波仔

營業中

休息中

藜麥花椰菜飯（單售$31特價$28），簡直係生酮及減肥人士恩物，採用椰菜花刨成米狀小粒，配以藜麥、甘荀、洋蔥、青豆製作，食落就好似蔬菜炒飯，健康又飽肚。葡汁雜菜飯（單售$25），葡汁口感濃稠，採用黃薑粉、椰漿製作，食落充滿椰香味道，馬鈴薯口感軟綿，食落好入味，白飯內有甘荀、青豆、椰菜，口感豐富。黑松露蘑菇意粉（單售$31特價$28），黑松露忌廉汁，味道香濃，蘑菇食落好Juicy，意粉口感軟硬適中，容易掛汁。Domremy北海道卷蛋芝士味（單售$68），已經預先切件，卷蛋口感鬆軟、濕潤，食落蛋香味濃，芝士味忌廉採用北海道煉奶製成，口感幼滑、Creamy，以凍食方式食用，味道更佳。

波仔係我中學時期已經有，聽女友講過，佢以前中學lunch time係經常落波仔食，因為食完要趕返學校，價錢又平，個時一個十幾蚊嘅肉醬意粉已經好夠飽。雖然而家疫情叫緩和返少少，不過大家都可能想盡量喺返啲冇乜人嘅地方度用餐，買外賣返公司食都係要花啲時間出去攞外賣，同外賣價錢都唔平，加加埋埋又有多咗筆使費。有時可能係忙得滯想拿拿臨食個飯醫肚，係節奏咁急速嘅生活中，波仔無疑係一個好好嘅選擇，既係超級方便，價錢又比買外賣平一大截。以前嘅波仔選擇好少，依加嘅口味多咗好多，不但只飯、意粉嗰啲主食多咗好多種口味，又有新鮮菜有湯有糖水，每個種類都有幾款俾你揀，依加仲有素食系列，素食人士有多一個選擇喇🥦🥬🥒 ✅葡汁雜菜飯味道同出面食到嘅葡汁差唔多，葡汁入邊有薯仔粒，蔬菜飯有青豆角粒同甘筍粒，珍珠米拎起上嚟粒粒都咁有咬口。✅黑松露蘑菇意粉黑松露同蘑菇汁嘅味道調配得啱啱好，唔會好鹹同好濃味。✅藜麥花椰菜飯藜麥同花椰菜飯近年好hit，係健康又有營養嘅食物，呢個飯嘅熱量係主食嚟講係算低，佢入邊無白飯。份量夠多，一個人食一個好夠飽。入邊仲有甘筍粒同青豆角粒添。今次介紹嘅呢三個主食，味道相當不錯😋同價錢亦抵食。令我驚

放假去波仔 買定飯麵甜品補返屋企雪櫃個倉肚餓叮完就食得 估唔到今次買完就即晚就ko今次買左白汁芝士煙肉意粉 (Hubby 食到LamLam脷 叮完唔會話無晒d 汁仲係有好多醬 份量做夜宵 剛剛好) 而我就芝士泡菜雞粒炒飯(辣辣地 好下飯 自問唔太食得辣 都無問題) 仔仔就食糖水椰汁紅豆南瓜蓉(仔仔話超級好味 勁多紅豆) 依家佢地有個日韓食品節 好多日本 韓國美食估唔到竟然有 CJ Bibigo韓國泡菜(以前去韓國旅行必買 因為勁入味~ 符合我個人口味) 仲有日東卷蛋 圃木園小籠包 芝加哥薄餅 清完今次波仔野食 又可以再上倉買埋經常斷貨ge日東捲蛋

Stay at home，日日頹在家。好彩發現雪櫃有清湯牛腩 + 喳咋 😋！清湯牛腩優惠價$42 (原價$48) 估唔到咁足料，啖啖肉。重點係無咩肥膏，所以唔會太油。天氣凍凍地，叮熱左佢配飯一流。食完成個人都暖笠笠。波仔糖水款式都有好幾種，而喳咋係我最愛。每晚宵夜必備。入面有紫米，芋頭，雜豆等。豐富非常口感，而且味道仲唔會太甜。700g價錢只係$19，性價比高。波仔嘅食物又平又正，每次諗唔到食咩又唔想煮嘅時候就係靠佢。

其實我覺得呢個南京豬扒菜飯係波仔最正嘅飯。本身第一次見呢個嗰陣，興趣不大。但後來差唔多每款都試過啦，咁就試埋呢款啦。點知原來都幾唔錯。雖然豬扒份量唔係好多，大約有四片，但因為啲菜飯本身都有少少味，所以啲豬扒都勉強夠送飯嘅。豬扒叮完其實都唔脆㗎喇，但佢個味又整得幾好食。自此之後，我就成日食呢款啦。

