影片
夜晚八點度同朋友一行四人去試下..見裏面仲有位, 點知receiption個姐姐仔話要等兩張枱..原來佢地只係入去張d枱拆返開個兩張四人枱only...入到去無乜侍應..我食左個豬仔骨雞扒餐, 有湯,餐飲,包...餐湯-羅宋湯, 味道麻麻..豬仔骨同雞扒都唔錯...朋友叫既土耳其雞就太過濃...
繼續閱讀
成日行過呢間野，都唔入去！今日睇完戲，我同我男友實在太肚餓，就入左去醫肚！我地叫左個牛扒.....又幾好喎，係個薯容加面頭果"pat"野賣相唔好(個人問題)我見到隔離碟"大蝦沙律"都唔錯，好大碟，下次試下先
繼續閱讀
叫o左個二人套餐蒜蓉包x 2餐湯x 2紅湯: 幾好飲白湯: 我男友話好好飲燒烤拼盆: (炸雞件x 2: 難食, 豬肋骨x 2: 一般, 牛扒x 2: 好好味, 好淋, 粟米x 2, 薯條: 普通…)包兩杯凍飲蜆肉闊條麪: 好多蜆肉, 幾好味…另外加$20有白酒煮蜆肉: 哩個好好味, 個汁好好味好有白酒同洋蔥味, 仲有好多蜆肉tim…
繼續閱讀
尋晚八點倒兩個人去近近地去新都會食晩飯,本來想去對面維X食扒, 要等位...於是兩間攞哂飛仔~ Porto有位先就入去試下lu~~食左兩個set:"燒雞扒併面包蝦及薯仔鮮果沙律"$65(是日晚餐之一)前菜有兩隻"奇尊串蝦"= 連殼炸食唔方便,普通中小形蝦, 味道亦普通..雜菜湯+一片蒜蓉法包= 湯幾好味酸度對我嚟講啱啱好, 蒜蓉包外脆內軟, 蒜蓉幾香~ main dish:燒雞扒= 兩小件雞扒,本有啲失望, 但原來幾juicy幾厚~好味面包蝦= 兩隻吉列炸蝦,都熱ge,勝在新鮮la...薯仔鮮果沙律= 一大堆但唔好食,沙律sauce冇咩味...iced coffee= 普通"豬肋骨併西冷"set$88前菜田螺伴薯蓉,好食但好少~白湯(磨菇)+一片蒜蓉包= 湯幾濃味幾香但少少膩,蒜蓉包好味豬肋骨併西冷+薯菜= 豬肋骨有4節,幾入味,好香口,因為仲脆的,好味西冷= 普通,唔記得問我們要幾熟, so出到嚟都差十成了,太熟有點un...薯菜是薯條粟米同翠玉瓜= ok凍奶茶= 好淡,唔掂加左個甜品$18紐約芝士餅併stawberry雪糕= 芝士餅太散,雪糕有冰,唔好食...good :全部嘢食都係兩share~都好飽~ 豬肋骨,雞扒,湯,蒜蓉包都好食...環境乾淨,service ok~ 價錢亦算抵~會再去食ribs同雞扒~bad: 枱唔夠大冇位擺嘢...芝士餅雪糕bad,西冷同薯仔沙律都唔推薦
繼續閱讀
其實我上年都有寫過呢間野野既食評架,當時都覺得呢間野d野食唔係太衛生,不過勝在近我屋企,味道又可以接受,所以一直都成日同朋友去食飯.......不過自從今日既不愉快事件後,唔會再去...1.話說我今日同朋友食飯,我叫左個油醋汁雞扒什菜 沙律,我朋友叫左個炭燒xx什果沙律2.上菜後,我朋友比左d什果沙律落我碟什菜沙律度(食 開沙律既人都知道什果沙律多數有沙律醬,而什菜沙 律則多比汁多,表面上睇落只係得一灘菜的)3.我食食下,發現我碟沙律入面居然有隻冇肉既蜆殼!! 咁叫左個女侍應過黎,我咩都冇講只係用手指指住隻 蜆殼,個女侍應木無表情答一聲:"我換過比你"就行開 4.等左十分鐘,碟野到左,但好明顯是比番頭先碟野我, 份量少左一大半,但係伴碟d蕃茄仔冇哂,好明顯係因 為先前我朋友比左d什果沙律我碟野度,d醬沾上左落 d菜度,所以佢地拎走左我碟野3/4既菜再原碟比番我 囉....(而且沙律菜來價比較貴)5.我好嬲咁叫個經理(唔知叫kobo定kobe)過黎,同佢講 個餐我想cancel左佢,佢只係好串咁講"好呀",之後就 行開左成個過程一個唔好意思或者sorry都冇!!!!各位網友,唔好再去啦,呢間黑店黎架,真係咁大個女都未試過食野食到咁嬲....
繼續閱讀