波仔 (已結業)

一般嚟講對呢啲急凍食物係冇乜期望，但係今次真係超有驚喜！打開一盒星叉燒星洲炒米，竟然係有咁多叉燒，真係估佢唔到， 星洲炒米粉量都算還可以，24蚊一盒真係好抵食, 相比起其他急凍野「好x食」已經係好食好好好好好多。食落星洲炒米同茶餐廳嗰啲係好唔同， 急凍嘅就一定唔可以食鑊氣 ，呢個星洲炒米比較乾身同埋冇咁油，以少油角度嚟講其實就仲好過茶餐廳嗰啲， 同埋茶餐廳嗰啲星洲炒米冇叉燒;米粉同茶餐廳嗰啲一樣係冇咖哩味，但係食得飽個肚。

今晚唔想煮飯，就落咗樓下波仔買咗幾個上嚟同屋企人食，又方便，而且個size啱啱好同埋而家波仔好多唔同款式嘅嘢買，又有糖水，又有飯麵，又有生嘅菜可以買返屋企煮蕃茄豬扒飯，醬汁酸甜好開胃，個飯仲要係炒飯底，真係太肚餓，食咗一半先記得影相😅個豬扒都幾好食，用個醬汁嚟撈飯真係一流叉燒雜菌炒烏冬，估唔到真係上面真係有幾塊叉燒，又有蘑菇，個烏冬好入味，又唔會太油膩滑蛋豬扒飯，如果有醬汁配埋個飯就會更加好食，個雞蛋真係仲保持到滑蛋都算唔錯餃子煎左好香口，而且好足料，又有紅蘿蔔又有粟米， 10隻都極速清晒

人類就係咁矛盾😂終於等到冬天嚟臨～就又掛住夏日風情🌴🌴是夜即興想嚟番個東南亞美食之夜～但又唔想漏夜搞一餐大龍鳳～即叮即食嘅波仔美食幫到我😋😋.今次試試新登場產品★清湯牛腩★先～微波爐叮6分鐘/熱水加熱15-20分鐘就食得～肉湯濃郁得嚟唔膩～啲牛腩又軟腍易咬～啖啖滿足感🤤.另外仲食埋 咖喱牛腩飯、雞沙嗲XO醬炒飯、椰汁咖喱雞飯🤤🤤勁方便原盒連紙盒叮就得～而且保持一貫快靚正質素👏果然係雪櫃儲糧好幫手！！！.店員仲提我♦即日起於波仔全線分店可以優惠價$42 (原價$48) 購買清湯牛腩♦😊想試嘅朋友可去入個手啦～

疫情期間冇得外出dinner...又唔想煮嘢食，波仔就幫到我啦，緊有一間係你左近而且種類多，粥粉麵飯，甜品，湯品都有，叮一叮就食得，十分方便⋯味道唔差嫁，黎個二人前先新登場產品清湯牛腩即日起於波仔全線分店可以優惠價$42 (原價$48) 購買清湯牛腩 牛腩夠晒淋同埋唔韌，值得一試瑤柱雞粒荷葉飯$25陣陣荷葉味，好足料，仲要大大粒，唔係碎上到睇唔到個d⋯呢個價錢超值呀麻辣雞煲優惠價$39原價$45)少少辣適合我，大概有六件雞，個麻辣汁仲可以囉嚟送飯，呀紅豆沙280ml $10十分足了，唔係剩係得水

最近疫症底下食午餐都唔想出去同人迫，今日決定去買波仔買午餐返公司慢慢食，見到出左新產品清湯牛腩，當然要試下😋 買哂想食野返公司～ 💡清湯牛腩個湯底好清甜，牛腩咬落去唔好硬，好軟身。～💡苦瓜排骨飯 每次都會食，苦瓜煮唔會好生，排骨好入味。～💡豬肉燒賣 好多時候燒賣都係魚肉，但係波仔係豬肉，我自己好喜歡食豬肉燒賣，叮完唔會話好乾身。～💡上海小籠包小籠包食落唔會好乾，好驚喜是一般叮，食落同平時差不多，一咬落去爆湯出黎。～💡糖水- 海帶綠豆沙平時我會食紫米露，今日好想食綠豆沙，綠豆好多，每食一啖好足料！～整體來講不錯，仲要今次見到有新試品推出清湯牛腩，仲要即日起於波仔全線分店可以優優價$42（原價$48） 購買清湯牛腩。