波仔，兒時回憶，小時候經常吃的快餐，將整盒意粉或飯放進微波爐翻熱即可，非常方便是日變遷，食品種類越出越多，由盒裝飯再到餸菜，蔬菜，甜品，粥品，點心等等，糖水私心推介⭕️清湯牛腩是新登場產品，可以優惠價$42 (原價$48) 買，用優質牛肋條配蘿蔔熬製湯底，用微波爐或者熱水加熱就食得⭕️丹尼廚房香菇肉燥 $33，大大包，一包可以分兩餐，或者可以自己加茄子烹煮，輕易整包在熱水中加熱10分鐘就食得，香港製造另外買了粟米肉粒飯 $23及香蒜蜆肉炒意粉 $21呢個價錢食到，真係仲平過便利店

呢排好凍唔想出街，又唔想叫外賣，食波仔飯真係唔錯嘅選擇，唔駛等好耐幾分鐘就食得啦！今次一家人叫咗魚香茄子飯、鮮茄肉意粉同娘惹咖喱雞飯。全部都係20幾蚊，非常之抵食！咖喱飯就有好多汁，味道係算唔錯，因為連埋上面嘅膠紙一齊去ding, 所以呢可以做到一個保濕嘅功效，啲飯就唔會乾！最後試咗個新出嘅清湯牛腩，加$42就可以買到！啲牛腩都炆得好琳，而且非常之入味！我覺得做得唔錯，買來放喺屋企看門口都係一個唔錯嘅選擇👍🏻👍🏻

咖喱牛肉飯，咖喱味道香辣，辣度3.5分，充滿香料味道，口感濃稠，牛肉肉汁飽滿，牛味濃郁，食落好入味。 麻辣牛腩湯米粉，牛腩肉質肥瘦均勻，口感軟腍，多麻少辣，食落好惹味，米粉口感細滑，容易掛湯。星洲米粉，好足料，包括有叉燒、椰菜絲、瓜絲、辣椒絲、咖喱醬、香蔥，味道正宗、咸香，米粉口感乾爽、條條分明。 日式滑蛋豬扒飯，滑蛋口感滑溜，蛋香味濃，豬扒口感厚身、鬆軟，肉質滑嫩，食落好香口，飯粒食落有咬口，口感軟硬適中。

泰式咖喱雞球，咖喱口感稠身，採用大量香料製作，加入香茅、檸檬葉、南薑、椰汁、青檸、蝦醬、乾辣椒、香蔥、蒜頭製作正宗泰式風味，馬鈴薯口感軟糯，味道正宗，洋蔥口感爽脆，蘑菇食落好Juicy，雞球肉質滑嫩，肉汁飽滿，食落啖啖肉。水煮牛肉，牛肉口感厚肉，牛味濃郁，辣度5分，多麻少辣，食落好惹味，內有大量大豆芽、木耳，好足料。清湯牛腩，牛腩肉質軟腍、肥瘦適中，食落鮮味十足，白蘿蔔口感腍身、無渣，食落好入味，味道清甜。

自從疫情冇做野後，每日在家煮飯已經諗到頭痕，路過波仔見做特價就入去睇睇買了2盒家常系列+2個包包回家品嚐新登場產品:清湯牛腩 從冰格取出後袋進湯碗，微波爐800W叮6分鐘，即可食用或者整袋放入熱水加熱15-20分鐘，再倒進碟上即可食味道較為清淡，牛腩份量足夠2人享用，肥瘦均勻，入口即溶PS.即日起於波仔全線分店可以優惠價$42 (原價$48) 購買清湯牛腩 水煮牛肉 包裝剪一角微波爐800w叮7分鐘，倒入碗中即可食用或者整袋放入熱水加熱15-20分鐘，再倒進碗上即可食用咖哩什菜牛肉烤餅 原盒放入800w微波爐叮1分30秒，即可食用早餐下午茶食用也可以，香濃的咖哩香味，配料多 包外層食落鬆軟很香

自從停咗晚市堂食之後，唔少人都應該好似我咁，被迫喺屋企煮飯或者買外賣，不過有時真係好懶，堅唔想郁，所以都會買定唔少Frozen food 屋企做儲糧。咁岩見到附近間波仔做緊特價㗎，有唔少產品同推廣，又係時間要入貨！好似呢啲叮叮飯咁，平均都係20幾蚊一盒，落樓下快餐店買個飯都唔得啦！店員姨姨推介我買呢個新出嘅清湯牛腩餸包，原價：$48，特價只係$42，一叮就食得，非常方便。味道都唔錯，有啲似粉麵鋪食到嘅清湯腩，而且唔會太老，又無肥膩嘅感覺，天寒地凍叮過返包嚟做餸，慳返啲煮飯嘅時間，幾好！至於呢個粟米肉粒飯，我諗唔少人都食過，絕對係波仔必買嘅選擇！尤其係個汁好香口，撈飯來講都幾好。輕輕鬆鬆叮兩盒就可以解決一餐晚飯，又唔使煮，絕對係懶人嘅恩物！

