夠香口，仲好香脆，size岩岩好， 唔會太大同太細件。泰式炒金邊粉一般食嘅金邊粉係唔辣嘅， 但係呢個帶少少微辣之餘味道特別得嚟又幾惹味， 感覺味道同平時嗰啲係好唔同， 如果食得辣嘅可以試下呢個，值得推介!豆豉燒鵝燒鵝皮非常香脆，肉質鮮嫩。老闆話呢種係bb燒鵝， 唔怪得食落口有啲唔同啦! 果然係招牌菜，好彩一早有預訂先有得食。咖哩蟹蟹肉新鮮鮮甜， 夠曬大隻， 咖哩夠曬香口，唔會太濃太結， 送埋白飯，味道一流。呢度仲有潮州打冷食， 可以食泰國嘢之餘仲可以食埋潮州打冷。如果唔想諗其實叫套餐食就最簡單，起碼唔洗諗。

同老婆又二人世界。平時坐車路過呢度，想試好耐。今晚試吓特別野，自家製臘肉蒸咸鮮(馬友)，有傳統風味，好像細個時媽媽整既家鄉小菜，當然係專業師傅精工曬的臘肉，入口肉香肉油四溢。馬友又鮮而無死咸，就算平時無食開咸鮮咸魚既朋友都無問題。我地又叫左個冬蔭公湯開下胃，泰式既湯配合咸鮮又幾得意。小食叫左個生菜包，豬肉半肥瘦，又有新鮮爽脆既生菜包住，我十分鐘意，食左好多。呢度交通方便，附近有輕鐵站，大家住附近嘅可以試下。