又來波仔糖水第二彈，！今次試吃的是黑芝麻糊！(黑漆漆的芝麻製品看著就治癒 😻) 🥣 #芝麻糊 - HK$10253 Kcal/ 1 unit (280ml)5.9P / 9.5F / 35.6C 推薦指數 (5分為滿)：🐼🐼🐼聽聞這是生磨芝麻糊，入口會帶微苦。芝麻味不算特別突出但勝在質地順滑又不過甜。整體而言，質量中規中矩但CP值很高👍🏻 就醬一杯280ml可能不夠喉，熊貓就自行加了蒸煮嫩豆腐充個『黑白』來吃，順便補充足夠蛋白質。📖 小科普：🥜 芝麻糊是波仔糖水系列中最高脂、高熱量的一款，但當中所含的油脂屬於健康脂肪酸，具豐富奧米加3跟6、維生素E、卵磷脂等，而鐵、鈣、鎂等微量礦物質含量亦非常高，具高抗氧化作用。中醫角度還有養血烏髮及通便潤腸等功效。只要不吃過量，黑芝麻絕對是女士們或血氣不足人士的滋補恩物唷！🌟 另有700ml肥仔裝，盛惠HK$17🌟 還有喳咋、椰汁紫米露、陳皮紅豆沙、海帶綠豆沙、冰糖雪耳蓮子羹等其他選擇📍各大波仔分店有售

其實由細細個開始已經會成日食波仔今次咁啱買嘅時候佢出咗新產品所以就買咗嚟試吓新產品就係墨西哥長通粉同埋冬菇馬蹄肉餅🤩🤩一開始係食咗嗰個墨西哥長通粉先嘅我就覺得食落去都係幾吸引嘅😘😘而且仲會有少少微微辣嘅感覺🌶🌶不過有少少辣又好似有少少酸酸甜甜嘅味道所以我覺得嗰個口感都幾豐富跟住就食呢個冬菇馬蹄肉餅其實我自己係幾鍾意食肉餅嘅💕💕所以佢同我想像中嘅都係一樣咁好食而且肉餅同馬蹄配埋一齊真係超match食落去會有一種好爽口彈牙嘅感覺❤️❤️而且又真係好Juicy

踏入秋冬，對甜食就有種莫名的渴求，特別是『暖笠笠』的糖水。剛好發現原來波仔有多款糖水供應，叮2分半鐘就食得 🤤🥣 #喳咋 - HK$11 242 Kcal/ 1 unit (280ml)5.9P / 2.5F / 48.2C 推薦指數 (5分為滿)：🐼🐼🐼糖水可冷熱兩食；材料偏小顆，用料當然不能跟糖水舖相比宜，而且少了一樣重要的材料：西米，缺了點滑度。但糖水份量算不錯，微波後質地濃稠但不會過甜。280ml過過口癮剛剛好，這個價錢來說CP值真心高 👍🏻🌟 如果想大滿足還有700ml肥仔裝，才HK$19，超划算😍 🌟 另有芝麻糊、椰汁紫米露、陳皮紅豆沙、海帶綠豆沙、冰糖雪耳蓮子羹等提供，而且更便宜！📍各大@eateast.hk #波仔 分店有售#hkig #hkfoodie #foodiehk #foodlover #hongkongvegan #veganism #vegansnacks #veganfoodshare #veganfoodie #veganhk #vegancookies #whatvegan

假日懶起上嚟唔太願意去賣餸，而且又唔想洗唔想切唔想煮嘅話，不過又唔想出街食喎！除咗叫外賣之外，其實仲有一個選擇，就係去波仔買個懶人餐返屋企食啦！今次我就揀咗一個魚香茄子飯、一碗姬松茸瑤柱燉雞湯、一包通菜同一碗冰糖雪耳蓮子羹糖水！呢個份量都足夠兩個女仔食的！除咗個通菜要炒一炒之外！其他都係根據指示放入微波爐加熱就食得啦！只係用咗十幾分鐘就可以開餐啦！超級方便！我都好耐冇食過波仔，但估佢唔到比之前更好食呀！特別係個湯，除咗足料之外，仲要好鮮甜，仲有個糖水都好正，而且都只係十幾蚊咋！成餐飯勁有食緊住家飯嘅感覺！唔會話好重味精味或者太鹹！絕對係懶人嘅福音呀！

波仔今日森仔為求方便快捷，e排都成日買左波仔既快餐。特別係趕時間同宵夜果陣，波仔真係好方便。係雪櫃拎出嚟，再叮熱黎食，前後唔駛5分鐘，就有香噴噴，又熱辣辣的美食😋😋😋而森仔最鍾意❤️波仔既原因，就係夠多款式，仼供選擇👍🏼👍🏼👍🏼不但止有飯有麵，只有齊中式，日式同西式😌😌我今次買左3款，包括咖喱牛楠，日式咖喱豬扒，仲有新口味既麻辣牛楠湯米粉😊😊3個都好好味，且各有特色👍🏼特別係新口味既麻辣牛楠湯米粉佢辣味十足，夠晒惹味。而且份量十足，牛楠亦都好多😈成年男士都夠飽。最緊要係價錢方面都係20蚊左右 而精明既森仔更留意到係波仔專門店買，會比百佳等超市更抵😃😃正丫喂