呢排凍到唔想出街，好多時都係喺屋企解決三餐，不過喺凍到唔想落街買外賣嘅時候，最方便最懶嘅解決方法就係食波仔嘅叮叮食物，我諗唔少人都有同感！不過冇食波仔一排，原來出咗咁多新款式，而家連叮叮點心都有埋，唔使食來食去都係某兩個牌子！除咗急凍飯餐同點心之外，亦都唔少嘅氣炸食品，就連煙三文魚都有得賣，感覺好似一個迷你超市，真係夠晒方便！日式煎餃同小籠包味道都唔錯，外皮唔算太厚，而且小籠包入邊好多肉汁，冬天食真係暖笠笠！屋企人就比較鍾意呢個清湯牛腩，因為佢話平時炆牛腩實在好麻煩，花太多時間，而家幾分鐘就食得，而且味道都OK，有時夜晚唔想煮太多，叮呢個再加條菜就得。至於叮叮飯，我就比較鍾意食呢個咖喱雞飯，易入口又好味，有時Home Office太忙，食呢個都幾方便。

原先book咗餐廳同老公撐枱腳，突然間話六點後無得堂食😣真係咩mood都無晒，外賣拎到返去又唔夠熱，靈機一捉😏醒起「波仔」～～其實波仔真係好方便！選擇又多，小菜、客飯、麵粥、糖水、沙律菜都有，味道又唔差！最緊要係🌟香港製造🌟而家仲做緊優惠價～～店員好主動推介👑新產品，清湯牛腩👑優惠價：$42慳返啲忟牛腩嘅爐火同時間😜份量唔小，啖啖肉，牛腩腍身唔會食到痴晒牙😁湯底味道唔錯，有果皮同香料味，我自己就加咗兩粒鹽令佢更perfect ! 老公就煮咗個河粉😆水煮牛肉，優惠價：$39呢樣係近年愛上嘅口味，麻～～但屋企唔會煮，所以見到就買咗～一個字，麻😝！好香嘅花椒油～調味好啱我，因為係我接受到嘅辣度🔥仲有好多大豆芽菜、木耳，呢啲配料先係主角，食落爽爽😋海帶綠豆沙 （大）$17中式糖水舖買小見小，買返碗慰藉下心靈🙂佢唔會好甜，凍熱都好食，起晒沙～正正正！🌟大碗係夠3個人分，好足料，勁抵食！椰汁砵仔糕 $7我無諗過砵仔糕都叮得？但又幾好食喎！真係食到椰香，煙韌彈牙👍🏻多豆！

管理處安排今天清洗食水缸, 所以今晚不便在家煮飯. 而政府又禁餐廳晚市堂食, 買外賣回家, 保證快快脆搞掂全家晚餐. 在商場裡, 有微波爐系列的叮叮飯, 夠方便, 價格盒理, 款式又多. 還有青菜和甜品, 筍! 在眾多款式之中, 選了几款家人喜歡的口味, 再加一二盒小食和青菜, 付款後就可以快快脆回家開飯.    粟米肉粒飯   小米至愛的SHOW ME YOUR LOVE粟米肉粒飯. 連包裝盒叮几分鐘, 小米沖涼後即可享用.  魚香茄子飯  魚香茄子軟綿綿, 唔洗太多牙力就可以享用, 我喜歡.  茄子伴香辣肉醬, 拌飯一流. 粒粒珍珠飯夠煙韌, 即使沾到醬汁也不易變腍.   清湯牛腩  見到這款特價, 所以要一包. 原來這個是要移到其他容器加熱.  完成後的真身:清湯+牛腩. 多件牛腩似是肋骨位, 而且帶筋的. 小米看到牛肉馬上2眼發光, 就把大件的牛腩交給小米吧!  小米表示牛腩好腍, 自己也咪執輸整返件牛腩. 牛腩果然夠腍. 然後連湯帶肉放在碗裡, 再加入魚香茄子的白飯, 一起享用. 唐生菜   13個大洋有一包生菜, 做晚餐的膳食纖維. 叮一下, 生菜變熟菜. 再浸在清湯牛腩的

波仔係我返工地方附近就有一間 平時行出行埋大家都會打聲招呼D 姐姐今日見到我 已經講依家有新產品--清湯牛腩 $42(原：$48)呢個冬天 要食d暖笠笠 加埋做優惠價我就聽下姐姐講 試一份再順手買d野食 同同事大家share所以今次買清湯牛腩 蔬菜 砵仔糕 芝麻糊姐姐同我講定清湯牛腩 要自已找器皿加熱 所以我已經自備器皿叫姐姐幫我全部食物都加熱拿到返公司立即食左蔬菜先發現佢地加多好多款蔬菜俾人揀有蕃薯 南瓜 芋頭 紅菜頭 萵荀紅菜頭係好有營養 但sugegst 大家記得拿甜醬油 因為係好淡口除非你食開好淡味 不然你會不習慣至於南瓜就係蒸熟了 口感軟綿 而且甜甜的至於清湯牛腩比我想像以為會有白蘿蔔等其他配料原來只有牛腩 雖則如此但你食得出肉好淋同埋好入味好香八角花椒同蘿蔔 而且仲有好多湯汁值得一試再叫左幾杯糖水今次主打 芝麻糊 大家本身都食開反而砵仔糕新出 都順手買左2隻味黃糖 同椰汁我自己鐘意椰汁多d, 因為多紅豆 而且好香濃椰汁味好啱我口味