波記餐廳外賣專門店 (已結業)

住左喺元朗好耐嘅人都知波記屹立喺元朗好耐，因為佢夠曬平、靚、正，啲街坊成日打去嗌外賣，所以佢舖店有大部分位置都係放外賣同埋電話(仲要有三部咁多)！鍾意波記會送埋湯今日就走左去堂食，叫左個南乳炆豬手飯+凍奶茶$47有成四隻豬手咁多，南乳好入味，仲要有埋花生。豬手冇一隻食到有毛，鍾意佢唔會炆得太腍，保持返豬手應有嘅爽口彈牙，食完好似充滿曬骨膠原嗰種感覺。 凍奶茶茶味好足夠，飲落都幾滑。希望波記一直為元朗居民提供平靚正嘅餐點！

琴晚睇完余德丞搵食Dick 食炸雞脾，即刻諗番起十幾年前會成日都食既：波記炸髀沙律/薯條下午茶餐🤤🤤🤤生炸既雞髀+什果沙律 (一定唔可以有 青瓜薯仔紅蘿蔔！！！） 今日就有嚟食下，咁多年仲keep 唔keep 到十幾年前咁出色🤭💛💛💛💛💛炸雞髀沙律依然 係生炸 超級脆雞髀唔洗太大隻，簡單生炸 脆皮 + 鹽 就最好食佢同 很得輝 唔同，冇"吉烈豬扒" 嗰隻炸粉， 簡單香脆，保留雞皮獨特既香脆口感。沙律 依然係 全什果🥰唔會有 青瓜薯仔紅蘿蔔，Yeah！！！） 💛💛💛💛💛炸雞髀薯條薯條超好食，熱辣辣，香脆唔會油💛💛💛💛西多士香脆 唔油 但冇花生醬餡啖啖既糖漿加外脆內軟既口感😋正！！！糖漿預先落好的，食少甜既記住落單時講聲價錢超親民，超 抵 食 !!!隔離枱幾個一入嚟就嗌 酸辣湯麵，可能郁係名物，下次再嚟試下，但炸雞髀依然一定一定要食！！！

話說成日經過， 唔知好唔好食 ，今日試下叫外賣， 叫咗個福建炒飯，仲有例湯有熱飲送， 外賣時間都幾快，送到上嚟仲好熱辣辣， 第一時間 試咗碗湯先第一啖超咸，第二啖都係咸， 再試埋杯熱華田係有啲甜， 到最後試個重點， 沒有最咸只有更咸 真心失望， 味精太多， 福建炒飯真係好難會唔好食， 但又真係好難好好食 真係可遇不可求 正所謂好嘅一餐唔好嘅又一餐 下次可能會更好

雖然呢間店舖門面比較舊，但佢個下午茶就真係幾抵食，沙爹牛肉餐肉蛋米粉加埋杯飲品都係$28,個米粉係福米，D牛肉亦入味，最重要係凍飲唔使加錢，改飲紅豆冰都係加$2，環境舊舊地，但都尚算乾淨。