肺炎疫情持續，抵抗病毒，少了外出食飯，屋企附近有間波仔，收工到波仔買返家中食，不需要洗煮食物，方便快捷，在家中都可以食得滿足。  波仔的產品好多款式，粥粉麵飯及甜品等，應有盡有，波仔產品採用高耐熱容器，放入微波爐叮幾分鐘便可以食，仲可選擇拆除包裝袋，隔水蒸十幾分鐘就食得，就算屋企無微波爐都唔怕，食得方便食得飽。  我選擇3款波仔Eat East產品，今年新產品的麻辣牛腩湯米粉，咖喱牛肉飯及南京豬扒菜飯。  麻辣牛腩湯米粉辣辣地特別惹味，香氣撲鼻，開胃的感覺，牛腩彈口可口，米粉爽口滑溜，增添了不少口感，不算得很油，齒頰留香，喜出望外的美味。  咖喱牛肉飯牛肉淋身，口感嫰滑，但又不會韌，另外，見到有點薯仔，口感豐富，配上香濃咖哩汁，撈飯一流，提升了味道，令口感昇華，讓人回味。  南京豬扒菜飯豬扒肉質很嫰滑，紮實彈牙，恰度好處，菜飯軟綿，帶有飯味，充滿優雅不膩的滋味，口感很好。波仔 Eat East 分店地址: https://www.eateasthk.com/retail/

之前在波仔度買左幾樣叮叮波仔店算大又乾淨長沙灣地鐵站，元洲街附近分店都無左但海麗算最近，而且都方便去買左咖喱牛腩飯，椰汁咖喱雞飯，麻辣牛腩湯米線我一向都中意食咖喱系列咖喱牛腩飯牛肉片真係算多，有蘿蔔粒碎在上面，咖喱汁都足夠拌飯，原來仲有兩粒薯仔，不過我大意左，教得度數太高，所以飯就乾左少少。椰汁咖喱雞飯椰汁不算太多，咖哩汁無上面個飯甘辣，偏向甜的，雞肉都唔錯，都滑既，質感都很結實，另外就係雞肉都大件，我通常兩三口食完，今次度數岩，飯都唔差既麻辣牛腩湯米線第一次食個米粉，店員介紹話呢款都受歡迎，不洗加水，放入去叮，完成後翻兩翻米粉再叮就搞掂。又真係幾辣下，少少麻，芫茜都勁，牛腩都算多，一口牛感覺，米粉沾上辣汁，好惹味

記得讀書時候成日都食波仔，好耐無食，就決定下午選擇食波仔， 見到選擇比以前多左，有菜選擇，好岩我呢啲鐘意食菜，健康啲，仲有西湯，羅宋湯，忌廉湯。還有喜歡食糖水都有選擇，紫米露，喳咋，西米露。咖喱牛腩飯 濃濃既咖喱 好多人會擔心牛腩叮完會好硬 但係無呢個問題 豉汁涼瓜排骨飯 涼瓜可以，排骨都不錯 唐生菜 都不錯 好新鮮，好方便，以後想食菜 又唔想煮 可以去波仔買，羅宋湯 都好足料 唔會話好辣 ，仲要叫左糖水 喳咋 好喜歡食 唔太甜。

肉醬意粉，間間都係用牛肉做，肉味夠香夠濃，但係對牛肉敏感既我，就成日有得睇冇得食。。。好彩波仔有出豬肉版，雖然都係牛肉版香d，但豬肉做都唔差架！廿令蚊搞掂個lunch！

今日因為工作關係時間緊迫，所以沒有時間享受午餐，所以就見到經過，波仔食咗呢個飯食咗個架哩牛腩飯26文，牛腩雖然少，不過價錢方便經濟，負合趕時間嘅我雖然我唔係好飽不過都可以頂一頂肚，牛腩分量唔係好多，不過啲咖喱汁味道相當惹味，而且飯量都還算可以，飯方面質地軟熟，寫路口唔會太腍唔會太遠，訓練嘅硬度剛剛好，而且有阿姐幫手叮飯，我只需要坐喺度，聽完之後佢攞過嚟畀我食，所以有服務，係我意料之外有驚喜，所以都嘅算幾好